Pita In Fɔs Lɛta 1:2 - Krio Fɔs Oli Baybul

² Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Pita In Fɔs Lɛta 1:2 Iomraidhean Croise

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

Ayzaya 65:22

Dɛn nɔ go bil, ɔda pɔsin go tap de; dɛn nɔ go plant, ɔda pɔsin go it; bikɔs, na lɛk aw tik de te na wɔl, na so mi pipul dɛn go liv lɔŋ, ɛn mi pipul dɛn we a dɔn pik go ɛnjɔy wetin dɛn wok fɔ, fɔ lɔng.

Ayzaya 65:9

A go briŋ Jekɔb in pikin pikin dɛm ɛn di wan dɛn na di Juda fambul we go gɛt mi mawnten, kam na di wan dɛn we pik go gɛt am, ɛn na mi wokman dɛn go tap de.

Daniɛl 4:1

Kiŋ Nɛbyukadnɛza de sɛn to ɔl di pipul dɛn, difrɛn difrɛn neshɔn dɛn we de tɔk difrɛn difrɛn laŋwej we tap na di wanol wɔl: Lɛ una ɔl gɛt bɔku bɔku kol at!

Daniɛl 6:25

Kiŋ Dariɔs bin rayt to ɔl di pipul dɛn, neshɔn ɛn di wan dɛn we de tɔk difrɛn difrɛn laŋwej we tap na di wɔl, se, “Lɛ pis ɛn kol at de beberebe wan to una ɔl.

Lɛvitikɔs 1:5

Na da tɛm de i go kil di man kaw bifo PAPA GƆD; dɔn Erɔn in bɔypikin we na man dɛn we de mek sakrifays fɔ pipul sin go gi di blɔd ɛn ib pan an rawnd di ɔlta we de na di domɔt na di Tɛnt usay dɛn kin mit PAPA GƆD.

Matyu 24:22

If Gɔd nɔ mek da tɛm de shɔt, wan mɔtalman nɔ go lɛf na di wɔl; bɔt Gɔd go mek da tɛm de shɔt fɔseka dɛn pipul we i dɔn pik fɔ sev.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Matyu 24:31

Trɔmpɛt go blo lawd wan, dɔn i go sɛn in enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, ɛn briŋ dɛn kam to am.

Mak 13:20

Bɔt di Masta dɔn mek da tɛm de shɔt, if nɔ so, nɔbɔdi nɔ bin go lɛf na di wɔl. Bɔt fɔseka dɛn pipul we i dɔn pik, di Masta dɔn mek da tɛm de shɔt.

Mak 13:22

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de, dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Mak 13:27

I go sɛn di enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, briŋ dɛn kam to am.

Lyuk 18:7

Una min se Gɔd in pipul dɛn we i dɔn pik ɛn we de kray to am de ɛn nɛt fɔ mek i ɛp dɛn, Gɔd nɔ go tek dɛn kes? Una min se Gɔd go te fɔ ansa in pipul dɛn?

Apɔsul Dɛn Wok 15:18

Na di tin dis we di Masta bin dɔn tɔk, ɛn i dɔn mek wi no dat lɔntɛm.’”

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.

Apɔsul Dɛn Wok 20:32

“Naw a de lɛf una na Gɔd an ɛn a lɛf in wɔd we de tɔk bɔt aw Gɔd gud, gi una. Gɔd go ɛp una fɔ biliv pan Jizɔs gud gud ɛn I go gi una di blɛsin we i dɔn prɔmis fɔ gi dɛn pipul we biliv pan am.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Lɛta Fɔ Rom 11:2

Nɔ, Gɔd nɔ se in nɔ want in yon pipul dɛn we i bin dɔn pik lɔntɛm. Una no wetin rayt na Gɔd in Buk, da say we Ilayja tɔk traŋa wan bɔt di Ju pipul dɛn, we i tɔk to Gɔd se:

Lɛta Fɔ Rom 11:28

Bikɔs di Ju dɛn tɔn dɛn bak pan di Gud Nyuz, dɛn na pipul we nɔ lɛk Gɔd, ɛn di et we dɛn et di Gud Nyuz dɔn mek Gɔd ɛp una we nɔto Ju. Bɔt bikɔs Gɔd bin dɔn pik di Ju pipul dɛn, dɛn nain padi dɛn bikɔs i bin dɔn prɔmis Ebraam, Ayzak ɛn Jekɔb se dɛn grampikin pikin dɛn go bi in padi dɛn sote go.

