Yṳ̌da 1:7 - Kawyaw RC

⁷ Hǐnuhǒ, gènè̤htò̌nṳ sǒtû̌ lǒkho Sò̌dowî̤ ta Gòmò̤̌rawî̤ ta wî̤ ǒ bǎ a wò̤shî̌nu toǒ. Wî̤kûphû̌ bǎnu toǒ mî̌ a ma̤sǔ sǒsǒta hǐnu hǒ. Asî gûma̤kû̌ lǒkho sǐshi la̤klo sò̌yṳ phû̌mò̤ toǒ dě ma̤mo̤ǐ lǒkho ana̤ ta mamǔmakhû la̤klo phû̌mò̤shî̌hto toǒ. Asî khòbǎ ta̤shuphǔshèwè dě mî̌kla tûjûpwa̤ htǒonumî̌ a htûhtò̌ kòyò la̤kè̌mò̌mṳ ta kòyò lǒ̤꤮ bò aya hǒ.

Kawyaw New Testament

⁷ Pô̤̌nudě, gènè̤htò̌ nṳ̌sô̌ lô̌khô Wî̤̌sadû kû̌ Wî̤̌gamû̌ra kû̌ wî̤̌ ô̌ dǒ a kòshî̌ nutokhlǒ. Wî̤̌kûphû̌ bǎnu tokhlǒ mî̌ a ma̤sǔ sô̌sô̌ ta̤ pô̤̌nu hǒ. Asî gû̌ma̤ lô̌khô sǐshi lǎ̤klô sǎyṳ phû̌mò̤̌ tokhlǒ dě ma̤mô̤ lô̌khô anǎ̤ kû̌mî̌ pwa̤mǒ̤pwa̤khû lǎ̤klô phû̌mò̤̌ tokhlǒ. Asî khòbǎ ta̤pò̤̌ta̤sha dǒ mî̌phǎkla tûjû̌pwa̤ numî̌, a htûhtò̌ kòyò lǎ̤kè̌lû̌ dǒ kòyò lǒ̤bò aya hǒ.

Yṳ̌da 1:7 Iomraidhean Croise

Mǒhtûlû̌hǎhtûsa 13:13

Bǎnukha Sò̌dowî̤phû̌ toǒ asò̌phlǒ phû̌mò̤shî̌hto mè̤mè̤̌ dě a ma̤sǔma̤plědû̌ mè̤mè̤̌ Cǒmara tûjûpwa̤.

Mǒhtûlû̌hǎhtûsa 18:20

Dě Cǒmara tûjûpwa̤ hî̌ Abraham, “Sò̌dowî̤phû̌ ta Gòmò̤̌rawî̤phû̌ toǒ ma̤dû̌ mè̤mè̤̌ ta̤phû̌mò̤shî̌hto dě kò yi̤kǒ nocèròlò̤ henu he gana̤de hǒ. Asî ma̤sǔma̤plě ta̤nu adû̌ayǒ mè̤mè̤̌.

Mǒhtûlû̌hǎhtûsa 19:5

Dě asî yi̤kǒhtò̌ lǒkho Lò̌tǎ, “Pa sî̌ya ta khò̌tahǎ shǐtè̤mè̤ makhû hèhǎmoǒ kû̌ nahǐ sò̌gini̤ lè, asî ǒ lǒkho bǎtè? Kaǎhtò̌ bǎ pa akhlobǎo, pa sò̌yṳ hǎmoǒkû̌, lò̤we̤plǒ ta asî.”

Matěo 10:15

He hî̌ mè̤mè̤̌ sî, htû̌꤮ Cǒmara cèrò kòyòhǎkhû̌phû̌ pě akhanu, a cèrò jîkhlo kòyò htǒonu tado ta Sò̌dowî̤ ta Gòmò̤̌rawî̤phû̌ dě Cǒmara cèrò asî bǎ꤮ nukhanu toǒ pě.

Matěo 11:24

Pò̤̌ta he hî̌ sî, mṳni̤cèrò pě ti̤ni̤nu, Sò̌dowî̤ htǒonu, Cǒmara gwèbǎǐkhlo ta sî pě.”

