Phǐlǐpǐ 4:9 - Kawyaw RC

⁹ Sî sû̌ǐphî̌nṳhtobò dě sî kè̌shǐ gana̤dehto he ta̤hî̌bǎhî̌sho toǒ ta he ta̤phî̌ta̤ma̤ dě he ǒ toǒnu, ǒhtûpwa̤ gûma̤kû̌ lǒkho hǐnu dě ta̤gûjûkabǎ a Cǒmara ǒkû̌ tû̌ta sî pě.

Kawyaw New Testament

⁹ Lǒ̤bò sî sû̌ǐphî̌nṳ̌ hto dě sî kè̌shǐ ganǎ̤de hto he ta̤hî̌bǎ tokhlǒ kû̌ he ta̤phǐta̤ma̤ dǒ he ô̌ tokhlǒnu, ô̌htûpwa̤ gû̌ma̤ lô̌khô pô̤̌nu dě ta̤gûjû̌kabǎ a Cǒmara ô̌ pû kû̌ sî nî̌꤮.

Phǐlǐpǐ 4:9 Iomraidhean Croise

Matěo 1:23

“Mamǔphû̌sǎ tapwa̤ bǎ mo̤do dě a phû̌ǒ a phû̌makhû pě, dě kòyò kaǎ nû̌ûmi̤ ta Emmanuel pě,” Emmanuel amûasǎ mî̌, “Cǒmara ǒkû̌ ta pa.”

Matěo 28:20

Htodě sû̌ǐtòwòǐ lǒkho asî ta a glè jûle̤phî̌yo̤ gûma̤kû̌bò pwǐ he mǎnǎ sî yo̤nu toǒ nî̌꤮. He ǒkû̌ tû̌ta sî pṳ̂̌꤮ plǎ pě, to̤htû̌ hǎkhû̌gutṳ pě bǎbǎ he ǒkû̌ tû̌ta sî pě.”

Matěo 7:21

“Kòyò lǒ̤꤮ bò htě a kaǎ he ta, ‘Běcǎ꤮ Běcǎ’ nu, a nṳbò dě mǒkhû̌ shila̤gakû pṳ̂̌꤮ tapwa̤ mè̤tò̤. A nṳ pwǎpǒ̤ kòyò htě a ma̤toma̤bǎ hepha dě mǒkhû̌ tapwa̤ asò̌phlǒnu toǒ pwǎ.

Lǔka 6:46

“Sî gana̤de heyo̤ dǐmû̌꤮ tò̤ dě sî cû̌ kaǎ he ta ‘Běcǎ꤮ Běcǎ,’ hǐnumî̌ ma̤tè?

Lǔka 8:21

Ye̤shǔ hî̌shǔ asî, “Kòyò lǒ̤꤮ bò htě a gana̤de Cǒmara ale̤ayo̤ dě a yṳǎna̤ǎ toǒ numî̌ hemo̤ ta hepṳhewè̤ lǒ̤꤮ bò hǒ.”

Jowǎ̤ni̤ 13:17

Khònò̤dě sî sî̌ya lǒkho ta̤htǒotoǒ hǒ. Sî dè ǒhtûpwa̤ gûma̤ ta̤htǒotoǒ hî̌nu, sî nî̤bǎ ta̤howi̤.

Jowǎ̤ni̤ 15:14

Sî dè ma̤kû̌ pwǐ he mǎnǎ sî yo̤sǎ htǒo hî̌numî̌, sî htû he khobǒsû̌ hǒ.

Jowǎ̤ni̤ 2:5

Ye̤shǔ amo̤ pwe̤ǐ pwa̤ma̤ta̤ toǒ, “A dè nosî tacǎcǎ hî̌dě ma̤ bǎ yǎ nî̌꤮.”

Pwa̤nophû̌ 9:6

Pwǎ̤ta ihtǒ dě cû̌nṳ wî̤kûnu. Na to ma̤kwè̌꤮ hî̌tènu, kò pwe̤ǐtû̌ na pě.”

