Fɔs Lɛta To Timoti 1:9 - Krio Fɔs Oli Baybul

⁹ Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Fɔs Lɛta To Timoti 1:9 Iomraidhean Croise

2 Samiɛl 16:11

Dɛn Devid tɛl Abishay ɛn di ɔda ɔfisa dɛn se if in bɔypikin we nain flɛsh ɛn blɔd de tray fɔ kil am wetin di Bɛnjaminayt nɔ go du. I se lɛ dɛn lɛf am lɛ i kɔs bikɔs na so PAPA GƆD se.

2 Kiŋ 19:37

Wande we i de nain gɔd Nisrɔk in os de wɔship am, in bɔypikin dɛn dat na Adramɛlɛk ɛn Sharɛza go mit am de kil am wit sɔd, dɔn dɛn rɔnawe go na Ararat. In ɔda bɔypikin we nem Ɛzaadɔn tek in ples ɛn bi kiŋ.

2 Kronikuls 32:21

Ɛn PAPA GƆD sɛn wan enjɛl we kil ɔl di pawaful sojaman, kɔmanda ɛn ɔfisa dɛm na Sɛnakarib di Asiria kiŋ in kamp so i tɔk bak go wit Shem fes nain yon kɔntri. Ɛn wɛn i kam nain gɔd in os. Sɔm pan in yon in yon bɔypikin dɛm atak am wit sɔd ɛn kil am de.

Ɛksodɔs 20:13

“Una nɔ fɔ kil ɛnibɔdi.

Ɛksodɔs 21:14

Bɔt if man tek wikɛdnɛs kil in kɔmpin, i lɛk i go ayd na mi ɔlta, una fɔ pul am kɔmɔt de ɛn kil am.

Prɔvabs 20:20

If ɛnibɔdi fityay in mami ɔ dadi, in lamp go ɔt bifo do klin.

Prɔvabs 28:17

Pɔsin we dɔn kil, in kɔnshɛns kin de fɛt am, if i wan day, una lɛf am lɛ i day.

Prɔvabs 28:24

Ɛnibɔdi we de tif in mami ɛn dadi ɛn se natin nɔ de pan dat tan lɛkɛ ɛni am rɔba.

Prɔvabs 30:11

Pipul dɛn de we de fityay dɛn papa, dɔn dɛn nɔ de blɛs dɛn mama.

Prɔvabs 30:17

Ɛnibɔdi we nɔ rɛspɛkt in papa, dɔn i nɔ luk in mama, na bɔd dɛn go it in dedebɔdi, na yuba bɛlɛ go tɔn in bɛriŋrɔn.

Jɛrimaya 23:11

PAPA GƆD se, “Di prɔfɛt dɛm ɛn di man dɛm we de mek sakrifays fɔ pipul sin, dɛn ɔngɔdli, se Gɔd Ɔlmayti, ivin na mi os, a dɔn si dɛn wikɛdnɛs de.

Izikɛl 21:25

Ɛn yu, yu wikɛd wan we nɔ oli, yu Izrɛl in bigman, yu we yu kɔp dɔn ful, tɛm fɔ yu las pɔnishmɛnt dɔn kam,

Lɛvitikɔs 20:9

I se if man tɔk bad bɔt in mama ɛn papa, dɛn fɔ kil am; nain tɔk bad bɔt in mama ɛn papa, so, nain fɔ day.

Matyu 10:21

“Brɔda go mek dɛn kil in brɔda, dadi go mek dɛn kil in pikin, ɛn pikin go mek dɛn kil in mami ɛn dadi.

Lɛta Fɔ Rom 1:30

dɛn nɔ lɛk Gɔd, dɛn de fityay dɛn kɔmpin mɔtalman, dɛn fil se dɛn bɛtɛ pas dɛn kɔmpin, ɛn dɛn de bost; dɛn de mɛmba us ɔda bad dɛn go du ɔltɛm; dɛn nɔ de yɛri dɛn mami ɛn dadi wɔd;

Lɛta Fɔ Rom 4:13

Gɔd prɔmis Ebraam se in ɛn in grampikin pikin dɛm go gɛt ɔl di wɔl; nɔto bikɔs i bin de du ɔl wetin rayt na di Lɔ, bɔt bikɔs i bin biliv Gɔd, ɛn fɔseka dat, Gɔd luk se na pɔsin we de waka tret.

Lɛta Fɔ Rom 5:20

Gɔd sɛn di Lɔ kam fɔ sho wi se tin de na wi at we kin mek wi want fɔ sin mɔ ɛn mɔ; bɔt aw sin de plɛnti, na so Gɔd de sho wi se in lɛk wi mɔ ɛn mɔ, pan ɔl we wi nɔ fit fɔ mek i lɛk wi.

Lɛta Fɔ Rom 6:14

Una nɔ fɔ mek sin rul una layf igen, bikɔs una nɔ de ɔnda di lɔ naw, bɔt na di lɛk we Gɔd lɛk una ɛn di sɔri we i sɔri fɔ una de rul una layf naw, pan ɔl we wi nɔ fit fɔ mek Gɔd lɛk wi so ɔ sɔri fɔ wi so.

