Phǐlǐpǐ 4:19 - Kawyaw RC

¹⁹ Ye̤shǔkhrî̌stu akhû̌akhî, Cǒmara ma̤jèbò sî lǒ̤꤮ bò sî lo̤bǎnu toǒ pě. Pwǐ a dû̌yò̤htò̌sa lǒbetî̌pî̌ hî̌jòpe tò̤ htǒonu, a ma̤jètû̌ sî hǐnu pě.

Kawyaw New Testament

¹⁹ Dǒ Yeshǔ Khrǐ akhû̌akhîdě, Cǒmara gǔ ma̤jè̌ bǎbò sî lǒ̤bò sî lǎ̤lṳ̂ nutokhlǒ pě. Pô̤̌ a dû̌yò̤̌htò̌sa lǒlǒbebe hî̌jò pe takǎkǎ tô̤̌nu, a gǔ ma̤jè̌ sî pô̤̌nu pě.

Phǐlǐpǐ 4:19 Iomraidhean Croise

Mǒhtûlû̌hǎhtûsa 48:15

Htodě a howi̤homò̤ Jǒjè dě a hî̌, “Cǒmaradû̌ htě hephu Abraham ta hepha Isǎko ǒhtûpwa̤ ma̤to nû̌ûsò̌phlǒnu tapwa̤ howi̤tû̌ta phijaû̌ htǒotoǒ nî̌꤮. Cǒmaradû̌ htě a kè̌ǐkhwè̌ǐ he to̤khònò̤ htǒotapwa̤ howi̤homò̤tû̌ta phijaû̌ htǒotoǒ nî̌꤮.

Htû̌sò̌htò̌ 104:24

Kǒ Cǒmara tûjûpwa̤, na ma̤ta̤ toǒnu a ǒplṳ̂꤮ mè̤mè̤̌. Na bǒlò̤ ta̤nu toǒ lǒ̤꤮ bò ta ta̤sî̌ta̤jò. Hǎkhû̌htǒo aǒbebò ta nata̤bǒlò̤ta̤.

Htû̌sò̌htò̌ 130:7

Kǒ Israelphû̌ sî꤮, Cǒmara ata̤mo̤ǐ numî̌ ahǎbòjò tò̤. A sò̌yṳ ma̤lû̌htò̌ge kò pṳ̂̌꤮ taplǎ akhû̌akhî, kè̌shuǐ mò̌ Cǒmara tûjûpwa̤.

Htû̌sò̌htò̌ 36:8

Asî ǎkǒobe, shǎǎshǎo ǒlǒǒbe dě nahǐkûnu. Na ǐolǒbe asî shi ta nata̤wî̤ta̤wǒ dě nashilo̤dû̌kûnu.

Htû̌sò̌htò̌ 84:11

Běcǎ Cǒmara tûjûpwa̤ mî̌ alò̤ta lṳmṳ, pwa̤ma̤kwaǐ pa. Cǒmara tûjûpwa̤ gwèbǎǐ pa, a bè̌dû̌bè̌htû pa. Kòyò htě a ma̤toma̤bǎ ta̤ toǒnu, Cǒmaradû̌ sò̌phlǒǒ asî ta̤wî̤ta̤wǒ.

Matěo 6:32

Ma̤tè̤hî̌dě kòyò htě a sî̌ya kû̌kò Cǒmara tò̤ toǒnu, a kè̌lǎ ma̤pwǎ lǒkho hǐnu. Pò̤̌ta sîpha dě mǒkhû̌ htǒotapwa̤nu a sî̌yabò sî lo̤bǎ toǒnu hǒ.

Jowǎ̤ni̤ 20:17

Dě Běcǎ Ye̤shǔ hî̌ yǎ, “Tǒ bǎ pûma̤ he ma̤, ma̤tè̤hî̌dě he ge dě hepha ǒ hǒtò̤. Cû̌ dě he pṳwè̤nu toǒ a ǒ dě cû̌hî̌ asî, ‘He gekihtò̌ dě hepha ǒ mî̌ amè̤mè̤, asî pha mî̌ amè̤mè̤, he Cǒmara mî̌ amè̤mè̤, asî Cǒmara mî̌ amè̤mè̤ htǒotapwa̤ a ǒpě’” a hî̌ nû̌û hǐnu.

