Phǐlǐpǐ 4:1 - Kawyaw RC

¹ Hǐnu akhû̌akhî, he pṳwè̤ sî꤮, sî mî̌ kòyò htě he mo̤ǐ toǒ dě he nǎsǔ mè̤mè̤̌ sî, sî mî̌ pwa̤ htě a ma̤ sò̌le̤sò̌lò̤ na̤cè̌ he dě he phî̌htò̌dû̌ mè̤mè̤̌ hena̤ ta sîkhû̌khî hǒ. Khobǒsû̌bǒmo̤ sî꤮, htǒo mî̌ mè̤hǒ sî to ǒměǒgle lǒkho dě Běcǎ akû hî̌tènu hǒ.

Kawyaw New Testament

¹ Pô̤̌nu akhû̌akhî, he pṳ̌wè̤̌ sî, sî mî̌ kòyò dǒ he mô̤ǐ tokhlǒ dě he nǎsǔǐ jî̌ tokhlǒ, sî mî̌ pwa̤ dǒ a ma̤ sǎlě̤sǎlò̤ jî̌ he dě he phǐhtò̌gôjô mî̌ca henǎ̤ kû̌ sîkhû̌khî. Khôbǒsû̌ sî hǒnumî̌ amè̤̌kû̌ sî tô ô̌měô̌gle lô̌khô dǒ Běcǎ akû hî̌tènu hǒ.

Phǐlǐpǐ 4:1 Iomraidhean Croise

Htû̌sò̌htò̌ 125:1

Kòyò htě a nǎla̤ǐ pǒ̤꤮ pwǎ Cǒmara tûjûpwa̤ mî̌ alò̤ta Sǐokholo. A guyṳ nǒ dǐkhò̌꤮ tò̤, a ǒměǒgle tûjûpwa̤.

Htû̌sò̌htò̌ 27:14

Ǒpo̤kè̌shuǐ ta̤ dě Cǒmara tûjûpwa̤ aǒnu. Bè̌shû̌bè̌sho sò̌phlǒ dě khuha lǒkho. Ǒpo̤kè̌shuǐ ta̤ dě Cǒmara tûjûpwa̤ aǒnu nî̌.

Matěo 10:22

Hekhû̌hekhî, kòyò pṳ̂̌꤮ tapwa̤ sò̌khěbò sî pě. Pò̤̌ta kòyò htě a ihtǒtònò ǒměǒgle ta a ta̤yṳta̤nǎ akû to̤htû̌ agutṳ toǒnu Cǒmara ma̤lû̌htò̌ge asî pě.”

Jowǎ̤ni̤ 8:31

Běcǎ Ye̤shǔ hî̌ Yṳ̌daphû̌ htě a yṳǎna̤ǎ nû̌ûnu toǒ, “Sî dè jûle̤phî̌yo̤ he ta̤sû̌ǐtòwòǐ htǒotoǒ hî̌numî̌, sî htû he khophijaû̌ htě a te̤mǎ toǒ hǒ.

Pwa̤nophû̌ 11:23

Dě bǎ a cû̌to̤ akha, a cû̌kè̌shǐ ta kòyò htǒotoǒ nî̤bǎ Cǒmara abwǐasîrî akhû̌akhî, a sò̌le̤sò̌lò̤ mè̤mè̤̌ dě ma̤pûhǐ asî ǒhtûpwa̤ cǒtè̤ hèsělě ta Běcǎ dě, a ǐkhû̌ǐǎ tûsû kû̌po̤ asî kò.

Pwa̤nophû̌ 14:22

Ma̤pûhǐ pwa̤yṳǎphû̌ toǒ ǒměǒgle dě a ta̤yṳta̤nǎ akû ayanu, Pò̌lu ta Banabǎ ǐkhû̌ǐǎ asî, htohǒtò̤ tûsû asîkò. Asî sû̌ǐtòwòǐ bǎ kò ta, “Pa glè̌ cû̌nṳ bò̌phlǒ to̤dě Cǒmara ashiagakû htǒonumî̌ pa bǎ cû̌tûlû̌plṳ̂ ta ta̤pò̤ta̤sha sîtoǒ.”

