Pita In Fɔs Lɛta 1:10 - Krio Fɔs Oli Baybul

¹⁰ Dɛn prɔfɛt we bin dɔn tɔk bɔt dis gud tin ya we Gɔd dɔn gi una, bifo i gi una, bin tek tɛm fɔ dig fɔ no bɔt dis layf ya we go de sote go na ɛvin, we Gɔd de gi dɛn wan we biliv pan Krays.

Pita In Fɔs Lɛta 1:10 Iomraidhean Croise

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Prɔvabs 2:4

Tray yu bɛst fɔ gɛt sɛns lɛkɛ aw nɔmɔ dɛn kin dig fɔ fɛn silva ɔ ɛnitin we gɛt valyu.

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Daniɛl 9:3

Nain a put mi atɛnshɔn to PAPA GƆD de pre ɛn beg am. A wɛr chɛr chɛr klos ɛn rɔb ashis.

Egay 2:7

ɛn i go mek dɛn pawaful neshɔn dɛn lɔs dɛn pawa, so dat ɔl wetin dɛn dɔn gɛda go kam bi Jerusɛlɛm yon, dɔn PAPA GƆD in os go de fayn fayn wan. Na so PAPA GƆD Ɔlmayti se.

Zɛkaraya 6:12

I se fɔ tɛl am se in PAPA GƆD se, sɔmbɔdi gɛt fɔ kam, we dɛn go kɔl Branch. I se nain go bi di wan we go kam bil PAPA GƆD in os.

Matyu 13:17

A de tɛl una fɔ tru se, plɛnti prɔfɛt ɛn plɛnti Gɔd pipul bin want fɔ si ɛn yɛri dɛn tin we una de si ɛn yɛri, bɔt dɛn nɔ si ɛn yɛri dɛn.

Matyu 26:24

Mɔtalman Pikin go day lɛkɛ aw dɛn rayt bɔt am na Gɔd in Buk, bɔt i go bad fɔ di pɔsin we go sɛl Mɔtalman Pikin! I bin fɔ bɛtɛ if da pɔsin de nɔ bin bɔn!”

Lyuk 10:24

A de tɛl una se plɛnti prɔfɛt ɛn plɛnti kiŋ bin want fɔ si dɛn tin we una de si, bɔt dɛn nɔ si dɛn. Plɛnti bin want yɛri dɛn tin we una de yɛri, bɔt dɛn nɔ yɛri dɛn.”

Lyuk 24:44

Jizɔs tɛl dɛn se, “Wɛn a bin de wit una, a bin dɔn tɛl una se ɔltin we Mozis ɛn dɛn prɔfɛt bin rayt ɛn ɔl wetin dɛn rayt na di Sambuk bɔt mi, mɔs bi.”

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Jɔn 7:52

In kɔmpin dɛn aks am se, “Na Galili yusɛf kɔmɔt? Tek tɛm luk wetin dɛn rayt na Gɔd in Buk, yu go no se prɔfɛt nɔ kɔmɔt na Galili wande.”

Apɔsul Dɛn Wok 10:43

Ɔl dɛn prɔfɛt bin tɔk bɔt Jizɔs se if ɛnibɔdi biliv pan am, Gɔd go padin da pɔsin de fɔ di bad tin dɛn we i du, bay di pawa we de na Jizɔs in nem.”

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

Apɔsul Dɛn Wok 28:23

So dɛn fɛn tɛm we plɛnti pipul kin kam na di mitin. Wɛn di tɛm rich, dɛn go mit Pɔl na di ples we i bin de. Pɔl tɔk frɔm mɔnin te nɛt de tray fɔ sho dɛn se na tru i de tɔk ɛn i tɛl dɛn di mɛsej bɔt Gɔd in rul. I rid di Lɔ we Gɔd bin gi Mozis ɛn dɛn tin we dɛn prɔfɛt bin rayt, fɔ mek di pipul dɛn go biliv pan Jizɔs.

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Di Ibru Pipul Dɛn 11:13

Ɔl dɛn lɔntɛm pipul ya, we a tɔk bɔt so, bin biliv Gɔd sote dɛn day. Dɛn nɔ bin gɛt ɔl dɛn tin we Gɔd prɔmis dɛn bifo dɛn day, bɔt dɛn bin dɔn si wetin Gɔd go gi dɛn, fawe, ɛn dɛn bin gladi fɔ wetin dɛn si. Dɛn bin no se dɛn na trenja na dis wɔl.

Di Ibru Pipul Dɛn 11:40

bikɔs Gɔd bin dɔn plan fɔ du tin we bɛtɛ pas dat fɔ wi. I bin dɔn plan se, in go mek wi ɛn dɛn pipul ya we bin biliv am bi lɛkɛ aw i want wi fɔ bi na ɛvin.

Pita In Fɔs Lɛta 1:11

Wɛn Krays in Spirit we bin de insay dɛn bin tɔk bɔt aw Krays bin gɛt fɔ sɔfa ɛn di wɔndaful tin dɛn we bin gɛt fɔ apin afta dat, di prɔfɛt dɛn bin tray fɔ no ustɛm dɛn tin de go bi ɛn aw dɛn go bi.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.