Pita In Fɔs Lɛta 4:3 - Krio Fɔs Oli Baybul

³ Una nɔ wes mɔ tɛm igen. Di tɛm dɔn pas we una bin de du dɛn tin we dɛn pipul we nɔ no Gɔd lɛk fɔ du. Dɛn man ɛn uman bin de du tin we dɛn nɔ fɔ du wit dɛn bɔdi, una bin de fala una at fɔ du dɛn bad tin ya ɛn ɔda bad tin dɛn, una bin de drɔnk, una bin de mek dɛn wayl wayl pati, ɛn dɛn pati we pipul fɔ go drink sote dɛn drɔnk. Una bin de pre to dɛn tin we mɔtalman mek fɔ pre to pan ɔl we di Lɔ se mek una nɔ du dat, ɛn na tin dat we una fɔ shem fɔ du.

Pita In Fɔs Lɛta 4:3 Iomraidhean Croise

2 Samiɛl 13:28

Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.

1 Kiŋ 21:26

I du ɔlkayn bad bad tin we nɔ fɔ du; i wɔship lay lay gɔd dɛn lɛkɛ dɛn Amɔrayt we PAPA GƆD bin drɛb kɔmɔt bifo di Izrɛlayt dɛn.

2 Kronikuls 15:8

Wɛn Esa yɛri wetin i se, dat na wetin Azaraya, we na Odɛd in bɔypikin prɔfisay swɛ, i tek kɔrej ɛn trowe ɔl di laylay gɔd dɛn we de mek PAPA GƆD vɛks bad bad wan kɔmɔt na Juda ɛn na Bɛnjamin, ɛn di siti we i bin dɔn kapchɔ na di i kɔntri na Ifrem. Dɔn i ripia PAPA GƆD in ɔlta we bin de bifo di pɔch na PAPA GƆD in os.

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Ayzaya 5:11

Swɛ go fɔdɔm pan dɛm wan dɛn we de grap ali mɔnin go fɛn traŋa rɔm, ɛn de drink te nɛt kam so te dɛn drɔŋɔ.

Ayzaya 65:4

pipul dɛn we de sidɔm pantap dɛn grev ɛn pas di nɛt na sikrit ples dɛm; de it ɔg bif, ɛn na sup we dɛn tek dɛn bad bad tin dɛn we PAPA GƆD nɔ lɛk de na dɛn pɔt ɛn pan dɛm.

Jɛrimaya 16:11

PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Izikɛl 44:6

Ɛn tɛl di rebɛl os we na di Izrɛl se, na dis Papa Gɔd we na Gɔd se: Yu Izrɛl, una tap ɔl una tin dɛn we una de du we a et bad bad wan,

Izikɛl 45:9

“Na dis Papa Gɔd we na Gɔd se; I du so, una dɛn Izrɛl kiŋ dɛm! Una lɛf fɛt fɛt ɛn lɛf fɔ sɔprɛs pipul, bɔt una trit pipul dɛn ikwali ɛn waka tret wit dɛm na PAPA GƆD in yay; una tap fɔ drɛb mi pipul dɛm. Na so Papa Gɔd we na Gɔd se.

Mak 7:22

fɔ kip ɔda pɔsin wɛf ɔ man, fɔ put yay pan ɔda pɔsin prɔpati, fɔ du ɛni kayn bad, fɔ mek pipul ful, fɔ pwɛl in kɔmpin nem, fɔ mek prawd, ɛn fɔ du fulish tin.

Apɔsul Dɛn Wok 17:30

Gɔd nɔ de blem pipul fɔ di tɛm we dɛn nɔ bin no wetin i bin want mek dɛn du; bɔt naw Gɔd de tɛl ɔlman na wɔl fɔ mek dɛn lɛf fɔ du di bad tin dɛn we dɛn de du.

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

1 Kɔrint 12:2

Una no se di tɛm we una nɔ bin no Gɔd yet, una bin de pre to dɛn tin we nɔ gɛt layf we mɔtalman mek fɔ pre to, ɛn ɔltɛm dɛn kin de drɔ una fɔ kɔmɔt na di rayt rod go fala dɛn.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

Lɛta Fɔ Galeshya 5:19

I nɔ at fɔ si wetin mɔtalman lɛk fɔ du: mɔtalman lɛk fɔ liv fri ɛn bad layf,

Lɛta Fɔ Galeshya 5:21

dɛn nɔ want mek bɛtɛ fala dɛn kɔmpin, dɛn de drɔnk, ɛn dɛn de mek dɛn wayl pati, ɛn dɛn de du plɛnti ɔda bad tin dɛn lɛkɛ dɛn wan ya. A de wɔn una lɛkɛ aw a bin dɔn wɔn una fɔs se: dɛn pipul we de pan dis kayn layf nɔ go de ɔnda Gɔd in rul.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Fɔs Lɛta Fɔ Tɛsalonayka 4:5

i nɔ fɔ jɛs want in wɛf fɔ slip wit am nɔmɔ, lɛkɛ aw dɛn pipul we nɔ bisin bɔt Gɔd de du.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Pita In Fɔs Lɛta 1:14

Una fɔ du ɔl wetin Gɔd tɛl una fɔ du, una nɔ fɔ fala una at fɔ du dɛn bad tin we una bin lɛk fɔ du di tɛm we una nɔ bin no di Gud Nyuz bɔt Jizɔs Krays yet.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.