Yṳ̌da 1:3 - Kawyaw RC

³ He khobǒsû̌bǒmo̤ sî꤮, ta̤ma̤lû̌htò̌ge htě pa lǒ̤꤮ bò nî̤bǎplǒ nû̌û htǒo awi̤akè̌nu, he sò̌yṳ khwè̌cû̌ bǎ mè̤mè̤̌ sî pwǎ̤tadě khònò̤htǒo he kè̌shǐ ta he bǎ khwè̌cû̌khǒ tèplè̌ bǎlè̌ sî ta ahǔwa̤ tacǎ. Dě he sò̌yṳ ǐkhû̌ǐǎ sî ta ta̤sò̌le̤sò̌lò̤ awi̤akè̌ dě taplǎpa Cǒmara ǐlò̤phlǔbò akòyò lǒ̤bò htě a yṳǎ htǒotoǒnu, sî shětònò shǔwǒ pû yǎ nî̌꤮.

Kawyaw New Testament

³ He sû̌khômô̤ sî, ta̤ma̤hǎplǎge dǒ pa lǒ̤bò nǐ̤bǎ wô̤̌wô̤̌ lû̌û awe̤akènu, he sǎyṳ wě̤cû̌ bǎ jî̌ sî bǎbǎkǎlè khònò̤̌ he kè̌shǐ kû̌ he bǎ wě̤cû̌khô̌ tèplè̌ bǎ sî dǒ ashǔshawa̤ tôcǒ. Dě he sǎyṳ ǐkhû̌ǐǎ sî kû̌ ta̤sǎlě̤we̤kè dǒ Cǒmara ǐlò̤ htophlǔ bò tôplǎ nô̤̌ kû̌ kòyò lǒ̤bò dǒ a yṳ̌ǎ tokhlǒnu, sî jî̌pwǐ̤ ô̌ tònòshû̌sho wô̤̌wô̤̌ pû a nî̌꤮.

Yṳ̌da 1:3 Iomraidhean Croise

Pwa̤nophû̌ 17:3

Dě a pwe̤ǐ asî ta kò khwè̌nǎ lî̤cahtǐ awi̤akè̌nu toǒ dě a yṳ̂lṳphlo bǎ kò ta Khrî̌stu awi̤akè̌. Dě a hî̌, Khrî̌stu htě Cǒmara wû̌lǎ yǎta pwa̤ma̤lû̌htò̌ge kò htǒotapwa̤ numî̌ kò ma̤jîma̤jûhto nû̌û pědě a htûpwa̤gesǒ ta ta̤si pě a pwe̤ǐphlo bǎ kò hǐnu. Dě a hî̌, “Ye̤shǔ htě he pwe̤ǐlṳ bǎ sî khònò̤htǒo tapwa̤ numî̌ mî̌pwǎ Khrî̌stu htě Cǒmara wû̌lǎ nû̌û dě a glè ma̤lû̌htò̌ge kò htǒonu tapwa̤ hǒ.”

Pwa̤nophû̌ 18:28

Ma̤tè̤hî̌dě, a ta̤hî̌bǎdǒhtû̌ǐ htè̌kè̌khî kò toǒnu a ǒta ta̤po̤ta̤phǎshû̌sho, htohǒtò̤ a yṳ̂lṳbò̌ bǎ kò lî̤cahtǐ sasî̌ toǒ ta Ye̤shǔ mî̌ Khrî̌stu, htohǒtò̤ Ye̤shǔ mî̌ pwa̤ htě Cǒmara wû̌lǎ yǎta a glè ma̤lû̌htò̌ge kòyòhǎkhû̌phû̌ akhû̌akhî, a htè̌pè̤bò Yṳ̌daphû̌ toǒ dě kòyò tṳ̂prṳ̂taphǎ a lo̤mo̤.

Pwa̤nophû̌ 20:27

Ma̤tè̤hî̌dě ta̤ lǒ̤꤮ bò htě Cǒmara ta̤yè̤lò̤ǒnǎ toǒnu, he bè̌hǔ nǒ dǐcǎ꤮ tò̤. He pwe̤ǐsî̌ya htobò bǎ sî hǒ.

Pwa̤nophû̌ 28:28

Pò̌lu hî̌po̤, “Hǐnu akhû̌akhî, sî tobǎ sî̌ya lǒkho ta, Cǒmara a ta̤ma̤lû̌htò̌ge awi̤akè̌nu, kò sûcû̌ yǎ dě Yṳ̌daphû̌ mè̤tò̤ toǒ a ǒ hǒ, dě Yṳ̌daphû̌ mè̤tò̤ toǒ gana̤de nû̌û pě.”

