Phǐlǐpǐ 4:7 - Kawyaw RC

⁷ Cǒmara ǐ sî ata̤gûjûkabǎ htě kòyòhǎkhû̌phû̌ gènè̤htûtò̤ htǒonu pě. Dě sî htûhtò̌ kû̌ta Ye̤shǔkhrî̌stu tacǎnǔ꤮ pa akhû̌akhî, Cǒmara a ta̤gûjûkabǎ ǒpo̤ǐtû̌ sî sò̌phlǒsǔshi ta sî ta̤gènè̤ toǒ pě.

Kawyaw New Testament

⁷ Cǒmara gǔ ǐ sî ata̤gûjû̌gûbǎ dǒ kòyò hǎkhû̌phû̌ gènè̤ htûtô̤̌ nupě. Dǒ sî htûhtò̌ ta̤tôcǒ꤮ nô̤̌ kû̌ Yeshǔ Khrǐ hǒ akhû̌akhî, Cǒmara a ta̤gûjû̌kabǎ ô̌pǒ̤mě sî sǎphlǒsǔshi kû̌ sî ta̤gènè̤ tokhlǒ pě.

Phǐlǐpǐ 4:7 Iomraidhean Croise

Htû̌sò̌htò̌ 29:11

Cǒmara tûjûpwa̤ glè ǐ akòyò ta̤khû̌ta̤ǎ. A howi̤homò̤ akòyò ta ta̤gûjûkabǎ pě.

Htû̌sò̌htò̌ 85:8

Běcǎ Cǒmara tûjûpwa̤ hî̌ hî̌tènu, he glè gana̤de. Ma̤tè̤hî̌dě a olò̤ ta a glè ǐ akòyò htě a cǒtè̤tayo̤ toǒ ata̤ǒmo̤ǒkwǐ. Pwǎ̤tadě noma̤bǐaǒ gesǒ pûma̤ asî ma̤.

Lǔka 1:79

Dě lṳmṳ htǒo ahtò̌ mǒla̤ dě a lîrakhalò̤ bǎ kòyò ǒ dě ta̤khǐta̤lo̤, ta̤si ayo̤ǔ akûnu toǒ lǒ̤꤮ bò pě, dě a yṳ̂klè̌nè̌klò cû̌nṳbǎtû̌ pa ta̤ǒhtûpwa̤ aklè̌aklò htě apè̤adû dě sò̌phlǒ gûjûkabǎ akla pě.”

Lǔka 2:14

“Cǒmara ǒ bǎ gûla̤htò̌yî̤gutṳ̌ dě mǒkhû̌nu tapwa̤ na nî̤bǎ tû̌pû bwǐdû̌sîrîhtû nî̌꤮. Dě hǎkhû̌nu ta̤pè̤ta̤dû ta ta̤gûjûkabǎ ǒkû̌ tû̌ta kòyò lǒ̤bò htě Cǒmara sò̌phlǒ ǒnû̌û toǒ nî̌꤮.”

Jowǎ̤ni̤ 14:27

He bè̌kè bǎ sî sò̌phlǒ a ta̤gûjûkabǎ hǒ. Dě he ǐ bǎ sî he ta̤gûjûkabǎ hǒ. He ǐ sî htǒonumî̌ alò̤ta kòyòhǎkhû̌phû̌ ǐ sînu toǒ mè̤tò̤. Sò̌phlǒgu sò̌phlǒgè lǒkho pûma̤. Ǐsha lǒkho pûma̤ma̤.

Jowǎ̤ni̤ 16:33

“Ma̤pûhǐ sî nî̤bǎ sò̌phlǒ ta̤gûjûkabǎ ayanu, he hî̌htobò bǎ sî htǒotoǒ hǒ. Dě sî htûhtò̌ ta he ta̤tacǎnǔpa akhû̌akhî, sî nî̤bǎ sò̌phlǒ a ta̤gûjûkabǎ hǒ. Dě hǎkhû̌ bǎonu, sî kè̌shǐbǎ ta ta̤pò̤ta̤sha ta̤jîta̤jû pě, pwǎ̤tadě bè̌shû̌bè̌sho lǒkho sî sò̌phlǒ nî̌꤮. He ma̤pè̤hto hǎkhû̌akhû̌ a ta̤sîrîshû̌sho htǒotoǒ hǒ.”

