Fɔs Lɛta To Timoti 4:1 - Krio Fɔs Oli Baybul

¹ Gɔd in Spirit dɔn tɔk plen wan se tɛm go kam we sɔm pipul go lɛf fɔ biliv Gɔd; dɛn go de du wetin dɛn spirit we de lay tɛl dɛn fɔ du, ɛn dɛn go de fala wetin dɛbul lan dɛn.

Fɔs Lɛta To Timoti 4:1 Iomraidhean Croise

Jɛnɛsis 3:13

PAPA GƆD aks di uman se, “Wetin mek yu du so?” Di uman ansa se, “Na di snek ple in kɔni pan mi ɛn mek a it am.”

1 Kiŋ 13:18

Di olpa prɔfɛt tɛl am se in na prɔfɛt lɛkɛ insɛf, ɛn na PAPA GƆD in enjɛl tɛl am se lɛ i go mit am na rod ɛn kɔl am fɔ go it bred ɛn drink smɔl wata. Bɔt na lay dis olpa prɔfɛt bin de lay.

Ayzaya 2:2

Di tɛm go kam we di mawnten na PAPA GƆD in os go bi di mawnten we ay pas ɔl dɛn mawten dɛm ɛn go ay pas ɔl dɛn il dɛm, ɛn ɔlman go go de,

Jɛrimaya 23:26

Aw lɔŋ lay lay go de insay dɛn prɔfɛt dɛn at, we de prɔfisay lay lay ɛn we de tɔk wetin dɛn at se fɔ de disiv pipul,

Jɛrimaya 48:47

Pan ɔl dat, a go gi Moab in jɛntri bak leta. Na so PAPA GƆD se.” Na so di Jɔjmɛnt fɔ Moab tap fɔs.

Jɛrimaya 49:39

PAPA GƆD se, “bɔt leta, a go gi Ilam dɛn jɛntri bak. Na so PAPA GƆD se.

Izikɛl 1:3

PAPA GƆD bin tɔk to Izikɛl, we na bin Buzay in bɔypikin, ɛn we na bin man we de mek sakrifays fɔ pipul sin ɛn bin tap na di Babilonian dɛn kɔntri, we bin de nia di Riva Chɛba; ɛn PAPA GƆD in an bin de pan am na da ples de.

Izikɛl 38:16

Yu go kam ɔp agens mi Izrɛl pipul, lɛk klawd we de kɔba di kɔntri. Pan di de dɛn we gɛt fɔ kam biɛɛn, a go briŋ yu kan agens mi kɔntri, so dat di neshɔn. Dɛn go no mi, wɛn pan yu, O Gɔg, a go pruv mi olinɛs bifo dɛn yay.

Daniɛl 10:14

ɛn a dɔn kam fɔ mek yu ɔndastand wetin gɛt fɔ apin to yu pipul dɛn bambay. Bikɔs di vishɔn nɔto fɔ naw, na fɔ bambay.

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Mayka 4:1

Wande wande di mawnten usay PAPA GƆD in os de go bi di mawnten we ay pas ɔl, ɛn i go ay sɛf pas di il dɛn. Bɔku ɔda neshɔn dɛn go wan fɔ go de,

Di Nɔmba Dɛm 24:14

Belam tɛl am se i de go bak to in yon pipul dɛn, bɔt i wɔn Belak bɔt wetin di pipul dɛn we i bin want am fɔ ib swɛ pan gɛt fɔ du am.

Matyu 18:7

I bad fɔ ɔlman bikɔs tin dɛn de na di wɔl we de mek pipul dɛn nɔ biliv pan mi. Dɛn tin ya mɔs bi, bɔt i go bad fɔ di pɔsin we mek dɛn bi.

Lyuk 17:1

Jizɔs tɔk to in lanin bɔy dɛn. I se, “Na tru se tin dɛn mɔs bi we go mek pipul want du bad, bɔt waala go mit di pɔsin we go mek dɛn bi.