Pwa̤nophû̌ 4:12

Kòyò htě a ma̤lû̌htò̌gejò pa mî̌ pwǎpǒ̤ Ye̤shǔ tapwǎ̤ pa. Kòyò hǔwa̤ htě Cǒmara ǐ asî ta a ma̤lû̌htò̌ge pa ayanu, bǎ hǎkhû̌ bǎoteběbònu a ǒ dǐpwǎ̤꤮ tò̤.”

Pwa̤nophû̌ 6:7

Hǐnudě Cǒmara ale̤ayo̤htǒo sǔ a lṳpîshîcû̌kè. Htodě Ye̤rǔshèlèwî̤kûnu, kòyò htě a yṳǎna̤ǎta̤ toǒ ǒwo̤ǒplṳ̂htò̌. Htohǒtò̤ pwa̤lṳhtò̌ta̤ toǒnu, a yṳǎna̤ǎplṳ̂ kû̌ mè̤mè̤̌.

Pwa̤nophû̌ 9:13

Ana̤nǐ hî̌shǔ, “Běcǎ, kòyò htǒotapwa̤ awi̤akè̌nu, he gana̤de kò saprṳ̂ hî̌htoplṳ̂ bǎ he ta, a ma̤jîma̤jû na kòyòcahtǐ ǒ dě Ye̤rǔshèlèwî̤kûnu toǒ, yahî̌.

Pwa̤nophû̌ 9:22

Saulǔ a ta̤dǒhtû̌ǐ bǎ kò htǒonu sǔ a ta̤sîrîshû̌sho dû̌hè dě a khòlṳ te̤mǎ bǎ kò ta Ye̤shǔ mî̌ Khrî̌stu mè̤mè̤̌ tapwa̤ akhû̌akhî, to̤ dě Yṳ̌daphû̌ ǒ bǎ Damatè̌wî̤ akûnu toǒ hî̌shǔgejòpe nû̌û dǐcǎ꤮ tò̤.

Kôritu awǐlǒ tôbǎ 15:3

Ta̤wi̤ta̤kè̌ htě a lo̤bǎdû̌khlo kò dě he nî̤bǎ ta he ǐlò̤ tṳtṳ bǎ sî htǒonumî̌ mè̤hǒ, ma̤pûhǐ pa lû̌htò̌ ta ta̤cèrò pa ta̤sǔ htǒonudě, Khrî̌stu khòsi asò̌ hǒ, lî̤cahtǐkû hî̌ hǐnu.

Galatǐ 2:5

Pò̤̌ta ma̤pûhǐ ta̤sò̌le̤sò̌lò̤ awi̤akè̌ atoamè̤ htǒo ǒměǒgle dě sîkû ayanu, pa gana̤dekû̌ asî ta̤hî̌bǎ dî̌kî̌꤮ tò̤.

Galatǐ 3:28

Yṳ̌daphû̌ ta khlilèphû̌hǔwa̤ Greekphû̌ toǒ, jûphû̌ ta pwa̤ nî̤bǎ ta̤pelesesǎphû̌ toǒ, makhû ta mamǔ, ta̤ lǒ̤꤮ bò htǒotoǒ numî̌ akhǒ nû̌û tò̤, ma̤tè̤hî̌dě sî lǒ̤꤮ bò htǒotoǒ numî̌ sî htûhtò̌bò kû̌ta Khrî̌stu tacǎnǔ꤮ pa hǒ.

Galatǐ 6:11

Khònò̤htǒo, kè̌ lǒkho mò̌! lî̤phlǒdû̌ htǒotoǒ numî̌ he khwè̌tû̌pwǎ ta hena̤.

Ěphěsu 1:1

He mî̌ Pò̌lu. Cǒmara sò̌phlǒǒ dě he glè htû Ye̤shǔkhrî̌stu a pwa̤nophû̌ tapwa̤. He khwè̌cû̌ lî̤htǒotabǎ dě Cǒmara akòyò htě a ǒ lǒkho dě Ephè̌shiawî̤kûnu toǒ a ǒ. Sî mî̌ kòyò toǒ htě a htûhtò̌ ta Khrî̌stu tacǎ꤮ pa, sî wîkè sî ta̤yṳǎ Ye̤shǔkhrî̌stu tò̤.

