Yṳ̌da 1:1 - Kawyaw RC

¹ He mî̌ Jǎgomo̤ apṳ Yṳ̌da, htohǒtò̤ he mî̌ Ye̤shǔkhrî̌stu ajû tapwa̤. He sò̌yṳ khwè̌cû̌bǎ kòyò htě pha Cǒmara kaǎ asî dě a mo̤ǐ asî, htohǒtò̤ Ye̤shǔkhrî̌stu ǒpo̤ ma̤kwaǐ asînu toǒ a ǒ.

Kawyaw New Testament

¹ He mî̌ Khûya̤kû apṳ̌ KhûYǔda, htokhôtô̤̌ he mî̌ Yeshǔ Khrǐ ajû̌ tôpwa̤. He sǎyṳ wě̤cû̌bǎ kòyò dǒ pha Cǒmara kaǎ asî dě a mô̤ǐ asî, tô̤̌ Yeshǔ Khrǐ ô̌pǒ̤ takabǐ ǐ asî nutokhlǒ a ô̌.

Yṳ̌da 1:1 Iomraidhean Croise

Matěo 10:3

Htodě Phǐlǐpo ta Batolomě̤o, To̤mǎ̤jo ta pwa̤kwi ta̤kûta̤cî̌ Matěo, htodě Alphěo aphû̌khû Jǎgomo̤ htodě Tadè̌,

Matěo 13:55

A mî̌ pwa̤ma̤jòhǐnu tapwa̤ aphû̌ mè̤tò̤ya? Amo̤ mî̌ ami̤ ta Marǐa mè̤tò̤ya? Apṳ mî̌ Jǎgomo̤, Jǒse, Shîmǒ̤nè̤ ta Yṳ̌danu toǒ pwǎ yahî̌?

Mǎ̤riko 3:18

Adrěa, Phǐlǐpo, Batolomě̤o, Matěo, To̤mǎ̤jo, Alphěo aphû̌khû Jǎgomo̤, Tadè̌, Shîmǒ̤nè̤ htě a mo̤ǐ ashiaganu tapwa̤,

Mǎ̤riko 6:3

A mî̌ pwa̤ma̤jòhǐnu tapwa̤ yahî̌? Dě a mî̌ Marǐa aphû̌makhû yahî̌? Apṳ toǒ numî̌ Jǎgomo̤, Jose, Yṳ̌da, ta Shîmǒ̤nè̤ htǒotoǒ mî̌ amè̤tò̤ya? Dě a pṳmamǔ toǒ numî̌ a ǒ pwǎ bǎ dokûbǎo pwǎ amè̤tò̤ya?” Asî hî̌ lǒkho hǐnudě, asî sò̌khě Ye̤shǔ dě gòyò̤mò̤mṳshǔ nû̌û tò̤.

Lǔka 6:16

Jǎgomo̤ aphû̌khû Yṳ̌da, ta Yṳ̌da Isakarǐo htě a htûhtò̌ pwa̤shaǎlò̤kè Ye̤shǔnu tapwa̤.

Jowǎ̤ni̤ 12:26

Ûpèpè̌ bǎbǎ a ma̤ he ta̤ma̤nu, a bǎgû hekò. He dè ǒbǎtè tò̤glò bǎbǎ, a ǒkû̌ bǎnu pě. Hepha bè̌dû̌bè̌yǒ kòyò htě a ma̤ he ta̤ma̤nu tapwa̤ pě.

Jowǎ̤ni̤ 14:22

Htǒotaplǎdě Yṳ̌da (Yṳ̌da Isakarǐo mè̤tò̤) hî̌, “Běcǎ, na sò̌yṳ dǔlṳ bǎ pa ta nana̤ hǐnudě ma̤titè̌ na dǔlṳ to̤bǎdǒ kòyòhǎkhû̌phû̌ toǒ tò̤ ma̤tè?”

Jowǎ̤ni̤ 15:16

Sî wû̌lǎhtò̌ he mè̤tò̤. He wû̌lǎhtò̌ sî, he bè̌htò̌ sî dě sî glè hǎhtò̌cû̌ lǒkho ta cû̌ sǎhtò̌phohtò̌ plṳ̂ lǒkho. He bè̌htò̌ sî ta sî glè sǎměhtuto̤ lǒkho dě agutṳ. Sî dè ma̤hǐnu hî̌mî̌ sî kwi titètè̌ bǎbǎ, sî dè kwi ta hemi̤ hî̌nu, pha ǐ sî pě.

Jowǎ̤ni̤ 17:15

He kwisaba ta phî̌htò̌ tephekè asî ta hǎkhû̌bǎo hǐnu mè̤tò̤. Mî̌tanu, he kwisaba ta na glè ma̤kwaǐnṳ asî ta kòyòjono̤ kòyòphû̌mò̤ htě kò kaǎ nû̌ûta khînǎmo̤pha Sehto htǒonu tado.

