Phǐlǐpǐ 4:5 - Kawyaw RC

⁵ Na sò̌phlǒ sò̌dohobî̌ htǒonu nokè̌shǐbò yǎta kòpṳ̂̌꤮ tapwa̤ nî̌꤮. Běcǎ glè̌ hènu aphǔhǒ.

Kawyaw New Testament

⁵ Na sǎphlǒ sǎdôhôbî̌nu nokè̌shǐbò kû̌ kòyò pṳ̂̌꤮ tôpwa̤ nî̌꤮. Běcǎ glè̌ hènṳ̌ phǔtinǐ̤hǒ.

Phǐlǐpǐ 4:5 Iomraidhean Croise

Matěo 6:25

“Ma̤hǐnudě he hî̌ sî, bǎgubǎgè pûma̤ ta sî ta̤ǒhtûpwa̤ ayanu ma̤. Sî la̤ǎla̤o aya bǎbǎ, sî la̤kûla̤sǒ aya bǎbǎ, bǎgubǎgè lǒkho pûma̤. Pa ta̤ǒhtûpwa̤nu a lo̤bǎdû̌khlo ta la̤ǎla̤o mè̤tò̤ ya? Pa na̤saklû htǒonu a lo̤bǎdû̌khlo ta la̤kûla̤sǒ mè̤tò̤ ya?

Matěo 6:34

Ma̤hǐnudě, pe̤wo̤pě ayanu gugè pû lǒkho ma̤ nî̌꤮, ma̤tè̤hî̌dě, pe̤wo̤pě ayanu, a ta̤guta̤gè ǒkhǒ tû̌ pě. Ti̤ni̤ ta ti̤ni̤ a ta̤guta̤gènu a shû tû̌ hǒ.”

Lǔka 21:34

“Ǒsè̌rè̌ lǒkho sîna̤ nî̌. Bǎ sî ǎmṳomṳ akha sî ma̤bǐma̤ǒ ta̤nu toǒ bǎbǎ, sî gugè lǒkho ta sî ta̤ǒhtûpwa̤ dě hǎkhû̌htǒo tuhtu toǒnu bǎbǎ, ma̤bòkè pûma̤ sî akhîakha toǒnu ma̤ nî̌. Pěmî̌ kòyòphû̌khû mî̌ hehtǒo hèto̤sǒ dě sî ǒ, bǎ sîgènè̤to̤ tò̤nu ti̤ni̤ tasa pě.

Kôritu awǐlǒ tôbǎ 16:22

Ûpèpè̌ bǎbǎ, a mo̤ǐ Běcǎ tò̤nu, ta̤ǐsho bǎtû̌ta nû̌û nî̌꤮. “Maranǎsa” kǒ꤮ pa Běcǎ! hèmò̌ nî̌꤮.

Kôritu awǐlǒ tôbǎ 6:7

Dě sî ta sî cû̌ma̤ nû̌û ta̤mû̌ pûkǎ hǐ akhû̌akhî, a dǔlṳ ta sî lò̤jû bòmṳ̂sîglîkè hǒ. Wǐ꤮ ta sî ma̤hǐnu, sî khòsò̌dokè bǎ sî pṳwè̤ htě a ma̤sǔ sî htǒonumî̌ awǒkhlo tò̤ ya? Wǐ꤮ ta sî ma̤ta̤mû̌ dě sî pṳwè̤ Khrî̌stuphû̌ pûkǎ ahǐnu, sî khòlò̤jûkè sî ta̤kî̌ta̤kû̌ toǒ numî̌ awǒkhlo.

Kôritu awǐlǒ tôbǎ 8:13

Ma̤hǐnudě, he ǎ ta̤yî̌ khû̌khî, a dǔlṳhtò̌ pṳwè̤ Khrî̌stuphû̌ tapwa̤pwa̤ a ta̤lòkhǔlòpo̤ hî̌mò̌nu, he ǎpe ta̤yî̌ dǐkhò̌꤮ tò̤. Ma̤tè̤hî̌dě he sò̌yṳ nohtûhtò̌ ta̤lòkhǔlòlo ta he pṳwè̤ Khrî̌stuphû̌ htǒotoǒ aya tò̤ akhû̌akhî, he ǎpe tò̤.

Kôritu awǐlǒ tôbǎ 9:25

Kòyò lǒ̤꤮ bò htě a ta̤khlè̌ nû̌û toǒnu, a bǎ sû̌ǐlò̤ lǒkho tû̌ ana̤, a bǎ khòǐ tû̌ asò̌phlǒ. Ma̤pûhǐ a nî̤bǎ kû̌kòyò khû̌glû htě anoakhwejò, apî̌alṳ̂jò htǒotoǒ ayanupwǎ dě, a khòǐ lǒkho ana̤ hǐnu. Pwǎ̤ta pa dě pa yṳǎ Ye̤shǔkhrî̌stu toǒnu, pa nî̤bǎ kû̌kòyò khû̌glûhta htě anoakhwe, apî̌alṳ̂jò tò̤ toǒ pě.

