Phǐlǐpǐ 4:8 - Kawyaw RC

⁸ Pṳwè̤sî, gana̤de lǒkho he ta̤hî̌bǎ gutṳ̌lò̤ htǒotoǒ nî̌꤮. Dě sî sò̌phlǒkûnu sî to gènè̤ kwè̌꤮ hî̌tèhî̌dě, sî to gènè̤ pwǎpǒ̤ ta̤htě atoamè̤ toǒ, ta̤htě kò bè̌dubè̌na̤ yǎ toǒ, ta̤htě atoabǎ toǒ, ta̤htě a mṳ̂plî toǒ, ta̤htě kò sò̌yṳmo̤ǐ toǒ, ta̤bè̌sû̌bè̌sǎ htě awî̤awǒ toǒ, ta̤htě awǒ na̤cè̌ toǒ, ta̤htě kò to htû̌sò̌ǐ toǒnu pwǎ nî̌꤮.

Kawyaw New Testament

⁸ Pṳ̌wè̤̌sî, ganǎ̤de lô̌khô he ta̤hî̌bǎ dǒ nô̌kò gutṳ̌lǒ tokhlǒ nî̌꤮. Dǒ sî sǎphlǒkûnu sî tô gènè̤ kwè̌꤮ pô̤̌hî̌tèhî̌dě, sî tô gènè̤ pwǎ ta̤dǒ acǒatè̤ tokhlǒ, ta̤dǒ kòyò bè̌dubè̌nǎ̤ a tokhlǒ, ta̤dǒ atôabǎ tokhlǒ, ta̤dǒ a ma̤mṳ̂̌plî tokhlǒ, ta̤dǒ kòyò sǎyṳgwèbǎǐ tokhlǒ, bè̌sû̌bè̌sǎ dǒ awî̤awô̌ tokhlǒ, ta̤dǒ awô̌ tokhlǒ, ta̤dǒ kòyò tô htû̌sò̌htò̌ tokhlǒ nupwǎ nî̌꤮.

Phǐlǐpǐ 4:8 Iomraidhean Croise

Mǒhtûlû̌hǎhtûsa 18:19

Ma̤pûhǐ a hî̌lò̤ bǎ aphû̌ali̤, akhlialè nǒkò toǒ ayadě he wû̌lǎhto yǎ dě asî ma̤ ta̤ htě atoabǎ ta acǒatè̤ akhû̌akhî, asî jûle̤phî̌yo̤ gûma̤ lǒkho Cǒmara tûjûpwa̤ ayo̤ pě. Asî dè ma̤hǐnu hî̌dě pwǐ he olò̤mè̤lò̤ htohǒnu, he ma̤lǒma̤bebò bǎ tû̌ a pě.”

Htû̌sò̌htò̌ 82:2

A sǎhtǎ asî ta, “Sî htǒǐyî̤po̤ kòyò sò̌phlǒ phû̌mò̤shî̌htonu toǒ to̤꤮ bò̌khòtè pě? “Sî kè̌dû̌ yî̤po̤ asî to̤꤮ bò̌khòtè pě?

Matěo 22:16

Asî nocû̌ kû̌dǒ akhophijaû̌ toǒ ta Khwǐherǒ asaprṳ̂phû̌ toǒ bǎ Běcǎ a ǒ dě asî cû̌hî̌ Běcǎ, “Saradû̌, pa sî̌ya ta na mî̌ kòyò cǒtè̤ tapwa̤. Na sû̌ǐ kò pwǐ Cǒmara sò̌yṳ noǒhtûpwa̤ kònu toǒ. Na dè sû̌ǐtòwòǐ kò hî̌numî̌ na sû̌ǐpwǎ bǎ kò ta̤te̤ta̤mǎ pwǎ. Kòyòhǎkhû̌phû̌ toǒ gènè̤ na hî̌tè bǎbǎ, na ǐsha kû̌kò dǐcǎ꤮ tò̤. Na kè̌dû̌ kè̌pî̌tî̌ kû̌kò tò̤tò̤.

