Pita In Fɔs Lɛta 1:12 - Krio Fɔs Oli Baybul

¹² Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

Pita In Fɔs Lɛta 1:12 Iomraidhean Croise

Ɛksodɔs 25:20

Di Chɛryubim fɔ tret dɛn fɛda ɔp lɛ dɛn kɔba di bɔks in kɔba, ɛn dɛn fɔ tɔn dɛn fes to dɛn kɔmpin. Dɛn fɔ bɛn dɛn fɔs dɛn dɔŋ de luk di bɔks in kɔba.

Prɔvabs 1:23

Una lisin to wetin a de tɛl una; a go gi una gud advays ɛn tɛl una wetin a sabi.

Ayzaya 32:15

tete dɛn put PAPA GƆD in Spirit insay wi, ɛn di dray ɛn ɛmti ples tɔn fil we frut de bia bɔku bɔku wan, ɛn dɛn si di fil we frut de bia bɔku bɔku wan lɛkɛ fɔrɛst.

Ayzaya 53:1

Udat dɔn biliv wetin we dɔn yɛri? Ɛn to udat PAPA GƆD dɔn sho in an?

Daniɛl 10:1

Insay di tɔd ia we Sayrɔs na bin kiŋ na Pashia, wɔd bin kam to Daniɛl we in ɔda nem na bin Bɛlshaza. Di wɔd na bin tru wɔd, ɛn i bin briŋ big big kɔnfyushɔn. Daniɛl bin ɔndastand wetin dɛn se ɛn bin ɔndastand di vishɔn.

Daniɛl 12:13

Bɔt yu go yu we te di tɛm we ɔltin go dɔn go kam; go ɛn go rɛst. Yu go tinap na di ples we dɛn dɔn kip fɔ yu we di tɛm kam we ɔltin fɔ dɔn.

Daniɛl 12:9

Nain i se, “Daniɛl, go usay yu de go, bikɔs dɛn dɔn kɔba ɛn lɔk tayt ɔl wetin dɛn se, te di tɛm kam we di wɔl go dɔn.

Daniɛl 2:19

Nain PAPA GƆD sho Daniɛl di mistri pan vishɔn na nɛt. So Daniɛl blɛs PAPA GƆD we de na ɛvin.

Daniɛl 2:22

I de sho dɛn dɛn dip dip ɛn mistri tin dɛn; I no wetin de insay dak ples, ɛn di layt tap wit am.

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”

Daniɛl 8:13

Nain a yɛri wan Oli Wande tɔk; ɛn wan ɔda Oli wan tɛl di wan we bin de tɔk se, “aw lɔŋ dis vishɔn ya bɔt di sakrifays we dɛn de bɔn ɔltɛm, ɛn di sin dɛn we de pwɛl at, ɛn di tek we dɛn dɔn tek di ples we dɛn de pre, ɛn aw dɛn de mas mas di man na os ɔnda dɛn fut?”

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Joɛl 2:28

I se di tɛm go rich we in go put in Spirit pan ɔlman; dɛn bɔy ɛn gyal pikin dɛn go de tɔk PAPA GƆD Wɔd, dɛn olpa dɛn go de drim gbay ɛn dɛn yɔŋ man dɛn go de si vishɔn.

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Matyu 16:17

Jizɔs se, “Yu du wɛl, Saymɔn, Jɔn in pikin. Nɔto mɔtalman lan yu dis tru tin we yu tɔk so, na mi Papa we de na ɛvin sho yu.

Mak 16:15

Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Lyuk 15:10

Semwe so, Gɔd in enjɛl dɛn go gladi bikɔs wan pɔsin we bin de pan sin sɔri fɔ di bad we i du ɛn tɔn to Gɔd.”

Lyuk 2:26

ɛn i bin dɔn tɛl am se i nɔ go day sote i si di Mɛsaya we Gɔd we na wi Masta go sɛn.

Lyuk 9:6

Di lanin bɔy dɛn lɛf Jizɔs go ɔlɔbɔt na dɛn vilej de tɛl pipul di Gud Nyuz ɛn mɛn sik pipul.

Jɔn 15:26

“Wɛn di wan we de ɛp pipul fɔ du wetin Gɔd want, kam, dat na di Spirit we kɔmɔt to mi Papa, i go mek pipul no di tru tin bɔt Gɔd. A go mek mi Papa sɛn am kam to una ɛn i go tɛl una bɔt mi.

Apɔsul Dɛn Wok 10:44

Pita bin stil de tɔk, nain Gɔd in Spirit kam pan ɔl di pipul dɛn we bin de lisin wetin i de tɔk.

Apɔsul Dɛn Wok 16:10

Wɛn Pɔl si wetin Gɔd sho am, nain wi rɛdi fɔ go Masidonia. Wi bin shɔ se na Gɔd tɛl wi fɔ go de go tɛl pipul di Gud Nyuz.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Apɔsul Dɛn Wok 4:31

Wɛn dɛn dɔn pre dɔn, di ples we dɛn bin de, shek. Gɔd in Spirit kam pan dɛn ɛn dat mek dɛn nɔ fred fɔ tɔk Gɔd in mɛsej.

Apɔsul Dɛn Wok 4:8

Gɔd in Spirit bin de pan Pita, so Pita tɛl dɛn se, “Una we de rul ɛn una dɛn bigman we de na ya!

