Yṳ̌da 1:16 - Kawyaw RC

¹⁶ Kòyò htǒotoǒ numî̌ kòyò htě a tṳ̂mṳ̂ta̤ma̤shû̌ ta a bè̌ tû̌ ta̤sǔ dě kòhǔwa̤ alo̤ pṳ̂̌꤮ taplǎ. Asî gûma̤ kû̌ta ana̤klû a ta̤sò̌yṳsò̌bǎ phû̌mò̤shî̌htonu toǒ akò pwǎ. Asî hî̌bǎ htû̌sò̌kò̌koǐ lǒkho ana̤, htohǒtò̤ ma̤pûhǐ asî nî̤bǎ ta̤ htě a sò̌yṳnu toǒ dě, a hî̌bǎ htû̌sò̌ǐ lǒkho kòyò.

Kawyaw New Testament

¹⁶ Kòyò hǒtokhlǒ numî̌ kòyò dǒ a tûmṳ̂̌ta̤ma̤ shû̌ dě a bè̌pwǎ ta̤sǔ dǒ kò alô̤ pṳ̂̌taplǎ. Asî gû̌ma̤ tûû̌ anǎ̤glǒ a ta̤sǎyṳsǎbǎ phû̌mò̤̌ nutokhlǒ akò pwǎ. Asî hî̌bǎ htû̌sò̌ ǐtû̌ lô̌khô anǎ̤, kǎtô̤̌ pô̤̌khô asî gǔ nǐ̤bǎ ta̤ dǒ a sǎyṳ nutokhlǒ dě, a hî̌bǎ htû̌sò̌htò̌ǐ lô̌khô kòyò.

Yṳ̌da 1:16 Iomraidhean Croise

Htû̌sò̌htò̌ 106:25

Asî ǒ lǒkho dě ahǐphû̌kû dě a tṳ̂mṳ̂ta̤ma̤. A gana̤de Cǒmara tûjûpwa̤ ayo̤ tò̤.

Htû̌sò̌htò̌ 15:4

Htohǒtò̤ kòyò htě a wi̤ja kòyòsò̌phlǒphû̌mò̤shî̌hto dě Cǒmaradû̌ wîkè asînu toǒ, Dě a bè̌dû̌bè̌htû kòyò htě a ǐsha ta bè̌dubè̌na̤ Cǒmara tûjûpwa̤nu toǒ, A bèlò̤hto ayo̤ ta a glè ma̤ tacǎcǎ dě apò̤asha pwî̌tè꤮ bǎbǎ a ma̤ mè̤mè̤̌ pwǐ a bèhtonu toǒ,

Htû̌sò̌htò̌ 17:10

Asî mî̌ a ta̤sò̌yṳgwèbǎǐ ǒkû̌ tò̤. Asî hî̌bǎ htò̌yî̤ mè̤mè̤̌.

Htû̌sò̌htò̌ 73:8

Asî pi̤jishǐcǒ kò, a hî̌bǎ còcè̌ ta̤phû̌mò̤shî̌hto. Asî phî̌dû̌phî̌htû ana̤, a ma̤nûma̤cěbò kò.

Lǔka 15:2

Pharisè̌phû̌ toǒ ta pwa̤sû̌ǐ ta̤sû̌ta̤tòwò asara toǒ tṳ̂mṳ̂ta̤ma̤ ǐbò Ye̤shǔ yo̤ ta, “Kòyò htǒotapwa̤ kaǎshǔ ta̤ma̤sǔphû̌ toǒ, dě a cû̌ ǎhtudǒkû̌ ta asî lè.”

Lǔka 19:7

Kòyò lǒ̤꤮ bò htě a kè̌shǐ Ye̤shǔ cû̌ dě Sakhè̌ǔ ahǐ toǒnu, a tṳ̂mṳ̂ta̤ma̤bò lǒkho dě ahî̌, “Kòyò htǒotapwa̤ cû̌ǒlè tǒ̤kû̌ ta ta̤ma̤sǔphû̌ ahǐ.”

Lǔka 5:30

Pharisè̌phû̌ toǒ ta pwa̤sû̌ǐ ta̤sû̌ta̤tòwò asara sî aprṳ̂kla toǒǒ bè̌bò ta̤sǔ dě Běcǎ Ye̤shǔ akhophijaû̌ toǒ akhû̌ dě a hî̌, “Sî cû̌ ǎhtuohtukû̌ ta pwa̤kwi ta̤kûta̤cî̌ toǒ ta ta̤ma̤sǔphû̌nu toǒ ma̤tè?” Asî gwè lǒkho hǐnu.