Mǎ̤riko 6:20

Ma̤tè̤hî̌dě Khwǐherǒ htǒonu a kè̌dû̌ tû̌ Jowǎ̤ni̤, ma̤tè̤hî̌dě a sî̌ya ta a mî̌ kòyò htě acǒatè̤ acahtǐ tapwa̤ akhû̌akhî, a ma̤kwaǐ nû̌û. Bǎ Khwǐcophǎ gana̤de Jowǎ̤ni̤ hî̌bǎ akhanu, a bǎgubǎgè hǐnudě a sò̌yṳ gana̤de pwǎ nû̌û hî̌bǎ pwǎ.

Lǔka 16:15

Ye̤shǔ hî̌ asî, “Sî mî̌ kòyò htě a jîcǒjîtè̤ pwǎ ana̤ dě kòyò lo̤mo̤nu toǒ pwǎ, pwǎ̤tadě Cǒmara sî̌yabò sî sò̌phlǒkû. Ma̤tè̤hî̌dě, ta̤htě kòyò gènè̤ nû̌ûta ale̤dû̌pwî̤htûkhlo kò toǒnu, dě Cǒmara lo̤mo̤ numî̌ mî̌pwǎ ta̤phû̌mò̤shî̌hto htě kò la̤wi̤ja yǎnu toǒ pwǎ.

Lǔka 2:25

Bǎnukha, bǎ Ye̤rǔshèlèwî̤kûnu kòyò ǒtapwa̤, ami̤ mî̌ Simeo. A mî̌ kòyò yṳǎ bè̌dubè̌na̤ Cǒmara tapwa̤, htohǒtò̤ Běcǎ sǎcahtǐ ǒkû̌ yǎ. A mî̌ kòyò htě a nǎla̤kè̌shuǐ Cǒmara glè htè̌ge Israelphû̌ dě ta̤jîta̤jû akû tapwa̤.

Lǔka 23:50

Kòyò htě ami̤ ta Jǒjè ǒ tapwa̤. A ǒ dě Arimatǐawî̤, Yṳ̌dagakû. A mî̌ kòyòwǒ, kòyòcǒtè̤ dě a ǒpo̤kè̌shuǐ Cǒmara ashiaga glè hè pě tapwa̤. A mî̌ a ǒpakû̌dǒ ta kòyò htûhǐkǒdû̌ aprṳ̂ahokû tapwa̤ pwǎ̤tadě bǎ kò olò̤bò ta kò glè cèrò Ye̤shǔ akhanu, a olò̤pa kû̌dǒkò tò̤.

Jowǎ̤ni̤ 7:18

Kòyò htě a hî̌bǎ tû̌ta a ta̤sîrîshû̌sho tapwa̤pwa̤nu, a sò̌yṳ nohtû̌sò̌ǐ pwǎ kò ta ana̤. Pwǎ̤tadě kòyò htě a sò̌yṳ nohtû̌sò̌ǐ kò ta pwa̤htě a nohè nû̌û htǒotapwa̤pwa̤nu, a hî̌bǎcǒtè̤ pwǎ, a lòhǎlòho kò tò̤.

Pwa̤nophû̌ 10:22

Dě asî hî̌shǔ, “Klihǐkǒdû̌ Gòne̤lǐa nohè pa. A mî̌ kòcǒkòtè̤ tapwa̤, htohǒtò̤ kòyò htě a bè̌dubè̌na̤ Cǒmara tapwa̤. Yṳ̌daphû̌ toǒ bè̌dubè̌na̤bò nû̌û pṳ̂̌꤮ tapwa̤. Ma̤pûhǐ a gana̤dekû̌ na ta̤hî̌bǎhî̌sho toǒnu dě Cǒmara a mǒkhû̌tanaphû̌ hè hî̌ nû̌û ta bǎ cû̌ kaǎhè na dě ahǐ.”

Pwa̤nophû̌ 22:12

“Kòyò ami̤ ta Ana̤nǐ ǒ tapwa̤, a mî̌ amo̤ǐmè̤mè̤̌ Cǒmara, a gûma̤kû̌ pwǐ ta̤sû̌ta̤tòwò ǒnu. Dě Yṳ̌daphû̌ ǒ bǎ Damatè̌wî̤kûnu toǒ bè̌dubè̌na̤ mè̤mè̤̌ yǎ.

Pwa̤nophû̌ 6:3

Hǐnu akhû̌akhî pṳwè̤ sî꤮, wû̌lǎ lǒkho kòyò susǒtapwa̤ htě a lǒbe ta Běcǎ sǎcahtǐ ta ta̤sî̌ta̤jò toǒ dě pa noma̤ asî ta̤ma̤ htě a bǎ yṳ̂ǎyṳ̂o bǎ kò shǎǎshǎo ta ma̤shû̌ma̤jo kò wû toǒ.