Jowǎ̤ni̤ 17:17

Ma̤wî̤ma̤cahtǐ khǒtû̌ asî ta nale̤nayo̤ htě acǒatè̤ htǒonu nî̌꤮.

Jowǎ̤ni̤ 17:19

Ma̤pûhǐ asî ma̤wî̤ma̤cò lǒkho ana̤ ta nale̤nayo̤ a ta̤te̤ta̤mǎ htǒonu dě, he ǐlò̤ bòmṳ̂sîglîhto he ta̤htûpwa̤ ta asî agûla̤ hǒ.”

Jowǎ̤ni̤ 6:39

Ta̤ htě ato pwa̤nohè he htǒotapwa̤ asò̌phlǒ mî̌ mî̌titè hǐnumî̌, bò kòyò htě a ǐ henu toǒ, he bǎplû hǎmǎkè asî tò̤. Htû̌꤮ mṳni̤ gutṳ̌lò̤ ti̤ni̤ pěnu, he bǎma̤ htûpwa̤gesǒ asî pě.

Pwa̤nophû̌ 1:13

Asî geto̤ bǎ Ye̤rǔshèlèwî̤kû dě a cû̌htò̌nṳ hǐ htě asî la̤cû̌ǒkǔ teděsǎphû̌ htǒǒnutama dě akhû̌to̤to̤. Dě asî ǒ bǎnu mî̌ Petru, Jowǎ̤ni̤, Jǎgomo̤, Adrěa, Phǐlǐpo, To̤mǎ̤jo, Batolomě̤o, Matěo, Alphěo, aphû̌khû Jǎgomo̤, Shîmǒ̤nè̤ htě a mo̤ǐ ashiaga htǒotapwa̤ ta Jǎgomo̤ aphû̌khû Yṳ̌da sîtoǒ pwǎ.

Pwa̤nophû̌ 20:32

“Khònò̤htǒo, he ǐlò̤kè sî dě Cǒmara a ta̤kè̌ǐkhwè̌ǐ akû ta abwǐdû̌sîrîhtû a ta̤wi̤ta̤kè̌ htǒonu akû hǒ. A ta̤wi̤ta̤kè̌ htǒonu a ma̤dû̌htò̌htûhtò̌jò sî dě a ǐ sî û̌cata̤bî̌ htě a bè̌wǒnǎ nû̌ûta a kòyòcahtǐ lǒ̤꤮ bò htǒotoǒ ayanu pě.

Pwa̤nophû̌ 27:23

Ma̤tè̤hî̌dě, khò̌ta̤na̤, Cǒmara htě he htû ata dě he ma̤ ata̤ma̤ htǒotapwa̤ a mǒkhû̌tanaphû̌ hè ihtǒ ǒ dě he kòshî̌,

Rṳ̂̌me̤ 1:1

He mî̌ Pò̌lu. He khwè̌cû̌bǎ sî lî̤htǒotabǎ. He mî̌ Ye̤shǔkhrî̌stu ajûphû̌ tapwa̤. A kaǎ he ta he htûhtò̌ a pwa̤nophû̌ tapwa̤, htodě a wû̌lǎ he ta he dǒhtû̌ǐ bǎ kò ta Cǒmara a ta̤sò̌le̤sò̌lò̤ awi̤akè̌.

Rṳ̂̌me̤ 1:6

Cǒmara kaǎ kòyò dě kòyò glè htûhtò̌ Ye̤shǔkhrî̌stu akòyò toǒ aklanu, sî mî̌ sî ǒnṳpadǒ bǎnu hǒ.

Rṳ̂̌me̤ 16:18

Ma̤tè̤hî̌dě kòyò hǐnu toǒ mî̌ a ma̤ Běcǎ Khrî̌stu ata̤ma̤ mè̤tò̤. Mî̌tanu, a lṳ̂ma̤mo̤ ma̤sò̌phlǒmo̤ lǒkho ana̤klû a ta̤sò̌yṳ toǒ pwǎ. A hî̌bǎmo̤ hî̌bǎjò kò, htû̌sò̌ǐ kò htě asî lǒǎplò̤ǎ kòyò dě a jûle̤phî̌yo̤sǔ ta̤nu toǒ pě.

Rṳ̂̌me̤ 6:22

Pò̤̌ta khònò̤htǒo Cǒmara bòphlǔ plûhǎhtò̌cû̌kè sî ta ta̤ma̤sǔphû̌ ajû hǒ. Dě sî htû Cǒmara jû asa toǒ hǒ. Dě sî htû hǐnu akhû̌akhî, a nî̤bwǐnî̤sîrî ta sîya mî̌ mè̤hǒ a sûcû̌ sî dě ta̤ǒhtûpwa̤ cahtǐ a klè̌dakû htǒonu hǒ. Dě pa ta̤htûpwa̤ cahtǐ akhû̌akhî, a nî̤bwǐnî̤sîrî ta sîya mî̌ sî nî̤bǎ yolahtûpwa̤ tûjûpwa̤ htǒonu.