Lɛta Fɔ Rom 16:19

Ɔlman dɔn yɛri aw una de fala di Gud Nyuz wit ɔl una at, dat mek a gladi fɔ una. A want mek una gɛt sɛns fɔ no wetin gud ɛn mek una nɔ du bad.

Lɛta Fɔ Rom 16:26

Bɔt naw wetin di prɔfɛt dɛn bin rayt dɔn mek plɛnti pipul no dis tru tin ya, ɛn Gɔd we de sote go, dɔn tɛl wi fɔ tɛl ɔlman na wɔl bɔt dis tru tin, so dat ɔlman go biliv ɛn du wetin Gɔd se.

Lɛta Fɔ Rom 8:13

Bikɔs if una jɛs de du wetin una at tɛl una nɔmɔ, una go day, bɔt if una mek Gɔd in Spirit ɛp una fɔ kil dɛn tin we de mek una sin, una go gɛt di tru layf.

Lɛta Fɔ Rom 8:33

Udat go se Gɔd in pipul dɛn du bad? Gɔd insɛf dɔn mek ɔltin rayt bitwin in ɛn dɛn.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

2 Kɔrint 10:5

wi de tek dɛn pwɛl dɛn tin we de mek pipul prawd we mek dɛn nɔ want fɔ no Gɔd; wi de yus dɛn fɔ mek pɔsin tap fɔ tink ɛnitin we go mek i nɔ du wetin Gɔd se i fɔ du, so i go chenj ɛn i go want du wetin Gɔd se i fɔ du.

Ditarɔnɔmi 7:6

I tɛl dɛn se dɛn na PAPA GƆD in pipul dɛn, ɛn se pan ɔl di ɔda pipul dɛn na di wɔl na dɛn nɔmɔ PAPA GƆD pik fɔ bi in spɛshal pipul dɛn.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Sɛkɛn Lɛta To Timoti 2:10

na dat mek a de bia ɔltin fɔseka dɛn pipul we Gɔd dɔn pik, so dat dɛnsɛf go sev if dɛn gɛt wanwɔd wit Krays Jizɔs ɛn dɛn go gɛt di tru layf we de na ɛvin sote go.

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Di Ibru Pipul Dɛn 11:28

Na bikɔs Mozis bin biliv Gɔd mek i bigin di Pasova wɛn i tɛl di Izrɛl pipul dɛn fɔ ib ib blɔd pan dɛn do, so dat wɛn di enjɛl we de kil dɛn fɔs bɔy pikin, kam, i nɔ go kil di Izrɛl pipul dɛn yon fɔs bɔy pikin dɛn.

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Pita In Fɔs Lɛta 1:14

Una fɔ du ɔl wetin Gɔd tɛl una fɔ du, una nɔ fɔ fala una at fɔ du dɛn bad tin we una bin lɛk fɔ du di tɛm we una nɔ bin no di Gud Nyuz bɔt Jizɔs Krays yet.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Pita In Fɔs Lɛta 1:20

Bifo Gɔd mek di wɔl, i bin dɔn pik Krays fɔ du di wok we i fɔ du na wɔl, ɛn naw, we plɛnti tɛm nɔ lɛf igen, Krays dɔn kam fɔ ɛp una.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Pita In Sɛkɛn Lɛta 1:2

If una want fɔ mek Gɔd de du gud fɔ una mɔ ɛn mɔ ɛn mek i gi una kol at mɔ ɛn mɔ, una fɔ no am ɛn una fɔ no wi Masta Jizɔs.

Jɔn In Sɛkɛn Lɛta 1:1

Mi, Jɔn we na una bigman na di chɔch, de rayt to di uman we Gɔd dɔn pik ɛn in pikin dɛn we a lɛk fɔ tru. Nɔto mi wangren, bɔt ɔlman we no wetin tru, lɛk una,

Jɔn In Sɛkɛn Lɛta 1:13

Yu sista, we Gɔd dɔn pik, in pikin dɛn de tɛl yu adu.

Jud In Lɛta 1:2

Mek Gɔd sɔri fɔ una mɔ ɛn mɔ, mek i gi una kol at mɔ ɛn mɔ, mek i lɛk una mɔ ɛn mɔ.