Rṳ̂̌me̤ 13:13

Htǒotaplǎdě, pa ǒhtûpwa̤ ǎo sara kû̌kò pwǐ kòyò htě a ǒhtûpwa̤ dě lṳmṳshanu toǒ hò̌꤮. Ma̤ pi̤ti̤pṳ̂tṳ̂ pwèkla bǎbǎ, ǎmṳopǒ bǎbǎ, sǐshi a ta̤sò̌yṳ phû̌mò̤ toǒ bǎbǎ, ta̤gènè̤ putupatǎ toǒ bǎbǎ, ta̤to̤klî̌ toǒ bǎbǎ, ta̤gènè̤ sò̌khě nû̌û toǒ bǎbǎ, pa ma̤petò̤ hò̌꤮.

Rṳ̂̌me̤ 13:3

Kòyò htě a ma̤ta̤wǒ toǒnu, a lo̤bǎ ǐsha ta pwa̤pǒshipǒga htǒotoǒ ala̤ tò̤. Pwǎ̤tadě kòyò htě a ma̤ta̤sǔ toǒnu, a ǐsha asîla̤ pě. Hǐnudě sî dè sò̌yṳ ǐsha asîla̤ tò̤ hî̌dě, ma̤ ta̤wǒnu, sî ma̤hǐnu akhû̌akhî, pwa̤pǒǐta̤ htǒotoǒ htû̌sò̌ǐ sî pě.

Rṳ̂̌me̤ 14:18

Kòyò htě a ǒhtûpwa̤ gûkû̌ hǐnu toǒ, dě a ma̤ Khrî̌stu a ta̤phî̌ta̤ma̤ toǒnu, Cǒmara bǎbǎ, kòyòhǎkhû̌phû̌ bǎbǎ asò̌phlǒ ǒ nû̌û hǒ.

Rṳ̂̌me̤ 2:29

Yṳ̌daphû̌ na̤cè̌ tapwa̤ numî̌ a bǎ dǔ a sò̌phlǒ dě a mî̌ Běcǎ sǎcahtǐ htû̌lè̌ tèplè̌kè nû̌ûsò̌phlǒ htǒonu. Ta̤sû̌ta̤tòwò htǒonu a htû̌lè̌ tèplè̌jòkè nû̌ûsò̌phlǒ tò̤. Kòyòhǎkhû̌phû̌ htû̌sò̌ǐ kòyò htě a dǔ asò̌phlǒnu toǒ tò̤ pwǎ̤tadě Cǒmara htû̌sò̌ǐ tû̌ asî.

Kôritu awǐlǒ tôbǎ 4:5

Hǐnudě ta̤cèrò akhîakha hèto̤ hǒtò̤nu, cû̌ cèrò pûma̤ kò dǐpwǎ̤꤮ ma̤. Ǒpo̤ to̤ lǒkho dě Běcǎ hè cèrò kò pě taplǎnu. Ta̤ǒhǔ dě ta̤khǐta̤lo̤ akû toǒnu, a dǔlṳhtò̌ nû̌û pě. Dě kòyòhǎkhû̌phû̌ a ta̤gènè̤ ǒhǔ htě a noma̤ nû̌û toǒnu, Cǒmara dǔlṳ sî̌ya pě. Bǎnukha pě, pwǐ kòyò tapwa̤ ta tapwa̤ ma̤ta̤nu, Cǒmara htû̌sò̌ǐ asî pě.

Kôritu ginǐ̤bǎ tôbǎ 13:7

Pa kwisaba ta sî ma̤ sělěpe pûma̤ ta̤sǔ ma̤, ma̤tè̤hî̌dě ma̤pûhǐ kò sî̌ya ta pa mî̌ Khrî̌stu a pwa̤nophû̌ mè̤mè̤̌ toǒ ayanudě, pa kwisaba hǐnu mè̤tò̤. Sî dè gènè̤ lǒkho pa ta pa mî̌ pwa̤nophû̌ htě a mè̤mè̤̌ toǒ bǎbǎ, a mè̤mè̤̌ tò̤ toǒ bǎbǎ, a la̤hî̌ǒ nǒ dǐcǎ꤮ tò̤. Ta̤ htě pa sò̌yṳ mè̤mè̤̌ numî̌ hî̌tè hî̌dě sî dè ma̤ta̤wǒ hî̌numî̌ pǒ hǒ.

