Phǐlǐpǐ 3:8 - Kawyaw RC

⁸ Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Kawyaw New Testament

⁸ Tǒ̤hǒo kǎtô̤̌, khònò̤̌ sǔ sǔ he sî̌yahèhto he Běcǎ Yeshǔkhrǐnu a lě̤dû̌pwî̤htû khlope kû̌ ta̤lǒ̤ bò akhû̌akhî, lǒ̤bò ta̤ tokhlǒnu, he bè̌kè a pô̤̌ ta̤ô̌lǒô̌khlo tokhlǒnu pwǎ. Dǒ Khrǐ aya akhû̌akhî, he wîkè bòkè pṳ̂̌꤮ tôcǒ hǒ. Pô̤̌khô he gǔ nǐ̤bǎ Khrǐ dě he gǔ htûhtò̌ ta̤ tôcǒ꤮ nô̤̌ kû̌ Khrǐ ayanu, lǒ̤bò ta̤ tokhlǒnu, he gènè̤kè a pô̤̌ ta̤wè̤̌ta̤sô̌ tokhlǒnu pwǎ.

Phǐlǐpǐ 3:8 Iomraidhean Croise

Htû̌sò̌htò̌ 126:6

Kòyò htě a hǎhtò̌cû̌ ta ta̤hǎta̤wo dě a cû̌wi̤lò̤ ta̤khli toǒnu, A glè sò̌le̤sò̌lò̤ phî̌genṳsǒ mè̤mè̤̌ sǒsǎwû̌pho.

Htû̌sò̌htò̌ 73:25

Pwa̤ma̤jè he dě mǒkhû̌ pěnu, aǒ pwǎ pǒ̤꤮ na tapwa̤. Ta̤ htě a ma̤to ta hesò̌phlǒ dě hǎkhû̌bǎo aǒ dǐcǎ꤮ tò̤, aǒ pwǎ pǒ̤꤮ na.

Lǔka 1:43

He Běcǎ amo̤ cû̌hètǒ̤ dě he ǒ ma̤tè? He cû̌ nî̤bǎ khǒtû̌ ta̤kè̌dû̌ ma̤tè?

Lǔka 11:20

Pò̤̌ta, he dè wṳ̂hǎhtò̌kè khînǎkhîno htǒotoǒ ta Cǒmara a ta̤po̤ta̤phǎ dèhî̌dě htǒonumî̌ a yṳ̂lṳ ta Cǒmara glè hè pǒshipǒga htǒonu a hèto̤ dě sî ǒ hǒ.

Jowǎ̤ni̤ 14:20

Bǎnu ti̤ni̤ pěnu, sî sî̌ya ta he ta pha mî̌ pa ǒ nû̌û tacǎnǔpa, sî ta he mî̌ pa ǒ nû̌û tacǎnǔpa, dě he ta sî mî̌ pa ǒ nû̌û tacǎnǔpa pě.

Jowǎ̤ni̤ 14:7

Sî dè sî̌ya te̤mǎ he hî̌nu, sî sî̌ya kû̌dǒ ta hepha hǒ. Tèhtò̌ khònò̤htǒo tǒ̤hènu, sî sî̌yalò̤tṳ̌ hepha dě sî kè̌shǐlòtṳ̌ yǎ hǒ.”

Jowǎ̤ni̤ 16:3

A cû̌ ma̤tǒ̤ lǒkho pwǐhè̌o ma̤tè̤hî̌dě asî sî̌yanǒ he ta pha dǐkhò̌꤮ tò̤.

Jowǎ̤ni̤ 17:3

Cǒmara mî̌tû̌ na tapwǎ̤pa, kòyò htě a sî̌ya na dě a sî̌ya ta he mî̌ Ye̤shǔkhrî̌stu htě na sûhè yǎ tapwa̤ numî̌, mè̤pwǎ ta̤sî̌ya htě a ǐ asî yolahtûpwa̤ tûjûpwa̤nu.

Jowǎ̤ni̤ 17:8

Ma̤tè̤hî̌dě, ta̤wi̤ta̤kè̌ htě na ǐ he toǒnu, he ǐ yǎta asî dě asî phî̌shǔ htohǒ. Asî sî̌ya te̤mǎ ta he ǒbǎ na ǒ hè dě asî yṳǎ ta na nohè he.

