Pita In Fɔs Lɛta 1:5 - Krio Fɔs Oli Baybul

⁵ Bikɔs una biliv pan Gɔd, Gɔd go kip una wit in pawa, so dat una go gɛt da layf we go de sote go, we dɔn rɛdi naw ɛn we Gɔd go gi una di de we i go jɔj ɔlman.

Pita In Fɔs Lɛta 1:5 Iomraidhean Croise

Job 19:25

Bikɔs a no se di wan we go pe fɔ mi, de; i nɔ day, a no se di de go kam we i go tinap fɔ mi na dis wɔl;

Di Sam Dɛm 37:28

PAPA GƆD lɛk udat de du wetin rayt; ɛn nɔ go lɛf udat biliv pan am ɛn de du wetin i se to insɛf. I go kɔba dɛn sote go, bɔt di bad man in famili nɔ go gɛt lɔŋ layf;

Prɔvabs 2:8

I de kɔba dɛn wan we de trit dɛn kɔmpin fia wan, ɛn sev dɛn wan we biliv pan am ɛn de obe am.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Ayzaya 51:6

Es yu yay ɔp luk di skay, ɛn luk di grɔn we de dɔŋ; bikɔs di skay go disapia lɛk smok, ɛn dis wɔl go dɔn lɛk ol klos, ɛn di wan dɛn we tap de, go day lɛk flay; bɔt mi salveshɔn go de sote go, ɛn mi dilivrans nɔ go ɛva dɔn.

Ayzaya 54:17

Nɔn wɛpɔn we dɛn mek fɔ kil yu, nɔ go wok; ɛn ɛnibɔdi we jɔj yu, yu go pruv am rɔŋ. Dis na wetin go apin to PAPA GƆD in wokman dɛn, ɛn di fri we dɛn fri to mi. Na so PAPA GƆD se.”

Ayzaya 66:22

PAPA GƆD se, “Bikɔs, lɛk we di nyu skay dɛm ɛn di nyu ath we a go mek go de bifo mi sote go, na so yu jɛnareshɔn ɛn yu nem go de.

Jɛrimaya 23:4

A go put shɛpad dɛn oba dɛm, we go luk afta dɛm, ɛn dɛn nɔ go fred igen ɛn dɛn nɔ go pwɛlat, ɛn dɛn nɔn nɔ go lɔs, na so PAPA GƆD se.

Jɛrimaya 32:40

A go mek wan Kɔvinant wit dɛn we go de sote go, so dat a nɔ go tap fɔ du dɛn gud; ɛn a go put fred na dɛn at fɔ mi, so dat dɛn nɔ go tɔn bak pan mi.

Jɔn 12:48

Jɔj de we go jɔj ɛnibɔdi we tɔn in bak pan mi ɛn we nɔ gri biliv di wɔd dɛn we a de tɔk. Di wɔd dɛn we a dɔn tɔk go kɔndɛm di pɔsin di las de.

Jɔn 17:15

A nɔ de aks yu fɔ pul dɛn kɔmɔt to di ɔda pipul dɛn na wɔl, a de aks yu fɔ kip dɛn mek Setan nɔ du dɛn natin.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Jɔn 5:24

“A de tɛl una se, ɛnibɔdi we yɛri mi wɔd ɛn biliv pan di wan we sɛn mi kam na wɔl, dɔn bigin liv di tru layf we go de sote go. Gɔd nɔ go jɔj am, i tan lɛkɛ pɔsin we bin dɔn day, bɔt i dɔn gɛt tru layf naw.

Lɛta Fɔ Rom 11:20

Dat na tru! Gɔd brok dɛn kɔmɔt bikɔs dɛn nɔ bin biliv, ɛn i lɛf una na di ples we dɛn bin de, bikɔs una biliv. Bɔt una nɔ fɔ prawd bikɔs una dɔn tek di ples we dɛn bin de, una fɔ fred Gɔd.

Lɛta Fɔ Rom 8:18

A shɔ se di sɔfa we wi de sɔfa naw, nɔ go kam klos ɔl di wɔndaful tin dɛn we Gɔd go mek bi to wi.

1 Kɔrint 1:21

Gɔd yus in sɛns fɔ mek mɔtalman nɔ ebul fɛn am wit in yon sɛns. Bɔt i mekɔp fɔ tek di prich we wi de prich bɔt di day we Jizɔs day na di krɔs we tan lɛkɛ nɔnsɛns, fɔ sev dɛn wan we biliv pan Jizɔs.

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,

Lɛta Fɔ Filipay 1:6

A biliv se Gɔd, we bigin du dis gud wok ya insay una at, go stil de du am sote di de we Jizɔs Krays go kam bak.

Lɛta Fɔ Filipay 4:7

Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Di Ibru Pipul Dɛn 6:12

Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Pita In Fɔs Lɛta 4:13

bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Pita In Sɛkɛn Lɛta 1:3

We wi no am, i dɔn gi wi ɔltin we wi fɔ gɛt fɔ mek wi ebul liv lɛkɛ aw i want mek wi liv bay in pawa. Gɔd kɔl wi fɔ mek wi gɛt pan di wɔndaful ɔna ɛn pawa we i gɛt ɛn mek wisɛf gud lɛkɛ aw i gud.

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una:

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

1 Samiɛl 2:9

“I de gayd udat de du wetin i want, bɔt i de mek di bad man day kwik. As wi nɔ de du natin bay wi pawa;