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Lǔka 17:29

Pwǎ̤tadě bǎ Lò̌tǎ hǎhtò̌cû̌ tephekè ta Sò̌dowî̤nu ti̤ni̤ akhanu, Cǒmara nojulò̤te̤ khwè̌mî̌ ta lo̤mî̌ mǒkhû̌ dě mî̌gè sikèbò asî pṳ̂̌꤮ tapwa̤.

Kôritu awǐlǒ tôbǎ 6:9

Kòyòkhu kòyòhî, kòyò phû̌mò̤shî̌hto toǒnu a htû kû̌kò Cǒmara a shiphû̌gaphû̌ dě ashiagakû tò̤ numî̌ sî sî̌ya tò̤ ya? Ma̤pûhǐ sî ma̤sǔ lǒkho pû tò̤nu, gènè̤ te̤mǎ lǒkho he hî̌ sî htǒonu. Kòyò htě a gûma̤ ta̤sò̌yṳ putupatǎ toǒ, kòyò htě a saba pwa̤yo̤ toǒ, kòyò htě a cû̌sǔnṳ kòphû̌kòma toǒ, makhû ta makhû cû̌sǔnṳ kè̌khînû̌ûnu toǒ,

Tîsalònǐ ginǐ̤bǎ tôbǎ 1:7

Pwǎ̤tadě sî ta pa khòbǎ ta̤jîta̤jû htǒotoǒnu, Cǒmara ma̤mo̤ gesǒtû̌ pa pě. Htû̌꤮ Běcǎ Ye̤shǔ ǒlṳhtò̌ akhapěnu, a ma̤mo̤htò̌ gesǒ pa pě. A hè dě mî̌plo̤ akû pě. A hè kû̌ta a tanaphû̌ htě a ǒ ta a ta̤po̤ta̤phǎ htǒonu toǒ pě.

Tîsalònǐ ginǐ̤bǎ tôbǎ 1:8

A cèrò kòyò htě a sî̌ya kû̌kò Cǒmara tò̤nu toǒ ta kòyò htě a jûle̤phî̌yo̤ pa Běcǎ Ye̤shǔ a ta̤sò̌le̤sò̌lò̤ awi̤akè̌ tò̤nu toǒ pě.

Petru ginǐ̤bǎ tabǎ 2:2

Dě kòyò gûkû̌plṳ̂ mè̤mè̤̌ asî klè̌ htě a lṳ̂ sǐshi a ta̤sò̌yṳ phû̌mò̤shî̌hto htǒonu toǒ pě. Asî ma̤hǐnu akhû̌akhî, kòyò ahǔwa̤ toǒ hî̌bǎ pi̤jishǐcǒ ta̤te̤ta̤mǎ aklè̌ pě.

Petru ginǐ̤bǎ tabǎ 2:6

Cǒmara cèrò Sò̌dowî̤ ta Gòmò̤̌rawî̤, dě a nolòte̤gè pî̌kèbò nû̌ûta mî̌. A ma̤htûhtò̌pwǎ bǎ kòyò dě anǒkò toǒ htě a bè̌dubè̌na̤ kû̌kò Cǒmara tò̤ toǒ ala̤kè̌mò̌mṳ aya.

Petru ginǐ̤bǎ tabǎ 3:7

Pwǎ̤ta Cǒmara hî̌lò̤ sǒsǒgesǒ ayo̤ pwǐ a bǒlò̤ mǒkhû̌ ta hǎkhû̌ akhanu akhû̌akhî, mǒkhû̌ ta hǎkhû̌ htě pa kè̌shǐ yǎ khònò̤ htǒotoǒnu, Cǒmara pṳ̂měǒkǔ asî dě a ma̤pî̌kè asî ta mî̌ pě. Cǒmara pṳ̂měǒkǔ to̤ asî mṳni̤ bǎ a cèrò ma̤pî̌kè kòyò htě a bè̌dubè̌na̤ nû̌û tò̤nu toǒ pě.