Rṳ̂̌me̤ 1:7

Khobǒsû̌bǒmo̤ htě a ǒ dě Rò̌mǎwî̤kû sî, Cǒmara mo̤ǐ sî, htohǒtò̤ a kaǎ sî dě sî htûhtò̌ tû̌ akòyò hǒ. He khwè̌cû̌bò bǎ sî lî̤htǒotabǎ. Papha Cǒmara ta pa Běcǎ Ye̤shǔkhrî̌stu ǐtû̌ pû sî ta̤bwǐta̤sîrî ta ta̤gûjûkabǎ nî̌꤮.

Rṳ̂̌me̤ 14:17

Ma̤tè̤hî̌dě, Cǒmara ashiaganu, shǎǎshǎo mî̌ ta̤ htě a lo̤bǎdû̌khlokò mè̤tò̤. Ta̤ htě a lo̤bǎdû̌khlo kò mî̌, ta̤cǒta̤tè̤, ta̤ǒsî̌tukǔ, ta ta̤sò̌le̤sò̌lò̤ htě Běcǎ sǎcahtǐ ǐ pa htǒotoǒnu pwǎ.

Rṳ̂̌me̤ 15:13

Bǎ sî yṳǎ Cǒmara htě a ma̤jè sî htǒo akhanu, a mî̌ Cǒmara tapwa̤ htě pa la̤kè̌shuǐ a kòshî̌kòtṳ akhû̌akhî, a ma̤lǒbe tû̌bǎ sî ta̤sò̌le̤sò̌lò̤ ta sî sò̌phlǒ a ta̤gûjûkabǎ nî̌꤮. Htohǒtò̤ ma̤pûhǐ sî ta̤kè̌shuǐ shû̌htò̌shohtò̌ sělě kû̌po̤ dě alo̤mo̤ ta Běcǎ sǎcahtǐ a ta̤po̤ta̤phǎ akhû̌akhî pwǎnu he kwisaba bǎ sîya.

Rṳ̂̌me̤ 5:1

Hǐnudě Cǒmara bè̌cǒbè̌tè̤ pa ta pa ta̤yṳta̤nǎ akhû̌akhî hǒ. Dě pa ǒpè̤ǒdû mo̤klaǐgesǒ ta Cǒmara hǒ. Pwa̤ma̤ htûhtò̌ bǎ pa pwǐhè̌onumî̌ mî̌pwǎ pa Běcǎ Ye̤shǔkhrî̌stu hǒ.

Rṳ̂̌me̤ 8:6

Kòyò htě a gènè̤ còcè̌pwǎ na̤klûphěyî̌ a ta̤sò̌yṳ phû̌mò̤ toǒnu, a ǒhtûpwa̤ kû̌ta Cǒmara tûjûpwa̤ tò̤. Pwǎ̤tadě kòyò htě Běcǎ sǎcahtǐ pǒǐ nû̌û ta̤gènè̤ toǒnu, a bǎ nî̤bǎ ta̤mo̤ta̤kwǐ htǒotuhtu pě, htohǒtò̤ a ǒkû̌ta Cǒmara tûjûpwa̤ pě.

Kôritu ginǐ̤bǎ tôbǎ 10:5

Pa ma̤lò̤te̤jakèbò ta̤phî̌dû̌phî̌htò̌yî̤ lǒ̤꤮ bò na̤ htě a ma̤dǐdòshǔ ta̤sî̌ya Cǒmaranu toǒ. Kòyò lǒ̤꤮ bò a ta̤gènè̤ toǒnu pa pṳ̂dǒǒbò yǎ dě pa nojûle̤phî̌yo̤ gana̤de yǎta Khrî̌stu ayo̤.