Jowǎ̤ni̤ 20:13

Dě asî gwè Marǐa, “Phû̌mǔ, na hǎ ma̤titè?” Dě Marǐa hî̌ geshǔ asî, “Asî phî̌cû̌hǎmǎkè he Běcǎ hǒ, asî cû̌bè̌ nû̌û bǎtènu he sî̌yatò̤,” a hî̌shǔ hǐnu.

Jowǎ̤ni̤ 20:28

“Kǒ he Běcǎ, kǒ he Cǒmara,” To̤mǎ̤jo hî̌shǔ nû̌û hǐnu.

Pwa̤nophû̌ 20:24

Pwǎ̤tadě ma̤pûhǐ he ma̤htokè ta̤ma̤ htě Běcǎ Ye̤shǔ ǐlò̤ hehtǒo ayanu, he sò̌le̤ǐpe he sò̌phlǒ htûpwa̤ htǒonu tò̤ hǒ. Ta̤ma̤ htě a noma̤ he htǒotoǒ numî̌ mî̌pwǎ he bǎ khò hesò̌ ta Cǒmara abwǐasîrî a ta̤sò̌le̤sò̌lò̤ awi̤akè̌ htǒonu hǒ.

Rṳ̂̌me̤ 8:18

He kè̌shǐshěto̤bǎ ta ta̤jîta̤jû htě pa khòbǎ khònò̤kha htǒonu, he dè dǒtûkè̌ ta Cǒmara dǔlṳ pa ta̤sîrîdû̌sîrîhtû htû̌꤮ nǒkòpěnu, ta̤jî khònò̤ htǒo, he bè̌ yǎta ta̤dǐcǎ꤮ tò̤.

Rṳ̂̌me̤ 8:39

Ta̤ ǒ dě mǒla̤ toǒ bǎbǎ, a ǒ dě hǎkhû̌ teběhtǒo ala̤ toǒnu bǎbǎ, ta̤bǒlò̤ ahǔwa̤ toǒ bǎbǎ, pa Běcǎ Ye̤shǔkhrî̌stu ma̤hto bǎ paya akhû̌akhî, ta̤ lǒ̤꤮ bò htǒotoǒnu a htěpa̤jò pa ta Cǒmara ata̤mo̤ǐ tò̤.

Kôritu awǐlǒ tôbǎ 2:2

Ma̤tè̤, he bè̌lò̤hto he sò̌phlǒ ta he dǒhtû̌ǐ pwǎpǒ̤ Ye̤shǔkhrî̌stu htǒotapwa̤ awi̤akè̌ ta ata̤si nò̌dòhtǔlo̤ awi̤akè̌ htǒonu pwǎ.

Kôritu awǐlǒ tôbǎ 9:10

A hî̌ bǎ paya mè̤tò̤ ya? htǒomî̌ a hî̌ mè̤mè̤̌ bǎ paya hǒ. Kòyò htě a hèhtě bǎkò lè̤ ta kòyò htě a hèkǎ bǎkò bǔ toǒnumî̌, a kè̌shuǐ ta a nî̤bǎ lǒkho akhû̌akǎ toǒ a la̤ǎla̤o aya hǒ.

Kôritu ginǐ̤bǎ tôbǎ 4:4

Khînǎmo̤pha hǐkǒdû̌ htě a pǒǐ hǎkhû̌ htǒotadonu, a ma̤khǐ ma̤te̤pe̤kè asî mi̤sǎ akhû̌akhî, asî kè̌shǐ kû̌kò ta̤sò̌le̤sò̌lò̤ awi̤akè̌ ta ata̤lî htǒonu tò̤. Ma̤pûhǐ kòyòhǎkhû̌phû̌ toǒ sî̌yaphlo pû Khrî̌stu a ta̤sò̌le̤sò̌lò̤ awi̤akè̌ htě a pwe̤ǐlṳ bǎ kò ta Khrî̌stu a ta̤sîrîdû̌sîrîhtû awi̤akè̌ htǒo tò̤nu, a ma̤te̤pe̤ ǒò̌kè asî hǐnu hǒ. Pwa̤ htě a dǔlṳ te̤mǎ pa ta Cǒmara mî̌ Khrî̌stu hǒ.