Jowǎ̤ni̤ 20:27

Htǒotaplǎdě a hî̌ To̤mǎ̤jo, “Nakè̌mò̌ he cǔdekûhtǒo, dě cîwîkè̌tû̌ yǎta na cǔmṳplo̤nu. Yṳ̂wa̤ na cǔdenu dě sûphûtû̌ he we̤la̤ acèhtǒo. Sò̌phlǒ suǔsewe̤ pûma̤. Tûrû̌ yṳǎnu.” A hî̌ nû̌û hǐnu.

Rṳ̂̌me̤ 1:8

Ye̤shǔkhrî̌stu ami̤akû, he hî̌bwǐhî̌sîrî wǐgutṳ̌ he Cǒmara ta sî lǒ̤꤮ bò aya, ma̤tè̤hî̌dě, sî ta̤yṳta̤nǎ htǒonu, kò gana̤debò hǎkhû̌tebě hǒ.

Rṳ̂̌me̤ 11:33

Cǒmara a ta̤gwèbǎǐ, a ta̤sî̌ta̤jò ta a ta̤sî̌khû̌sî̌ya htǒotoǒnu, adû̌ayǒ mè̤mè̤̌. A ma̤wî̤ma̤wǒ ma̤ta̤ htǒotoǒnu, kò sî̌yahtò̌bò̌ dǐpwǎ̤꤮ tò̤. Aklè̌ toǒnu kò gû sî̌yabò̌jò dǐpwǎ̤꤮ tò̤.

Rṳ̂̌me̤ 2:4

Cǒmara wǒ dě nakhû̌ pwî̌꤮ tè, A khòsò̌do bǎ na pwî̌꤮ tè, a sò̌phlǒhtû bǎ na pwî̌꤮ tènu, na bè̌dubè̌na̤ yǎtò̤ ya? Ma̤pûhǐ na yò̤lò̤gesǒ nasò̌ ayanudě, Cǒmara jipwi̤ dǔlṳ bǎ na ata̤mo̤ ta̤wǒ toǒ dě nakhû̌ numî̌ na sî̌ya te̤mǎ tò̤ ya?

Rṳ̂̌me̤ 8:18

He kè̌shǐshěto̤bǎ ta ta̤jîta̤jû htě pa khòbǎ khònò̤kha htǒonu, he dè dǒtûkè̌ ta Cǒmara dǔlṳ pa ta̤sîrîdû̌sîrîhtû htû̌꤮ nǒkòpěnu, ta̤jî khònò̤ htǒo, he bè̌ yǎta ta̤dǐcǎ꤮ tò̤.

Rṳ̂̌me̤ 9:23

Ma̤pûhǐ Cǒmara dǔlṳ bǎ kòyò htě a gwèbǎǐ nû̌ûnu toǒ ta a ma̤ bǎ asî ta̤cǒklî̌kî̌ya pwî̌꤮ tènu, a khòsò̌do na̤cè̌ bǎ asî. A wû̌lǎnǎwǐ asî dě a ǐ asî ta a sîrîdû̌sîrîhtû htǒonu pě.

Kôritu ginǐ̤bǎ tôbǎ 12:21

Dě sî ta̤ǒhtûpwa̤hǎnòò̌ ma̤ lǒkho hǐnu akhû̌akhî, he hè ǒlèkû̌ sî htǒotaplǎ pěnu, pěmî̌ he kè̌shǐbǎ ta ta̤sòwò̤ dě Cǒmara a lo̤mo̤ pě he gènè̤ ǐsha hǐnu. Ma̤tè̤hî̌dě, dě awǐanǒ numî̌ kòyò htě a cû̌sǔnṳ mamǔmakhû toǒ, gènè̤ putupatǎ toǒ ta a cû̌sǔnṳ kòphû̌kòma toǒnu, a yò̤lò̤ge lǒkho asò̌ tò̤. Hǐnudě kòyò htǒotoǒ akhû̌akhî, he hǎsihǎǒ asîya pě kò̌ he bǎgu hǐnu.