Kôritu ginǐ̤bǎ tôbǎ 6:8

Pwa̤ htû̌sò̌ǐ pa mî̌ a ǒǒ, pwa̤ pi̤ji pa mî̌ a ǒǒ. Pwa̤ hî̌bǎwǒ pa mî̌ a ǒǒ, pwa̤ hî̌phû̌mò̤ pa mî̌ a ǒǒ. Pwa̤ hî̌ pa ta kòyòlòho toǒ numî̌ a ǒǒ, pwǎ̤tadě pa mî̌ kòyò htě a hî̌bǎcǒtè̤ ta̤ toǒ pwǎ.

Kôritu ginǐ̤bǎ tôbǎ 8:18

Pa plûcû̌kû̌dǒ pṳwè̤ tapwa̤ ta a. Pwa̤yṳǎta̤ aprṳ̂aho pṳ̂̌tṳgumṳ htû̌sò̌ǐ mè̤mè̤̌ nû̌û, ma̤tè̤hî̌dě a mî̌ pwa̤ma̤ Cǒmara ata̤ma̤ dě a cû̌shido dǒhtû̌ǐ bǎ kò ta ta̤sò̌le̤sò̌lò̤ awi̤akè̌ tapwa̤.

Kôritu ginǐ̤bǎ tôbǎ 8:21

Pa bè̌ yǎta pa glè ma̤cǒma̤tè̤ pwǎpǒ̤ bǎ Cǒmara a lo̤mo̤ htǒonu mè̤tò̤, kòyòhǎkhû̌phû̌ alo̤mo̤ numî̌ pa bǎ ma̤cǒma̤tè̤dò̌ǔ.

Galatǐ 5:22

Pwatadě Běcǎ sǎcahtǐ numî̌ a bè̌ǒhtò̌ ta̤mo̤ǐ, ta̤sò̌le̤sò̌lò̤, ta̤pè̤ta̤dû, ta̤khòsò̌do, ta̤sò̌yṳgwèbǎǐ, ta̤wî̤ta̤wǒ, ta̤jûle̤phî̌yo̤,

Ěphěsu 4:25

Hǐnudě lòhope pûma̤ kò dǐpwǎ̤꤮ ma̤ nî̌꤮. Hî̌bǎcǒhî̌bǎtè̤ lǒkho kò pṳ̂̌꤮ tapwa̤ nî̌꤮, ma̤tè̤hî̌dě pa mî̌ asǒsǒta na̤saklû tapwǎ̤꤮ pa, pwǎ̤tadě aphwǐaphrû̌ kî̌yapwǎnû̌û hǐnu.

Ěphěsu 5:9

Ma̤tè̤hî̌dě, ta̤lî a ta̤sǎta̤pho toǒ numî̌ bò꤮ ta̤wî̤ta̤wǒ, ta̤cǒta̤tè̤ ta ta̤sò̌phlǒ cǒtè̤ htǒotoǒnu pwǎ.

Ěphěsu 6:14

Hǐnu akhû̌akhî, ihtǒ tònòshowǒ lǒkho sîna̤. Wò̤htò̌mě Cǒmara a ta̤te̤ta̤mǎ htǒo htě asǒsǒta sî wò̤htò̌mě sò̌to̤phě dě sî shè̌kòlo̤ akhonu nî̌꤮. Kûsǒ pû ta̤cǒta̤tè̤ htǒo pwǐ sî kûsǒhtò̌ hǐdote̤htò̌ dě a glè ma̤kwaǐbǐ sîna̤ htǒonu nî̌꤮.

Phǐlǐpǐ 3:1

He pṳwè̤ sî, gutṳ̌lò̤nu, he sò̌yṳ hî̌ sî, sî htûhtò̌ kû̌ta Běcǎ Khrî̌stu tacǎnǔ꤮ pa htǒonu, sò̌le̤sò̌lò̤ lǒkhopû nî̌꤮. He khwè̌cû̌ bǎ gesǒ sî lî̤ htě asǒsǒta awǐkha toǒnu pwǎ pwǎ̤ta a dǐdònǒ he dǐcǎ꤮ tò̤. He khwè̌ htǒotoǒ numî̌ ma̤pûhǐ a ma̤kwaǐ bǎ sîyapwǎ.

