Fɔs Lɛta Fɔ Tɛsalonayka 3:3 - Krio Fɔs Oli Baybul

³ so dat una nɔn nɔ go tap fɔ biliv Krays pan ɔl we pipul de mek una sɔfa fɔseka dat. Unasɛf no se na Gɔd gri fɔ mek dɛn pipul ya mek wi sɔfa.

Fɔs Lɛta Fɔ Tɛsalonayka 3:3 Iomraidhean Croise

Job 23:14

I go du ɔl wetin i plan fɔ du na mi layf, ɛn ɔl di ɔda tin dɛn we i plan fɔ du.

Di Sam Dɛm 112:6

Natin nɔ ful in yay, ɛn pipul nɔ go ɛva fɔgɛt am.

Lyuk 21:12

Bɔt bifo ɔl dɛn tin ya bi, pipul go ol una ɛn du una plɛnti bad tin. Dɛn go drɛg una go bifo dɛn bigman na di Ju mitin os ɛn dɛn go put una na jel. Dɛn go kɛr una go bifo dɛn kiŋ ɛn dɛn gɔvna bikɔs una biliv pan mi.

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Apɔsul Dɛn Wok 2:25

Devid bin tɔk bɔt Jizɔs se, ‘A de si mi Masta bifo mi ɔltɛm; i de wit mi, so a nɔ go wɔri.

Apɔsul Dɛn Wok 21:11

I kam to wi, i tek Pɔl in bɛlt ɛn tay in yon tu an ɛn tu fut. I se, “Gɔd in Spirit se, ‘Na so dɛn Ju pipul na Jerusɛlɛm go tay di pɔsin we gɛt dis bɛlt ɛn dɛn go an am oba gi dɛn pipul we nɔto Ju.’”

Apɔsul Dɛn Wok 21:13

Bɔt Pɔl aks dɛn se, “Wetin una de du, we una de kray so, una go mek mi at pwɛl? A rɛdi fɔ mek dɛn tay mi ɛn a rɛdi sɛf fɔ mek dɛn kil mi fɔseka Masta Jizɔs.”

Apɔsul Dɛn Wok 9:16

Misɛf go sho Sɔl plɛnti tin we i go sɔfa fɔ mek ɔda pipul sabi mi.”

Lɛta Fɔ Rom 5:3

Nɔto dat nɔmɔ, bɔt wi gladi sɛf fɔ sɔfa lɛkɛ aw wi de sɔfa, bikɔs wi no se di sɔfa we wi de sɔfa de mek wi gɛt maynd fɔ bia,

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

1 Kɔrint 4:9

A tink se Gɔd dɔn put wi we na apɔsul biɛn ɔlman na di layn lɛkɛ pipul we dɛn kɔndɛm fɔ day bifo ɔda pipul! I dɔn put wi de fɔ mek ɔlman na wɔl ɛn ɔl di enjɛl dɛn si wi.

Lɛta Fɔ Ɛfisɔs 3:13

Na ɔl dis mek a de beg una mek una at nɔ pwɛl fɔ we a de sɔfa fɔseka una. Na fɔ ɛp una mek a de sɔfa ɔl dis.

Lɛta Fɔ Filipay 1:28

Una nɔ fɔ fred se dɛn pipul we nɔ lɛk una go mek una sɔfa, bɔt una fɔ gɛt kɔrej; dat go sho dɛn se Gɔd de wit una ɛn i go sev una, bɔt dɛn yon layf nɔ go bɛtɛ.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Fɔs Lɛta Fɔ Tɛsalonayka 5:9

Gɔd nɔ pik wi fɔ mek wi sɔfa di de we i go jɔj wi, i pik wi so dat i go sev wi; na wi Masta Jizɔs Krays du dat.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Sɛkɛn Lɛta To Timoti 1:8

So yu nɔ fɔ fred fɔ tɔk bɔt wi Masta in wok; ɛn yu nɔ fɔ shem fɔ mi we de na jel fɔseka di Masta. Bɔt, yu fɔ gɛt yu yon pan di sɔfa we dɛn Kristiɛn de sɔfa fɔseka di Gud Nyuz, wit di pawa we Gɔd gi yu fɔ mek yu ebul bia.

Pita In Fɔs Lɛta 2:21

Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa.

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.