Yṳ̌da 1:6 - Kawyaw RC

⁶ Gènè̤htò̌bǎnṳ gesǒ lǒkho tû̌ tanaphû̌ htě a wîkè Cǒmara ǐ asî ata̤pǒǐ htǒonu, dě a hǎhtò̌cû̌ khǒkè ta a la̤ǒ htǒonu toǒ. Cǒmara cokloměbò asî ta sǒpli̤te̤htò̌ dě a dǒnṳ asî dě ta̤khǐ akla hǒ. Dě a bè̌ǒ to̤ asî bǎ ta̤cèrò a mṳni̤nu ti̤ni̤ pě.

Kawyaw New Testament

⁶ Gènè̤htò̌ tîkhîsô̌ lô̌khô tûû̌ tanaphû̌ dǒ a wîkè Cǒmara ǐ asî ata̤pǒǐnu, dě a hǎhtò̌cû̌ khô̌kè kû̌ a lǎ̤ô̌nu tokhlǒ. Cǒmara comě bòkè asî kû̌ sǒpli̤tè̤glè dě a dǒnṳ̌kè asî dǒ ta̤khǐsiwi̤ akû hǒ. Dě a bè̌ô̌ asî tǒ̤dǒ ta̤cî̌htò̌ a lṳmṳ̌ni̤dû̌ nutôni̤ pě.

Yṳ̌da 1:6 Iomraidhean Croise

Matěo 10:15

He hî̌ mè̤mè̤̌ sî, htû̌꤮ Cǒmara cèrò kòyòhǎkhû̌phû̌ pě akhanu, a cèrò jîkhlo kòyò htǒonu tado ta Sò̌dowî̤ ta Gòmò̤̌rawî̤phû̌ dě Cǒmara cèrò asî bǎ꤮ nukhanu toǒ pě.

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Matěo 8:29

Asî kaǎgu ta, “Cǒmara aphû̌khû, na sò̌yṳ ma̤ pa hî̌tè? Cǒmara amṳni̤ cèrò kò akhîakha to̤ hǒtò̤ akhanu, na glè hèma̤ kwè̌꤮ pa titè?”

Jowǎ̤ni̤ 8:44

Sîpha mî̌ khînǎmo̤pha hǐkǒdû̌ htě kò kaǎ yǎta Sehtonu tado hǒ. Sî sò̌yṳ gûma̤kû̌ pwǐ sîpha a ta̤sò̌yṳnu pwǎ. Sîpha mî̌ a htû pwa̤ma̤si kòyò dě khû̌lû̌kha pe. Ta̤te̤ta̤mǎ ǒ nû̌kû tò̤ akhû̌akhî, a gana̤de gûma̤ kû̌kò ta̤te̤ta̤mǎ tò̤. Bǎ a hî̌bǎ akhanu, a ta̤lòhǎlòho toǒ numî̌ a htû nû̌û la̤klo hǒ. A mî̌ kòyò lòhǎlòho tapwa̤ dě a htû lǒ̤꤮ bò ta̤lòhǎlòho toǒ apha hǒ.

Rṳ̂̌me̤ 2:5

Ma̤tè̤hî̌dě na mî̌ kòyò hǐkǒshò̌ dě sò̌phlǒbû̌tèplè̌yû tò̤ tapwa̤, hǐnudě, htû̌꤮ Cǒmara sò̌phlǒdû̌ dě a cèròcǒtè̤ta̤ ǒlṳhtò̌ pě akhanu, a sò̌phlǒdû̌khlo na pě dě a cèròjîkhlo na pě.

Ěphěsu 6:12

Ma̤tè̤hî̌dě, pa shěshǔ ta kòyò htě aǒ ta aphěayî̌ asǐashi toǒnu mè̤tò̤. Pa shěshǔ ta khînǎkhîno htě a pǒta̤ toǒ, ta khînǎ htě aǒ ta a ta̤shû̌ta̤sho toǒ ta khînǎ shû̌sho htě a pǒǐ hǎkhû̌ a ta̤khǐta̤lo̤nu toǒ, ta khînǎ phû̌mò̤ htě a ǒ dě mǒla̤nu toǒ.

Hebrǔ 10:27

A ǒkè pwǎpǒ̤ tacǎpa dě pa glè ǒpo̤pwǎ Cǒmara a ta̤cèrò ta mî̌gè plo̤dû̌ dě a gèsikèbò kòyò htě a sò̌khě Cǒmara htǒotoǒnu pě.

Petru ginǐ̤bǎ tabǎ 2:4

Mǒkhû̌tanaphû̌ htě a ma̤sǔta̤ toǒnu, Cǒmara bè̌lû̌kè asî tò̤. A wîlòte̤kè asî dě ngariǒkû. A dǒnṳ asî hǎkû khǐsuwu toǒ akû dě a bè̌ǒ to̤ asî bǎ ta̤cèrò a mṳni̤nu ti̤ni̤ pě.

Petru ginǐ̤bǎ tabǎ 2:9

Hǐnudě Běcǎ Cǒmara ma̤lû̌htò̌ge kòyò htě a ma̤to nû̌ûsò̌phlǒ dě a ǒ ta ta̤jîta̤jû akûnu toǒ hî̌tè pěnu a sî̌ya pwǎ. Htohǒtò̤ a pṳ̂měǐ kòyòjono̤ htǒotoǒ dě a cèrò sělěbò asî to̤htû̌ ta̤cèrò amṳni̤nu ti̤ni̤ pě.

Yṳ̌da 1:13

Asî toǒnu, alò̤ta shipěpǒshû̌ dě shidû̌shite̤we̤ akûnu toǒ pwǎ. Htohǒtò̤ asî ta̤ma̤ htě a htûhtò̌ ta̤sòwò̤ toǒnu a ǒlṳhtò̌ sǒsǒta shibǒbè̌nu pě. A sî mî̌ kòyò htě asûto kò klè̌ tò̤ alò̤ta shǎ htě acû̌htocû̌lò̤ aǒto agûla̤ tò̤nu toǒ. Cǒmara ma̤wǒnǎ bǎ asî gûla̤ dě ta̤khǐsuwukhlo kòyò tò̤glò dě a dǒnṳ asî bǎnu tûjûpwa̤ talakhǎ pě.

Ta̤dǔlè̌nǎ 20:10

Khînǎmo̤pha hǐkǒdû̌ htě a lǒplò̤ asî htǒotadonu, kò wîlòte̤kè nû̌û mî̌kla dě kò shû̌gè nû̌ûta ya̤sû̌bò htǒonu tokoǒ akû. Mî̌htǒo tokoǒ numî̌ kò la̤wîlòte̤ ta̤mi̤ta̤mò̤nu tado ta pwa̤po̤ lòhonu toǒ agûla̤nu hǒ. Dě asî khòbǎ ta̤jîta̤jû lṳmṳkhǐkhǐ lṳmṳshasha tûjûpwa̤ talakhǎ pě.

Ta̤dǔlè̌nǎ 20:2

A hè pṳ̂měkè wṳ̂sapo̤pṳ htě khînǎmo̤pha hǐkǒdû̌ děwǐkha nutabo. A mî̌ kò kaǎ nû̌û ta Sehto. Dě a cokloměyî̤ nû̌û anětîrî̌.