Lɛta Fɔ Galeshya 3:19

So wetin mek Gɔd gi wi di Ju Lɔ? Gɔd gi mɔtalman di Lɔ fɔ sho am se i de du bad, ɛn di Lɔ go de sote Ebraam in grampikin pikin, we Gɔd mek di prɔmis fɔ, kam. Gɔd bin sɛn sɔm enjɛl dɛn fɔ kam gi Mozis di Lɔ, so dat Mozis go pas am to di Ju pipul dɛn; nain na bin di midulman.

Lɛta Fɔ Galeshya 5:18

If una du wetin Gɔd in Spirit tɛl una, dat sho se di Ju Lɔ nɔ de rul una.

Lɛta Fɔ Galeshya 5:21

dɛn nɔ want mek bɛtɛ fala dɛn kɔmpin, dɛn de drɔnk, ɛn dɛn de mek dɛn wayl pati, ɛn dɛn de du plɛnti ɔda bad tin dɛn lɛkɛ dɛn wan ya. A de wɔn una lɛkɛ aw a bin dɔn wɔn una fɔs se: dɛn pipul we de pan dis kayn layf nɔ go de ɔnda Gɔd in rul.

Lɛta Fɔ Galeshya 5:23

i go mek pipul put dɛn yay dɔŋ ɛn i go mek dɛn nɔ jɛs de du wetin dɛn at gi dɛn fɔ du. Nɔ lɔ nɔ de we tɔk bɔt dɛn tin ya.

Ditarɔnɔmi 27:16

“ ‘Ɛni pikin we go du ɛnitin we go mek in mami ɛn dadi shem na pɔblik, lɛ PAPA GƆD mek bad bad tin mit am.’ ‘Dɔn ɔlman fɔ ansa, Emɛn!’

Sɛkɛn Lɛta Fɔ Tɛsalonayka 2:8

Na da tɛm de di wan we de fɛt Gɔd go sho insɛf. Bɔt wɛn Masta Jizɔs go kam, i go kil am wit di briz we de kɔmɔt nain mɔt ɛn wit di brayt layt we de rawnd am.

Fɔs Lɛta To Timoti 4:7

Nɔ lisin to dɛn stori we nɔ tru ɛn we nɔ de tɔk ɛnitin bɔt Gɔd. Tren yusɛf fɔ liv fɔ Gɔd nɔmɔ.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Sɛkɛn Lɛta To Timoti 2:16

Nɔ lisin to dɛn fulish tɔk we nɔ gɛt natin fɔ du wit Gɔd, ɛn we jɛs de mek pipul lɛf fɔ fala Gɔd mɔ ɛn mɔ.

Sɛkɛn Lɛta To Timoti 3:2

Pipul go de mɛmba dɛnsɛf nɔmɔ, dɛn go want ɔltin, dɛn go de bost ɛn dɛn go prawd; dɛn go de kɔs, dɛn nɔ go de yɛri dɛn mami ɛn dadi wɔd, dɛn nɔ go de tɛl tɛnki fɔ ɛni gud we pɔsin du fɔ dɛn, dɛn nɔ go lɛk Gɔd biznɛs;

Taytɔs 1:10

Plɛnti pipul de, we nɔ de yɛri wɔd, we de mek ɔda pipul ful wit di nɔnsɛns we dɛn de tɔk, ɛn na dɛn Ju pipul mɔ de du so.

Taytɔs 1:16

Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Taytɔs 1:6

Ovasia na pɔsin we nɔ fɔ du ɛnitin we go mek pipul pɔynt fiŋa pan am; na wangren wɛf nɔmɔ i fɔ gɛt; in pikin dɛn fɔ bi Kristiɛn, ɛn pipul nɔ fɔ de tɔk se dɛn wayl ɛn dɛn nɔ de yɛri wɔd.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Di Ibru Pipul Dɛn 11:31

Na bikɔs da trit uman we nem Reab bin biliv Gɔd mek i nɔ day di tɛm we dɛn pipul we nɔ du wetin Gɔd tɛl dɛn fɔ du, day, bikɔs i bin gladi fɔ ayd dɛn trenja we dɛn sɛn kɔmɔt Izrɛl fɔ kam wach di tɔŋ, nain os.

Di Ibru Pipul Dɛn 12:16

Una tek tɛm, mek una nɔ liv fri layf, ɛn una nɔ tek dɛn tin we blant Gɔd lɛkɛ se dɛn nɔ min natin, lɛkɛ aw Isɔ bin du we i sɛl in rayt gi in smɔl brɔda fɔseka wan plet it.

Pita In Fɔs Lɛta 2:7

Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.”

Pita In Fɔs Lɛta 3:20

Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya.

Pita In Fɔs Lɛta 4:18

Dɛn rayt na Gɔd in Buk se, “If i traŋa fɔ pipul, we de du wetin Gɔd want, fɔ sev; wetin go bi to dɛn pipul we nɔ bisin bɔt Gɔd, we de pan sin?”

Jud In Lɛta 1:15

fɔ jɔj ɔlman, ɛn kɔndɛm ɔl dɛn pipul we nɔ gri du wetin Gɔd want, fɔ ɔl di bad bad tin dɛn we dɛn de du we Gɔd nɔ lɛk, ɛn fɔ ɔl dɛn bad bad tin we dɛn dɔn tɔk bɔt Gɔd!”

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.