Kòlòtè̌ 4:5

Gènè̤ lîmò lǒkho dě jîsarawǒ sîna̤ ta kòyò htě a yṳǎ Khrî̌stu hǒtò̤ toǒ alo̤mo̤ nî̌꤮. Bò̌khòtè꤮ bǎbǎ, bǎ sî nî̤bǎ akhîakhawǒ dě sî glè ma̤ ta̤wǒ akhanu, tûrû̌ ma̤wǒ lǒkho pṳ̂̌꤮ taplǎ nî̌꤮.

Tîsalònǐ awǐlǒ tôbǎ 4:12

Ma̤pûhǐ kòyò htě a yṳǎna̤ǎ Cǒmara hǒtò̤ toǒ kè̌shǐ sî ta̤ǒhtûpwa̤ dě asî glè bè̌dubè̌na̤ sî, htohǒtò̤ ta̤ htě sî lo̤bǎǎlo̤bǎo toǒnu, ma̤pûhǐ sî nǎla̤ǐ pû kòhǔwa̤ tò̤nu, ma̤ lǒkho pwǐ pa hî̌ sînu nî̌꤮.

Tîmôte awǐlǒ tôbǎ 2:2

Saba lǒkho hǐnu ta Khwǐ toǒ aya ta pwa̤pǒta̤ lǒ̤꤮ bò toǒ aya. Ma̤pûhǐ pa sabahtò̌ sî̌tukǔ gûjûkabǎ Cǒmara ayanu, ta ǒhtûpwa̤ te̤bǎte̤to kû̌kò ta ta̤pṳ̂̌꤮ tacǎ akûnu dě, kwisaba lǒkho hǐnu nî̌꤮.

Tîmôte awǐlǒ tôbǎ 3:11

Asî ma toǒnu bǎbǎ, kò pṳ̂̌꤮ tapwa̤ tobǎ bè̌dû̌bè̌htû asî, asî tobǎ dǒ kòyo̤ tò̤, asî bǎ jîsapwa̤ ana̤ dě asî to htû kòyò htě acǒatè̤ ta ayo̤ dě ta̤ lǒ̤꤮ bò akû.

Tîmôte awǐlǒ tôbǎ 3:4

A to htû kòyò htě a pǒǐjòwǒ a hǐphû̌phòphû̌ toǒ, htodě a tobǎ bǔǐdû̌ sû̌ǐhtò̌jò aphû̌ toǒ htě a gana̤de nû̌û yo̤ ta a bè̌dubè̌na̤ nû̌û dě ta̤ lǒ̤꤮ bò akû.

Tîmôte awǐlǒ tôbǎ 4:12

Na mî̌ kòyò nějape akhû̌akhî, nogènè̤ pî̌tî̌ pûma̤ kò ta nana̤ ma̤ nî̌꤮. Mî̌tanu, na ta̤hî̌bǎhî̌sho toǒ bǎbǎ, na ma̤ta̤ titètè̌ bǎbǎ, na ta̤mo̤ǐ bǎbǎ, na ta̤yṳta̤nǎ bǎbǎ, na sò̌phlǒ a ta̤mṳ̂plî toǒ bǎbǎ, htûhtò̌ bǎ kò la̤kè̌mò̌mṳ htě awǒ ta kòyò yṳǎta̤ toǒ aya nî̌꤮.

Tîmôte awǐlǒ tôbǎ 5:10

Htodě a bǎ htû mamǔ htě ami̤lṳwǒ ta a ma̤ta̤wǒ toǒ akò. A bǎ htû mamǔ tapwa̤ dě a kè̌ǐkhwè̌ǐ dû̌htò̌wǒhtotû̌ aphû̌ali̤ toǒ, a bǎ dǒshuǐ shǐtè̤mè̤ toǒ dě a hǐdǒkû, a bǎ htû mamǔ tapwa̤ dě a shǔbò Cǒmara akòyò toǒ akhò̌lopo̤, A bǎ ma̤jo kòyò bǎpò̤bǎsha toǒ htodě a bǎ htû mamǔ tapwa̤ dě a ǐlò̤ asò̌ ta a ma̤ta̤wǒ toǒ aya.