Pwa̤nophû̌ 2:42

Pwa̤yṳǎphû̌ lǒ̤꤮ bò toǒ phî̌nṳ lǒkho akhîakha dě a glè sû̌ǐ sî̌yahtò̌ kû̌ ana̤ ta pwa̤nophû̌ toǒ, dě asî bǒsû̌khǎkho ta ǎoplǒ nû̌û dě kwisabaplǒ nû̌û.

Rṳ̂̌me̤ 2:7

Kòyò htě a ma̤ hèsělě ta̤wǒ, dě a kè̌lǎ Cǒmara ǐ nû̌û ta̤sîrîdû̌sîrîhtû, ta̤bè̌dû̌bè̌htû ta ta̤htûpwa̤ htě a sijòpè̤ tò̤ toǒnu, Cǒmara ǐ nû̌û yolahtûpwa̤ tûjûpwa̤ pě.

Kôritu awǐlǒ tôbǎ 15:58

Hǐnudě, he sû̌kho sî, khònò̤dě ihtǒ tònòwǒ lǒkho dě ǒměǒgle lǒkho ta sî ta̤yṳ akûnu nî̌꤮. Ma̤shosho lǒkho Cǒmara ata̤ma̤ pṳ̂̌꤮ taplǎ nî̌꤮, ma̤tè̤hî̌dě sî ma̤ Běcǎ ata̤ma̤nu a nòdû̌ sîya tò̤.

Kôritu awǐlǒ tôbǎ 16:13

He pṳwè̤ sî꤮, ǒsòklò lǒkho sîna̤ pṳ̂̌꤮ taplǎ nî̌꤮, ihtǒ tònòmě lǒkho dě sî ta̤yṳǎ Khrî̌stu htǒo akûnu nî̌꤮, bè̌ khuha lǒkho sî sò̌phlǒ nî̌꤮, bè̌shû̌bè̌sho lǒkho sî sò̌phlǒ dě ta̤yṳ akûnu nî̌꤮.

Kôritu ginǐ̤bǎ tôbǎ 1:14

Khònò̤dě sî sî̌yaphlo pṳ̂̌bò pawi̤pakè̌ hǒtò̤, pwǎ̤ta nǒkòpěnu pa kè̌shuǐ ta sî sî̌yaphlo bòmṳ̂sîglî pawi̤pakè̌ pě. Hǐnudě, bǎ Běcǎ Ye̤shǔ hèsǒ pě ti̤ni̤nu, pakhû̌pakhî sî sò̌le̤sò̌lò̤ pwǐ pa sò̌le̤sò̌lò̤ ta sîkhû̌sîkhînu pě.

Galatǐ 5:1

Ma̤pûhǐ pa nî̤bǎ ta̤ǒpele htǒo ayanu, Ye̤shǔkhrî̌stu ma̤lû̌htò̌ge pa dě pa htû ta̤mǎlò̤ ajû htǒo ala̤ hǒ. Hǐnudě ǒměǒgle lǒkho dě htû̌tèplè̌pe pûma̤ jû htǒonu ma̤ nî̌꤮.

Phǐlǐpǐ 1:27

A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Phǐlǐpǐ 1:8

He nǎsǔ kè̌shǐ mè̤mè̤̌ sî dě he mo̤ǐ sî pṳ̂̌꤮ tapwa̤ ta ta̤mo̤ǐ htě Ye̤shǔkhrî̌stu ǐ he htǒonumî̌ Cǒmara sî̌ya pwǎ.

Phǐlǐpǐ 2:16

Dǒhtû̌ǐ lǒkho kòyò ta̤htûpwa̤ awi̤akè̌ htǒonu nî̌꤮. Sî dè ma̤hǐnumî̌ bǎ Khrî̌stu hèlò̤ gesǒ amṳni̤ pě ti̤ni̤nu, he ta̤jipwi̤ lǒ̤꤮ bò toǒ ta he ta̤phî̌ta̤ma̤ htǒotoǒnu a htûhtò̌ nòdû̌pe tò̤, sîkhû̌sîkhî dě he phî̌htò̌yî̤ hena̤ pě.