Kôritu ginǐ̤bǎ tôbǎ 4:6

Bǎ Cǒmara bǒlò̤ ta̤lǒ̤꤮ bò akhanu, a hî̌ ta, “Ta̤khǐ sǒsǔ tephe cû̌kè dě ta̤lî ǒlṳhtò̌ tû̌ nî̌꤮,” a hî̌ hǐnu. Cǒmara ma̤hto bǎ pa hǐnu hǒ. Bǎ pa sî̌ya Khrî̌stu hǒtò̤ akhanu, pa sò̌phlǒ htǒo a khǐte̤pe̤ pwǎ, pwǎ̤tadě Cǒmara ma̤lîkè bǎ pa sò̌phlǒ hǒ. Ma̤pûhǐ pa sî̌yaphlowǒ Cǒmara a ta̤sîrîdû̌sîrîhtû htě a dǔlṳhtò̌ tṳtṳ ta Khrî̌stu htǒotoǒnu, a mî̌ pwa̤ htě a ǐshělîhtò̌ bǎ pa sò̌phlǒ a ta̤gènè̤ toǒ tapwa̤ hǒ.

Galatǐ 1:16

Ma̤pûhǐ he dǒhtû̌ǐ bǎ Yṳ̌daphû̌ mè̤tò̤ toǒ ta Khrî̌stu a ta̤sò̌le̤sò̌lò̤ awi̤akè̌ ayanu, Cǒmara sò̌phlǒǒ ta a glè dǔlṳhtò̌ bǎ he ta aphû̌khû. Bǎnukha, he kwi yǎta kòyò a ta̤ǐsî̌ya yṳ̂klè̌nè̌klòjè he dǐpwǎ̤꤮ tò̤.

Ěphěsu 4:13

Dě Khrî̌stu ana̤saklûhtǒo a shû̌htò̌shohtò̌ to̤htû̌ pa lǒ̤꤮ bò ǒnû̌û ta ta̤yṳ tacǎ꤮ pa ta ta̤sî̌yahè Cǒmara aphû̌khû tacǎ꤮ pa pě. Htohǒtò̤ pa htûhtò̌ pwa̤yṳǎphû̌ htě a dû̌pwa̤sî̌ya te̤mǎ toǒ pě. Ta̤dû̌pwa̤sî̌ya te̤mǎ htǒonumî̌ pa htûhtò̌ kòyò htě alǒabe sǒsǒta Khrî̌stu htě alǒabe htǒotapwa̤nu hǒ.

Phǐlǐpǐ 1:1

Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Phǐlǐpǐ 3:10

Ta̤ htě he sò̌yṳ sî̌yabò toǒ numî̌ pwǎpǒ̤ Khrî̌stu ta ata̤si htûpwa̤gesǒ a ta̤po̤ta̤phǎ htǒonu pwǎ. Dě he sò̌yṳ khòjîkhòjû kû̌dǒta a, dě he sò̌yṳ htûhtò̌ sǒsǒkû̌ta a khòsi ana̤ htǒonu pwǎ.

Phǐlǐpǐ 3:12

Ta̤htǒotoǒnu he nî̤bǎhtohǒ he hî̌nǒ hǐnutò̤, htodě he ta̤ǒhtûpwa̤ htǒonu, a lǒbebòhǒ he hî̌nǒ hǐnu tò̤tò̤. Pwǎ̤ta ma̤pûhǐ he sî̌ya Khrî̌stu dě he htûhtò̌ sělě sǒsǒkû̌ta anu, he jipwi̤ mè̤mè̤̌. Khrî̌stu wû̌lǎ he ta ta̤wi̤ta̤kè̌ htǒotoǒ akhû̌akhîhǒ.

Phǐlǐpǐ 3:7

Taplǎkha, ta̤ htě he bè̌ yǎta ale̤dû̌pwî̤htû mè̤mè̤̌ ta heya toǒnu, khònò̤dě he yṳǎ Khrî̌stu akhû̌akhî, ta̤ lǒ̤꤮ bò htǒotoǒnu he bè̌kè yǎ pwǐ ta̤ǒlû̌ǒkhlo ta heyanu pwǎ.

Tîmôte ginǐ̤bǎ tôbǎ 4:6

Ma̤tè̤hî̌dě, khîkha to̤ta he glè hǎhtò̌cû̌kè ta hǎkhû̌bǎo hǒ. Akhîakha hèto̤ ta he glè bè̌kè he ta̤ǒhtûpwa̤ htǒohǒ.

Hebrǔ 3:14

Ma̤tè̤hî̌dě, pa ta̤yṳǎ Cǒmara dě khû̌lû̌khanu, pa dè pṳ̂měǐwǒ yǎ to̤htû̌ agutṳ hî̌mò̌nu, pa htû pwa̤ma̤htuta̤ ta Khrî̌stu hǒ.