Jowǎ̤ni̤ 6:41

“He mî̌ shǎǎ ǒdě mǒkhû̌ hèlò̤,” Běcǎ Ye̤shǔ hî̌ hǐnu akhû̌akhî, Yṳ̌daphû̌ toǒ tṳ̂mṳ̂ta̤ma̤bò nû̌û.

Jowǎ̤ni̤ 6:61

Akhophijaû̌ toǒ tṳ̂mṳ̂ta̤ma̤ lǒkho pwǐhè̌onu a sî̌ya akhû̌akhî, a hî̌ asî, “He hî̌ pwǐhè̌o dě sî sò̌phlǒpî̌bò lǒkho ta he ta̤sû̌ǐ htǒotoǒ ya?

Kôritu awǐlǒ tôbǎ 10:10

Pa bǎ tṳ̂mṳ̂ta̤ma̤nṳ pwǐ asî toǒǒ tṳ̂mṳ̂ta̤ma̤nu tò̤. Paphipaphu dě wǐkha toǒ tṳ̂mṳ̂ta̤ma̤ lǒkho akhû̌akhî, mǒkhû̌tanaphû̌ ma̤sikè asî.

Galatǐ 5:16

Hǐnudě he hî̌ sî, ǒhtûpwa̤ lǒkho pwǐ Běcǎ sǎcahtǐ yṳ̂klè̌nè̌klò sînu nî̌꤮. Sî dè ma̤hǐnu htodě sî gûma̤kû̌pe sî sǐshiphěyî̌ a ta̤sò̌yṳ tò̤ hǒ.

Galatǐ 5:24

Kòyò htě a htû Ye̤shǔkhrî̌stu ata toǒ numî̌ a sǐshiphěyî̌ a ta̤sò̌yṳ pǒǐpe nû̌û tò̤ hǒ. A htǎwa̤sikè a sǐshiphěyî̌ a ta̤sò̌yṳ lǒ̤꤮ bò dě nò̌dòhtǔ alo̤ hǒ.

Phǐlǐpǐ 2:14

Ma̤pûhǐ sî htûhtò̌ kòyò mṳ̂plî dě kò hèbè̌ ta̤sǔ sîlo̤ ǒpe pû tò̤, htohǒtò̤ ma̤pûhǐ sî bǎ htûtû̌ Cǒmara a phû̌mǔphû̌khû htě ata̤sǔ ǒtò̤ toǒnu, dě bǎ sî ǒhtûpwa̤ kòyò phû̌mò̤ cǒtè̤tò̤ htǒotoǒ akla htǒoakha, ma̤pûhǐ sî lîrakhahtò̌ bǎ kò pwǐ shǎtoǒ dě hǎkhû̌tebě htǒoayanu, sî ma̤ta̤ hî̌tètè̌꤮ bǎbǎ, tṳ̂mṳ̂ta̤ma̤ lǒkho pûma̤ nî̌꤮.

Tîsalònǐ awǐlǒ tôbǎ 4:5

Nopǒǐlò̤ pûma̤ sîna̤ ta ta̤lṳ̂ma̤mo̤ǐ na̤toǒ ta ta̤putupatǎ a ta̤sò̌yṳ pwǐ kòyò htě a sî̌ya kû̌kò Cǒmara tò̤nu toǒ ma̤ nî̌꤮.

Tîmôte awǐlǒ tôbǎ 6:5

Htohǒtò̤, a noǒhtò̌ ta̤gègo kò pṳ̂̌꤮ taplǎ. Kòyò htě a gègo kò htǒotoǒ a ta̤gènè̤ numî̌ a phû̌mò̤shî̌hto dě ta̤te̤ta̤mǎ ǒpe asîkû tò̤. Ta̤subusaba numî̌ klè̌ htě kò glè dû̌yò̤htò̌sa aya tabo asî gènè̤ lǒkhopwǎ hǐnu.

Tîmôte ginǐ̤bǎ tôbǎ 4:3

Akhîakha htě kòyò gana̤depe ta̤sû̌ǐtòwòǐ atoamè̤ htǒotò̤nu a hèto̤ pě. Dě asî sò̌phlǒ guyṳkèsè̌ lǒkho ta a bè̌plǒ ǒwo̤htò̌dû̌ tû̌ asara wǒtò̤ toǒ dě a dǒhtû̌ǐ bǎ asî pwǐ asî sò̌phlǒ guyṳkèsè̌ sò̌yṳ gana̤denu toǒ pě.

