Phǐlǐpǐ 4:11 - Kawyaw RC

¹¹ He hî̌ htǒo mî̌ amè̤ ta he lo̤bǎwû hǐnu mè̤tò̤, ma̤tè̤hî̌dě he kè̌shǐbǎ ta̤ma̤ana̤ ta he hî̌tètè̌ bǎbǎ, Cǒmara sû̌ǐhto he ta he glè bè̌mo̤jò he sò̌phlǒ pwǎ.

Kawyaw New Testament

¹¹ He hî̌ pô̤̌o dě atô kû̌ he lṳ̂ru pô̤̌nu mè̤̌tô̤̌, ma̤titèhî̌dě he kè̌shǐbǎ ta̤ma̤anǎ̤ kû̌ he pwî̌tètè̌꤮ bǎbǎ, Cǒmara sû̌ǐ hto he kû̌ he gǔ bè̌jò̌ he sǎphlǒ pwǎ.

Phǐlǐpǐ 4:11 Iomraidhean Croise

Mǒhtûlû̌hǎhtûsa 28:20

Dě Yǎ̤kò bè ayo̤ dě a hî̌, “Cǒmaradû̌ dè ǒkû̌ ta he, a dè ma̤kwaǐ he ta he cû̌yî̤klè̌ htǒotaplǎ, dě a dè ǐ he la̤ǎla̤o la̤kûla̤sǒ,

Lǔka 3:14

Kliphû̌ toǒ gwèpo̤ nû̌û, “Palè? Pa tobǎ ma̤hî̌tè?” Dě a hî̌shǔ asî, “Bǎ ǎbǐma̤nò kòwûkòhta tò̤. Kè̌bǐkè̌ǒ ma̤ kò dǐ꤮ pwǎ̤ ma̤. Sò̌phlǒto lǒkho ta khû̌kǎ htě sî nî̤bǎ toǒnu.”

Kôritu ginǐ̤bǎ tôbǎ 11:27

He bǎ ǎwè̤ shuphǔshèwè dě he bǎ jipwi̤jili̤ wè̤ lòdǒlòde hena̤. He hǎmoǒnî̤tò̤ numî̌ aǒ sala̤la̤. He to̤bǎ ta ta̤lòdǒǎ lòdǒo mî̌ a ǒǒ. Ǎkǒobe tò̤ sala̤la̤. He hǐdo la̤kûla̤sǒ ǒ lǒbetò̤ dě he bǎ khòbǎ gawo̤gashǐ.

Kôritu ginǐ̤bǎ tôbǎ 6:10

Pa kè̌shǐplṳ̂ mè̤mè̤̌ ta̤pò̤ta̤sha pwǎ̤ta pa sò̌le̤sò̌lò̤ pṳ̂̌꤮ taplǎ. A lò̤ta pa shuphǔshèwè mè̤mè̤̌ pwǎ̤ta pa sû̌ǐtòwòǐ bǎ kò akhû̌akhî, kò dû̌yò̤htò̌sa sû̌sò̌ tokhonu a ǒplṳ̂ hǒ. A lò̤ta pata ǒ kû̌kò dǐcǎ꤮ tò̤ pwǎ̤ta pa nî̤bǎbò ta̤pṳ̂̌꤮ tacǎ hǒ.

Kôritu ginǐ̤bǎ tôbǎ 8:9

Pa Běcǎ Ye̤shǔkhrî̌stu htǒonu abwǐdû̌sîrîhtû pwî̌꤮ tènu, sî sî̌yatû̌ hǒ. A ǒ dě mǒkhû̌ akhanu, a dû̌yò̤htò̌sa mè̤mè̤̌ pwǎ̤ta bǎ a hè sûlûana̤ pwǐ kòyòhǎkhû̌phû̌ tapwa̤ akhanu, a bǎhè htû kòyò shuphǔshèwèphû̌ tapwa̤ ta paya hǒ. Ma̤pûhǐ sî dû̌yò̤htò̌sa kû̌kò ayanudě, a bǎhè htû kòyò shuphǔshèwèphû̌ tapwa̤nu hǒ.

Kôritu ginǐ̤bǎ tôbǎ 9:8

Ma̤pûhǐ sî nî̤bǎ lǒbebò ta̤ htě sî lo̤bǎnu toǒ, htohǒtò̤ ma̤pûhǐ sî ta ǒbetî̌pî̌ dě sî ǐpa̤ tṳtṳ yǎta kòyò ahǔwa̤toǒ ayanu, Cǒmara howi̤plṳ̂khlope ta lǒ̤꤮ bò sî lo̤bǎ toǒ numî̌ a ma̤jò pwǎ.

Phǐlǐpǐ 3:8

Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Hebrǔ 10:34

Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,