Rṳ̂̌me̤ 15:33

Cǒmara a ta̤pè̤ta̤dû ǒkû̌ tû̌ta sî lǒ̤꤮ bò nî̌. Amè̤.

Rṳ̂̌me̤ 16:20

Ǒyî̤tò̤ pěmî̌ ta̤pè̤ta̤dû a Cǒmara htǒo noyî̤pwî̌ mǔkè khînǎmo̤pha hǐkǒdû̌ htǒotado ta sî khǎlǎla̤ pě. Běcǎ Ye̤shǔkhrî̌stu abwǐasîrî ǒkû̌ tû̌ta asî nî̌꤮.

Kôritu awǐlǒ tôbǎ 10:31

Hǐnudě, he pwe̤ǐphlo bǎ asî ta, sî ma̤ titètè̌꤮ bǎbǎ, sîǎsîo titètè̌꤮ bǎbǎ, ma̤pû kò htû̌sò̌ǐ lǒkho Cǒmara ayanu.

Kôritu awǐlǒ tôbǎ 14:33

Ma̤tè̤hî̌dě, bǎ sî hè subusaba plǒnû̌û akhanu, sî hî̌po̤phǎ pi̤ti̤pṳ̂tṳ̂bò nû̌û taplǎpa hǐnu, Cǒmara sò̌phlǒ ǒ tò̤. Cǒmara sò̌yṳ htě sî hî̌ sî ma̤ lǒkho ta aklè̌aklò tapwa̤ hto tapwa̤ hǐnu.

Kôritu awǐlǒ tôbǎ 4:16

Hǐnudě he kwigwèbǎǐ sî ta sî gû kè̌mò̌mṳ he ta̤ǒhtûpwa̤ htǒo.

Kôritu ginǐ̤bǎ tôbǎ 13:11

Sû̌kho sî꤮, he sò̌yṳ hî̌ gutṳ̌lò̤ sî ta, sò̌le̤sò̌lò̤ lǒkho nî̌꤮. Ma̤wǒgesǒ lǒkho sî ta̤ǒhtûpwa̤ nî̌꤮. Gana̤de lǒkho he ta̤kwigwèbǎǐ sî htǒonu toǒ nî̌꤮. Ǒhtuǒplǒ, ǒpè̤ǒdû nû̌û nî̌꤮. Sî dè ma̤mò̌hǐnu Cǒmara htě a mî̌ ta̤mo̤ǐ ta ta̤pè̤ta̤dû a kòshî̌kòtṳ htǒotapwa̤ ǒkû̌ tû̌ta sî pě.

Phǐlǐpǐ 3:17

He pṳwè̤ sî, kè̌mò̌mṳ lǒkho hehtǒo, gû kè̌nǎǐkû̌ kòyò htě a gû ǒhtûpwa̤ pwǐ pa ǒhtûpwa̤ lṳkè bǎ sî toǒnu.

Phǐlǐpǐ 4:7

Cǒmara ǐ sî ata̤gûjûkabǎ htě kòyòhǎkhû̌phû̌ gènè̤htûtò̤ htǒonu pě. Dě sî htûhtò̌ kû̌ta Ye̤shǔkhrî̌stu tacǎnǔ꤮ pa akhû̌akhî, Cǒmara a ta̤gûjûkabǎ ǒpo̤ǐtû̌ sî sò̌phlǒsǔshi ta sî ta̤gènè̤ toǒ pě.

Tîsalònǐ awǐlǒ tôbǎ 1:6

Sî kè̌mò̌mṳ pa ta Běcǎ dě kò ma̤jîma̤jû mè̤mè̤̌ sî, pò̤̌ta sî sò̌le̤sò̌lò̤ phî̌shǔpe ta̤sò̌le̤sò̌lò̤ awi̤akè̌. Bǎ sî phî̌shǔ ta̤sò̌le̤sò̌lò̤ awi̤akè̌ akhanu, Běcǎ sǎcahtǐ ma̤ sò̌le̤sò̌lò̤ bǎ sî hǒ.

