Phǐlǐpǐ 4:3 - Kawyaw RC

³ Na mî̌ kòyò htě a ma̤plǒta̤ ta he dě acǒtè̤ ta ayo̤ tapwa̤ hǒ. Dě he sò̌yṳ kwi na ta̤ma̤jè tacǎ, ma̤pûhǐ mamǔhtǒo sò̌gini̤ mo̤klaǐ kè̌khînû̌û ayanu, ma̤jè pû asî nî̌꤮. Ma̤tè̤hî̌dě asî htǒosò̌gini̤ numî̌ a jipwi̤ htǒkhû̌htǒǎ ma̤htukû̌ ta̤wi̤lò̤ ta̤sò̌le̤sò̌lò̤ awi̤akè̌ ata̤ma̤ ta he nî. Asî ma̤htukû̌ ta Kleme ta hekho dě pa ma̤plǒnû̌û ta̤ ahǔwa̤nu toǒ, dě asî lǒ̤꤮ bònu toǒ ami̤ mî̌ a ǒbò dě Běcǎ a lî̤htûpwa̤ akûnu hǒ.

Kawyaw New Testament

³ Na mî̌ kòyò dǒ a ma̤ ta̤ kû̌ he dǒ acǒ kû̌ ayô̤̌ tôpwa̤ hǒ. Dě he sǎyṳ kwi na ta̤ma̤jè̌ tôcǒ, pô̤̌khô pwa̤mǒ̤nu sò̌ginǐ̤ gǔ kla kè̌khî lû̌û ayanu, ma̤jè̌ mò̌ asî nî̌꤮. Ma̤titèhî̌dě asî nusò̌ginǐ̤ numî̌ a jî̌pwǐ̤ htǒkhû̌htǒǎ ma̤wô̤̌wô̤̌ ta̤wǐ̤lò̤ ta̤sǎlě̤we̤kè ata̤ma̤ kû̌ he ně. Asî ma̤wô̤̌ kû̌ Khûkleme kû̌ hekhô dǒ pa ma̤wô̤̌wô̤̌lû̌ ta̤ dǒ ashǔshawa̤ nutokhlǒ, dě lǒ̤bò asî nutokhlǒ ami̤ mî̌ a ô̌ bòkè dǒ Běcǎ a lî̤htûpwa̤ akû nuhǒ.

Phǐlǐpǐ 4:3 Iomraidhean Croise

Htû̌sò̌htò̌ 69:28

Kò glè htǔpi̤kèbòtû̌ asîmi̤ dě lî̤htûpwa̤ akû. No khwè̌htudǒ pûma̤ asîmi̤ dě kòyòsò̌phlǒwǒ toǒ ami̤ aklanu ma̤.

Lǔka 10:20

Pwǎ̤tadě, khînǎkhîno toǒ jûle̤phî̌yo̤ sîyo̤ khû̌khî, sò̌le̤ lǒkho ma̤ nî̌꤮. Sò̌le̤ lǒkho htě kò khwè̌mǎ sîmi̤ dě mǒkhû̌ htǒonu.”

Rṳ̂̌me̤ 12:1

Hǐnudě, pṳwè̤ sî꤮, Cǒmara a ta̤gwèbǎǐ panu, adû̌ayǒ tûlû̌shû̌ ta paya akhû̌akhî, he kwigwèbǎǐ sî ta sî glè ǐlò̤ sî na̤saklû htǒo dě Cǒmara a ǒ pwǐ ta̤lṳ htě a htûpwa̤, pwǐ ta̤lṳ htě a cahtǐ ta pwǐ ta̤lṳ htě ato nû̌ûsò̌phlǒ a ta̤sò̌yṳnu nî̌꤮. Sî to sabahtò̌ Cǒmara pwǐhè̌onumî̌ klè̌ htě atoabǎ tabo hǒ.