Kôritu ginǐ̤bǎ tôbǎ 4:17

Ma̤tè̤hî̌dě ta̤pò̤ta̤sha htě pa khòbǎ hǎkhû̌bǎotoǒ numî̌ teděsǎphû̌ pwǎ. Pa dè dǒtûkè̌ ta̤wî̤ta̤wǒ htě pa nî̤bǎ yǎ htû̌꤮ nǒkòpě tuhtu pě toǒ numî̌, amè̤ ta dǐcǎ꤮ hǒtò̤. Bǎ hǎkhû̌nu pa khòbǎ ta̤pò̤ta̤sha htǒotoǒ pwǎ̤ta dě mǒkhû̌ pěnu ta̤sîrîdû̌sîrîhtû tûjûpwa̤ htě awî̤awǒkhlo, dě ahtǒkhlo ta ta̤pò̤ta̤sha htě pa khòbǎ hǎkhû̌ bǎonu, pa nî̤bǎ pě.

Ěphěsu 1:18

Ma̤pûhǐ sî sî̌yaphlowǒ kû̌kò ta̤ma̤ cǒklî̌kî̌ya htě a olò̤hto bǎ akòyò dě a kaǎ nû̌ûnu toǒ ayanu, he kwisaba ta a glè ǐsî̌yaphlo bǎ sînu. Cǒmara ǐ akòyò htǒotoǒ û̌cata̤bî̌ htě ale̤dû̌pwî̤htû, awî̤awǒ toǒ mî̌ kwè̌꤮ titèhî̌nu, he sò̌yṳ nosî̌ya te̤mǎdǒ sî.

Ěphěsu 1:7

Khrî̌stu khòsi ana̤ dě asǐ mèlò̤ akhû̌akhî, Cǒmara htè̌ge pa ta a bòlû̌bò pa ta̤sǔ hǒ. Cǒmara abwǐasîrî htǒonu, adû̌ayǒ mè̤mè̤̌ paya.

Ěphěsu 2:7

Cǒmara htǒonu awǒ mè̤mè̤̌ dě pa htû akòyò htǒotoǒ akhû̌. Khrî̌stu ma̤hto bǎ paya akhû̌akhî, Cǒmara dǔlṳlò̤ a ta̤ma̤mo̤ma̤wǒ pa htǒotoǒ hǒ. Ma̤pûhǐ Cǒmara dǔlṳ bǎ kòyòhǎkhû̌phû̌ htû̌꤮ anǒkòpě tuhtu toǒ ta abwǐdû̌sîrîhtû htǒotoǒ pěnu dě, a ma̤pwǎ bǎ paya hǐnu.

Ěphěsu 3:16

Cǒmara a ta̤howi̤hî̌wǒ ǒplṳ̂ǒphǎ hǒ. Hǐnu akhû̌akhî, he kwihtò̌ yǎ dě a no Běcǎ sǎcahtǐ ta a glè ǐlò̤ tṳtṳ bǎ sî ata̤shû̌ta̤sho htǒo dě a bǎ ma̤shû̌ma̤shohtò̌ gesǒ sî sò̌phlǒ pě.

Ěphěsu 3:8

Dě Cǒmara kòyò htǒotoǒ aklanu, he mî̌ kòyò htě atoabǎ kû̌ kòyò dî̌kî̌꤮ tò̤ tapwa̤. Hǐnuhǒ pwǎ̤ta Cǒmara ǐlò̤ he ta̤bwǐta̤sîrî htǒo ta he glè pwe̤ǐlṳ bǎ Yṳ̌daphû̌ mè̤tò̤ toǒ ta Khrî̌stu a ta̤le̤dû̌pwî̤htû htě kè̌lǎsî̌yapè̤ awi̤akè̌ tò̤ htǒotoǒnu.

Phǐlǐpǐ 4:7

Cǒmara ǐ sî ata̤gûjûkabǎ htě kòyòhǎkhû̌phû̌ gènè̤htûtò̤ htǒonu pě. Dě sî htûhtò̌ kû̌ta Ye̤shǔkhrî̌stu tacǎnǔ꤮ pa akhû̌akhî, Cǒmara a ta̤gûjûkabǎ ǒpo̤ǐtû̌ sî sò̌phlǒsǔshi ta sî ta̤gènè̤ toǒ pě.

