Fɔs Lɛta To Timoti 1:4 - Krio Fɔs Oli Baybul

⁴ Yu fɔ tɛl dɛn se dɛn fɔ lɛf fɔ lisin to dɛn pipul we jɛs de tɔk stori we dɛn yɛri, ɛn dɛn grampapa papa dɛn nem we nɔ de dɔn, bikɔs dɛn tin de jɛs de mek pipul mek plaba nɔmɔ; dɛn nɔ de ɛp fɔ mek dɛn no bɔt Gɔd in plan fɔ sev wi; na di biliv we pɔsin biliv pan Gɔd de ɛp fɔ mek ɔda pipul no bɔt Gɔd in plan fɔ sev wi.

Fɔs Lɛta To Timoti 1:4 Iomraidhean Croise

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Lɛta Fɔ Ɛfisɔs 3:2

A no se una dɔn yɛri se Gɔd dɔn blɛs mi fɔ du di wok we go ɛp una.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Fɔs Lɛta To Timoti 4:7

Nɔ lisin to dɛn stori we nɔ tru ɛn we nɔ de tɔk ɛnitin bɔt Gɔd. Tren yusɛf fɔ liv fɔ Gɔd nɔmɔ.

Fɔs Lɛta To Timoti 6:11

Bɔt yu we de wok fɔ Gɔd nɔ fɔ miks pan ɔl dɛn tin ya. Tray fɔ de waka tret, fɔ de du lɛkɛ aw Gɔd want, fɔ biliv Gɔd, fɔ lɛk pipul, fɔ de bia ɛn fɔ de du tin saful, saful.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Sɛkɛn Lɛta To Timoti 2:14

Mɛmba yu pipul dɛn bɔt dɛn wɔd ya, ɛn wɔn dɛn siriɔs wan bifo Gɔd mek dɛn nɔ fɛt fɔseka dɛn wɔd we nɔ min natin. Dat nɔ de ɛp ɛnibɔdi, bifo dat i de mek dɛn pipul we de lisin, nɔ biliv Gɔd.

Sɛkɛn Lɛta To Timoti 2:22

Nɔ du dɛn tin we dɛn yɔŋ pipul dɛn at kin gi dɛn fɔ du we dɛn nɔba ebul kɔntrol; tray fɔ de du wetin rayt na Gɔd yay, tray fɔ abop pan Gɔd, fɔ lɛk ɔlman ɛn fɔ mek kol at de; yu fɔ tray fɔ de du ɔl dɛn tin ya wit ɔl dɛn pipul we gɛt klin at ɛn we de pre mek di Masta ɛp dɛn.

Sɛkɛn Lɛta To Timoti 2:23

Nɔ miks pan dɛn fulish agyumɛnt we pipul we nɔ sabi natin de gɛt; yu no se na plaba dɛn kin ɛnd pan.

Sɛkɛn Lɛta To Timoti 4:4

Dɛn go lɛf fɔ lisin Gɔd yon mɛsej we tru, dɛn go put dɛn ed pan dɛn stori we mɔtalman mek.

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Taytɔs 1:14

ɛn lɛf fɔ biliv dɛn stori we na dɛn Ju pipul dɛnsɛf mek, ɛn lɛf fɔ du dɛn tin we dɛn pipul we dɔn tɔn dɛn bak pan di tru tin, tɛl dɛn fɔ du.

Taytɔs 3:9

Bɔt nɔ gɛt natin fɔ du wit dɛn nɔnsɛns agyu, nɔ agyu bɔt wi grampapa papa dɛn nem, nɔ mek plaba ɛn fɛt bɔt dɛn tin we di Lɔ se wi fɔ du. Ɔl dat nɔ min natin ɛn dɛn nɔ go mek yu gen ɛnitin.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Pita In Sɛkɛn Lɛta 1:16

Wɛn wi tɛl una se wi Masta Jizɔs Krays go kam bak na dis wɔl wit pawa, nɔto kɔni sɛns wi tek pul stori we nɔto tru, bɔt wisɛf si am wɛn i bin de sho in pawa.