Petru awǐlǒ tabǎ 1:14

Sî mî̌ kòyò htě a gana̤de Cǒmara ayo̤ sǒsǒta phijaû̌phû̌ toǒnu akhû̌akhî, ǒhtûpwa̤ lǒkhope pûma̤ ta̤sò̌yṳ phû̌mò̤ toǒ akû pwǐ dě awǐanǒ bǎ sî sî̌ya Khrî̌stu hǒtò̤ akhanu toǒ ma̤ nî̌.

Petru awǐlǒ tabǎ 2:11

He khobǒsû̌bǒmo̤ sî꤮, hǎkhû̌bǎonu sî mî̌ alò̤ta kòyò cû̌htû shihǔwa̤gakhlophû̌ shǐtè̤mè̤ toǒ pwǎ. He kwigwèbǎǐ sî ta sî glè cû̌tephekè lǒkho ta sî na̤klû a ta̤sò̌yṳ phû̌mò̤ htě ashěape̤ sala̤ sî sò̌phlǒ htǒonu toǒ nî̌꤮.

Petru awǐlǒ tabǎ 4:2

Hǐnudě sahtò̌ khònò̤htǒo tǒ̤hè dě, sî mṳni̤mṳsa htě a ǒkèpe dě hǎkhû̌bǎo toǒnu sî bǎ ǒhtûpwa̤ pwǐ Cǒmara a ta̤sò̌yṳnu. Sî bǎ ǒhtûpwa̤pe pwǐ kòyòhǎkhû̌phû̌ a ta̤sò̌yṳ phû̌mò̤nu toǒ tò̤.

Petru ginǐ̤bǎ tabǎ 2:10

Kòyò lǒ̤꤮ bò htě a gûma̤kû̌ pwǐ asî sò̌phlǒ a ta̤sò̌yṳ patǎ phû̌mò̤ akhû̌akhî, a ma̤ tukutakǎshǔ Cǒmara a sîrîshû̌sho toǒnu, Cǒmara cèrò jîkhlo asî pě. Kòyò hǐnu toǒ mî̌ kòyò khu, kòyò bè̌htò̌yî̤ ana̤ toǒ. Mǒkhû̌phû̌ htě kò bè̌dû̌bè̌htû nû̌û toǒnu, asî pi̤jishǐcǒ lǒkho, a ǐsha kû̌kò dî̌kî̌꤮ tò̤.

Petru ginǐ̤bǎ tabǎ 2:18

Asî hî̌bǎ bè̌htò̌yî̤ lǒkho ayo̤ htě abwǐasîrî ǒtò̤ toǒ. Asî cû̌ sû̌ǐ kò ta kò glè ma̤ta̤sòwò̤ ta sǐshi a ta̤sò̌yṳ patǎ toǒ. Asî lǒcû̌ tephekè kò ta klè̌toklè̌bǎ toǒ. Kòyò htě asî lǒplò̤ toǒnu, a ǒkǔsa mǒ̤bòpepwǎ ta ta̤sǔ pwǐ asînu toǒ ma̤nu pwǎ.

Petru ginǐ̤bǎ tabǎ 3:3

Awǐgutṳ̌mî̌, sî tobǎ sî̌yaphlo ta htû̌mṳni̤ gutṳ pěmî̌ kòyò toǒǒ ǒlṳhtò̌ pě dě a pi̤jishǐcǒ luya̤bò pě. Asînu toǒ mî̌ a bǎ gû ma̤còcè̌pwǎ a ta̤sò̌yṳ phû̌mò̤shî̌hto toǒ pě.

Yṳ̌da 1:15

Ma̤tè̤hî̌dě a hè cèròbò kòyò pě pṳ̂̌꤮ tapwa̤. A cèròbò kòyò htě a bè̌dubè̌na̤ kû̌kò Cǒmara tò̤nu toǒ pě. A cèrò asî ta̤sǔta̤plě htě asî ma̤to ta Cǒmara aklè̌aklò tò̤nu toǒ pě. Asî htè̌còwòshǔ Cǒmara akhû̌akhî, a cèrò asî pě.”

Yṳ̌da 1:18

Asî hî̌ bǎ sî ta, “Htû̌꤮ mṳni̤mṳsa gutṳ̌lò̤ pě toǒnu kòyò htě a pi̤jishǐcǒ luya̤ sî toǒ ǒhtò̌ pě. Asî toǒnu mî̌ a gûma̤ còcè̌pwǎ pwǐ a ta̤sò̌yṳsò̌bǎ phû̌mò̤ htě a to ta Cǒmara asò̌phlǒ tò̤ toǒnu.”