Fɔs Lɛta To Timoti 4:16 - Krio Fɔs Oli Baybul

¹⁶ Yu fɔ bikyaful wetin yu de du ɛn wetin yu de lan pipul. Nɔ fɔ lɛf fɔ du dɛn tin ya; if yu de du dɛn ɔltɛm yu go sev yusɛf ɛn ɔl dɛn wan we de lisin to yu.

Fɔs Lɛta To Timoti 4:16 Iomraidhean Croise

1 Kronikuls 28:10

Tek tɛm o, bikɔs PAPA GƆD dɔn pik yu fɔ bil os we fɔ de wɔship am; tinap lɛk man.

2 Kronikuls 19:6

Nain i tɛl dɛn se, “Una fɔ tink gud fɔs bifo una du ɛnitin, bikɔs nɔto fɔ mɔtalman una de jɔj, bɔt na fɔ PAPA GƆD. I de wit una we una de gi jɔjmɛnt.

Ɛksodɔs 23:13

“Una kiaful fɔ du ɔl wetin a dɔn tɛl una; una nɔ pre to ɔda gɔd dɛn; infakt una nɔ kɔl dɛn nem sɛf na una mɔt.

Ayzaya 55:11

na so mi wɔd we de kɔmɔt na mi mɔt, go bi; i nɔ go tɔn bak kan to mi i nɔ du natin, bɔt i go du wetin a sɛn am fɔ du, ɛn i go do wɛl pan di tin we a sɛn am fɔ go du.

Jɛrimaya 23:22

Bɔt if dɛn bin dɔn de na mi kansul datɛnde na wetin a se dɛm bin fɔ tɛl mi pipul dɛm, ɛn dɛn bin fɔ dɔn chenj kɔmɔt pan dɛn ivul we, ɛn kɔmɔt pan di ivul tin dɛn we dɛn de du.

Mak 13:9

“Una bikyaful, pipul go ol una ɛn kɛr una go bifo dɛn pipul we de jɔj na kot. Pipul go bit una na dɛn Ju mitin os; dɛn go kɛr una go bifo dɛn pipul we de rul, bikɔs una biliv pan mi; da tɛm de una fɔ tɔk di tru tin we una no bɔt mi.

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Apɔsul Dɛn Wok 26:22

Bɔt we Gɔd de ɛp mi, te tide a de tɛl ɔlman, pikin o, bigman o, ɔl wetin tru. Wetin a de tɔk, nain dɛn prɔfɛt ɛn Mozis bin dɔn tɔk lɔntɛm se go bi.

Apɔsul Dɛn Wok 6:4

Wi, we na di apɔsul dɛn, go jɛs de fɔ pre ɛn fɔ tɛl pipul bɔt Gɔd.”

Lɛta Fɔ Rom 11:14

Sɔntɛm, we a de du dat, a go mek mi yon Ju kɔntri man dɛn jɛlɔs una, so da we de a kin mek Gɔd sev sɔm pan dɛn.

Lɛta Fɔ Rom 16:17

Mi kɔmpin Kristiɛn dɛn, a de beg una fɔ de wach dɛn pipul we de sɛtfaya, mek pipul dɛn nɔ gɛt wanwɔd, ɛn mek di Kristiɛn dɛn bigin biliv ɔda tin. Dɛn de lan una tin we difrɛn frɔm wetin wi dɔn lan una; una nɔ fɔ gɛt natin fɔ du wit dɛn.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

1 Kɔrint 9:22

To dɛn wan we nɔ go fa yet pan Krays in we, a kin mek lɛkɛ se misɛf no go fa yet pan Krays in we, so dat bay aw a de du, dɛn go go fa pan Krays in we: bay aw ɔlman tan na so misɛf de chenj, so a de fɛn ɔl kayn we so dat sɔm pipul mɔs sev.

1 Kɔrint 9:27

A de du ɔl dɛn traŋa tin we go mek mi bɔdi traŋa ɛn mek a ebul kɔntrol am, lɛ Gɔd nɔ go se, mi we dɔn tren pipul fɔ rɔnres, misɛf nɔ fit fɔ rɔn.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Lɛta Fɔ Kɔlɔse 4:17

Una tɛl Akipɔs se i fɔ si dat i du ɔl di wok we di Masta dɔn gi am fɔ du.

Fɔs Lɛta Fɔ Tɛsalonayka 2:16

Dɛn tray fɔ tap wi mek wi nɔ tɛl dɛn pipul we nɔto Ju aw Gɔd go sev dɛn. Dɛn bin dɔn de sin plɛnti tɛm, ɛn dɛn nɔ bin tap fɔ sin, bɔt naw Gɔd dɔn vɛks pan dɛn ɛn i dɔn kɔndɛm dɛn.

Fɔs Lɛta To Timoti 1:3

Yu nɔ fɔ kɔmɔt na Ɛfisɔs lɛkɛ aw a bin tɛl yu di tɛm we a bin de go Masidonia, so dat yu go tɛl dɛn pipul we de lan ɔda pipul tin we wi nɔ lan dɛn, mek dɛn lɛf fɔ du dat.

Fɔs Lɛta To Timoti 4:15

Yu fɔ de du dɛn tin ya ɔltɛm ɛn put ɔl yu at pan dɛn, mek ɔlman go si se yu wok de go bifo.

Fɔs Lɛta To Timoti 4:6

If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.

Sɛkɛn Lɛta To Timoti 2:10

na dat mek a de bia ɔltin fɔseka dɛn pipul we Gɔd dɔn pik, so dat dɛnsɛf go sev if dɛn gɛt wanwɔd wit Krays Jizɔs ɛn dɛn go gɛt di tru layf we de na ɛvin sote go.

Sɛkɛn Lɛta To Timoti 3:14

Bɔt yu nɔ fɔ lɛf fɔ biliv di tru tin dɛn we yu dɔn lan ɛn we yu biliv gud wan. Yu no dɛn wan we bin de tich yu,

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.

Taytɔs 1:9

I fɔ biliv di tru mɛsej we nɔ go chenj, dat na di sem mɛsej we wi lan dɛn; ɛn i fɔ fala am wit ɔl in at. If i du dat, insɛf go ebul lan pipul dɛn tin we gud fɔ dɛn, so dat i go kɔrej dɛn ɛn sho dɛn wan we de tɔk se dɛn tin we i de lan dɛn nɔ rayt, se dɛn nɔ fɔ de tɔk so.

Taytɔs 2:15

Yu fɔ de tɛl pipul dɛn tin ya ɛn tek di pawa we Gɔd gi yu kɔrej dɛn, ɛn tɛl dɛn wan we nɔ de du rayt fɔ tap fɔ du wetin dɛn de du. Nɔ gri mek ɛnibɔdi luk se wetin yu de tɔk na tin we pɔsin nɔ fit fɔ yɛri.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Faylimɔn 1:19

A de sayn na ya wit mi yon an: Mi, Pɔl, go pe yu ɛnitin we Onɛsimɔs gɛt fɔ pe yu. (A nɔ go tɔk bɔt di dɛt we yu gɛt fɔ pe mi, da dɛt de na yu layf.)

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Jems 5:20

una fɔ no se, di pɔsin we briŋ wan sina kam bak na Gɔd rod ɛn ɛp am mek i lɛf fɔ du bad, dɔn sev da pɔsin de ɛn Gɔd go padin am fɔ plɛnti ɔda bad tin dɛn we i du.