Kôritu ginǐ̤bǎ tôbǎ 10:1

Toǒǒnu a hî̌ lǒkho he ta bǎ he hî̌bǎshǔ ta sî akha, he ǐshapwǎ pò̤̌ta bǎ he khwè̌ lî̤ akhanu, he hî̌bǎshû̌hî̌bǎsho mè̤mè̤̌, a hî̌ lǒkho he hǐnu. Pwǎ̤ta he kwigwèbǎǐ gutṳ sî pwǐ Khrî̌stu ǒta ta̤sò̌dohobî̌ htǒonu.

Tîsalònǐ ginǐ̤bǎ tôbǎ 2:2

Kòyò tapwa̤pwa̤ dè hî̌ sî ta Běcǎ amṳni̤ hèto̤htohǒ hî̌numî̌ pa kwigwèbǎǐ sî꤮, yṳǎ yû lǒkho pûma̤ nî̌꤮, sò̌gònò̤ ǐsha lǒkho pûma̤ nî̌꤮. A dè hî̌ sî ta, Cǒmara nohî̌po̤phǎnǎ he dèmè̤tò̤dě kò pwe̤ǐ sî̌yalṳ bǎ he hǐnu a hî̌cǒtè̤ bǎbǎ, dèmè̤tò̤dě a dè hî̌ lǒkho ta lî̤ hèto̤ dě pa ǒ tabǎ, a dè hî̌cǒtè̤ hǐnu bǎbǎ yṳǎ lǒkho pûma̤ nî̌꤮.

Tǐtǔ 3:2

Ǐ gènè̤bǎ po̤gesǒ asî ta nopi̤jishǐcǒ pûma̤ kòyò dǐpwǎ̤꤮ ma̤ nî̌꤮. Nosè̌rè̌ǐ lǒkho asî ta ta̤to̤klî̌nû̌ûnu toǒ nî̌꤮. Htodě noǒ lǒkho asî ta sò̌phlǒ sò̌dohobî̌, dě nodǔlṳ bǎ kò ta asî ata̤khòsò̌do a ta̤shò̌lò̤ mè̤mè̤̌ asò̌phlǒnu toǒ ta kòpṳ̂̌꤮ tapwa̤ nî̌꤮.

Hebrǔ 10:25

Kòyò toǒǒnu, a wîkè ta̤saba plǒnû̌û toǒ, pò̤̌ta pa dě, pa wîkè pûma̤ pa la̤klo saba plǒnû̌ûhtǒo pwǐ asînu toǒ wîkènu ma̤ nî̌. Mî̌tanu, pa ǐkhû̌ǐǎ plǒnû̌û tapwa̤ ta tapwa̤ hò̌. Běcǎ glè hèsǒ mṳni̤mṳsa htǒonu a phǔhèhǒ akhû̌akhî, pa tǐ̤ ǐkhû̌ǐǎ shû̌khlo kè̌khîpo̤ nû̌û tapwa̤ ta tapwa̤ hò̌.

Hebrǔ 10:37

Ma̤tè̤hî̌dě, lî̤cahtǐkû hî̌, “Yî̤hǒtò̤ pěnu, pwa̤ htě a glè hèhtǒo tapwa̤ hè pě, a ma̤pò̤ma̤ya̤pe tò̤.

Petru awǐlǒ tabǎ 1:11

Khrî̌stu a sǎcahtǐ ǒ pwa̤po̤ toǒ a sò̌phlǒkû dě a hî̌nǎwǐ Khrî̌stu awi̤akè̌ ta a khòbǎwǐ ta̤jîta̤jû toǒ pě. Htodě ta̤sîrîdû̌sîrîhtû toǒ hènǒ anǒkò pě, asî kè̌lǎsî̌ya lǒkho ta akhîakha bǎ bò̌khòtè pě, htodě a ma̤ ana̤ hî̌tè pě hǐnu.

Petru awǐlǒ tabǎ 4:7

Ta̤lǒ̤꤮ bò a glè̌ gutṳkèhǒnu a hèto̤ phǔhǒ. Hǐnu akhû̌akhî, ma̤pûhǐ sî kwisababò̌ kû̌kònu, ǒsòklò lǒkho dě sû̌ǐtòwòǐlò̤ lǒkho sîna̤, htohǒtò̤ ǒhtûpwa̤ sapwa̤kû̌ lǒkho nî̌꤮.

Ta̤dǔlè̌nǎ 22:20

Kòyò htě a khòlṳ ta ta̤wi̤ta̤kè̌ lǒ̤꤮ bò htǒotoǒ tapwa̤nu, a hî̌ ta, “O, he hèlǎ pě,” amè̤, kǒ꤮ Běcǎ Ye̤shǔkhrî̌stu, hèmò̌ ta꤮.

Ta̤dǔlè̌nǎ 22:7

Ye̤shǔ hî̌, “Gana̤de lǒkho꤮, he hèlǎ pě, kòyò htě a gana̤de pwa̤po̤yo̤ htě a hî̌bǎ dě lî̤kû htǒotoǒnu, a nî̤bǎ ta̤howi̤.”