Yṳ̌da 1:4 - Kawyaw RC

⁴ Ma̤tè̤hî̌dě, kòyò htě a bè̌dubè̌na̤ Cǒmara tò̤ toǒnu, a hènṳhǔ dě sîkla hǒ. Ma̤pûhǐ asî hî̌bǎ lû̌htò̌nṳ ana̤ ta a ta̤ǒhtûpwa̤ aphû̌mò̤ toǒ ayanudě, a htû̌lè̌ tèplè̌ pî̌kè pa Běcǎ Cǒmara abwǐasîrî toǒ awi̤akè̌. Htohǒtò̤ asî htǒotoǒnu a yṳǎ kû̌ pa hǐkǒdû̌ Běcǎ Ye̤shǔkhrî̌stu htǒonu tò̤. Pwǐ lî̤cahtǐ hî̌nǎ ta̤cèrò toǒnu asî nî̤bǎbò pě.

Kawyaw New Testament

⁴ Ma̤titèhî̌dě, kòyò dǒ a bè̌dubè̌nǎ̤ Cǒmara tô̤̌ tokhlǒnu a hènṳ̌hǔ dǒ sîkla hǒ. Pô̤̌khô asî gǔ hî̌bǎ hǎplǎ anǎ̤ kû̌ a ta̤ô̌htûpwa̤ apî̌alṳ̂̌ tokhlǒ ayanudě, a htû̌lè̌ tèplè̌ge pa Běcǎ Cǒmara abwǐsîrî nutokhlǒ awe̤akè. Kǎtô̤̌ asî hǒtokhlǒnu a yṳ̌ǎ kû̌ pa ikǒlǒkòdû̌ Běcǎ Yeshǔ Khrǐ nutô̤̌. Pô̤̌ lî̤plò̌shǐ shôbǐǐ nǎ hto ta̤cî̌htò̌ tokhlǒnu asî khòbǎ lǒ̤bò pě.

Yṳ̌da 1:4 Iomraidhean Croise

Htû̌sò̌htò̌ 1:1

Kòyò htě a nî̤bǎ ta̤howi̤ toǒmî̌ a gûkû̌ pwa̤phû̌mò̤shî̌hto ata̤yṳ̂klè̌nè̌klò tò̤. A ihtǒ ǒhtukû̌ ta kòyò ta̤sǔǒnu toǒ aklè̌kû tò̤. A hǎnòò̌ǒkû̌ dě pwa̤hî̌phû̌mò̤ Cǒmara a ta̤cǐplǒhtěhtu akû tò̤tò̤.

Htû̌sò̌htò̌ 62:2

Pwa̤ htě a htû helo̤dû̌ ta pwa̤ma̤lû̌htò̌ge he mî̌ tû̌꤮ a. A mî̌ pwa̤ma̤kwaǐ he, he lò̤jûjòpe dî̌kî̌꤮ tò̤.

Matěo 13:25

A wi̤lò̤ htodě bǎ asî ge hǎmoǒ shope̤bò pṳ̂̌꤮ tapwa̤ akhanu, pwa̤ sò̌khěkhû̌khwè hè wi̤lò̤kû̌ ami̤to̤po̤khli toǒ bǎ asî bǔkû̌lǎ aklanu, htodě a hǎhtò̌cû̌kè.

Jowǎ̤ni̤ 17:3

Cǒmara mî̌tû̌ na tapwǎ̤pa, kòyò htě a sî̌ya na dě a sî̌ya ta he mî̌ Ye̤shǔkhrî̌stu htě na sûhè yǎ tapwa̤ numî̌, mè̤pwǎ ta̤sî̌ya htě a ǐ asî yolahtûpwa̤ tûjûpwa̤nu.

Pwa̤nophû̌ 11:23

Dě bǎ a cû̌to̤ akha, a cû̌kè̌shǐ ta kòyò htǒotoǒ nî̤bǎ Cǒmara abwǐasîrî akhû̌akhî, a sò̌le̤sò̌lò̤ mè̤mè̤̌ dě ma̤pûhǐ asî ǒhtûpwa̤ cǒtè̤ hèsělě ta Běcǎ dě, a ǐkhû̌ǐǎ tûsû kû̌po̤ asî kò.

Pwa̤nophû̌ 15:24

Pa gana̤de ta kòyò dě pakla toǒ cû̌nṳ ma̤dǐdò sî, htodě hî̌guhî̌gèbò sî, kò hî̌ hǐnu pwǎ̤ta asî mî̌ kòyò htě a phî̌nṳ kû̌ ta̤sû̌ǐtòwòǐ dě paǒnu toǒ mè̤tò̤.