Phǐlǐpǐ 1:1

Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Phǐlǐpǐ 1:27

A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Kòlòtè̌ 1:2

He khwè̌ cû̌nṳ bǎ pa pṳwè̤ Khrî̌stuphû̌ htě a cahtǐ dě acǒtè̤ ta ayo̤ dě a ǒ lǒkho Kòlò̌shiawî̤kûnu toǒ a ǒ. Papha Cǒmara abwǐasîrî ta a ta̤pè̤ta̤dû ǒkû̌ tû̌ta sî nî̌꤮.

Tîsalònǐ awǐlǒ tôbǎ 2:2

Pwǐ sî sî̌yahto hǒnu, bǎ pa hèto̤ sî ǒ hǒtò̤ akha, Phǐlǐpiawî̤phû̌ toǒ ma̤jîma̤jû pa, htodě ma̤sòwò̤bò pa. Kò ma̤ dǐdò tukutakǎ pa pwǎ̤ta ma̤pûhǐ pa dǒhtû̌ǐ bǎ sî ta Cǒmara a ta̤sò̌le̤sò̌lò̤ awi̤akè̌nu dě, pa Cǒmara ǐ pa ta̤khuta̤ha hǒ.

Tîmôte awǐlǒ tôbǎ 1:18

Hephû̌khû Timò̤̌te, ta̤htě he noma̤ na khònò̤ htǒotoǒ numî̌, a gûma̤kû̌pwǎ kòyò toǒ a ta̤hî̌bǎnǎ nawi̤nakè̌ toǒnu pwǎ. Ma̤pûhǐ na shěwǒ ta̤ ayanu, noǎ Cǒmara a ta̤hî̌bǎnǎ htǒotoǒ pwǐ kò noǎ ta̤wè̌ta̤htò toǒnu nî̌꤮.

Tîmôte awǐlǒ tôbǎ 6:12

Ta̤yṳta̤nǎ a ta̤shěta̤pe̤nu tûrû̌ jipwi̤ shě yǎta awǒ gutṳ̌ nî̌꤮, dě pṳ̂měǐwǒ yolahtûpwa̤ tûjûpwa̤ htǒonu nî̌꤮. Bǎ na olò̤ na ta̤yṳta̤nǎ htǒonu dě kò saprṳ̂ a lo̤mo̤ akhanu, Cǒmara kaǎ na dě na nî̤bǎ yolahtûpwa̤ tûjûpwa̤ htǒonu hǒ.

Tîmôte ginǐ̤bǎ tôbǎ 1:13

Pwǐ na phî̌nṳhto ta̤sî̌ya helo̤ toǒnu, pṳ̂měǐ dě gûkè̌mò̌mṳ ma̤pû yǎ nî̌꤮. Na to yṳǎ sělěhè Khrî̌stu dě na to mo̤ǐ kòyò ahǔwa̤ toǒ. Na ta Ye̤shǔkhrî̌stu htûhtò̌ nû̌û tacǎ꤮ pa akhû̌akhî, na ma̤bò̌pwǎ ta̤.

Tǐtǔ 1:4

Tǐtǔ꤮, he khwè̌cû̌ lî̤ htǒotabǎ dě naǒ. Na ta̤yṳta̤nǎ sǒsǒta pa tacǎ꤮ pa akhû̌akhî, nanu asǒsǒta hephû̌ sana̤ ta hena̤. Pha Cǒmara ta pwa̤ma̤lû̌htò̌ge pa Ye̤shǔkhrî̌stu htǒo ǐtû̌ta na ta̤bwǐta̤sîrî ta ta̤gûjûkabǎ nî̌꤮.

Hebrǔ 13:22

He khobǒsû̌ sî, lî̤ htě he khwè̌ ǐkhû̌ǐǎ sî htǒonu a htû nǒtò̤. Htodě he kwigwèbǎǐ sî ta sî khòsò̌do gana̤de he ta̤ǐkhû̌ǐǎ sî htǒonu nî̌꤮.

Hebrǔ 6:9

Pwǎ̤tadě khobǒsû̌ sî꤮, pa hî̌ pwǐhè̌o pwǎ̤tadě pa yṳǎpwǎ sî. Pa yṳǎ mè̤mè̤̌ ta sî ma̤pwǎ ta̤wǒ toǒ pě. Ta̤wǒ htǒotoǒnu, a hè dě sî nî̤bǎ ta̤ma̤lû̌htò̌ge htǒonu a ǒ pwǎ.