Rṳ̂̌me̤ 16:12

Hî̌mo̤hî̌wǒ nṳbǎ he Htarǔphè̌nǎ ta Htarǔphosa sò̌gini̤nu nî̌꤮. Asî mî̌ mamǔ toǒ htě a ma̤ mè̤mè̤̌ ta̤ ta Běcǎ aya. Hî̌mo̤hî̌wǒ nṳbǎdǒ hekhomo̤ǐ Perasǐ nunî̌꤮. A mî̌ mamǔ htě a jipwi̤ ma̤ mè̤mè̤̌ta̤ ta Běcǎ aya tapwa̤ hǒ.

Rṳ̂̌me̤ 16:9

He sûcû̌nṳ he ta̤hî̌mo̤hî̌wǒ dě Ǔrabanǔ htě a ma̤ plǒhtu Khrî̌stu a ta̤phî̌ta̤ma̤ ta he htǒonu tapwa̤ ta he khobǒsû̌bǒmo̤ Satakhǔ a ǒ.

Phǐlǐpǐ 1:12

He pṳwè̤ sî, ta̤ma̤htûhtò̌ ana̤ ta he htǒotoǒ lǒ̤꤮ bò numî̌ a ma̤jèpwǎ ta̤sò̌le̤sò̌lò̤ awi̤akè̌ glè dû̌htò̌ htûhtò̌ ayapwǎ numî̌ he sò̌yṳ nosî̌yadǒ sî.

Phǐlǐpǐ 1:16

Asî mo̤ǐ he dě a ma̤ lǒkho pwǎ, ma̤tè̤hî̌dě tobǎ hî̌bǎma̤kwabǐ dǐdò ta̤sò̌le̤sò̌lò̤ awi̤akè̌ ata̤ma̤ htǒonumî̌ Cǒmara ǐpwǎ henu asî sî̌ya lǒkho pwǎ.

Phǐlǐpǐ 1:27

A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Phǐlǐpǐ 1:5

Ma̤tè̤hî̌dě, he ma̤ ta̤sò̌le̤sò̌lò̤ awi̤akè̌ htǒonu, sî ma̤kû̌dǒ ta he dě khû̌lû̌kha tǒ̤lò̤khònò̤ hǒ.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 4:2

Yuǒdia ta Sutakhě sî꤮, sî pṳtawè̤ nû̌û dě Khrî̌stu akû akhû̌akhî, he kwigwèbǎǐ sî ta sî glè sò̌phlǒto kè̌khînû̌û tapwa̤ ta tapwa̤.

Kòlòtè̌ 1:7

Ěpaphra mî̌ kòyò htě a dǒhtû̌ǐlṳ wǐgutṳ̌ bǎ sî ta Cǒmara a ta̤bwǐta̤sîrî tapwa̤ hǒ. A mî̌ Ye̤shǔkhrî̌stu apwa̤ma̤ta̤ htě a ma̤kû̌dǒ ta̤ ta pa dě pa mo̤ǐ yǎ tapwa̤. A mî̌ Khrî̌stu apwa̤ma̤ta̤ htě acǒatè̤ ta ayo̤ tapwa̤. Dě a ma̤ hǐnumî̌ a ma̤bǎ pa gûla̤ hǒ.

Ta̤dǔlè̌nǎ 13:8

Kòyò lǒ̤꤮ bò htě a ǒ hǎkhû̌bǎo pṳ̂̌꤮ tapwa̤nu, a subusabahtò̌bò nû̌û pě. Tèhtò̌ bǎ kò bǒlò̤ hǎkhû̌ akhape, kòyò htě a ǒhtûpwa̤ hǎkhû̌ bǎotoǒ dě kò khwè̌kû̌dǒ asîmi̤ dě sophû̌nu tado a lî̤htûpwa̤ akû hǒtò̤ toǒnu, a glè subusabahtò̌bò lǒkho ta̤mi̤ta̤mò̤ htǒotado. Sophû̌nu tado mî̌ mî̌pwǎ kò ma̤si yǎnu tapwa̤ hǒ.