Galatǐ 2:4

Pwǎ̤ta Tǐtǔnu kòyò toǒǒ sò̌yṳ nodǔtṳ nû̌û phě. Asînu toǒ mî̌ kòyò htě a sûlûlòho ana̤ pwǐ pṳwè̤nu toǒ pwǎ. Ma̤pûhǐ asî nṳ sèlèhǔ pa htû ta̤pelesesǎ dě Ye̤shǔkhrî̌stu akû htǒonudě asî hènṳhǔpwǎ dě pakla. Dě asî sò̌yṳ nohtûhtò̌pwǎ pa ta Yṳ̌daphû̌ toǒ a ta̤mǎlò̤ ajû.

Galatǐ 5:13

He pṳwè̤ sî꤮, ma̤pûhǐ sî nî̤bǎ ta̤pelesesǎ ayanudě, Cǒmara kaǎ sî hǒ. Pò̤̌ta sî nî̤bǎ ta̤ǒpelehtǒo akhû̌akhî, nopǒǐ pûma̤ sîna̤ ta sî sǐshiphěyî̌ a ta̤sò̌yṳnu toǒ ma̤ nî̌꤮. Mî̌tanu, sî to mo̤ǐ kè̌khînû̌û tapwa̤ ta tapwa̤, sî to ma̤jè kè̌khînû̌û tapwa̤ ta tapwa̤.

Ěphěsu 4:14

Hǐnudě pa mî̌ asǒsǒta phijaû̌phû̌ htě a onû̌penu toǒ mè̤petò̤ hǒ. Kòyòkě htě a sû̌ǐlòhǎlòho ta̤ toǒnu, a lǒǎplò̤ǎjòpe pa tò̤, dě pa yṳǎsǔjò kû̌pe asî ata̤sû̌ǐtòwòǐ tò̤ hǒ. Pa sǒsǒpe ta sǒkhli htě gili̤sǎ pla̤ gleglòshû̌ yǎ tabǎnu mè̤petò̤ hǒ.

Tîmôte awǐlǒ tôbǎ 5:8

Kòyò tapwa̤pwa̤ a dè kè̌ǐkhwè̌ǐ akhlialè tò̤ hî̌nu, a la̤kè Khrî̌stuphû̌ a ta̤sû̌ǐtòwòǐ hǒ. Dě a mî̌ kòyò htě a jîkhlope ta kòyò htě a yṳǎkû̌kò Khrî̌stu tò̤ tapwa̤. A jîgutṳ̌ mî̌ kòyò htě a kè̌ǐ a hǐphû̌phòphû̌ aphû̌ama tò̤nu toǒ hǒ.

Tîmôte ginǐ̤bǎ tôbǎ 2:12

Pa dè khòsò̌do ta̤ hî̌dě pa pǒǐ kû̌dǒ ta̤ ta a pě, Pa dè la̤lò̤kè yǎ dě a la̤lò̤shǔ pa pě.

Tîmôte ginǐ̤bǎ tôbǎ 3:6

Asî toǒǒnu, a cû̌ nṳkhǒnṳwa̤ dě kò hǐdǒkû dě asî pǒǐ pṳ̂měǐ mamǔ htě a yṳǎyûnu toǒ. Mamǔ htǒotoǒ numî̌ mamǔ htě a ǒ ta a ta̤sǔta̤plě a ta̤bǐta̤glî dě a gûkû̌ ta̤sò̌yṳ htě a ǒklî̌ǒklû̌ akònu toǒ pwǎ.

Petru awǐlǒ tabǎ 2:16

Ǒhtûpwa̤ lǒkho pwǐ kòyò nî̤bǎ ta̤pelesesǎ toǒnu nî̌꤮. Pwǎ̤ta noǎ pûma̤ sî ta̤pelesesǎ htǒonu ta a glè ma̤bǐkè pû sî ta̤sǔnu ma̤. Mî̌tanu ǒhtûpwa̤ sǒsǒ lǒkho ta Cǒmara ajû toǒnu.

Petru awǐlǒ tabǎ 2:8

“Lo̤htǒo tamanu a glè mè̤ lo̤ htě kò la̤htò̌tukhu yǎ aya, dě a ma̤lòkhǔpo̤ kò aya.” A gana̤de kû̌kò Cǒmara ale̤ayo̤ tò̤ akhû̌akhî, a htò̌tukhu lòkhǔpo̤ pwǎ. Cǒmara ma̤wǒ bǎ asîya hǐnuhǒ.