Petru awǐlǒ tabǎ 5:12

He khwè̌phǒpwǎ bǎ sî lî̤htǒo pwǎ. He ǐkhû̌ǐǎ sî, htodě he khò hesò̌ ta ta̤htǒomî̌ Cǒmara abwǐasîrî mè̤mè̤̌. Ǒměǒgle lǒkho ta ta̤htǒonu akû nî̌꤮. Sǐla dě he bè̌yǎ pwǐ he pṳwè̤ htě acǒatè̤ ta ayo̤htǒo tapwa̤nu, a khwè̌jèdǒ he lî̤htǒotabǎ.

Petru ginǐ̤bǎ tabǎ 1:1

Pa Cǒmara ta pwa̤ma̤lû̌htò̌ge pa Běcǎ Ye̤shǔkhrî̌stu htǒotapwa̤ a ta̤cǒta̤tè̤ akhû̌akhî, sî mî̌ kòyò toǒ htě a nî̤bǎdǒ ta̤yṳta̤nǎ dě alò̤ta pa htǒotoǒ hǒ. Dě he khwè̌cû̌bǎ sî lî̤htǒo. He mî̌ Shîmǒ̤nè̤ Petru, he htû Ye̤shǔkhrî̌stu ajû ta a pwa̤nophû̌ tapwa̤.

Petru ginǐ̤bǎ tabǎ 2:21

Dě asî yanu, a dè sî̌yanǒ ta̤cǒta̤tè̤ aklè̌ dǐkhò̌꤮ tò̤ hî̌numî̌, awǒkhlope ta a sî̌yahtodě a cû̌ wîkèsǒ ta̤mǎlò̤ cahtǐ htě kò ǐlò̤hto asî htǒonu toǒ.

Yṳ̌da 1:1

He mî̌ Jǎgomo̤ apṳ Yṳ̌da, htohǒtò̤ he mî̌ Ye̤shǔkhrî̌stu ajû tapwa̤. He sò̌yṳ khwè̌cû̌bǎ kòyò htě pha Cǒmara kaǎ asî dě a mo̤ǐ asî, htohǒtò̤ Ye̤shǔkhrî̌stu ǒpo̤ ma̤kwaǐ asînu toǒ a ǒ.

Yṳ̌da 1:17

Pwǎ̤ta he khobǒsû̌ sî꤮, gènè̤htò̌ to̤bǎ gesǒ lǒkho pa Běcǎ Ye̤shǔkhrî̌stu a pwa̤nophû̌ toǒ dǒhtû̌ǐnǎ htobǎ sînu toǒ nî̌꤮.

Yṳ̌da 1:20

Pwǎ̤ta he khobǒsû̌ sî꤮, sî bǎ ma̤dû̌htò̌htûhtò̌ sělěpo̤ lǒkho sî ta̤ǒhtûpwa̤ htǒonu dě sî ta̤yṳta̤nǎ cahtǐ htě ashoatònòwǒ htǒonu alo̤ dě, bǎ sî kwisaba akhanu, nǎla̤htò̌ǐ lǒkho Běcǎ sǎcahtǐ yṳ̂klè̌nè̌klò sînu toǒ nî̌.

Ta̤dǔlè̌nǎ 12:11

Pa pṳwè̤ toǒnu, sophû̌ asǐ akhû̌akhî, ta asî dǒhtû̌ǐ bǎ kò Cǒmara ale̤ayo̤ akhû̌akhî, asî ma̤pè̤kè khînǎmo̤pha hǐkǒdû̌ hǒ. Asî kè̌shǐbǎ ta ta̤si bǎbǎ, a sò̌le̤ǐ a ta̤htûpwa̤ tò̤.

Ta̤dǔlè̌nǎ 2:10

Ta̤htě na glè̌ khòbǎ khònò̤ htǒonu, ǐsha pû ala̤ dî̌kî̌꤮ ma̤ nî̌. Khînǎmo̤pha hǐkǒdû̌ ma̤wǒ kòyò dě kòyò glè ma̤kè̌bǎ sî akhû̌akhî, a dǒnṳ sî dě apo̤kû toǒǒ pě. Kòyò ma̤jîma̤jû sî ani̤shǐ asashǐ pě. To̤htû̌ na kè̌shǐbǎ ta ta̤si bǎbǎ, tûrû̌ cǒtè̤ ta henu, he ǐtû̌ na ta̤htûpwa̤ a khû̌glûhta pě.