Pita In Fɔs Lɛta 3:3 - Krio Fɔs Oli Baybul

³ Nɔto dɛn tin we pɔsin de si una fɔ de tek mek unasɛf fayn, lɛkɛ di stayl dɛn we una de mek pan una ia, dɛn chen we una de ɛŋ, ɔ dɛn klos we una de wɛr.

Pita In Fɔs Lɛta 3:3 Iomraidhean Croise

Jɛnɛsis 24:22

Wɛn di kamɛl dɛn dɔn drink dɔn, Ɛliaza tek wan gold riŋ ɛn put am na Ribɛka in nos, ɛn put tu gold baŋuls we dɛn wet na lɛkɛ tɛn kɔpɔ.

Jɛnɛsis 24:47

I se i aks Ribɛka udat nain papa. Ribɛka ansa am se, in papa na Bɛthuɛl we na Neɔ ɛn Milka dɛn bɔypikin. So i put riŋ nain nos ɛn baŋuls nain an.

Jɛnɛsis 24:53

Dɔn i gi Ribɛka klos, silva ɛn gold. Dɛn i gi in mama ɛn in brɔda ɔda valyuebul tin dɛn.

2 Kiŋ 9:30

Jeu go na Jɛzril. Wɛn Jɛzibɛl yɛri se Jeu de de, i mekɔp in fes ɛn mek in ia fayn wan, dɔn i sidɔm de luk winda.

Ɛsta 5:1

Wɛn i dɔn fast fɔ tri de, Ɛsta wɛr di klos we i kin wɛr fɔ drɛs lɛk kwin. I go tinap na di kɔmpawnd in domɔt ɔpozit di ɔl we di kiŋ kin sidɔm. Di kiŋ in bin sidɔm na di chia we kiŋ kin sidɔm insay in os ɔpozit di domɔt;

Di Sam Dɛm 45:9

Uman dɛn we na kiŋ pikin dɛn rɛdi fɔ wok fɔ yu; Na yu raytan, na de yu yawo de i drɛs wit di bɛst gold we kɔmɔt na Ofir.

Ɛksodɔs 3:22

Ɔl di uman dɛn fɔ aks dɛn neba ɛn di ɔda Ijipshian uman dɛn na dɛn os fɔ tin dɛn we dɛn mek wit silva gold, ɛn fɔ fayn klos we una go gi una bɔy ɛn gyal pikin dɛn fɔ wɛr. Na so una go tek kɛr di Ijipshian dɛn jɛntri go.”

Ɛksodɔs 32:2

Erɔn ansa dɛn se lɛ dɛn gi am di gold yerin we dɛn wɛf, dɛn gyal pikin ɛn dɛn bɔypikin dɛn de wɛr.

Ɛksodɔs 33:4

Wɛn di pipul dɛn yɛri aw PAPA GƆD tɔk traŋa wan, dɛn kray bita wan ɛn nɔ wɛr gold igen

Ɛksodɔs 35:22

Man ɛn uman dɛn ɔl briŋ gold tiŋs dɛn we dɛn de wɛr lɛkɛ broch, yerin, riŋ, chen ɛn ɔl kayn gold as dɛn ɔfrin to PAPA GƆD.

Ɛksodɔs 38:8

Bɛzalɛl yuz bras mek di besin ɛn in stand. Na di lukin glas we di uman dɛn we bin de sav na di Tɛnt domɔt bin gɛt i yuz fɔ mek am.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Jɛrimaya 4:30

Ɛn yu, yu we lɛf ɛmti wan, wetin yu min we yu drɛs wit brayt brayt rɛd, we yu dɛkɔret yusɛf wit ɔlkayn gold chen, riŋ ɛn baŋuls, ɛn prɛd yu yay dɛm wit pent? Yu de mek yusɛf fayn fayn fɔ natin. Yu lɔva dɛn nɔ want yu igen; dɛn de tray fɔ kil yu.

Izikɛl 23:40

Dɛn bin ivin sɛn mɛsenja go kɔl man dɛn we de fawe fɔ kam, ɛn biliv mi, dɛn kam. Fɔseka dɛm, yu bin was yusɛf, pent yu yay dɛm, ɛn drɛs yusɛf wit ɔlkayn riŋ chen ɛn baŋuls.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Pita In Fɔs Lɛta 3:2

bikɔs dɛn go si se una de waka tret ɛn una de fred Gɔd.