Jɔn 16:13

Bɔt wɛn Gɔd in Spirit we de mek pipul no wetin tru bɔt Gɔd kam, i go mek una no ɔltin we tru. Gɔd in Spirit nɔ go tɔk wetin in want tɔk, i go tɔk wetin di Papa yɛri ɛn i go tɛl una bɔt dɛn tin we go kam bambay.

Apɔsul Dɛn Wok 13:2

Wande wɛn dɛn bin de pre ɛn fas, Gɔd in Spirit tɛl dɛn se, “Una put Banabas ɛn Sɔl wansay bikɔs a dɔn pik dɛn fɔ du spɛshal wok fɔ mi.”

Apɔsul Dɛn Wok 17:18

Pɔl kin tɔk to dɛn ticha we dɛn kɔl Ɛpikyurean ɔ Stoik. Sɔm kin se, “Wetin dis man ya we nɔ sabi buk de tray fɔ tɔk?” Sɔm kin se, “I tan lɛkɛ se i de tɔk bɔt dɛn gɔd we ɔda pipul gɛt.” Di pipul dɛn bin de tɔk dat bikɔs Pɔl tɛl dɛn bɔt Jizɔs ɛn i tɛl dɛn se pipul we dɔn day go rayz frɔm dɛn grev.

Apɔsul Dɛn Wok 20:23

A no se ɛni say we a go, Gɔd in Spirit de tɛl mi se dɛn go sɛn mi go jel ɛn dɛn go mek plɛnti trɔbul mit mi.

Apɔsul Dɛn Wok 21:11

I kam to wi, i tek Pɔl in bɛlt ɛn tay in yon tu an ɛn tu fut. I se, “Gɔd in Spirit se, ‘Na so dɛn Ju pipul na Jerusɛlɛm go tay di pɔsin we gɛt dis bɛlt ɛn dɛn go an am oba gi dɛn pipul we nɔto Ju.’”

Apɔsul Dɛn Wok 28:25

So dɛn kɔmɔt de ɛn go dɛn we ɛn dɛn nɔ bin gɛt wanwɔd igen, bikɔs Pɔl bin se, “Gɔd in Spirit bin tɔk tru wɛn i tɛl Ayzaya fɔ tɛl una grampapa papa dɛn se,

1 Kɔrint 10:20

Dɛn nɔto ɛni bɛtɛ tin. A de tɛl una se wetin dɛn dɔn sakrifays to dɛn tin we mɔtalman mek fɔ pre to, na dɛbul dɛn de gi, nɔto Gɔd, ɛn a nɔ want mek una jɔyn wit dɛbul.

1 Kɔrint 11:19

I mɔs bi se una nɔ fɔ gɛt wanwɔd fɔ mek ɔda pipul no dɛn wan we de du wetin Gɔd want.

1 Kɔrint 12:11

Na di wan Spirit de mek difrɛn pipul ebul du dɛn difrɛn difrɛn tin ya, lɛkɛ aw i want.

1 Kɔrint 2:10

Bɔt Gɔd dɔn mek in Spirit sho wi dis sɛns ya we i nɔ bin dɔn mek wi no yet. Na di Spirit de dig fɔ no ɔltin bɔt Gɔd, ɔl dɛn tin we Gɔd nɔ de sho mɔtalman.

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

Ditarɔnɔmi 32:29

If na pipul dɛn we bin de tink dɛn bin fɔ dɔn no wetin go bi to dɛn if dɛn du wetin dɛn du so.

Ditarɔnɔmi 4:30

Mozis tɛl dɛn se tɛm gɛt fɔ kam we di kayn trɔbul we go mit dɛn go mek dɛn kam bak to PAPA GƆD we na dɛn PAPA GƆD,

Lɛta Fɔ Kɔlɔse 2:18

Una nɔ mek ɛnibɔdi we se in bɛtɛ pas una bikɔs Gɔd de mek i si tin dɛn na vishɔn, tɛl una se una nɔ de du rayt. Dɛn pipul ya de pin se pipul fɔ de fast ɛn dɛn fɔ de pre to enjɛl. Pipul lɛkɛ dɛn wan ya jɛs de mek prawd fɔ natin, na aw dɛn de tink wit dɛn yon mɔtalman sɛns de mek dɛn fil prawd.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Sɛkɛn Lɛta To Timoti 4:4

Dɛn go lɛf fɔ lisin Gɔd yon mɛsej we tru, dɛn go put dɛn ed pan dɛn stori we mɔtalman mek.

