Fɔs Lɛta To Timoti 1:8 - Krio Fɔs Oli Baybul

⁸ Wi no se di Lɔ gud, if pɔsin fala am lɛkɛ aw i fɔ fala am.

Fɔs Lɛta To Timoti 1:8 Iomraidhean Croise

Nɛimaya 9:13

Yu kɔmɔt na ɛvin kam dɔŋ na Mawnt Saynay kam tɔk to dɛn. Yu gi dɛn lɔ ɛn kɔmand dɛn we gud ɛn dɛn nɔ pashal.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Lɛta Fɔ Rom 7:16

Wɛn a du wetin a nɔ want fɔ du, dat sho se a gri se di Lɔ rayt.

Lɛta Fɔ Rom 7:18

A no se nɔ gud tin nɔ de na mi at, bikɔs mi na mɔtalman. Bikɔs pan ɔl we a want fɔ du gud, a nɔ ebul du am.

Lɛta Fɔ Rom 7:22

Insay mi at, a lɛk fɔ du wetin Gɔd in lɔ se mɔtalman fɔ du.

Lɛta Fɔ Galeshya 3:21

Bikɔs di Ju Lɔ de, so wetin Gɔd dɔn prɔmis nɔ min natin? Mek Gɔd nɔ gri! Bikɔs if na we pɔsin de kip di Ju Lɔ de mek di pɔsin gɛt layf, dat min se, di Ju Lɔ fɔ mek ɔltin rayt bitwin pɔsin we de kip am ɛn Gɔd.

Sɛkɛn Lɛta To Timoti 2:5

Man we de rɔnres nɔ go win di kɔp pas nɔmɔ i de fala di rul dɛn.