Fɔs Lɛta To Timoti 3:6 - Krio Fɔs Oli Baybul

⁶ I nɔ fɔ bi man we jɛs no Krays bikɔs sɔntɛm i go prawd, ɛn dat go mek Gɔd kɔndɛm am lɛkɛ aw i bin kɔndɛm Setan.

Fɔs Lɛta To Timoti 3:6 Iomraidhean Croise

2 Kiŋ 14:10

Na tru se yu dɔn dɔnawe wit Idɔm bɔt dat nɔ min se yu fɔ de mek prawd ɛn mek rudnɛs. If yu dɔn win, sidɔm saful, bɔt nɔ fɛn plaba ɛn mek yu ɛn Juda sɔri.”

2 Kronikuls 26:16

We Kiŋ Uzaya bin dɔn sidɔm na pawa gud gud wan, i bigin mek prawd, we briŋ in dawnfɔl. I bin fɔls to PAPA GƆD we nain Gɔd, ɛn i go insay PAPA GƆD in os go bɔn insɛns na di insɛns ɔlta.

2 Kronikuls 32:25

Bɔt Ɛzikaya nɔ ritɔn di fevɔ to Gɔd akɔdin to gud we i du am bikɔs in at bin prawd. Fɔseka dat vɛksteshɔn kam pan am, ɛn Juda ɛn Jerusɛlɛm.

Prɔvabs 18:12

Bifo pɔsin alaki na kak fɔs i kin bigin kak, yu gɛt fɔ put yusɛf dɔŋ bifo dɛn go es yu ɔp.

Prɔvabs 29:23

Pɔsin we de kak, dɛn go brok in fɛda dɔŋ; bɔt udat put insɛf dɔŋ, dɛn go gi am rɛspɛkt.

Ayzaya 2:12

PAPA GƆD Ɔlmayti gɛt in yon de fɔ dil wit ɔl dɛn prawd wan dɛn ɛn dɛn wan we tink tumɔs bɔt dɛnsɛf, ɛn ɔl di wan dɛn we de es dɛnsɛf ɔp ɛn de kak;

Daniɛl 11:12

Ɛn wɛn i go dɔn kapɔch bɔku bɔku sojaman dɛn, i go fil prawd ɛn kil tawzin tawzin, bɔt stil, i nɔ go win.

Lyuk 10:18

Jizɔs ansa dɛn se, “A si we Setan fɔdɔm kɔmɔt na ɛvin lɛkɛ laytin.

1 Kɔrint 3:1

Mi Kristiɛn brɔda dɛn, a nɔ bin go tɔk to una lɛkɛ aw a de tɔk to dɛn pipul we gɛt Gɔd in Spirit, bɔt a gɛt fɔ tɔk to una lɛkɛ dɛn pipul na wɔl we nɔ gɛt Gɔd in Spirit, lɛkɛ dɛn bebi we nɔ ɔndastand Krays in yon we yet.

1 Kɔrint 8:1

A de kam tɔk naw bɔt dɛn it we pipul dɔn sakrifays to dɛn tin we mɔtalman mek fɔ pre to. Na tru dɛn kin tɔk we dɛn kin se, “Wi ɔl sabi plɛnti tin.” Wetin pɔsin sabi de mek di pɔsin in ed big nɔmɔ, bɔt if wi lɛk wi kɔmpin wi go ɛp dɛn mek dɛn biliv Gɔd mɔ ɛn mɔ.

2 Kɔrint 12:7

Bɔt fɔ mek dɛn plɛnti wɔndaful tin we a si nɔ mek a prawd, Gɔd put sik pan mi we de mek mi bɔdi at mi bad; da sik de tan lɛkɛ sik we Setan sɛn pan mi fɔ ambɔg mi, mek a nɔ go prawd.

Ditarɔnɔmi 17:20

Dat go ɛp mek i nɔ fil se i bɛtɛ pas in kɔmpin dɛn, we go mek i pul at pan PAPA GƆD in lɔ dɛn ɛn du bad tin dɛn. If i de stɔdi PAPA GƆD in lɔ dɛn, dat nɔ go bi, ɛn i go bi kiŋ fɔ lɔŋ; in granpikin dɛn we nɔ bɔn yet, sɛf go rul Izrɛl.

Ditarɔnɔmi 8:14

dɛn kam prawd ɛn fɔgɛt bɔt PAPA GƆD we na dɛn PAPA GƆD we pul dɛn kɔmɔt pan slevri na Ijipt.

Fɔs Lɛta To Timoti 3:7

I fɔ bi man we pipul we nɔto Kristiɛn sɛf de tɔk gud bɔt, so dat shem nɔ go mit am ɛn i nɔ go fɔdɔm insay Setan in trap.

Fɔs Lɛta To Timoti 6:4

da pɔsin de prawd bad ɛn i nɔ sabi natin; i jɛs lɛk fɔ de agyu ɛn mek plaba fɔ wan wan wɔd dɛn, ɛn dat bad bikɔs i de mek pipul jɛlɔs dɛn kɔmpin, i de mek dɛn nɔ gɛt wanwɔd, i de mek dɛn kɔs dɛn kɔmpin ɛn mek dɛn luk se dɛn kɔmpin want du dɛn bad;

Sɛkɛn Lɛta To Timoti 3:4

dɛn nɔto pipul we ɛnibɔdi go abop pan; dɛn nɔ go bisin if dɛn de du tin we bad ɛn dɛn go prawd bad; dɛn go lɛk fɔ ɛnjɔy dɛnsɛf, dɛn nɔ go lɛk Gɔd;

Pita In Fɔs Lɛta 2:2

Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Pita In Sɛkɛn Lɛta 2:4

Gɔd nɔ bin sɔri fɔ dɛn enjɛl we bin sin, i trowe dɛn na ɛl, insay big ol we dak pas nɛt, na de i mek dɛn chen dɛn ɛn kip dɛn te di tɛm we i go jɔj dɛn rich.

Jud In Lɛta 1:6

dɛn enjɛl we bin lɛf fɔ rul na di say we dɛn bin de rul ɛn tɔn dɛn bak pan Gɔd, Gɔd dɔn chen dɛn na dak ples ɔnda dɛn grev te di big de we i go jɔj di wɔl.