Fɔs Lɛta Fɔ Tɛsalonayka 1:1 - Krio Fɔs Oli Baybul

¹ Na mi, Pɔl, wit Saylas ɛn Timoti, de rayt dis lɛta to di Kristiɛn dɛn na Tɛsalonayka we na wi Papa Gɔd ɛn Masta Jizɔs Krays yon pipul. Wi de pre mek Gɔd sho una aw i gud ɛn gi una kol at.

Fɔs Lɛta Fɔ Tɛsalonayka 1:1 Iomraidhean Croise

Apɔsul Dɛn Wok 15:22

Di apɔsul dɛn, di bigman dɛn na di chɔch, ɛn ɔl di chɔch mɛmba dɛn gri fɔ pik sɔm pipul na di chɔch we dɛn fɔ sɛn wit Pɔl ɛn Banabas go na di Antiɔk chɔch. Di chɔch pipul dɛn pik Judas we dɛn bin de kɔl Basa bas, ɛn Saylas. Dɛn tu man ya, na bin pipul we di chɔch mɛmba dɛn rɛspɛkt.

Apɔsul Dɛn Wok 15:27

Wi sɛn Judas ɛn Saylas fɔ tɛl una wetin wi dɔn rayt.

Apɔsul Dɛn Wok 15:40

Pɔl tek Saylas. Bifo dɛn go, di chɔch mɛmba dɛn na Antiɔk lɛf Pɔl ɛn Saylas na di Masta in an.

Apɔsul Dɛn Wok 16:19

Wɛn di pipul dɛn we bin gɛt di slev titi no se di titi nɔ go ebul mek mɔni fɔ dɛn igen, dɛn go grip Pɔl ɛn Saylas drɛg dɛn go bifo di bigman dɛn na di tɔŋ; di bigman dɛn bin de na di ples we pipul kin mit.

Apɔsul Dɛn Wok 16:25

Pɔl ɛn Saylas bin de pre ɛn siŋ to Gɔd; na bin midul nɛt. Di pipul dɛn we bin de na dɛn ɔda sɛl bin de yɛri we Pɔl ɛn Saylas de pre ɛn siŋ to Gɔd.

Apɔsul Dɛn Wok 16:29

Di gyad kɔl pipul fɔ mek dɛn briŋ lamp kam. Di gyad bin de trimbul wɛn i rɔn go insay di sɛl, i fɔdɔm na Pɔl ɛn Saylas dɛn fut.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

Apɔsul Dɛn Wok 18:5

Wɛn Saylas ɛn Timoti rich Masidonia, Pɔl lɛf fɔ mek tɛnt, i tek ɔl in tɛm de tɛl pipul wetin Jizɔs se, ɛn ɛksplen gud se Jizɔs na di Mɛsaya.

Apɔsul Dɛn Wok 19:22

Pɔl sɛn Timoti ɛn Irastɔs we bin de ɛp am go Masidonia, ɛn in lɛf na Eshya.

Apɔsul Dɛn Wok 20:4

Di pɔsin we fala Pɔl go na Sɔpata we kɔmɔt Biria. Sɔpata na bin Pirɔs in pikin. Di ɔda pipul dɛn we bin go wit Pɔl na Aristakɔs ɛn Sikundɔs, we kɔmɔt Tɛsalonayka; Geyɔs we kɔmɔt Dabi; Timoti; ɛn Taychikɔs ɛn Trɔfimɔs we kɔmɔt Eshya.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

1 Kɔrint 1:2

de rayt to una ɔl we na Kristiɛn na Kɔrint, we Gɔd kɔl fɔ bi in yon ɛn we dɔn bi in yon, bikɔs una gɛt wanwɔd wit Jizɔs Krays, ɛn a de rayt igen to ɔl dɛn pipul ɔlɔbɔt na wɔl we de pre wit Jizɔs Krays in nem. Na wi Masta ɛn dɛn Masta.

2 Kɔrint 1:1

Mi, Pɔl, we bi Krays Jizɔs in apɔsul bikɔs na dat Gɔd want, ɛn wi Kristiɛn brɔda Timoti, de rayt to una ɔl we na Gɔd in pipul dɛn na Kɔrint, ɛn dɛn wan we de ɔlɔbɔt na Gris.

2 Kɔrint 1:19

Bikɔs Jizɔs Krays, we na Gɔd in Pikin, we Saylas, Timoti ɛn misɛf bin de tɛl una bɔt, nɔto pɔsin we gɛt tu mɔt. Bɔt in na di ansa, “Yɛs,”

Lɛta Fɔ Galeshya 1:22

Da tɛm de di Kristiɛn dɛn we bin de na di chɔch dɛn na Judia nɔ bin no mi yet.

Lɛta Fɔ Ɛfisɔs 1:2

Mek Gɔd we na wi Papa ɛn Jizɔs Krays blɛs una ɛn gi una kol at.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Lɛta Fɔ Kɔlɔse 1:1

Na mi Pɔl we Gɔd pik fɔ bi Jizɔs Krays in apɔsul lɛkɛ aw i want, ɛn Timoti we na wi Kristiɛn brɔda, de sɛn dis lɛta.

Sɛkɛn Lɛta Fɔ Tɛsalonayka 1:1

Mi, Pɔl, Saylas ɛn Timoti de sɛn dis lɛta to una di chɔch mɛmba dɛn na Tɛsalonayka; una na Gɔd we na wi Papa ɛn Masta Jizɔs Krays yon pipul.

Fɔs Lɛta To Timoti 1:2

A de rayt to Timoti we a briŋ kam to Krays, na dat mek i bi mi yon tru pikin: mek Gɔd we na wi Papa ɛn Jizɔs Krays wi Masta sho yu aw i gud, mek i sɔri fɔ yu, ɛn mek i gi yu kol at.

Sɛkɛn Lɛta To Timoti 1:2

Na mi de rayt to mi pikin, Timoti, we a lɛk. Mek Gɔd we na wi Masta Jizɔs Krays in Papa sho yu aw i gud, mek i sɔri fɔ yu ɛn mek i gi yu kol at.

Di Ibru Pipul Dɛn 13:23

A want mek una no se dɛn dɔn pul wi brɔda Timoti kɔmɔt na jel. If i kam kwik, a go briŋ am kam wɛn a de kam to una.

Pita In Fɔs Lɛta 5:12

Na Saylas, we a luk se na Kristiɛn brɔda we a kin trɔs, ɛp mi fɔ rayt dis shɔt lɛta to una. A want kɔrej una ɛn a want tɛl una se ɔl wetin Gɔd dɔn du fɔ una sho se i lɛk una, fɔ tru; una nɔ fɔ mek ɛnitin mek una dawt dat.

Jɔn In Fɔs Lɛta 1:3

Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una: