Phǐlǐpǐ 4:20 - Kawyaw RC

²⁰ Papha Cǒmara nî̤bǎ tû̌ta ta̤sîrîdû̌sîrîhtû tûjûpwa̤ talakhǎ nî̌꤮. Amè̤.

Kawyaw New Testament

²⁰ Pa pha Cǒmara gǔ nṳ̌bǎtû̌ ta̤bwǐdû̌sîrîhtû tûjû̌pwa̤ talakhǎ nî̌꤮. Ame̤.

Phǐlǐpǐ 4:20 Iomraidhean Croise

Htû̌sò̌htò̌ 115:1

Kǒ Cǒmara tûjûpwa̤, na cǒtè̤ ta yo̤, na mo̤ǐ pa ta ta̤mo̤ǐ htě ahǎbòjòtò̤ akhû̌akhî, pa bè̌dubè̌na̤ na, pa bè̌dubè̌na̤ tû̌꤮ na tapwǎ̤꤮ pa. Pa bǎ bè̌dubè̌na̤ ǐtû̌ pana̤ tò̤.

Htû̌sò̌htò̌ 72:19

Htû̌sò̌ǐ ami̤ htě asîrîdû̌sîrîhtû tûjûpwa̤ talakhǎ nî̌. A ta̤sîrîdû̌sîrîhtû htǒonu a ǒbebò tû̌ta dě hǎkhû̌ tebě nî̌. Amè̤, Amè̤.

Matěo 28:20

Htodě sû̌ǐtòwòǐ lǒkho asî ta a glè jûle̤phî̌yo̤ gûma̤kû̌bò pwǐ he mǎnǎ sî yo̤nu toǒ nî̌꤮. He ǒkû̌ tû̌ta sî pṳ̂̌꤮ plǎ pě, to̤htû̌ hǎkhû̌gutṳ pě bǎbǎ he ǒkû̌ tû̌ta sî pě.”

Matěo 6:9

“Sî tobǎ kwisaba hî̌tè hî̌numî̌, kwi lǒkho pwǐhè̌o, ‘Kǒ꤮ papha Cǒmara ǒdě mǒkhû̌꤮ kò bè̌dû̌bè̌yǒ bè̌dubè̌na̤ tû̌ta nami̤ cahtǐ htǒo nî̌꤮.

Rṳ̂̌me̤ 11:36

Ma̤tè̤hî̌dě, a bǒlò̤ ta̤lǒ̤꤮ bò, a kè̌ǐkhwè̌ǐ ta̤lǒ̤꤮ bò ta a ta̤po̤ta̤phǎ toǒ, dě a bǒlò̤ ta̤pṳ̂̌꤮ tacǎ akhû̌akhî, kò htû̌sò̌ǐ Cǒmara hǒ. Kòyò pṳ̂̌꤮ tapwa̤ htû̌sò̌ǐ tû̌ta Cǒmara tûjûpwa̤ nî̌꤮. Amè̤.

Rṳ̂̌me̤ 16:27

Dě Cǒmara htě a ma̤jò tû̌pwǎ ta̤ htǒotapwa̤nu, Ye̤shǔkhrî̌stu akhû̌akhî, a nî̤bǎ tû̌ ta̤sîrîdû̌sîrîhtû tûjûpwa̤ pě. Amè̤.

Ěphěsu 3:21

Dě Ye̤shǔ akhû̌akhî, kòpṳ̂̌꤮ tapwa̤ htû̌sò̌ǐbò tû̌ta Cǒmara nî̌꤮. Kòyò tuhtu hto tuhtu htě a yṳǎ Ye̤shǔkhrî̌stu toǒnu, a htû̌sò̌ǐ tû̌ta Cǒmara tûjûpwa̤ talakhǎ nî̌. Amè̤.

Phǐlǐpǐ 1:11

Htohǒtò̤ he kwisaba sîya dě Ye̤shǔkhrî̌stu a ta̤po̤ta̤phǎ khû̌khî, sî glè sǎhtò̌ tṳtṳ lǒkho ta̤cǒta̤tè̤ asǎ toǒ. Ma̤tè̤hî̌dě bǎ kò kè̌shǐ sî sǎhtò̌ ta̤te̤ta̤mǎ asǎ htǒotoǒ akhanu, kò bè̌dubè̌na̤ Cǒmara, dě kò htû̌sò̌ǐ yǎ pě.

Phǐlǐpǐ 4:23

Běcǎ Ye̤shǔkhrî̌stu abwǐasîrî ǒkû̌ tû̌ta sî lǒ̤꤮ bò nî̌꤮. Amè̤.

Tîmôte awǐlǒ tôbǎ 1:17

Kòyò pṳ̂̌꤮ tapwa̤ htû̌sò̌ǐ tû̌ Khwǐ htě a pǒǐta̤ tûjûpwa̤ talakhǎ dě a sijòtò̤ htǒotapwa̤ nî̌. A mî̌ Cǒmara htě kò kè̌shǐjò yǎtò̤. Cǒmara mî̌ a tapwǎ̤ pa. Kòyò pṳ̂̌ tapwa̤ bè̌dû̌bè̌htû tû̌ta yǎ, a ǒtû̌ta ta̤sîrîdû̌sîrîhtû pṳ̂̌꤮ tuhtu nî̌. Amè̤.

Yṳ̌da 1:25

Cǒmara mî̌ asîrîdû̌sîrîhtû. Cǒmara mî̌ a ǒpwǎ a tapwǎ̤ pa. Pwa̤ htě a ma̤lû̌htò̌ge pa mî̌ a tapwǎ̤pa. Ye̤shǔkhrî̌stu akhû̌akhî, ta̤sîrîdû̌sîrîhtû, ta̤dû̌ta̤yǒ awî̤awǒ, ta̤po̤ta̤phǎ ta ta̤sîrîshû̌sho htǒotoǒnu, a ǒplǒ ta Cǒmara tèhtò̌ ta̤tacǎ htûhtò̌ hǒtò̤ akha, tǒ̤lò̤khònò̤, tǒ̤hè tûjûpwa̤ nî̌, Amè̤.

Ta̤dǔlè̌nǎ 1:6

Htodě ma̤pûhǐ pa ma̤ apha Cǒmara a ta̤phî̌ta̤ma̤ ayanu, Ye̤shǔkhrî̌stu dǔlṳhtò̌ pa ta pwa̤lṳhtò̌ta̤ toǒ dě ashiagakû. Ta̤sîrîdû̌sîrîhtû ta ta̤po̤ta̤phǎ ǒ kû̌ta Ye̤shǔkhrî̌stu tûjûpwa̤ nî̌꤮. Amè̤.

Ta̤dǔlè̌nǎ 11:13

A ge kihtò̌htò̌ ta tṳtṳhtû̌dî̌ ma̤shû̌ mè̤mè̤̌. Wî̤ lòte̤jakè a lè̌shǐtalè̌ dě kòyòsikè apwa̤ susǒtîrî̌. Kòyò htě a ǒkè toǒnu, a te̤pe̤ ǐshabò lǒkho dě htû̌sò̌ǐ mǒkhû̌ a Cǒmaradû̌ a ta̤po̤ta̤phǎ.

Ta̤dǔlè̌nǎ 14:7

A yi̤kǒ po̤shû̌ dě a hî̌, “Ǐsha bè̌dubè̌na̤ Cǒmara dě htû̌sò̌ǐ a sîrîdû̌sîrîhtû, ma̤tè̤hî̌dě akhîakha hèto̤hǒ dě a glè cèrò kòyòhǎkhû̌phû̌ hǒ. Sabahtò̌ mò̌ Cǒmara htě a bǒlò̤ mǒkhû̌ ta hǎkhû̌, shidû̌shite̤we̤ ta shipo̤htǎkhû̌ htǒotoǒ tapwa̤nu.”

Ta̤dǔlè̌nǎ 5:12

Dě asî yi̤kǒ sò̌po̤shû̌ lǒkho ta, “Sophû̌ htě kò ma̤si yǎ htǒonu, a gwa nî̤bǎdû̌ ta̤sîrîpo̤phǎ, ta̤dû̌yò̤htò̌sa, ta̤sî̌ta̤jò, ta̤khû̌ta̤ǎ, ta̤bè̌dubè̌na̤ nû̌û, ta̤bè̌dû̌bè̌htû nû̌û, ta ta̤htû̌sò̌ǐ nû̌ûnu nî̌꤮.”

Ta̤dǔlè̌nǎ 7:12

Dě a hî̌ lǒkho, “Amè̤, ta̤htû̌sò̌ǐ, ta̤sîrîdû̌sîrîhtû, ta̤sî̌ta̤jò, ta̤hî̌bwǐhî̌sîrî, ta̤bè̌dubè̌na̤, ta̤po̤ta̤phǎ, ta ta̤khû̌ta̤ǎ toǒnu, pa Běcǎ Cǒmara nî̤bǎ tû̌ta tûjûpwa̤ talakhǎ nî̌꤮ Amè̤.”