Fɔs Lɛta To Timoti 1:11 - Krio Fɔs Oli Baybul

¹¹ Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

Fɔs Lɛta To Timoti 1:11 Iomraidhean Croise

Di Sam Dɛm 138:2

A go mek shɔ se a baw usay yu os de ɛn a go prez yu fɔ di kayn lɔv we yu gɛt fɔ wi we nɔ de ɛva chenj ɛn yu de sho wi ɔltɛm se yu lɛk wi, fɔ we yu mek yusɛf ɛn wetin yu se pas ɔltin we de na wɔl.

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Lɛta Fɔ Rom 2:16

So, lɛkɛ aw di Gud Nyuz we a de tɛl pipul se, ɔl dɛn tin ya go bi di De we Gɔd go mek Jizɔs Krays jɔj dɛn sikrit tin we mɔtalman de tink.

1 Kɔrint 9:17

If a bin de du mi wok bikɔs na mi want fɔ du am nɔmɔ, da tɛm de a bin fɔ de luk fɔ pe; bɔt nɔto so i bi, a gɛt fɔ du am bikɔs na Gɔd gi mi di wok fɔ du.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Lɛta Fɔ Galeshya 2:7

Di chɔch bigman dɛn si se dɛn nɔ fɔ chenj di Gud Nyuz we wi bin de tɔk, bɔt dɛn si se Gɔd sɛn mi fɔ go tɛl dɛn pipul we nɔto Ju di Gud Nyuz, lɛkɛ aw Gɔd sɛn Pita fɔ go tɛl di Ju pipul dɛn di Gud Nyuz.

Lɛta Fɔ Ɛfisɔs 1:12

Na dat mek wi we fɔs dɔn abop pan Krays fɔ prez Gɔd fɔ in pawa.

Lɛta Fɔ Ɛfisɔs 1:6

I mek in wangren Pikin we i lɛk, gi wi dis big blɛsin ya fɔ natin.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Lɛta Fɔ Ɛfisɔs 3:10

so dat naw i go tek di chɔch fɔ sho dɛn spirit we de rul ɛn ɔltin we gɛt pawa na ɛvin Gɔd in sɛns pan ɔltin.

Lɛta Fɔ Kɔlɔse 1:25

Na fɔ wok fɔ di Kristiɛn dɛn Gɔd pik mi fɔ ɛp una ɛn fɔ tɛl una ɔl di mɛsej we i gi mi.

Fɔs Lɛta Fɔ Tɛsalonayka 2:4

Bɔt wi de tɛl pipul wetin Gɔd want wi fɔ tɛl dɛn, bikɔs i gi wi dis wok we i si se in kin abop pan wi fɔ du am lɛkɛ aw i want wi fɔ du am. Wi nɔ de tray fɔ pliz mɔtalman, bɔt wi want fɔ pliz Gɔd we no wetin de na wi at.

Fɔs Lɛta To Timoti 2:7

Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay.

Fɔs Lɛta To Timoti 6:15

Gɔd we na di wangren Rula we gɛt prez, di Kiŋ fɔ ɔl dɛn kiŋ, di Masta fɔ ɔl dɛn masta go mek pipul si Krays wɛn di rayt tɛm rich.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Sɛkɛn Lɛta To Timoti 1:11

Gɔd dɔn pik mi fɔ sɛn mi go lɛkɛ apɔsul fɔ tɛl pipul di Gud Nyuz ɛn fɔ lan dɛn bɔt am,

Sɛkɛn Lɛta To Timoti 1:14

Kip dɛn gud tin ya we Gɔd dɔn gi yu bay in Spirit, we de insay wi, in pawa.

Sɛkɛn Lɛta To Timoti 2:2

Dɛn wɔd we yu kin yɛri a de tɛl plɛnti pipul, yusɛf fɔ tɛl dɛn pipul we yu kin abop pan, we go kip dɛn na dɛn at, so dat dɛnsɛf go ebul lan ɔda pipul dɛn sem tin ya.

Taytɔs 1:3

ɛn i mek pipul no bɔt di prɔmis wɛn di rayt tɛm rich bay di mɛsej we i sɛn. Na mi Gɔd fil se go du wetin i want so i gi mi di mɛsej fɔ tɛl pipul; ɛn bikɔs in we de sev wi tɛl mi fɔ tɛl pipul di mɛsej, na dat mek a de tɛl dɛn.