Yṳ̌da 1:12 - Kawyaw RC

¹² Bǎ sî bǒsû̌khǎkho ǎplǒoplǒnû̌û shǎǎ akhanu, kòyò htǒotoǒ hènṳma̤ cǒprǒwi̤ja kû̌ ta sî. Asî htǒotoǒ numî̌ alò̤pwǎ ta pwa̤gèǐsophû̌ toǒ, dě a sò̌le̤kè̌dû̌ pwǎpǒ̤ a la̤ǎbǎobǎ ayapwǎ dě a ta̤la̤sòwò̤nu a ǒ kû̌ lǒkho kò dǐcǎ꤮ tò̤. Asî numî̌ alò̤ta poǒlṳ toǒ dě a cû̌kè dě a julò̤ bǎ kò tò̤nu toǒ pwǎ. Asî htǒotoǒnu alò̤ta sǒmṳ htě asǎapho hǎhtò̌ kû̌kò ta akhîakha tò̤ toǒ, dě kò htěhtò̌ yò̌htò̌sada khò̌wi̤kè asî dě a sikèbò pwǎ.

Kawyaw New Testament

¹² Bǎ sî bǒsû̌khǎkhô ǎwô̤̌wô̤̌ ôwô̤̌wô̤̌ shǎǎ akhanu, kòyò hǒtokhlǒ hènṳ̌ ma̤wǐma̤phû̌mò̤̌ kû̌ sî pě. Asî hǒtokhlǒ numî̌ asô̌sô̌pwǎ kû̌ pwa̤kè̌sû̌phû̌ tokhlǒ dǒ a bè̌dû̌ pwǎtǒ̤ a lǎ̤ǎbǎôbǎ ayapwǎ dě a lǎ̤sòwò̤̌nu a ô̌ kû̌ lô̌khô kòyò tôcǒ tô̤̌. Asî numî̌ asô̌sô̌kû̌ poǒlṳ̌ tokhlǒ dǒ a cû̌kè dě a julò̤ bǎ kòyò tô̤̌ nutokhlǒ pwǎ. Asî hǒtokhlǒnu asô̌sô̌kû̌ sǒmṳ̌ dǒ asǎaphô hǎhtò̌ gû̌ kòyò kû̌ ashěakhǎ tô̤̌ tokhlǒ, dě kòyò htěhtò̌sada akhò̌wǐ̤ dě a sibòkènu.

Yṳ̌da 1:12 Iomraidhean Croise

Htû̌sò̌htò̌ 1:3

Kòyò hǐnutoǒ mî̌ alò̤ta kò shǒǐ sǒmṳ dě shiklohtu, asǎ toshutokha. Alǎ lòsu kû̌kò dǐkhò̌꤮ tò̤. A ma̤ titètè̌꤮ mî̌ a ǎbǎǒbǎ.

Htû̌sò̌htò̌ 37:2

Teděsǎ akû, asî nokhwekè sǒsǒta mi̤mṳ pě. Ǒyî̤tò̤ pě, asî khwesikèbò lò̤ta sǒdosǒlǎ pě.

Matěo 13:6

Pò̤̌ta akhò̌wi̤ yṳ̂lò̤yo̤tò̤ akhû̌akhî, bǎ lṳmṳ shěbǎ yǎ akhanu, alû̌gûbò amṳ toǒ dě anokèbò.

Matěo 15:13

Dě a hî̌shǔ asî, “Hepha dě mǒkhû̌ tapwa̤ yò̌htò̌bòkè sǒmṳ htě a shǒ mè̤tò̤nu toǒ pě.

Mǎ̤riko 4:6

Dě akhò̌wi̤ yṳ̂lò̤yo̤tò̤ akhû̌akhî, bǎ lṳmṳhtò̌ dě a shělò̤ bǎ nû̌ûmṳ dǒjahtò̌htǒo akhanu, anosikè pwǎ.

Lǔka 12:45

Pwǎ̤tadě jûphû̌ hǐkǒdû̌ htǒotapwa̤ dè hî̌lò̤ ana̤, ‘Wǐ꤮ ta heběcǎ gesǒmî̌ ayî̤꤮ pe kǎlè,’ a hî̌ dě aphlěapo̤ jûphû̌ mamǔmakhû toǒ, htodě a ǎmṳopǒ.