Phǐlǐpǐ 2:26

Mî̌ma̤tè̤dě sî gana̤de ta Ěpaprò̌dǐtǔ ǒmo̤ǒwǒ tò̤ akhû̌akhî, a nǎsǔ kè̌shǐ mè̤mè̤̌ sî pṳ̂̌꤮ tapwa̤ dě a gènè̤gugè mè̤mè̤̌ ta sîya. Hǐnudě he nogetîkhîsǒ yǎ dě sî ǒ.

Kòlòtè̌ 4:12

Ěpaphra mî̌ sî dokûphû̌ tapwa̤pwa̤. A mî̌ a htû Khrî̌stu ajû tapwa̤. A hî̌mo̤hî̌wǒ hènṳ sî. A sò̌phlosho dě a kwisaba sala̤ bǎ sîya hǒ. Ma̤pûhǐ sî ǒměǒgle dě sî ta̤yṳta̤nǎ akû dě sî dû̌htò̌bò̌ lǒkho sû̌sò̌ tokho, htohǒtò̤ ma̤pûhǐ sî yṳǎ sî̌yahè te̤mǎpo̤ Cǒmara a ta̤sò̌yṳ pṳ̂̌꤮ tacǎ ayanudě, a kwisabadǒ sîya.

Tîsalònǐ awǐlǒ tôbǎ 3:13

Bǎ pa Běcǎ Ye̤shǔ hèlò̤ kû̌ta akòyò cahtǐ toǒ lǒ̤bò pě akhanu, ma̤pûhǐ kò la̤bè̌ sî ta̤sǔ ǒpe tò̤nu, htohǒtò̤ ma̤pûhǐ sî cahtǐ dě pa Cǒmara ta papha htǒotapwa̤ alo̤mo̤ pěnu, a ǐshû̌ǐsho tû̌ta sî sò̌phlǒ akhû̌aǎ nî̌꤮.

Tîsalònǐ ginǐ̤bǎ tôbǎ 2:15

Hǐnudě pṳwè̤ toǒ꤮, pa sû̌ǐtòwòǐ dǒhtû̌ǐhtobǎ sî ta pa khû̌phěnò̌khinu toǒ bǎbǎ, mè̤tò̤mî̌ pa sû̌ǐtòwòǐhtobǎ sî ta lî̤ htě pa khwè̌cû̌ bǎ sî htǒotoǒ akûnu bǎbǎ, ǒměǒglekû̌ lǒkho kò dě pṳ̂měǐwǒkû̌ lǒkho kò nî̌꤮.

Tîmôte ginǐ̤bǎ tôbǎ 2:1

Hǐnu akhû̌akhî, hephû̌khû꤮ bè̌shû̌bè̌sho na sò̌phlǒ ta ta̤bwǐta̤sîrî htě a ǒ dě Ye̤shǔkhrî̌stu akûhtǒonu nî̌꤮.

Hebrǔ 10:23

Pa pṳ̂měǐwǒ pa ta̤kè̌shuǐ htě pa hî̌hto bǎ kò htǒonu toǒ hò̌, ma̤tè̤hî̌dě pa sî̌ya ta Cǒmaranu acǒatè̤ ta a ta̤olò̤ dě a ma̤pwǐ a hî̌nu pṳ̂̌꤮ taplǎ.

Hebrǔ 3:14

Ma̤tè̤hî̌dě, pa ta̤yṳǎ Cǒmara dě khû̌lû̌khanu, pa dè pṳ̂měǐwǒ yǎ to̤htû̌ agutṳ hî̌mò̌nu, pa htû pwa̤ma̤htuta̤ ta Khrî̌stu hǒ.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Petru ginǐ̤bǎ tabǎ 3:17

Pwǎ̤tadě he khobǒsû̌bǒmo̤ sî꤮, sî sî̌yahto ta̤htǒotoǒ hǒ. Hǐnudě ma̤pûhǐ kòyò phû̌mò̤ htǒotoǒ lǒplò̤ tikhlǐ cû̌ pû sî ta a ta̤gènè̤ sǔ htǒotoǒ akû tò̤nu, sè̌rè̌ǐ lǒkho sîna̤ nî̌꤮. Sî dè gana̤de asî yo̤ hî̌numî̌, sî ǒměǒglepe ta sî ta̤yṳta̤nǎ akû tò̤ hǒ.