Tîmôte awǐlǒ tôbǎ 5:2

Bè̌dubè̌na̤ lǒkho mamǔ mo̤pwa̤ toǒ pwǐ namo̤nu nî̌꤮. Htodě mamǔ htě aněja toǒnu, bè̌dubè̌na̤ asî dě gènè̤ mṳ̂plî asî pwǐ na pṳmamǔnu nî̌꤮.

Tǐtǔ 1:8

Mî̌tanu, a tobǎ mè̤ta kòyò htě a dǒshuǐ shǐpwa̤shǐmè̤, a tobǎ mè̤ta kòyò htě a mo̤ǐ ta̤ awǒ, a tobǎ khòbò̌jò ana̤, a tobǎ ǒ ta ta̤cǒta̤tè̤ ta ta̤cahtǐ ta ta̤sè̌rè̌bò̌ ana̤,

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Tǐtǔ 2:2

Ma̤pûhǐ mo̤pwa̤ makhû toǒ jîsapwa̤ kû̌ lǒkho ana̤, ma̤pûhǐ kò bè̌dubè̌na̤ asî, dě ma̤pûhǐ asî khòǐpè̤ lǒkho asò̌phlǒnu dě, sû̌ǐtòwòǐ lǒkho asî nî̌꤮. Asî tobǎ ǒ ta a ta̤yṳta̤nǎ ashû̌asho, asî tobǎ lǒbe ta ta̤mo̤ǐkòyò, asî tobǎ khòjîkhòjû khòsò̌dobò̌ lǒkho.

Tǐtǔ 2:7

Na lè̌dě, na ma̤ta̤ titètè̌꤮ bǎbǎ, ma̤pûhǐ makhû phijaû̌ toǒ kè̌mò̌mṳ nanu dě, ma̤pwǎ ta̤wǒnu toǒ nî̌꤮. Bǎ na sû̌ǐtòwòǐ kòyò akhanu, bè̌cǒtè̤ na sò̌phlǒ htodě jîsapwa̤ nana̤ nî̌꤮.

Tǐtǔ 3:14

Ma̤pûhǐ pa Grete Khrî̌stuphû̌ htǒotoǒ noǎjò kû̌kò akhîakha htě a ma̤ ta̤wǒ toǒ ayanu, tobǎ sû̌ǐ bǎ asî htodě ma̤pûhǐ a ma̤jèbò̌ kòyò htě a lo̤bǎ mè̤mè̤̌nu toǒ, htohǒtò̤ ma̤pûhǐ asî ǒhtûpwa̤ nòdû̌ pûma̤ ta ta̤ htě abwǐasîrî ǒtò̤nu toǒ aya ma̤nu, tobǎ sû̌ǐ asîsî.

Hebrǔ 11:2

Cǒmara htû̌sò̌ǐ kòyò dě wǐkha toǒ mî̌ a ǒ lǒkho ta ta̤yṳta̤nǎ pwǐhè̌onu hǒ.

Hebrǔ 13:18

Kwisabapo̤ bǎ lǒkho paya. Pa sî̌ya te̤mǎ ta dě pa sò̌phlǒkû htǒonu mo̤mo̤ a mo̤pwǎ, a bè̌ pa ta̤sǔ dǐcǎ꤮ tò̤. Htodě pa ma̤ta̤ titètè̌꤮ bǎbǎ, pa sò̌yṳ ma̤còcè̌pwǎ ta̤ htě ato toǒ pṳ̂̌꤮ taplǎ.

Jǎgomo̤ 1:27

Ta̤subusaba htě pha Cǒmara bè̌ yǎta ta̤ htě a mṳ̂plî lǒbe toǒ numî̌ mî̌pwǎ ta̤kè̌ǐkhwè̌ǐ phû̌ǒkwè̌ toǒ ta mamǔǒkhwè̌ htě a to̤bǎ ta ta̤pò̤ta̤sha toǒ, htohǒtò̤ kòyò htě a khòǐpè̤ ana̤ dě a ǒtepheyî̤bò̌ ta hǎkhû̌ a ta̤phû̌mò̤shî̌hto sînu toǒ hǒ.