Tîsalònǐ awǐlǒ tôbǎ 2:14

Pṳwè̤sî, ta̤cû̌htûhtò̌ tǒ̤ana̤ ta sî pwǐhè̌otoǒ ma̤tè̤hî̌numî̌ a lò̤ta ta̤ma̤htûhtò̌hto ana̤ dě Cǒmara a pwa̤yṳǎta̤ aprṳ̂ahophû̌ htě a ǒ dě Yṳ̌dagakûnu toǒ hǒ. Asî htû Ye̤shǔkhrî̌stu a kòyò toǒ akhû̌akhî, a htûhtò̌ pwǎ. Sî khlilèphû̌ ma̤jîma̤jû tû̌ sî htǒonu asǒsǒta Yṳ̌daphû̌ toǒ ma̤jîma̤jû pwa̤yṳǎphû̌ htě a ǒ dě Yṳ̌dagakûnu toǒ hǒ.

Tîsalònǐ awǐlǒ tôbǎ 5:23

Cǒmara htě a ǐ sana̤ pa ta̤gûjûkabǎ htǒotapwa̤ ma̤wî̤ma̤cahtǐ lǒbehtò̌ tû̌ta sî nî̌꤮. Htohǒtò̤ htû̌꤮ pa Běcǎ Ye̤shǔkhrî̌stu hèsǒ pěnu, ma̤pûhǐ kò bè̌jòpe pû sî ta̤sǔ tò̤nu, Cǒmara kè̌ǐkhwè̌ǐpo̤bò sî na̤klû ta sîsò̌ ta sî ta̤ǒhtûpwa̤ pě nî̌꤮.

Tîsalònǐ ginǐ̤bǎ tôbǎ 3:4

Dě pa yṳǎ Běcǎ akhû̌akhî, pa sî̌ya ta sî gûma̤ sělěpo̤ pwǐ pa mǎnǎ sî htǒonu hǒ.

Tîmôte ginǐ̤bǎ tôbǎ 4:22

Běcǎ ǒkû̌ tû̌ta na nî̌꤮. Ta̤bwǐta̤sîrî ǒkû̌ tû̌ta sî lǒ̤꤮ bò nî̌꤮.

Jǎgomo̤ 1:22

Sî gana̤de pwǎpǒ̤ Cǒmara ale̤ayo̤ dě sî dè jûle̤phî̌yo̤ gûma̤kû̌ pwǐ a hî̌nu tò̤ hî̌numî̌ sî lòho lò̤tû̌ sîna̤ hǒ. Sî tobǎ gana̤de gûma̤kû̌ pwǐ Cǒmara ale̤ayo̤ hî̌nu.

Petru ginǐ̤bǎ tabǎ 1:10

Hǐnudě pṳwè̤ sî꤮, ma̤pûhǐ Cǒmara ata̤kaǎ sî htǒonu ta a ta̤wû̌lǎhtò̌ sî htǒo glè htûhtò̌ hè mè̤mè̤̌ ayanu, jipwi̤ ma̤dû̌htò̌po̤ lǒkho dě alo̤mo̤ tokho nî̌꤮. Sî dè ma̤hǐnu hî̌dě sî htò̌tukhu lòkhǔpe dǐkhò̌꤮ tò̤ hǒ.

Yṳ̂ha awǐlǒ tôbǎ 3:22

Htohǒtò̤ pa jûle̤phî̌yo̤ ata̤mǎlò̤ dě pa ma̤to yǎ sò̌phlǒ akhû̌akhî, pa kwi ta̤ titètè̌ bǎbǎnu, pa nî̤bǎ ta̤ dě a ǒnu toǒ pě.