Fɔs Lɛta To Timoti 4:10 - Krio Fɔs Oli Baybul

¹⁰ Na dat mek wi de wok traŋa wan ɛn wi de tray, bikɔs wi abop pan Gɔd we gɛt layf sote go, we de fɔ sev ɔlman, ɛn mɔso, dɛn wan we biliv pan Krays.

Fɔs Lɛta To Timoti 4:10 Iomraidhean Croise

Di Sam Dɛm 107:2

Lɛ ɔl di wan dɛn we PAPA GƆD dɔn sev, di wan dɛn we i pul kɔmɔt na dɛn ɛnimi dɛn an, tɔk am

Di Sam Dɛm 118:8

I bɛtɛ fɔ abop pan PAPA GƆD fɔ sikyɔriti pas fɔ abop pan mɔtalman.

Di Sam Dɛm 36:6

Yu nɔ miks pan bɛnbɛn wi kin trɔs yu jɔjmɛnt, as i tinap lɛk kɔtintri we briz nɔ de shek PAPA GƆD, yu de provayd fɔ wi mɔtalman ɛn di animal dɛn ɔl we yu mek.

Di Sam Dɛm 37:40

PAPA GƆD de ɛp dɛn ɛn pul dɛn pan trɔbul; i de pul bad pipul biɛn dɛn, bikɔs na to in dɛn de rɔn go fɔ ayd.

Di Sam Dɛm 52:8

Bɔt mi tan lɛkɛ ɔliv tik insay PAPA GƆD in os, na so misɛf go de rɔju; na pan PAPA GƆD in lɔv we traŋa ɛn we nɔ de ɛva chenj a abop.

Di Sam Dɛm 84:12

PAPA GƆD, PAPA GƆD Ɔlmayti, pɔsin we put in trɔs pan yu gladi ɛn gɛt blɛsin.

Ayzaya 12:2

“Na yu PAPA GƆD gi mi nyu layf; A go biliv yu ɛn nɔ go fred; bikɔs na PAPA GƆD we na mi Gɔd na mi trɛnk, ɛn nain a de siŋ bɔt, ɛn i dɔn bi di wan we gi mi nyu layf.”

Ayzaya 50:10

Uswan pan una de fred PAPA GƆD ɛn de du wetin in wokman se, we de waka na daknɛs ɛn nɔ gɛt layt, bɔt stil trɔs PAPA GƆD in nem, ɛn abop pan in Gɔd?

Jɛrimaya 17:7

“Di man we abop pan PAPA GƆD go gɛt blɛsin, we na PAPA GƆD nɔmɔ i abop pan.

Daniɛl 3:28

Nain Nɛbyukadnɛza se, “Lɛ blɛsin de pan Shedrak, Mishak ɛn Abɛdnigo dɛn Gɔd we sɛn in eŋɛl ɛn fri in wokman dɛm we biliv am; dɛn na di man dɛm we nɔ bin obe di kiŋ in wɔd, ɛn bin rɛdi fɔ day bifo dɛn go wok fɔ ɛn wɔship ɛni ɔda gɔd, we nɔto dɛn yon Gɔd.

Neum 1:7

PAPA GƆD na gud PAPA GƆD, i de pul pɔsin kɔmɔt pan trɔbul; i nɔ de lɛf udat go to am fɔ ɛp am to insɛf.

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

Matyu 27:43

I biliv pan Gɔd ɛn i se in na Gɔd in Pikin. Lɛ Gɔd sev am naw if i want am fɔ bi in yon!”

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Jɔn 4:42

Dɛn tɔn to di uman ɛn se, “Nɔto wetin yu tɔk mek wi biliv dis tɛm ya; wi biliv bikɔs wisɛf sɛf dɔn yɛri wetin i tɔk, ɛn wi no se nain de sev di pipul dɛn na di wɔl, fɔ tru.”

Jɔn 5:24

“A de tɛl una se, ɛnibɔdi we yɛri mi wɔd ɛn biliv pan di wan we sɛn mi kam na wɔl, dɔn bigin liv di tru layf we go de sote go. Gɔd nɔ go jɔj am, i tan lɛkɛ pɔsin we bin dɔn day, bɔt i dɔn gɛt tru layf naw.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

2 Kɔrint 1:10

I pul wi kɔmɔt na day rod, ɛn i go du dat bak; wi no se we una de ɛp wi pre, Gɔd go de pul wi pan denja ɔltɛm. I go ansa dɛn pre we plɛnti pipul de pre fɔ wi, ɛn i go blɛs wi; we dat bi, plɛnti pipul go tɛl am tɛnki fɔ wetin i du fɔ wi.

Fɔs Lɛta To Timoti 2:3

Na so wi fɔ pre; na dat go mek Gɔd we de sev wi, satisfay.

Fɔs Lɛta To Timoti 2:4

Gɔd want mek ɔlman sev ɛn mek dɛn no wetin tru.

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Di Ibru Pipul Dɛn 11:26

I gri se if i sɔfa fɔseka di Mɛsaya we Gɔd go sɛn kam na wɔl, dat bɛtɛ fɔ am, pas fɔ gɛt ɔl di jɛntri we de na Ijipt. I put in at pan di blɛsin we i go gɛt bambay.

Di Ibru Pipul Dɛn 13:13

So, una lɛ wi kɔmɔt insay di tɔŋ ɛn fala Jizɔs, ɛn bia di shem sɛf we i sɔfa na di krɔs.

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Jɔn In Fɔs Lɛta 2:2

Na bikɔs Krays sakrifays insɛf mek Gɔd de padin wi sin dɛn, ɛn nɔto wi yon sin dɛn nɔmɔ Gɔd de padin, i de padin ɔlman sin.

Jɔn In Fɔs Lɛta 4:14

Wisɛf dɔn si in Pikin ɛn wi dɔn tɛl pipul se i sɛn in Pikin fɔ kam sev di wɔl.