Ta̤dǔlè̌nǎ 17:8

Ta̤mi̤ta̤mò̤ htě na kè̌shǐhto taplǎkhanu aǒhto hǒ pwǎ̤tadě khònò̤htǒo a ǒpe tò̤nu tado ǒlṳhtò̌ gesǒ pě. A ǒ khokûdû̌ khokûyo̤ nutûkû dě a hǎhtò̌ pě. Dě Běcǎ kaǎcû̌ nû̌û ta̤cèrò agûla̤ dě a ma̤pî̌kè nû̌û tûjûpwa̤ pě. Tèhtò̌ bǎ kò bǒlò̤ hǎkhû̌ akhape, kòyò htě a ǒhtûpwa̤ hǎkhû̌ bǎotoǒ dě kò khwè̌kû̌dǒ asîmi̤ dě lî̤htûpwa̤ akû hǒtò̤ toǒnu, a sû̌pi̤sò̌pi̤bò lǒkho bǎ asî kè̌ ta̤mi̤ta̤mò̤ htǒotado akhanu pě, ma̤tè̤hî̌dě, taplǎkhanu ta̤mi̤ta̤mò̤ htǒotado ǒhtûpwa̤ khònò̤ dě a ǒpe tò̤, pò̤̌ta a ǒlṳgesǒ pě akhû̌akhî, asî sû̌pi̤sò̌pi̤bò lǒkho pwǎ.

Ta̤dǔlè̌nǎ 20:12

Dě he kè̌shǐ kòyò htě ami̤ lṳshilṳga ta kòyò htě kò gènè̤pî̌tî̌ nû̌û dě a sihto toǒ ihtǒ ǒ Khwǐcophǎ gògohtabûdû̌ htò̌yî̤ htǒo alo̤mo̤. Kò bòmohtò̌ lî̤toǒ htodě kò bòmohtò̌ lî̤ ahǔwa̤ tabǎ htě kò kaǎ nû̌ûta lî̤htûpwa̤ htǒo. Kòyòsi htǒotoǒnu, kò cèrò asî pwǐ a ma̤bǎhtonu ta pwǐ kò khwè̌mǎ dě lî̤htǒo akûnu toǒ.

Ta̤dǔlè̌nǎ 20:15

Kòyò tapwa̤pwa̤nu kò dè kè̌shǐ kò khwè̌nǎ ami̤ dě lî̤htûpwa̤ htǒotabǎ akû tò̤ hî̌nu, kò bǎ wîlòte̤kè a dě mî̌ htǒotoǒ akla.

Ta̤dǔlè̌nǎ 21:27

Pwǎ̤ta dě wî̤kûnu ta̤htě a cahtǐ tò̤nu toǒ nṳjò dǐcǎ꤮ tò̤. Kòyò htě a ma̤ ta̤phû̌mò̤shî̌hto bǎbǎ, a lòhǎlòho toǒ bǎbǎ, nṳjò dǐpwǎ̤꤮ tò̤. Nṳjò pwǎpǒ̤ kòyò htě ami̤ ǒ dě sophû̌ a lî̤htûpwa̤ htǒotabǎ akûnu toǒ pwǎ.

Ta̤dǔlè̌nǎ 3:5

Kòyò htě a ma̤pè̤ta̤ toǒnu kò ǐkûǐsǒhtò̌ kû̌tû̌ asî ta hǐdohǐyò̤bû pwǐhè̌onu pě. Htodě ami̤ htě a ǒ dě lî̤htûpwa̤ akû htǒotoǒnu, he htǔpi̤kè yǎ tò̤tò̤. Dě hepha ta a mǒkhû̌tanaphû̌ toǒ a lo̤mo̤ pěnu, he pwe̤ǐlṳhtò̌phlo bǎ asî htǒotoǒnu ta, asî mî̌ hekòyò pwǎ, hǐnu pě.