Yṳ̌da 1:11 - Kawyaw RC

¹¹ Cǒmara cèrò mè̤mè̤̌ asî pě, ma̤tè̤hî̌dě asî gûma̤kû̌ pwǐ Kaî̌no ma̤nu akho. Dě asî sò̌le̤kè̌dû̌ wûhta akhû̌akhî, a sò̌phlǒsho gûma̤kû̌ pwǐ Bela ma̤sǔhtonu hǒ. Asî shěshǔ kò htû hǐkǒdû̌ toǒ sǒsǒta Kò̌rǎ ma̤htonu hǒ. Kò ma̤pî̌kè asî pwǐ kò ma̤pî̌kè Kò̌rǎnu pě.

Kawyaw New Testament

¹¹ Cǒmara gǔ cî̌htò̌ mè̤̌mî̌ca asî pě, ma̤titèhî̌dě asî gû̌ma̤ pô̤̌ Khûkayi ma̤nu hǒ. Dǒ asî bè̌dû̌ ruhta akhû̌akhîdě, a sǎphlǒshû̌ gû̌ma̤ pô̤̌ Khûbala ma̤sǔ nuhǒ. Asî ma̤shěshu kòyò htû ikǒlǒkòdû̌ tokhlǒ sô̌sô̌kû̌ Khûkû̌ri ma̤hto nuhǒ. Kòyò ma̤pî̌kè asî pô̤̌ kòyò ma̤pî̌kè Khûkû̌ri nupě.

Yṳ̌da 1:11 Iomraidhean Croise

Matěo 11:21

“Kǒ Khorasewî̤ ta Betasè̌dawî̤, Cǒmara phlě sî pě. He dè dǔlṳbǐaǒ ta̤cǒklî̌kî̌ya htǒonu dě Turǔwî̤ ta Sidowî̤ hî̌numî̌, asî glè yò̤lò̤ge yî̤ lǒkho asò̌ dě asî glè kûsǒhtò̌ hǐdopo̤to̤tûphrû dě a hǎnòò̌ tṳ̂wû lǒkho phǎkû hǒ.

Hebrǔ 11:4

Ta̤yṳ akhû̌akhî, Abělè lṳhtò̌ Cǒmaranu awǒkhlo ta Kaî̌no ata̤lṳ. Cǒmara phî̌shǔ Abělè a ta̤lṳta̤tò̌. Hǐnudě, Abělè ata̤yṳ akhû̌akhî, Cǒmara bè̌ nû̌û pwǐ kòcǒkòtè̤ tapwa̤nu hǒ. Abělè ata̤yṳ khû̌khî, a sihtohǒ pwǎ̤tadě a hî̌bǎpe pa ta ata̤yṳ awi̤akè̌.

Petru ginǐ̤bǎ tabǎ 2:15

Asî hǎhtò̌cû̌pa̤kè ta klè̌to dě a cû̌ sò̌phlǒ shope̤kè. Asî gûcû̌kû̌ klè̌ htě Baora aphû̌khû Bela cû̌nu tabo. Klè̌nu tabo mî̌ klè̌ htě a kè̌dû̌ wû dě a nî̤bǎ lǒkho wû ta ta̤cǒta̤tè̤ akû mè̤tò̤.

Yṳ̂ha awǐlǒ tôbǎ 3:12

Pa tobǎ sǒsǒta Kaî̌no htě khînǎmo̤pha hǐkǒdû̌ pǒǐ nû̌û dě a ma̤si apṳnu tapwa̤ tò̤. A cû̌ ma̤si tǒ̤ apṳ ma̤tè̤hî̌dě a ma̤ta̤ toǒ numî̌ a phû̌mò̤shî̌hto dě apṳ ma̤ta̤ toǒ numî̌, a cǒtè̤ akhû̌akhî, a ma̤sikèpwǎ apṳ.

Ta̤dǔlè̌nǎ 2:14

“Pwǎ̤tadě ta̤wi̤ta̤kè̌ htě he la̤bè̌ta̤sǔ dě nalo̤ numî̌ aǒpe tîkî̌, mî̌titè toǒtè hî̌numî̌, kòyò ǒ dě sîkla toǒǒnu, a gûma̤kû̌ Bala a ta̤sû̌ǐtòwòǐ. Bala sû̌ǐtòwòǐ Khwǐbalè ta a glè htû̌sǒbǎ Israelphû̌ sîtoǒ ta asî glè ǎ shǎǎshǎo htě kò tòhtò̌ǐ yǎta pwa̤yo̤pwa̤gî htǒonu toǒ, htodě a glè cû̌sǔnṳ lǒkho mamǔmakhû hǐnu.