Lǔka 16:19

“Taplǎnu, kòyò dû̌yò̤htò̌sa ǒtapwa̤. Akûasǒ còcè̌ hǐdopo̤to̤ htě apwî̤dû̌gutṳ̌ toǒ, dě a ǎwǐoshu, ma̤mo̤ ǐ ana̤ pṳ̂̌꤮ ti̤ni̤.

Lǔka 21:34

“Ǒsè̌rè̌ lǒkho sîna̤ nî̌. Bǎ sî ǎmṳomṳ akha sî ma̤bǐma̤ǒ ta̤nu toǒ bǎbǎ, sî gugè lǒkho ta sî ta̤ǒhtûpwa̤ dě hǎkhû̌htǒo tuhtu toǒnu bǎbǎ, ma̤bòkè pûma̤ sî akhîakha toǒnu ma̤ nî̌. Pěmî̌ kòyòphû̌khû mî̌ hehtǒo hèto̤sǒ dě sî ǒ, bǎ sîgènè̤to̤ tò̤nu ti̤ni̤ tasa pě.

Lǔka 8:6

Toǒǒnu a lò̤te̤to lo̤kla dě bǎ a phǎhtò̌ akhanu, hǎkhû̌ sǐcǒtò̤ akhû̌akhî, amṳ khwesi samṳbò pwǎ.

Ěphěsu 4:14

Hǐnudě pa mî̌ asǒsǒta phijaû̌phû̌ htě a onû̌penu toǒ mè̤petò̤ hǒ. Kòyòkě htě a sû̌ǐlòhǎlòho ta̤ toǒnu, a lǒǎplò̤ǎjòpe pa tò̤, dě pa yṳǎsǔjò kû̌pe asî ata̤sû̌ǐtòwòǐ tò̤ hǒ. Pa sǒsǒpe ta sǒkhli htě gili̤sǎ pla̤ gleglòshû̌ yǎ tabǎnu mè̤petò̤ hǒ.

Phǐlǐpǐ 3:19

Asî klè̌ htǒonu a gutṳkè bǎ ta̤pî̌ta̤lṳ̂ ngariǒkûnu pě. Asî Běcǎ mî̌ ana̤klû a ta̤sò̌le̤sò̌lò̤ htǒonu toǒ hǒ. Ta̤htě asî to sòwò̤ǐnu toǒ dě a phî̌htò̌yî̤ lǒkhope ana̤. Htohǒtò̤ asî gènè̤ còcè̌pwǎ ta̤ htě kòyòhǎkhû̌phû̌ gènè̤tû̌nu toǒ pwǎ.

Tîmôte awǐlǒ tôbǎ 5:6

Pò̤̌ta mamǔǒkhwè̌ tapwa̤ dě a kè̌lǎ a ta̤sò̌le̤sò̌lò̤ a ta̤ma̤mo̤lò̤ ana̤ tapwa̤nu, a htûpwa̤ pwǎ̤ta a sihto hǒ.

Hebrǔ 13:9

Nolǒǎplò̤ǎ cû̌sǔ pûma̤ sî ta ta̤sû̌ǐtòwòǐ lǒ̤bò htě a kî̌yanu toǒ ma̤ nî̌꤮. Gûcû̌kû̌ pûma̤ nî̌꤮. Sî sò̌phlǒ htǒonu, a to khû̌ǎshû̌shohtò̌ ta Cǒmara abwǐasîrî akhû̌akhî pwǎ. Sî gana̤de gûma̤kû̌ shǎǎshǎo a ta̤sû̌ta̤tòwò toǒ akhû̌akhî, sî sò̌phlǒ khû̌ǎshû̌shohtò̌ tǒ̤ hǐnu mè̤tò̤. Sî gana̤de gûma̤kû̌ ta̤sû̌ta̤tòwò akhû̌akhî htǒonu, a nî̤bwǐnî̤sîrî sîya dǐcǎ꤮ tò̤.

Jǎgomo̤ 5:5

Bǎ sî ǒhtûpwa̤ dě hǎkhû̌bǎo akhanu, sî lṳ̂ma̤mo̤ lǒbehtotû̌ sî sò̌phlǒ ta hǎkhû̌ ata̤mo̤ toǒ hǒ. Sî ma̤bû̌ma̤sû̌ sîna̤ sǒsǒta ta̤phû̌ta̤li̤nu hǒ, pò̤̌ta ta̤phû̌ta̤li̤ htǒonu kò glè ma̤si asî htû̌꤮ ta̤ma̤si amṳni̤nu ti̤ni̤ pěnu a sî̌ya lǒkho ana̤tò̤.