Jems 3:15

Nɔto Gɔd gi mɔtalman dis kayn sɛns ya, na dis wɔl yon sɛns ɛn na Setan gi mɔtalman.

Pita In Fɔs Lɛta 1:20

Bifo Gɔd mek di wɔl, i bin dɔn pik Krays fɔ du di wok we i fɔ du na wɔl, ɛn naw, we plɛnti tɛm nɔ lɛf igen, Krays dɔn kam fɔ ɛp una.

Pita In Sɛkɛn Lɛta 2:1

Bɔt sɔm pan dɛn prɔfɛt we bin de lɔntɛm, nɔ bin de tɔk tru; ɛn na so i go bi fɔ unasɛf; sɔm pan dɛn pipul we de lan una bɔt Gɔd nɔ go de tɔk tru; bifo una kechɔp wetin dɛn de du, dɛn go dɔn lan pipul tin we nɔ rayt we go mek dɛn biliv wetin nɔ rayt bɔt Gɔd; dɛn go de tɔk sɛf se nɔto di Masta pe fɔ dɛn layf we i day na di krɔs ɛn dat go mek dɛn lɔs di layf kwik we Gɔd gi dɛn.

Pita In Sɛkɛn Lɛta 3:3

Di fɔs tin we a want tɛl una nain dis: wɛn di wɔl want dɔn, pipul go kam we go de laf una ɛn mek una ful. Dɛn go de du wetin dɛn at gi dɛn fɔ du.

Jɔn In Fɔs Lɛta 2:18

Mi pikin dɛn, di tɛm we di wɔl go dɔn, dɔn kam klos. Dɛn bin dɔn tɛl una se di wan we nɔ lɛk Krays atɔl gɛt fɔ kam, ɛn plɛnti pipul we nɔ lɛk Krays dɔn kam naw; na dat mek wi no se di tɛm we di wɔl go dɔn, dɔn kam klos.

Jɔn In Fɔs Lɛta 4:6

Bɔt wi na Gɔd yon pipul ɛn ɛni bɔdi we no Gɔd go lisin to wi, bɔt ɛni bɔdi we nɔ no Gɔd nɔ go lisin to wi. Na di we dis we wi go no Gɔd in Spirit we tru ɛn di spirit we de lay.

Jud In Lɛta 1:18

Dɛn bin tɛl una se, “Bifo di wɔl dɔn, sɔm pipul go kam we go de laf una, dɛn go de fala dɛn at fɔ du ɔl wetin dɛn lɛk fɔ du, bɔt we Gɔd nɔ lɛk.”

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 16:14

Dɛn spirit ya kɔmɔt to Setan ɛn dɛn de du plɛnti tin we kin mek pipul wɔnda. Dɛn de go mit ɔl dɛn wan we de rul na di wɔl, ɛn kɔl dɛn fɔ kam gɛda ɛn rɛdi fɔ di wa we go bi da big de we Gɔd, we gɛt pawa pas ɔl, go sho in pawa.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Rɛvɛleshɔn 2:29

“Ɛnibɔdi we gɛt yes, mek i lisin dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Rɛvɛleshɔn 20:8

ɛn wɛn i kɔmɔt de, i go go mek ɔl dɛn neshɔn ɔlɔbɔt na wɔl, ful. Di neshɔn dɛn na bin Gɔg ɛn Magɔg. Setan go gɛda dɛn ɔl fɔ fɛt; dɛn go plɛnti lɛkɛ sansan.

Rɛvɛleshɔn 3:13

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Rɛvɛleshɔn 3:22

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.”

Rɛvɛleshɔn 3:6

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.