Pwa̤nophû̌ 18:3 - Kawyaw RC

³ Dě Pò̌lu ǒkû̌ta asî bǎnu. Dě a ma̤plǒkû̌ ta̤ ta asî, ma̤tè̤hî̌dě Pò̌lunu a bǔǎ pwǎ a ta̤htûpwa̤ ta a shò̌hǐphû̌hǔgòpwî̌ sǒsǒta ma ta wṳ̂ htǒosò̌gini̤ ma̤nupwǎ.

Kawyaw New Testament

³ Dě Khûpò̌lǔ ô̌kû̌ asî bǎnu. Dě a ma̤wô̤̌wô̤̌ ta̤ kû̌ asî, ma̤titèmî̌ Khûpò̌lǔ nî̌ a bǔǎ pwǎ a ta̤htûpwa̤ kû̌ shò̌ǐ hǐphû̌ gò̌pwǐ sô̌sô̌kû̌ ma kû̌ wṳ̂ sò̌ginǐ̤ ma̤nu pwǎ.

Pwa̤nophû̌ 18:3 Iomraidhean Croise

Kôritu awǐlǒ tôbǎ 4:12

Ma̤pûhǐ pa ǎhtò̌ohtò̌ ayanu, pa bǎ jipwi̤jili̤ ǎwè̤ tû̌ ta̤. Bǎ kò ǐsho pa akhanu, pa howi̤ geshǔ kò. Bǎ kò ma̤jîma̤jû pa akhanu, pa khòsò̌doshǔ pwǎ kò.

Kôritu awǐlǒ tôbǎ 9:14

Hǐnuhǒ kòyò htě a dǒhtû̌ǐ ta̤sò̌le̤sò̌lò̤ awi̤akè̌ toǒnu, a ma̤ ta̤ma̤htǒo akhû̌akhî, kò to bǔǎ asî, Běcǎ hî̌kè hǐnu.

Kôritu awǐlǒ tôbǎ 9:15

A gwata he tokwi sî ta̤ma̤jè pwǎ̤ta he kwi sî dǐcǎ꤮ tò̤. Htohǒtò̤ he sò̌yṳ noma̤jè sî ta hena̤ dě he khwè̌ bǎ sî lî̤htǒonu mè̤tò̤tò̤. He sò̌yṳ ma̤dǐdò ta̤sò̌le̤sò̌lò̤ awi̤akè̌ dî̌kî̌꤮ tò̤. Wǐ꤮ ta he ma̤hǐnudě, he sikènu mî̌ a mo̤khlope.

Kôritu awǐlǒ tôbǎ 9:18

Dèhî̌hǐnudě, he glè nî̤bǎ akhû̌akǎ titè pě? Akhû̌akǎ htě he nî̤bǎ numî̌ mî̌pwǎ he dǒhtû̌ǐ bǎ kò ta̤sò̌le̤sò̌lò̤ awi̤akè̌ htǒonu hǒ. A gwata he to kwi kò ta̤ma̤jè pwǎ̤ta he phî̌ kû̌kò akhû̌akǎ tò̤ htǒonu hǒ.

Kôritu ginǐ̤bǎ tôbǎ 11:7

Bǎ he dǒhtû̌ǐ sî ta ta̤sò̌le̤sò̌lò̤ awi̤akè̌ akhanu, he kwinǒ sî khû̌kǎ dǐbǎ꤮ tò̤. Ma̤pûhǐ sî nî̤bǎ yolahtûpwa̤ tûjûpwa̤ ayanu, he shò̌lò̤ hena̤ hǐnu pwǎ. He ma̤hǐnudě mî̌ asǔ ya?

Kôritu ginǐ̤bǎ tôbǎ 11:9

Bǎ he ǒkû̌ ta sî akha, he dè lo̤bǎwû hî̌nu, he kwibǎnǒ sî dǐpwǎ̤꤮ tò̤, ma̤tè̤hî̌dě ta̤ lǒ̤꤮ bò htě he lo̤bǎ toǒnu, pa pṳwè̤ Makedò̌niaga toǒ hè ma̤jobòpwǎ he. Dě awǐanǒ numî̌ he kwibǎnǒ sî ta̤ma̤jo dǐplǎ꤮ tò̤, khònò̤htǒo tǒ̤hè numî̌ he ma̤guma̤gè, ma̤htǒma̤klǎnǒ sî tò̤tò̤.

Kôritu ginǐ̤bǎ tôbǎ 12:13

Pwa̤yṳǎta̤ aprṳ̂ahophû̌ ahǔwa̤ toǒ dě he kè̌dû̌kî̌yakhlo yǎ, sî dě he kè̌ bò̌khû̌kè sî hǐnu ya? A ǒ tacǎ mî̌ he kwi sî ta̤ma̤jè tò̤nu pwǎ kò̌kò̌. He kwi sî ta̤ma̤jè tò̤ htǒonu, khòsò̌do dě bòlû̌kèpû he ta̤sǔ nî̌꤮.

Tîsalònǐ awǐlǒ tôbǎ 2:9

Pṳwè̤sî, pa ǎwè̤ mè̤mè̤̌ ta̤ numî̌ sî to̤ǐ lòtṳ̌pe pwǎ. Bǎ pa dǒhtû̌ǐ bǎ sî ta Cǒmara a ta̤sò̌le̤sò̌lò̤ awi̤akè̌ akhanu, ma̤pûhǐ pa bǔǎ pa phushǎ, htohǒtò̤ ma̤pûhǐ pa ma̤htǒma̤klǎ pû sî tò̤nudě, pa wè̤ta̤ lṳmṳkhǐkhǐ lṳmṳshasha.

Tîsalònǐ awǐlǒ tôbǎ 4:11

Jipwi̤ ǒhtûpwa̤ mo̤kla pè̤dû lǒkho ta kò dě ta̤pṳ̂̌꤮ tacǎ akû nî̌꤮. Na ta̤wi̤ta̤kè̌ mè̤tò̤ toǒnu, cû̌nṳ ma̤shû̌shǎ pûma̤ kò ma̤ nî̌꤮. Pwǐ pa pwe̤ǐhto sînu, kè̌lǎǎkè̌lǎwè̤ dě bǔǎlò̤tû̌ lǒkho sîna̤ nî̌꤮.