Rṳ̂̌me̤ 8:30

Htohǒtò̤, kòyò htě Cǒmara bè̌lò̤nǎhto asò̌phlǒ ta asî dě꤮ wǐkha htǒotoǒnu, a kaǎ asî dě a glè htûhtò̌ akòyò hǒ. Htodě kòyò htě a kaǎ nû̌û htǒotoǒnu, a bè̌cǒbè̌tè̤hto asî hǒ. Htohǒtò̤ kòyò htě a bè̌cǒbè̌tè̤hto htǒotoǒnu, a ǐ asî ta a ta̤sîrîdû̌sîrîhtû toǒ hǒ.

Rṳ̂̌me̤ 9:24

Pa mî̌ kòyò htě Cǒmara kaǎ pa toǒ hǒ. A kaǎ tû̌ Yṳ̌daphû̌ toǒ aklanu mè̤tò̤, dě Yṳ̌daphû̌ mè̤tò̤ toǒ aklanumî̌, a kaǎdǒ tû̌tû̌.

Kôritu awǐlǒ tôbǎ 1:2

Pa khwè̌cû̌ lî̤htǒo dě Cǒmara pwa̤yṳǎta̤ aprṳ̂ahophû̌ ǒ bǎ Kòrî̌tiawî̤kû toǒ a ǒ, ta kòyò lǒ̤bò htě a sabahtò̌ Běcǎ Ye̤shǔkhrî̌stu dě a ǒ lǒkho gûla̤ pṳ̂̌꤮ tò̤glònu toǒ a ǒ. Ye̤shǔ htǒonu, pa Běcǎ mî̌ amè̤mè̤, asî Běcǎ mî̌ amè̤mè̤. Ye̤shǔkhrî̌stu akhû̌akhî, Cǒmara ma̤wî̤ma̤cahtǐ sî dě a kaǎ sî ta sî glè ǒhtûpwa̤ cahtǐ dû̌htò̌po̤ aya hǒ.

Kôritu awǐlǒ tôbǎ 6:11

Sîkla toǒǒnu, dě wǐkha mî̌ a htûhto kòyòjî kòyòphû̌mò̤ sǒsǒta hǐnuhǒ pwǎ̤ta Cǒmara shǔbòhto sî ta̤sǔ hǒ. Dě khònò̤htǒo sî htû Cǒmara ata hǒ. Běcǎ Ye̤shǔkhrî̌stu ta Cǒmara a sǎcahtǐ akhû̌akhî, khònò̤htǒo, Cǒmara bè̌ sî pwǐ kòcǒkòtè̤ toǒnu hǒ.

Ěphěsu 5:26

Ma̤pûhǐ a ma̤wî̤ma̤cahtǐ a pwa̤yṳǎ aprṳ̂ahophû̌ toǒnu, a sikè bǎ asî ya, dě a bòlû̌kè asî ta shi ta a ale̤ayo̤ htǒo toǒnu.

Tîsalònǐ awǐlǒ tôbǎ 2:12

Ma̤tè̤hî̌dě ma̤pûhǐ sî ǒhtûpwa̤tobǎ pwǐ Cǒmara asò̌phlǒnu dě pa ǐkhû̌ǐǎ sî, pa hî̌bǎmo̤hî̌bǎwǒ sî, pa tûsû sîkò pṳ̂̌꤮ tapwa̤. Cǒmara mî̌ pwa̤ htě a kaǎnṳ sî dě ashiagakû ta a sîrîdû̌sîrîhtû akû tapwa̤hǒ.

Tîsalònǐ awǐlǒ tôbǎ 5:23

Cǒmara htě a ǐ sana̤ pa ta̤gûjûkabǎ htǒotapwa̤ ma̤wî̤ma̤cahtǐ lǒbehtò̌ tû̌ta sî nî̌꤮. Htohǒtò̤ htû̌꤮ pa Běcǎ Ye̤shǔkhrî̌stu hèsǒ pěnu, ma̤pûhǐ kò bè̌jòpe pû sî ta̤sǔ tò̤nu, Cǒmara kè̌ǐkhwè̌ǐpo̤bò sî na̤klû ta sîsò̌ ta sî ta̤ǒhtûpwa̤ pě nî̌꤮.

