Fɔs Lɛta To Timoti 3:7 - Krio Fɔs Oli Baybul

⁷ I fɔ bi man we pipul we nɔto Kristiɛn sɛf de tɔk gud bɔt, so dat shem nɔ go mit am ɛn i nɔ go fɔdɔm insay Setan in trap.

Fɔs Lɛta To Timoti 3:7 Iomraidhean Croise

Mak 4:11

Jizɔs ansa dɛn se, “Na una gɛt di chans fɔ no di sikrit bɔt Gɔd in rul, bɔt dɛn pipul we nɔ de wit wi, na parebul nɔmɔ dɛn de yɛri,

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Apɔsul Dɛn Wok 22:12

“Wan man bin de na di tɔŋ we bin nem Ananayas, na man we bin fred Gɔd, i bin de du wetin di Ju Lɔ se ɛn ɔl dɛn Ju na Damaskɔs bin rɛspɛkt am.

Apɔsul Dɛn Wok 6:3

Na dat mek wi want una fɔ pik sɛvin pipul pan unasɛf, we wi go mek du dis wok. Una fɔ pik pipul we una ɔl rɛspɛkt, dɛn fɔ gɛt Gɔd in Spirit ɛn dɛn fɔ sabi bɔt tin dɛn gud.

1 Kɔrint 10:32

Una fɔ liv una layf so dat una nɔ go mek Ju pipul, ɔ pipul we nɔto Ju, ɔ pipul we na Kristiɛn tap fɔ biliv pan Gɔd.

1 Kɔrint 5:12

Afta ɔl, nɔto mi biznɛs fɔ jɔj dɛn wan we nɔ de wit wi. Na Gɔd go jɔj dɛn. Bɔt una fɔ jɔj dɛn wan we una ɔl de du Gɔd wok togɛda. Dɛn rayt na Gɔd in Buk se, “Pul di pɔsin we nɔ gud kɔmɔt to una.”

2 Kɔrint 6:3

Wɛn wi de du ɛnitin, wi nɔ de ambɔg ɛnibɔdi, so dat nɔbɔdi nɔ go blem wi fɔ di wok we wi de du.

2 Kɔrint 8:21

Wi mekɔp fɔ du wetin rayt, bifo Gɔd ɛn bifo man.

Lɛta Fɔ Kɔlɔse 4:5

Wɛn una de wit dɛn pipul we nɔ biliv pan Krays, una fɔ du ɔltin wit sɛns. Ɛni chans we una gɛt, una fɔ tɛl dɛn di Gud Nyuz.

Fɔs Lɛta Fɔ Tɛsalonayka 4:12

If una du dat una go mek dɛn pipul we nɔto Kristiɛn rɛspɛkt una, ɛn una nɔ go gɛt fɔ abop pan ɛnibɔdi fɔ ɛnitin.

Fɔs Lɛta Fɔ Tɛsalonayka 5:22

Una nɔ fɔ du ɛnitin we bad.

Fɔs Lɛta To Timoti 3:6

I nɔ fɔ bi man we jɛs no Krays bikɔs sɔntɛm i go prawd, ɛn dat go mek Gɔd kɔndɛm am lɛkɛ aw i bin kɔndɛm Setan.

Fɔs Lɛta To Timoti 5:14

So a fil se i bɛtɛ mek dɛn yɔŋ uman we dɛn man dɔn day mared bak, gɛt pikin ɛn wok mek dɛn man ɛn pikin biznɛs rayt, so dat dɛn pipul we nɔ lɛk wi nɔ go ebul tɔk ɛni bad tin bɔt wi.

Fɔs Lɛta To Timoti 6:9

Bɔt dɛn wan we want jɛntri go want du bad, ɛn dɛn fulish tin we dɛn want we nɔ gud fɔ dɛn, na trap we de mek dɛn layf pwɛl ɔltogɛda.

Sɛkɛn Lɛta To Timoti 2:26

Da tɛm de dɛn go kechɔp se wetin dɛn bin de du nɔ rayt ɛn dɛn go kɔmɔt insay Setan in trap; Setan bin dɔn kech dɛn ɛn i bin de mek dɛn du wetin i want.

Taytɔs 2:5

ɛn dɛn go no se dɛn fɔ ebul kɔntrol dɛnsɛf ɛn dɛn nɔ fɔ miks pan dɔti layf, dɛn fɔ de du dɛn os biznɛs gud, dɛn fɔ de du wetin dɛn man tɛl dɛn fɔ du, so dat nɔbɔdi nɔ go tɔk bad bɔt Gɔd in mɛsej.

Taytɔs 2:8

Pik yu wɔd dɛn gud gud so dat pipul nɔ go gɛt ɛnitin fɔ se, ɛn dɛn wan we nɔ lɛk yu go shem, bikɔs dɛn nɔ go gɛt ɛni bad tin fɔ tɔk bɔt wi.

Jɔn In Tɔd Lɛta 1:12

Ɔlman de tɔk gud bɔt Dimitriɔs; aw i liv sho se wetin ɔlman de tɔk bɔt am na tru. Wisɛf de tɔk gud bɔt am ɛn unasɛf no se na tru wi de tɔk.

1 Samiɛl 2:24

I tɛl dɛn nɔ fɔ de du so as di tin we i de yɛri ɔlman de tɔk, nɔ gud.