Jǎgomo̤ 3:17

Pwǎ̤tadě ta̤sî̌khû̌sî̌ya htě a ǒ dě mǒkhû̌ hè hî̌numî̌ a mṳ̂plî wǐkhlo pě, htopědě a ǐ ǒhtò̌tû̌ ta̤mo̤ta̤pè̤, ta̤gènè̤jò kòya, sò̌yṳ gana̤de kò ta̤hî̌bǎ, lǒbe ta ta̤gwèbǎǐ ta ma̤ta̤wǒ toǒ, kè̌dû̌kè̌pî̌tî̌ kò tò̤, htodě ta̤jîma̤khěma̤khǒ ana̤ toǒ ǒ tò̤.

Petru awǐlǒ tabǎ 1:22

Khònò̤dě sî jûle̤phî̌yo̤ Cǒmara a ta̤sû̌ǐ a ta̤te̤ta̤mǎ toǒ akhû̌akhî, sî ma̤mṳ̂plî sî sò̌phlǒ dě sî htû kòyò htě a mo̤ǐ mè̤mè̤̌ pṳwè̤ Khrî̌stuphû̌ htǒotoǒ hǒ. Ma̤hǐnudě mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤ nî̌꤮.

Petru awǐlǒ tabǎ 2:12

Bǎ sî ǒhtûpwa̤ dě khlilèhǔwa̤phû̌ htě a yṳǎ kû̌kò Cǒmara tò̤ htǒotoǒ akla, a bè̌ sî ta̤sǔ ta sî mî̌ kòyò htě a ma̤ ta̤phû̌mò̤shî̌hto akhanu, ǒhtûpwa̤ sarawǒ lǒkho sîna̤ nî̌꤮. Asî kè̌shǐ sî ta̤ma̤wǒ toǒ pě dě htû̌꤮ Cǒmara hèlò̤ amṳni̤ pě ti̤ni̤nu, a bè̌dubè̌na̤ nû̌û pě.

Petru awǐlǒ tabǎ 4:8

Dě ta̤lǒ̤꤮ bò aklanu, ta̤mo̤ǐ mè̤mè̤̌ nû̌û tapwa̤ ta tapwa̤ numî̌ a lo̤dû̌shǐ hǒ, ma̤tè̤hî̌dě ta̤mo̤ǐnu a bòlû̌plṳ̂kè ta̤sǔ.

Petru ginǐ̤bǎ tabǎ 3:1

Khobǒsû̌bǒmo̤ sî꤮, he khwè̌cû̌po̤ bǎ sî lî̤ ginǐ̤bǎ tabǎ. Lî̤ ginǐ̤bǎbò htě he khwè̌cû̌ bǎ sî htǒonumî̌, ma̤pûhǐ sî gènè̤ mṳ̂plîkû̌ lǒkho kòyònu dě, he jipwi̤ htû̌wè̤ gènè̤htò̌ gesǒ sî ta ta̤ htě sî sû̌ǐhtonu toǒ pwǎ.

Yṳ̂ha awǐlǒ tôbǎ 3:18

Hephû̌heli̤ sî, pa ta̤mo̤ǐ htǒonu nopwe̤hǎhtò̌ tû̌pwǎ pûma̤ yǎ dě sî khû̌phělo̤nu ma̤ nî̌. Sî tobǎ ma̤jè mè̤mè̤̌ kò pwǐ Cǒmara mo̤ǐ mè̤mè̤̌ panu.

Yṳ̂ha awǐlǒ tôbǎ 3:3

Kòyò htě a ǒpo̤kè̌shuǐ lǒkho ta a htûhtò̌ sǒsǒta Ye̤shǔkhrî̌stu pě toǒnu, pwǐ Khrî̌stu cahtǐnu, a bè̌cahtǐdǒ ana̤ hǐnu pě.

Yṳ̂ha awǐlǒ tôbǎ 4:1

He khobǒsû̌bǒmo̤ sî, kòyò lǒ̤bò htě a hî̌ ta pa ǒ ta Běcǎ sǎcahtǐ toǒnu, yṳǎ bǐaǒ lǒkho pûma̤. Ma̤pûhǐ sî sî̌ya ta sò̌phlǒhtǒo numî̌ a hè mè̤mè̤̌ dě Cǒmara a ǒ ya, mî̌ a hè mè̤tò̤ yanu sèlèkè̌wǐ lǒkho asî nî̌, ma̤tè̤hî̌dě bǎ hǎkhû̌bǎonu, pwa̤po̤ lòho ǒlṳhtò̌plṳ̂ hǒ.