Kôritu ginǐ̤bǎ tôbǎ 13:11

Sû̌kho sî꤮, he sò̌yṳ hî̌ gutṳ̌lò̤ sî ta, sò̌le̤sò̌lò̤ lǒkho nî̌꤮. Ma̤wǒgesǒ lǒkho sî ta̤ǒhtûpwa̤ nî̌꤮. Gana̤de lǒkho he ta̤kwigwèbǎǐ sî htǒonu toǒ nî̌꤮. Ǒhtuǒplǒ, ǒpè̤ǒdû nû̌û nî̌꤮. Sî dè ma̤mò̌hǐnu Cǒmara htě a mî̌ ta̤mo̤ǐ ta ta̤pè̤ta̤dû a kòshî̌kòtṳ htǒotapwa̤ ǒkû̌ tû̌ta sî pě.

Galatǐ 5:22

Pwatadě Běcǎ sǎcahtǐ numî̌ a bè̌ǒhtò̌ ta̤mo̤ǐ, ta̤sò̌le̤sò̌lò̤, ta̤pè̤ta̤dû, ta̤khòsò̌do, ta̤sò̌yṳgwèbǎǐ, ta̤wî̤ta̤wǒ, ta̤jûle̤phî̌yo̤,

Ěphěsu 3:19

Kò sî̌yahtû Khrî̌stu ata̤mo̤ǐ dǐpwǎ̤꤮ tò̤ pwǎ̤ta ma̤pûhǐ sî sî̌yakû̌ kòyònu, he kwisaba sîya. Bǎ sî sî̌yahè ata̤mo̤ǐ akhanu, sî nî̤bǎ lǒbebò Cǒmara ala̤klonu toǒ pě.

Phǐlǐpǐ 1:1

Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Phǐlǐpǐ 1:2

Papha Cǒmara ta Běcǎ Ye̤shǔkhrî̌stu ǐtû̌ sî ta̤bwǐta̤sîrî ta ta̤gûjûkabǎ nî̌꤮.

Phǐlǐpǐ 4:19

Ye̤shǔkhrî̌stu akhû̌akhî, Cǒmara ma̤jèbò sî lǒ̤꤮ bò sî lo̤bǎnu toǒ pě. Pwǐ a dû̌yò̤htò̌sa lǒbetî̌pî̌ hî̌jòpe tò̤ htǒonu, a ma̤jètû̌ sî hǐnu pě.

Phǐlǐpǐ 4:21

He hî̌mo̤hî̌wǒ cû̌ Cǒmara akòyò pṳ̂̌꤮ tapwa̤ htě a yṳǎ Ye̤shǔkhrî̌stu toǒ. Pṳwè̤ Khrî̌stuphû̌ htě a ǒkû̌ ta he bǎo toǒ sûcû̌dǒ bǎ a ta̤hî̌mo̤hî̌wǒ toǒ dě sîǒ.

Phǐlǐpǐ 4:9

Sî sû̌ǐphî̌nṳhtobò dě sî kè̌shǐ gana̤dehto he ta̤hî̌bǎhî̌sho toǒ ta he ta̤phî̌ta̤ma̤ dě he ǒ toǒnu, ǒhtûpwa̤ gûma̤kû̌ lǒkho hǐnu dě ta̤gûjûkabǎ a Cǒmara ǒkû̌ tû̌ta sî pě.

Kòlòtè̌ 3:15

Bò꤮ sîhtǒo toǒ numî̌ sî htûbò Khrî̌stu ana̤klû dě Cǒmara wû̌lǎ sî ta sî mo̤klaǐ kè̌khînû̌û tapwa̤ ta tapwa̤ hǒ. Ma̤hǐnudě nopǒǐ sî sò̌phlǒ ta Khrî̌stu a ta̤pè̤ta̤dû, dě hî̌bwǐhî̌sîrî lǒkho Cǒmara nî̌꤮.

