Fɔs Lɛta To Timoti 1:10 - Krio Fɔs Oli Baybul

¹⁰ dɛn wan we liv fri layf, dɛn man we de kip dɛn kɔmpin man, dɛn wan we de kech pipul fɔ tɔn dɛn to slev, dɛn wan we de lay, dɛn wan we de lay bɔt dɛn de swɛ se na tru dɛn de tɔk, ɛn ɛnibɔdi we de du ɛnitin we difrɛn frɔm di tru tin we wi dɔn lan una.

Fɔs Lɛta To Timoti 1:10 Iomraidhean Croise

Jɛnɛsis 19:5

Dɛn ala aks Lɔt se, “We di trenja dɛn we kam slip to yu dis nɛt? Pul dɛn na do mek wi lidɔm wit dɛn.

Jɛnɛsis 37:27

I se lɛ dɛn sɛl am gi dɛn Ishmɛlayt dɛn. Mek dɛn nɔ du ɛnitin bad wit am, afta ɔl na dɛn brɔda, dɛn yon flɛsh ɛn blɔd. In ɔda brɔda dɛn bin gri wit am. We di Ishmɛlayt treda dɛn rich dɛn,

Jɛnɛsis 40:15

bikɔs, na kech dɛn kech am na Ibru kɔntri we mek in de de ɛn naw in nɔ du natin fɔ mek dɛn put am na jel.

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Ɛksodɔs 21:16

Ɛnibɔdi we kidnap in kɔmpin ɔ abdɔkt am fɔ sɛl am ɔ tɔn am to slev, fɔ day.

Ozie 10:4

Na ɛmti tɔk dɛn de tɔk; dɛn de swɛ fɔ natin se dɛn de mek wanwɔd; so jɔjmɛnt go bɔs pan dɛn lɛk gras we gɛt pɔyzin na di rod dɛn we divayd plant na fam..

Lɛvitikɔs 18:22

Man nɔ fɔ ledɔm wit in kɔmpin man lɛkɛ se na uman, dɛn dɔn du bad bad tin.

Lɛvitikɔs 20:13

If man ledɔm wit in kɔmpin man lɛkɛ se na uman, dɛn ɔltu dɔn du bad bad tin; dɛn fɔ kil dɛn bikɔs dɛn blɔd go de na dɛn yon ed..

Zɛkaraya 5:4

PAPA GƆD se aw i de flay so, na so in de sɛn am fɔ go insay di tifman in os ɛn insay pɔsin we de lay ɛn swɛ in os; i go de insay di os dɔn nain go pwɛl di os kpatakpata wɛda na stonos ɔ na simɛnt os.

Zɛkaraya 8:17

dɔn dɛn nɔ fɔ gɛt badat fɔ dɛn kɔmpin, nɔ fɔ de lay dɔn dɛn de swɛ, bikɔs in PAPA GƆD et dɛn kayn tin dɛn de.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Lɛta Fɔ Rom 1:26

Fɔseka dat, Gɔd dɔn lɛf dɛn mek dɛn jɛs de du dɛn dɔti tin we dɛn at gi dɛn fɔ du. Di uman dɛnsɛf de du dɛn tin we Gɔd nɔ mek uman fɔ du wit dɛn kɔmpin uman.

Ditarɔnɔmi 24:7

Mozis se if dɛn kech ɛnibɔdi we kech in kɔmpin Izrɛlayt, trit lɛk slev ɔ de tray fɔ sɛl am, dɛn fɔ kil am. I se dɛn fɔ kil am lɛ da swɛ de nɔ go de pan dɛn ɛn lɛ nɔbɔdi nɔ go tray fɔ du dat igen

Fɔs Lɛta To Timoti 4:6

If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.

Fɔs Lɛta To Timoti 6:3

Ɛnibɔdi we de lan pipul difrɛn tin ɛn we nɔ gri wit di tru wɔd dɛn we wi Masta Jizɔs tɔk, dat na aw wi de lan pipul fɔ waka wit Gɔd,

Sɛkɛn Lɛta To Timoti 1:13

Dɛn tru wɔd we a tɛl yu, yu fɔ put ɔl yu at pan dɛn; na dɛn yu fɔ de fala pan ɛnitin we yu de du, yu nɔ fɔ lɛf fɔ biliv Gɔd lɛkɛ aw yu biliv am naw, ɛn yu nɔ fɔ tap fɔ lɛk yu kɔmpin. Na bikɔs wi gɛt wanwɔd wit Jizɔs Krays mek wi ebul biliv Gɔd ɛn lɛk wi kɔmpin so.

Sɛkɛn Lɛta To Timoti 4:3

Di tɛm go kam we pipul nɔ go want yɛri dɛn tin we ɔda pipul de lan dɛn we gud fɔ dɛn, bɔt dɛn go de fala wetin dɛn at gi dɛn fɔ du, ɛn dɛn go de gɛda mɔ ɛn mɔ ticha dɛn we go de tɛl dɛn tin we dɛn lɛk fɔ yɛri.

Taytɔs 1:13

Ɛn wetin i tɔk na tru, na dat mek yu fɔ tɔk pan dɛn traŋa wan, so dat dɛn go biliv Gɔd gud gud,

Taytɔs 1:9

I fɔ biliv di tru mɛsej we nɔ go chenj, dat na di sem mɛsej we wi lan dɛn; ɛn i fɔ fala am wit ɔl in at. If i du dat, insɛf go ebul lan pipul dɛn tin we gud fɔ dɛn, so dat i go kɔrej dɛn ɛn sho dɛn wan we de tɔk se dɛn tin we i de lan dɛn nɔ rayt, se dɛn nɔ fɔ de tɔk so.

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

Rɛvɛleshɔn 18:13

dɛn tin we de smɛl swit lɛkɛ sinamɔn, spays, insɛns, ɛn dɛn tin we dɛn kɔl ma ɛn frankinsɛns; wayn, ɔyl we dɛn de tek kuk, fayn flawa, kɔn, kaw ɛn ship, dɛn ɔs ɛn dɛn chariɔt, ɛn dɛn pipul we dɛn tek mek slev.

Rɛvɛleshɔn 21:27

Bɔt natin we bad nɔ go go insay de, ɛnibɔdi we de du dɛn dɔti dɔti tin nɔ go go insay de, semwe so, dɛn pipul we de lay, ɛn pipul dɛn lɛkɛ dat, nɔ go go insay de. Dɛn pipul we go go insay de, na di wan dɛn nɔmɔ we dɛn nem bin dɔn rayt na di Ship in buk we dɛn de rayt dɛn pipul we gɛt layf sote go dɛn nem.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.