Yṳ̌da 1:8 - Kawyaw RC

⁸ Kòyò htě a hènṳhǔ dě sîkla toǒ numî̌ alò̤ta hǐnunu. Dě asî kè̌shǐtobonǎ ta̤ toǒ akhû̌akhî, asî ma̤phû̌mò̤lò̤ gesǒ tû̌ ana̤saklû toǒ pwǎ. Asî htè̌shǔ ta̤sîrîshû̌sho htǒo dě a pi̤jishǐcǒ mǒkhû̌tanaphû̌ htě a ǒ ta a ta̤sîrîdû̌sîrîhtûnu toǒ.

Kawyaw New Testament

⁸ Kòyò dǒ a hènṳ̌hǔ dǒ sîkla tokhlǒ numî̌ asô̌sô̌kû̌ hǒo nuhǒ. Dǒ asî kè̌shǐ nǎ ta̤ tokhlǒ akhû̌akhî, asî ma̤phǔmò̤̌ lò̤ tûû̌ sô̌ anǎ̤glǒ tokhlǒ pwǎ. Asî htè̌shěshu ta̤shû̌ta̤sho hǒo dě a pîjî̌ǐsho mǒkhû̌ tanaphû̌ dǒ a ô̌ kû̌ a ta̤bwǐdû̌sîrîhtû nutokhlǒ.

Yṳ̌da 1:8 Iomraidhean Croise

Mǒhtûlû̌hǎhtûsa 3:5

Cǒmaradû̌ sî̌ya ta sî dè ǎ sǒsǎ htǒo hî̌numî̌, sîmi̤sǎ lîhtò̌ pě, sî sǒsǒta Cǒmaradû̌ pě, dě sî sî̌yahè ta̤wǒ ta ta̤phû̌mò̤ pě.”

Lǔka 11:25

Dě bǎ a geto̤sǒ kòyònu tapwa̤ ǒ akhanu, a ge kè̌shǐ ta agûla̤li̤ htǒonu, aplîamṳ̂wǒ a ǒ tònòsho wî̤wǒbò pṳ̂̌꤮ tacǎ.

Lǔka 12:11

“Htû̌꤮ kò pṳ̂sûcû̌ sî dě ta̤sabahǐkû pě akhanu bǎbǎ, dě Khwǐdû̌ toǒ alo̤mo̤ pěnu bǎbǎ, ta dě pwa̤pǒshipǒga toǒ alo̤mo̤ akhapěnu bǎbǎ, na tobǎ hî̌bǎ ma̤kwaǐ nana̤ hî̌tè dě na tobǎ hî̌shǔ hî̌tènu bǎgubǎgè pûma̤ nî̌.

Lǔka 19:14

“Pwǎ̤tadě, a shiphû̌gaphû̌ sò̌khěkhû̌khwè nû̌û dě asî nocû̌ pwa̤sû ta̤wi̤ta̤kè̌ tapwa̤ dě Khwǐ ǒ, dě a nohî̌ nû̌û, ‘Kòyò htǒotapwa̤nu, pa sò̌yṳ nohtû yǎ ta pakhwǐ tò̤.’

Pwa̤nophû̌ 23:5

Dě Pò̌lu hî̌shǔ, “He pṳwè̤ toǒ꤮, he sî̌ya ta a mî̌ a htû pwa̤tòlûhtò̌ hǐkǒdû̌gutṳ̌nu mè̤tò̤. Lî̤cahtǐ hî̌nǎ, ‘Kòyò htû hǐkǒdû̌ htě a pǒǐ na kòyò toǒ htǒotapwa̤nu, na tobǎ hî̌ phû̌mò̤shî̌hto yǎtò̤,’” a hî̌ hǐnu.

Pwa̤nophû̌ 7:27

“Pwǎ̤tadě kòyò htě a ma̤nî̤ wǐ akho Israelphû̌ htǒotapwa̤nu, a shò̌tephe cû̌kè Mǒ̤jè ahtu dě a hî̌ nû̌û, ‘Mî̌ûpè tapwa̤ ǐ na ta̤sîrîshû̌sho dě na glè pǒǐ pa ta cèrò panu pè?

Pwa̤nophû̌ 7:39

“Hǐnudě pa mo̤phaphiphu dě꤮ wǐ toǒnu, a gana̤de Mǒ̤jè ayo̤ tò̤ dě asî bè̌tephekè nû̌û ta asî sò̌le̤ gesǒpwǎ dě Egyptga.

Kôritu awǐlǒ tôbǎ 3:17

Kòyò tapwa̤pwa̤ a ma̤pî̌kè Cǒmara a ta̤lṳhtò̌ho htǒonu, Cǒmara ma̤pî̌kè nû̌û pě. Ma̤tè̤hî̌dě Cǒmara a ta̤lṳhtò̌ho mî̌ a cahtǐ dě sî sana̤ numî̌ Cǒmara la̤ǒ a ta̤lṳhtò̌ho hǒ.

Tîsalònǐ awǐlǒ tôbǎ 4:8

Hǐnu akhû̌akhî, kòyò tapwa̤pwa̤ htě a la̤lò̤kè ta̤sû̌ǐtòwòǐ htǒonumî̌, a la̤lò̤kè kòyòhǎkhû̌phû̌ mè̤tò̤. A la̤lò̤kè Cǒmara htě a ǐ sî Běcǎ sǎcahtǐ htǒotapwa̤nu hǒ.

Tîmôte awǐlǒ tôbǎ 1:10

Ta kòyò htě a cû̌sǔnṳ mamǔmakhû toǒ, ta kòyò htě a cû̌ma̤bò̌ aphû̌amakhû̌ toǒ, makhû ta makhû sǔkè̌khînû̌û, kòyò pṳ̂shaǎ kò ta wû toǒ, kòyò htě a lòhota̤ toǒ ta kòyò htě a cû̌ khòbǐkhòǒ asò̌ toǒ, dèmè̤tò̤mî̌ a ma̤ta̤ ahǔwa̤ tacǎcǎ dě a khlè̌khǒ ta ta̤sû̌ǐtòwòǐ acǒatè̤ toǒ aya pwǎ.

Hebrǔ 13:17

Gana̤de lǒkho sî ta̤subusaba a hǐkǒdû̌ toǒ ayo̤ dě gûma̤kû̌ pwǐ asî hî̌lò̤nu nî̌꤮. Asî ǒpo̤ kè̌ǐkhwè̌ǐ sî ta̤htûpwa̤ dě ta̤ htě asî ma̤ toǒnu, a bǎ pwe̤ǐlṳgesǒ Cǒmara pě. Sî dè gana̤de tò̤ hî̌dě a ma̤ ta ta̤sǎpla̤sǎyṳ pě. Dě a htûbwǐhtûsîrî sîya dǐcǎ꤮ tò̤.

Petru awǐlǒ tabǎ 2:17

Bè̌dubè̌na̤ lǒkho kò pṳ̂̌꤮ tapwa̤ nî̌꤮. Mo̤ǐ lǒkho sî pṳwè̤ Khrî̌stuphû̌ toǒ nî̌꤮. Ǐsha lǒkho Cǒmara ala̤ dě bè̌duna̤ yǎ nî̌꤮. Bè̌dubè̌na̤ lǒkho Khwǐdû̌ nî̌꤮.