Apɔsul Dɛn Wok 8:25

Wɛn Pita ɛn Jɔn dɔn tɛl pipul wetin Gɔd dɔn du ɛn wetin i bin stil de du fɔ dɛn, ɛn wetin Gɔd in wɔd se, dɛn tɔn bak de go Jerusɛlɛm; dɛn bin de tɛl di pipul dɛn we dɛn de mit na dɛn vilej na Sameria di Gud Nyuz.

Lɛta Fɔ Rom 1:15

Na dat mek a want fɔ tɛl unasɛf, we de na Rom, di Gud Nyuz.

Lɛta Fɔ Rom 1:17

Di Gud Nyuz de sho wi aw Gɔd de mek ɔltin rayt bitwin insɛf ɛn mɔtalman, if dɛn biliv; natin pas dat nɔ go mek dɛn rayt wit Gɔd. Lɛkɛ aw Gɔd in Buk se, “Di pɔsin we Gɔd put rayt wit insɛf bikɔs i biliv pan am go gɛt layf.”

Lɛta Fɔ Rom 10:15

Ɛn aw pipul go tɛl dɛn di mɛsej if nɔbɔdi nɔ sɛn pipul fɔ tɛl dɛn? Dɛn rayt na Gɔd in Buk se, “Na wɔndaful tin we dɛn pipul we de briŋ di Gud Nyuz, de kam.”

Lɛta Fɔ Rom 15:19

di wɔndaful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ilirikum, a tɛl pipul di Gud Nyuz bɔt Krays.

1 Kɔrint 2:10

Bɔt Gɔd dɔn mek in Spirit sho wi dis sɛns ya we i nɔ bin dɔn mek wi no yet. Na di Spirit de dig fɔ no ɔltin bɔt Gɔd, ɔl dɛn tin we Gɔd nɔ de sho mɔtalman.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

2 Kɔrint 6:6

Wi nɔ de du ɛnitin we go mek wi shem, wi no Gɔd, wi ebul bia wit wi kɔmpin ɛn wi gɛt gud at fɔ wi kɔmpin; ɔl dɛn tin ya sho se na Gɔd wi de wok fɔ; we wi gɛt Gɔd in Spirit ɛn we wi ebul lɛk fɔ tru,

Lɛta Fɔ Galeshya 1:12

Nɔto pɔsin tɛl mi di Gud Nyuz ɛn nɔto pɔsin lan mi bɔt di Gud Nyuz. Na Jizɔs Krays insɛf sɛf mek a ɔndastand di Gud Nyuz.

Lɛta Fɔ Galeshya 1:16

fɔ mek a no in Pikin, so dat a go tɛl dɛn pipul we nɔto Ju bɔt di Gud Nyuz, a nɔ bin aks ɛnibɔdi fɔ tɛl mi wetin a fɔ du,

Lɛta Fɔ Ɛfisɔs 3:10

so dat naw i go tek di chɔch fɔ sho dɛn spirit we de rul ɛn ɔltin we gɛt pawa na ɛvin Gɔd in sɛns pan ɔltin.

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Di Ibru Pipul Dɛn 11:13

Ɔl dɛn lɔntɛm pipul ya, we a tɔk bɔt so, bin biliv Gɔd sote dɛn day. Dɛn nɔ bin gɛt ɔl dɛn tin we Gɔd prɔmis dɛn bifo dɛn day, bɔt dɛn bin dɔn si wetin Gɔd go gi dɛn, fawe, ɛn dɛn bin gladi fɔ wetin dɛn si. Dɛn bin no se dɛn na trenja na dis wɔl.

Di Ibru Pipul Dɛn 2:4

Gɔd insɛf pruv se in mɛsej bɔt di wɔndaful we we i go sev pipul, na tru, bay di wɔndaful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want.

Di Ibru Pipul Dɛn 4:2

Pipul dɔn tɛl wi di Gud Nyuz bɔt Gɔd, lɛkɛ aw dɛn bin dɔn tɛl dɛn lɔntɛm pipul we bin de na di dɛzat; bɔt pan ɔl dat wi si se di Gud Nyuz we dɛn yɛri, nɔ bin ɛp dɛn, bikɔs dɛn nɔ bin biliv am.

Pita In Fɔs Lɛta 1:25

bɔt di Masta in wɔd go de sote go.” Dis wɔd ya na di Gud Nyuz bɔt Jizɔs we dɛn bin tɛl una.

Pita In Fɔs Lɛta 4:6

Na dat mek dɛn wan we bin dɔn day sɛf bin dɔn yɛri di Gud Nyuz we Krays tɛl dɛn, so dat, pan ɔl we Gɔd bin dɔn jɔj dɛn fɔ wetin dɛn bin du wɛn dɛn de na dis layf, i bin want gi dɛn chans fɔ de wit am na ɛvin.

Rɛvɛleshɔn 5:11

As a es mi yay ɔp bak, na de a si enjɛl dɛn we bɔku lɛkɛ anch ɛn a yɛri dɛn vɔys! Dɛn tinap rawnd di fo tin dɛn we gɛt layf ɛn di twɛnti-fo bigman dɛn we bin de rawnd di ay chia we kiŋ kin sidɔm.