Phǐlǐpǐ 4:14 - Kawyaw RC

¹⁴ Pwǎ̤ta sî htǒotoǒnu, sî ma̤wǒ mè̤mè̤̌ he. Bǎ he kè̌shǐ shěto̤bǎ ta ta̤pò̤ta̤sha akhanu, sî ma̤shû̌ma̤jo he.

Kawyaw New Testament

¹⁴ Bǎbǎkǎlè sî tokhlǒnu, sî ma̤wô̌bǎ he. Bǎ he kè̌shǐ tṳ̌bǎ kû̌ ta̤pò̤̌ta̤sha akhanu, sî ma̤jè̌ he.

Phǐlǐpǐ 4:14 Iomraidhean Croise

Matěo 25:21

“Aběcǎ hî̌shǔ nû̌û, ‘O, awǒ mè̤mè̤̌, na mî̌ jûphû̌ htě awǒnu dě acǒtè̤ ta he, na cǒtè̤ ta he ǐ na ta̤pî̌tî̌phû̌ htǒotoǒ akhû̌akhî, he ǐ dû̌khlopo̤ na ta̤ma̤ dě na pǒǐ dû̌khlopo̤ ta htǒonu pě. Hè sò̌le̤sò̌lò̤ plǒkû̌ tû̌ta he.’

Rṳ̂̌me̤ 15:27

Asî sò̌phlǒsho ma̤lṳ mè̤mè̤̌. Dè hî̌ mè̤mè̤̌mî̌, asî lo̤bǎma̤jè Yṳ̌daphû̌ htě a yṳǎge htǒotoǒ hǒ. Asǒsǒta asî mi̤shû̌ ǒplṳ̂ Yṳ̌daphû̌ htǒotoǒ hǒ. Ma̤tè̤hî̌dě Yṳ̌daphû̌ htǒotoǒnu a ǐǎpa̤dǒ tṳtṳ Yṳ̌daphû̌ mè̤tò̤ toǒ sû̌sò̌ ta̤howi̤ toǒ. Hǐnudě Yṳ̌daphû̌ mè̤tò̤ toǒ mi̤shû̌ǒ Yṳ̌daphû̌ toǒ ta a glè bǎ mèǎ gesǒ asî ta ta̤howi̤ wûhta ta ta̤kî̌ta̤kû̌ htǒotoǒ hǒ.

Galatǐ 6:6

Kòyò htě a sû̌ǐtòwòǐ sî ta Cǒmara ale̤ayo̤ toǒ numî̌, sî tobǎ ǐ asî ta̤wî̤ta̤wǒ pṳ̂̌tacǎ.

Phǐlǐpǐ 1:7

He mo̤ǐ mè̤mè̤̌ sî akhû̌akhî, he gènè̤ sîwi̤sîkè̌ hè̌onumî̌ ato pwǎ. Bǎ he ǒpe dě apo̤kû akhahtǒonu bǎbǎ, bǎ he to hî̌bǎ dǐdòma̤kwabǐshǔ he ta̤sò̌le̤sò̌lò̤ awi̤akè̌ htě he to hî̌bǎ měgleshǔ he ta̤sò̌le̤sò̌lò̤ awi̤akè̌ akhahtǒonu bǎbǎ, Cǒmara ma̤wǒ mè̤mè̤̌ pa dě a ǐlò̤kî̌yatû̌ pa ta̤ma̤ htě pa glè ma̤plǒnû̌û ta̤ ta Cǒmara abwǐdû̌sîrîhtû dě cû̌ dǒhtû̌ǐ bǎ kò ta ta̤sò̌le̤sò̌lò̤ awi̤akè̌.

Phǐlǐpǐ 4:18

Sî sûhèbò bǎ he toǒnu he nî̤bǎbò hǒ, dě a lǒbe tûlû̌shû̌ ta heya. Sî ǐbò toǒnu Ěpaprò̌dǐtǔ phî̌hè bǎ he, dě khònò̤htǒo, he lo̤bǎ lǒ̤꤮ bò toǒnu aǒbò hǒ. Ta̤ǐ htǒotoǒnu, asǒsǒta ta̤lṳnṳmû̌ htě kò lṳhtò̌ Cǒmara ǒnu. Ta̤lṳ htě ato Cǒmara asò̌phlǒ, dě a ma̤mo̤ nû̌û sò̌phlǒnu toǒ hǒ.

Tîmôte awǐlǒ tôbǎ 6:18

Mǎnǎ nayo̤ ta kòyò dû̌yò̤nu toǒnu, dě hî̌ asî ta nodû̌yò̤kû̌ lǒkho asî ta ta̤ma̤wǒnu tokho nî̌꤮. Dě nosò̌le̤sò̌lò̤ yṳ̂pa̤lò̤ bǎ kò, hî̌ asî ta noma̤shû̌ma̤jo plṳ̂pa̤kû̌ yǎta kòhǔwa̤ toǒ nî̌꤮.

Hebrǔ 10:33

Taplǎplǎnu kò ma̤ tukutakǎ sî, kò ma̤jîma̤jû sî dě kòyò tṳ̂prṳ̂taphǎ alo̤mo̤, taplǎplǎnu sî cû̌ ma̤shû̌ma̤jo kû̌dǒ kòyò htě kò ma̤jîma̤jû asî hǐnu toǒ.

Hebrǔ 10:34

Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Hebrǔ 13:16

Ma̤ta̤wǒ toǒ bǎbǎ, ta̤ma̤shû̌ma̤jo nû̌û tapwa̤ ta tapwa̤ toǒnu bǎbǎ shope̤ lǒkho pûma̤ nî̌꤮, ma̤tè̤hî̌dě htǒotoǒ numî̌ ta̤lṳta̤tò̌ htě ato Cǒmara asò̌phlǒ.

Ta̤dǔlè̌nǎ 1:9

He mî̌ sî pṳwè̤ Jowǎ̤ni̤ htě a yṳǎ khrî̌stu sǒsǒ ta sî tapwa̤. He mî̌ sî khobǒsû̌ htě a khòbǎyò̤bǎ plǒkû̌ ta̤ ta sî tapwa̤. He mî̌ Cǒmara a shiphû̌gaphû̌ sǒsǒkû̌ ta sîsî, dě he khòsò̌do plǒkû̌ ta̤ ta sî tapwa̤ pwǎ. Dě he dǒhtû̌ǐ bǎ kò ta Běcǎ Cǒmara a ta̤wi̤ta̤kè̌ ta ta̤htě Ye̤shǔkhrî̌stu khòlṳ bǎ he toǒ akhû̌akhî, kò cû̌ bè̌ǒkè he dě Pǎmǔ shikholophû̌jokhû̌ hǒ.