Tîsalònǐ ginǐ̤bǎ tôbǎ 3:16

Ta̤gûjûkabǎ a Běcǎ ǐlò̤tû̌ sî ta̤gûjûkabǎ pṳ̂̌꤮ taplǎ ta klè̌ pṳ̂̌꤮ tabo akû nî̌꤮. Běcǎ ǒkû̌ tû̌ta sî pṳ̂̌꤮ tapwa̤ nî̌꤮.

Hebrǔ 13:20

Ma̤pûhǐ sî ma̤toma̤bǎ ta̤pè̤ta̤dû a Cǒmara htǒotapwa̤ asò̌phlǒnu dě, ta̤wǒ lǒ̤꤮ bò htě sî lo̤bǎ toǒnu, a ǐ bòmṳ̂sîglî tû̌ta sî nî̌꤮. Ye̤shǔkhrî̌stu akhû̌akhî, Cǒmara ma̤ta̤ dě pakû pwǐ a to tû̌ta asò̌phlǒnu toǒ nî̌꤮. Cǒmara ma̤htûpwa̤gehto pa Běcǎ Ye̤shǔ ta ta̤si hǒ. Dě Běcǎ Ye̤shǔ khòsi asò̌ dě asǐ bǎ mèlò̤ akhû̌akhî, a ma̤měma̤glekèhto Cǒmara a ta̤wṳ̂dò asa htě a ǒ tûjûpwa̤ htǒonutûmû hǒ. Dě a ma̤ hǐnu akhû̌akhî, Ye̤shǔ htû pa pwa̤gèǐsophû̌ htě adû̌khlokò tapwa̤ hǒ. Pa mî̌ asophû̌ toǒ hǒ. Kò ma̤sîrîdû̌sîrîhtû tû̌ta Ye̤shǔkhrî̌stu tûjûpwa̤ talakhǎ nî̌꤮.

Yṳ̌da 1:1

He mî̌ Jǎgomo̤ apṳ Yṳ̌da, htohǒtò̤ he mî̌ Ye̤shǔkhrî̌stu ajû tapwa̤. He sò̌yṳ khwè̌cû̌bǎ kòyò htě pha Cǒmara kaǎ asî dě a mo̤ǐ asî, htohǒtò̤ Ye̤shǔkhrî̌stu ǒpo̤ ma̤kwaǐ asînu toǒ a ǒ.

Ta̤dǔlè̌nǎ 1:4

He mî̌ Jowǎ̤ni̤. He khwè̌cû̌ lî̤htǒo dě pwa̤yṳǎta̤ aprṳ̂aho susǒtṳmṳ htě a ǒ dě Ashǎgakûnu toǒ ǒ. Cǒmara htě a htûpwa̤ bǎ꤮ nukha, htohǒtò̤ khònò̤kha mî̌ a htûpwa̤pwa̤, nǒkòpěmî̌ a htûpwa̤pwa̤ htǒotapwa̤ ta ta̤htûpwa̤ susǒtapwa̤ htě a ǒ dě gûla̤htò̌yî̤ alo̤mo̤ htǒotoǒ abwǐasîrî ta a ta̤mo̤ta̤kwǐ htǒonu, sî nî̤bǎ tû̌ta nî̌꤮.

Ta̤dǔlè̌nǎ 2:17

“Na nò̌ku dè ǒ dě gana̤de ta̤ htě Běcǎ sǎcahtǐ pwe̤ǐ pwa̤yṳǎta̤ aprṳ̂aho htǒotoǒnu. A hî̌ hî̌tèhî̌dě, bò kòyò htě a ma̤pè̤ ta̤ toǒnu he ǐ yǎ mû̌manǎ htě kò bè̌ǒhǔ a htǒoto̤glo pě. Htodě he ǐ asî lo̤bû tapwa̤ tama pě, htě kòyò khwè̌sa nû̌ûmi̤ alo̤ htǒonu pě. Mi̤sa htǒonu kò sî̌ya a dǐpwǎ̤tò̤, sî̌ya pwǎpǒ̤ kòyò htě a nî̤bǎ lo̤htǒonu tapwǎ̤ pa pwǎ.”