Tîmôte ginǐ̤bǎ tôbǎ 1:9

Ma̤pûhǐ pa htûhtò̌tû̌ Cǒmara a kòyòcahtǐphû̌ toǒ ayanudě, a ma̤lû̌htò̌ge pa hǒ, dě a kaǎ pa hǒ, pa ma̤hto ta̤phî̌ta̤ma̤nu toǒ akhû̌akhîdě, a kaǎ panu mè̤tò̤. Htǒomî̌ a ta̤yè̤lò̤nǎ ta abwǐasîrîtû̌ pwǎ. Bǎ a bǒlò̤ hǎkhû̌ hǒtò̤nu, a ǐlò̤ pa ta̤bwǐta̤sîrî htǒonu dě Ye̤shǔkhrî̌stu akû htǒonuhǒ.

Tîmôte ginǐ̤bǎ tôbǎ 4:18

Běcǎ ma̤lû̌htò̌ he ta ta̤phû̌mò̤ lǒ̤bò htǒotoǒ pě, htohǒtò̤ a phî̌ge he pě dě a tò̤gòǐ he dě mǒkhû̌ a shila̤gakû pě. Ta̤sîrîdû̌sîrîhtû lò̤bǎ tû̌ta Běcǎ htǒo tûjûpwa̤ talakhǎ nî̌꤮. Amè̤.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Jǎgomo̤ 1:1

He mî̌ Jǎgomo̤, he htû Cǒmara ta Běcǎ Ye̤shǔkhrî̌stu ajûphû̌ tapwa̤. He hî̌mo̤hî̌wǒ cû̌ bǎ Cǒmara akòyò khlilè shǐginǐ̤mṳ htě a cû̌ǒpîshîpò̤wò̤ lǒkho gûla̤ pṳ̂̌꤮ tò̤glò toǒ aǒ.

Petru awǐlǒ tabǎ 1:2

Pha Cǒmara wû̌lǎ sî pwǐ a ta̤yè̤lò̤nǎ tû̌nu dě Běcǎ sǎcahtǐ ma̤wî̤ma̤cahtǐhtò̌ sî, ma̤pûhǐ sî gana̤de Ye̤shǔkhrî̌stu ayo̤ dě asǐ akhû̌akhî, a ma̤mṳ̂plî bǎ sî. Cǒmara abwǐasîrî ta sò̌phlǒ ta̤gûjûkabǎ ǒlǒǒbekû̌ tû̌ta sî nî̌꤮.

Petru awǐlǒ tabǎ 1:5

Dě sî yṳǎ Khrî̌stu akhû̌akhî, bǎ sî nî̤bǎ ta̤ma̤lû̌htò̌ge hǒtò̤nu, Cǒmara ǒpo̤ǐ bǎ sî ta ata̤po̤ta̤phǎ. Cǒmara ma̤wǒnǎ ana̤ ta htû̌꤮ akhîakha gutṳ pěnu, a dǔlṳ ta̤ma̤lû̌htò̌ge htǒonu pě.

Petru awǐlǒ tabǎ 2:9

Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Petru ginǐ̤bǎ tabǎ 1:1

Pa Cǒmara ta pwa̤ma̤lû̌htò̌ge pa Běcǎ Ye̤shǔkhrî̌stu htǒotapwa̤ a ta̤cǒta̤tè̤ akhû̌akhî, sî mî̌ kòyò toǒ htě a nî̤bǎdǒ ta̤yṳta̤nǎ dě alò̤ta pa htǒotoǒ hǒ. Dě he khwè̌cû̌bǎ sî lî̤htǒo. He mî̌ Shîmǒ̤nè̤ Petru, he htû Ye̤shǔkhrî̌stu ajû ta a pwa̤nophû̌ tapwa̤.

Yṳ̌da 1:21

Bǎ sî ǒpo̤kè̌shuǐ Běcǎ Ye̤shǔkhrî̌stu a ta̤gwèbǎǐ htě a ǐ pa yolahtûpwa̤ tûjûpwa̤ htǒotapwa̤ hè akhapěnu, ǒhtûpwa̤ sělě lǒkho ta Cǒmara ata̤mo̤ǐ akû nî̌꤮.

Yṳ̌da 1:3

He khobǒsû̌bǒmo̤ sî꤮, ta̤ma̤lû̌htò̌ge htě pa lǒ̤꤮ bò nî̤bǎplǒ nû̌û htǒo awi̤akè̌nu, he sò̌yṳ khwè̌cû̌ bǎ mè̤mè̤̌ sî pwǎ̤tadě khònò̤htǒo he kè̌shǐ ta he bǎ khwè̌cû̌khǒ tèplè̌ bǎlè̌ sî ta ahǔwa̤ tacǎ. Dě he sò̌yṳ ǐkhû̌ǐǎ sî ta ta̤sò̌le̤sò̌lò̤ awi̤akè̌ dě taplǎpa Cǒmara ǐlò̤phlǔbò akòyò lǒ̤bò htě a yṳǎ htǒotoǒnu, sî shětònò shǔwǒ pû yǎ nî̌꤮.