Kòlòtè̌ 1:27

Cǒmara ta̤sò̌yṳǒ dě a glè bè̌lṳhtò̌ bǎ akòyò toǒ ta a ta̤bè̌hǔ htǒotacǎ. A ta̤bè̌hǔ htǒonumî̌ Yṳ̌daphû̌ mè̤tò̤ toǒ aya numî̌ amè̤mè̤. Ta̤bè̌hǔ htǒonumî̌ a le̤dû̌pwî̤htû, asîrîdû̌sîrîhtû mè̤mè̤̌. Ta̤bè̌hǔ htǒonumî̌ Khrî̌stu htě a ǒ dě sîkû htǒonuhǒ, dě amûasǎ mî̌ sî nî̤bǎ Cǒmara a sîrîdû̌sîrîhtû pě, htǒonuhǒ.

Kòlòtè̌ 3:16

No ǒměǒgle lǒbe Khrî̌stu ale̤ayo̤ dě sî sò̌phlǒkû nî̌꤮. Sî sû̌ǐtòwòǐ kè̌khînû̌û tapwa̤ ta tapwa̤, dě sî ǐsè̌rè̌ kè̌khînû̌û tapwa̤ ta tapwa̤ pwî̌ ta̤sî̌jò ǒ ta sînu nî̌꤮. Sò̌po̤htû̌sò̌ǐ lǒkho Cǒmara ta sî ta̤hî̌bwǐhî̌sîrî nû̌û dě sî sò̌phlǒkû nî̌꤮. Sò̌po̤htû̌sò̌ǐ lǒkho Cǒmara ta alî̤sò̌po̤nu toǒ lǒ̤꤮ bò nî̌꤮.

Tîsalònǐ awǐlǒ tôbǎ 2:12

Ma̤tè̤hî̌dě ma̤pûhǐ sî ǒhtûpwa̤tobǎ pwǐ Cǒmara asò̌phlǒnu dě pa ǐkhû̌ǐǎ sî, pa hî̌bǎmo̤hî̌bǎwǒ sî, pa tûsû sîkò pṳ̂̌꤮ tapwa̤. Cǒmara mî̌ pwa̤ htě a kaǎnṳ sî dě ashiagakû ta a sîrîdû̌sîrîhtû akû tapwa̤hǒ.

Tîmôte awǐlǒ tôbǎ 6:17

Mǎnǎ nayo̤ ta kòyò dû̌yò̤htò̌sa dě hǎkhû̌bǎotoǒnu, dě hî̌ asî ta phî̌dû̌phî̌htûlṳ pûma̤ sîna̤ ma̤, nǎla̤htò̌ǐ pûma̤ sî ta̤dû̌yò̤htò̌sanu toǒ ma̤. Ta̤dû̌yò̤htò̌sa htǒotoǒnu, a ǒlṳpwǎ teděsǎpa dě a hǎmǎkè pě hî̌ asî hǐnu nî̌꤮. Pwǎ̤ta asî tobǎ kè̌shuǐ dě Cǒmara a ǒ. Ma̤pûhǐ pa sò̌le̤sò̌lò̤ ayanu, Cǒmara ǐ lò̤gulò̤wṳ̂ bǎ pa pṳ̂̌꤮ taplǎhǒ.

Philemo 1:4

Philemo꤮, bǎ he kwisaba akhanu, he gènè̤htò̌nṳ na pṳ̂̌꤮ taplǎ dě he hî̌bwǐhî̌sîrî he Cǒmara.

Petru awǐlǒ tabǎ 5:1

He mî̌ pwa̤yṳǎta̤ aprṳ̂aho wè̤pwa̤ hǐkǒdû̌ tapwa̤, htodě he mî̌ pwa̤khòlṳ bǎ Khrî̌stu a ta̤khòjîkhòjû awi̤akè̌ tapwa̤. Htohǒtò̤ htû̌꤮ Cǒmara dǔlṳ kò ta a ta̤sîrîdû̌sîrîhtû akhapěnu, he bǎbǎ, he ǒkû̌ tû̌ta a ta̤sîrîdû̌sîrîhtû htǒonu pě. Khònò̤dě he kwigwèbǎǐ sî pwa̤yṳǎta̤ aprṳ̂aho wè̤khǔwè̤pwa̤ htě a htû hǐkǒdû̌ toǒ ta,

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.