Petru awǐlǒ tabǎ 4:18

Pwǐ lî̤cahtǐ hî̌nǎ ta, “Kòyò cǒtè̤ toǒ glè nî̤bǎ ta̤ma̤lû̌htò̌ge ayanu, apò̤asha mè̤mè̤̌. Dèhî̌hǐnu dě kòyò htě a shodo Cǒmara toǒ ta ta̤ma̤sǔphû̌ toǒnu apò̤asha pwî̌꤮ tè pěnu la̤hî̌ agûla̤ ǒpe tò̤.”

Petru ginǐ̤bǎ tabǎ 2:10

Kòyò lǒ̤꤮ bò htě a gûma̤kû̌ pwǐ asî sò̌phlǒ a ta̤sò̌yṳ patǎ phû̌mò̤ akhû̌akhî, a ma̤ tukutakǎshǔ Cǒmara a sîrîshû̌sho toǒnu, Cǒmara cèrò jîkhlo asî pě. Kòyò hǐnu toǒ mî̌ kòyò khu, kòyò bè̌htò̌yî̤ ana̤ toǒ. Mǒkhû̌phû̌ htě kò bè̌dû̌bè̌htû nû̌û toǒnu, asî pi̤jishǐcǒ lǒkho, a ǐsha kû̌kò dî̌kî̌꤮ tò̤.

Petru ginǐ̤bǎ tabǎ 2:7

A ǐ lû̌htò̌kè kòyò cǒtè̤ tapwa̤ htě ami̤ ta Lò̌tǎ. Dě kòyòjono̤ htǒotoǒ asǐshi a ta̤sò̌yṳ phû̌mò̤shî̌hto toǒ akhû̌akhî, Lò̌tǎ sò̌phlǒmo̤ dî̌kî̌꤮ tò̤.

Petru ginǐ̤bǎ tabǎ 3:7

Pwǎ̤ta Cǒmara hî̌lò̤ sǒsǒgesǒ ayo̤ pwǐ a bǒlò̤ mǒkhû̌ ta hǎkhû̌ akhanu akhû̌akhî, mǒkhû̌ ta hǎkhû̌ htě pa kè̌shǐ yǎ khònò̤ htǒotoǒnu, Cǒmara pṳ̂měǒkǔ asî dě a ma̤pî̌kè asî ta mî̌ pě. Cǒmara pṳ̂měǒkǔ to̤ asî mṳni̤ bǎ a cèrò ma̤pî̌kè kòyò htě a bè̌dubè̌na̤ nû̌û tò̤nu toǒ pě.

Yṳ̂ha awǐlǒ tôbǎ 2:22

Dèhî̌hǐnudě kòyò htě a lòho tû̌aya tapwa̤ mî̌ ûpè? Kòyò tapwa̤pwa̤ dè hî̌ ta Ye̤shǔ numî̌ Khrî̌stu mè̤tò̤ hî̌mò̌nu, a mî̌ pwa̤sò̌khě Khrî̌stunu tapwa̤ hǒ. Htohǒtò̤ a mî̌ kòyò htě a wîkèbò pha ta phû̌khû sò̌gini̤ lǒ̤bò hǒ.

Yṳ̌da 1:15

Ma̤tè̤hî̌dě a hè cèròbò kòyò pě pṳ̂̌꤮ tapwa̤. A cèròbò kòyò htě a bè̌dubè̌na̤ kû̌kò Cǒmara tò̤nu toǒ pě. A cèrò asî ta̤sǔta̤plě htě asî ma̤to ta Cǒmara aklè̌aklò tò̤nu toǒ pě. Asî htè̌còwòshǔ Cǒmara akhû̌akhî, a cèrò asî pě.”

Yṳ̌da 1:18

Asî hî̌ bǎ sî ta, “Htû̌꤮ mṳni̤mṳsa gutṳ̌lò̤ pě toǒnu kòyò htě a pi̤jishǐcǒ luya̤ sî toǒ ǒhtò̌ pě. Asî toǒnu mî̌ a gûma̤ còcè̌pwǎ pwǐ a ta̤sò̌yṳsò̌bǎ phû̌mò̤ htě a to ta Cǒmara asò̌phlǒ tò̤ toǒnu.”

Ta̤dǔlè̌nǎ 15:4

Kǒ꤮ Běcǎ꤮, kò ǐsha nala̤ tò̤, na sîrîdû̌sîrîhtû htǒo kò olò̤ tò̤nu kò ǒjòpe dǐpwǎ̤꤮ tò̤. Cǒmara cahtǐnu a ǒ pwǎpǒ̤ na tapwǎ̤꤮ pa. Shiphû̌gaphû̌ lǒ̤꤮ bò kè̌shǐ nama̤ ta̤tota̤bǎ akhû̌akhî, a hè subusabahtò̌bò na pě.”