Petru awǐlǒ tabǎ 2:7

Dě lo̤ htǒotamanu, ale̤dû̌pwî̤htû mè̤mè̤̌ ta sî pwa̤yṳǎta̤ htǒotoǒ aya. Pwǎ̤ta kòyò htě a yṳǎ nû̌û tò̤ toǒ ayanu: “Lo̤ htě pwa̤ma̤hǐ wîkè yǎ htǒotamanu, gutṳ̌lò̤ dě a htûhtò̌ ta lo̤ htě a lo̤bǎdû̌khlo ta akhonu.” dě

Petru ginǐ̤bǎ tabǎ 1:2

Sî sî̌ya Cǒmara ta pa Běcǎ Ye̤shǔkhrî̌stu akhû̌akhî, ta̤bwǐta̤sîrî ta ta̤gûjûkabǎ ǒlǒbekû̌ tû̌ta sî nî̌꤮.

Petru ginǐ̤bǎ tabǎ 1:3

Ye̤shǔ a ta̤po̤ta̤phǎ htǒo akhû̌akhî, bǎ pa sî̌yahèto̤khlo nû̌û akhanu, ma̤pûhǐ pa ǒkû̌ ta ta̤htûpwa̤, htodě ma̤pûhǐ pa ma̤kû̌pwǐ ato nû̌ûsò̌phlǒ ayanu, a ǐlò̤bò pa lo̤bǎnu toǒ hǒ. Dě a ta̤po̤ta̤phǎ htě adû̌ayǒ ta ata̤wǒ mè̤mè̤̌ htǒotoǒ akhû̌akhî, a kaǎ pa hǒ.

Petru ginǐ̤bǎ tabǎ 1:8

Ta̤htǒotoǒ sǔsǔ dè ǒhtò̌dû̌ hî̌dě, a htûbwǐhtûsîrî ta sîya dě sî sî̌yahè te̤mǎwǒpo̤ Běcǎ Ye̤shǔkhrî̌stu pě.

Petru ginǐ̤bǎ tabǎ 3:18

Mî̌tanu, dû̌htò̌ sělěpo̤ lǒkho dě ta̤bwǐta̤sîrî akû ta dě ta̤sî̌ya pwa̤ htě a ma̤lû̌htò̌ge pa mî̌ pa Běcǎ Ye̤shǔkhrî̌stu htǒo akû nî̌꤮. Khònò̤htǒo tǒ̤hènu, kò htû̌sò̌ǐ tû̌ta pa Běcǎ Ye̤shǔkhrî̌stu tûjûpwa̤ talakhǎ nî̌꤮. Amè̤.

Yṳ̂ha awǐlǒ tôbǎ 1:3

Ma̤pûhǐ sî bǒsû̌khǎkho kû̌dǒ ta pa ayanu, pa pwe̤ǐ bǎ sî ta̤ htě pa kè̌shǐhto dě pa gana̤debǎhtonu toǒ hǒ. Pa bǒsû̌khǎkho kè̌khînû̌û htǒonumî̌, pa bǒsû̌ pana̤ ta pha Cǒmara ta aphû̌khû Ye̤shǔkhrî̌stu.

Yṳ̂ha awǐlǒ tôbǎ 2:19

Asî hǎhtò̌cû̌kè dě pakla hǒ. Asî htǒotoǒ numî̌ a ǒkû̌dǒ lǒkho ta pa bǒsû̌khǎkho nû̌û htǒonu mè̤tò̤. Asî dè ǒpadǒ lǒkho ta pa hî̌numî̌ asî ǒkû̌dǒ lòtṳ̌pwǎ ta pa. Pwǎ̤ta asî hǎhtò̌cû̌kè pakla dě asî ata̤hǎhtò̌cû̌kè htǒonu, a dǔlṳ lîtîklî̌kè ta asî ǒkû̌dǒ mè̤mè̤̌pe ta pa dǐpwǎ̤꤮ tò̤ hǒ.

Yṳ̂ha awǐlǒ tôbǎ 5:20

Ma̤pûhǐ pa sî̌ya kû̌kò Cǒmara htě ato htǒotapwa̤nu, pa sî̌ya ta Cǒmara aphû̌khûhtǒo hè ǐ sî̌yaphlo bǎ pa hǒ. Pa ǒ dě Cǒmara htě ato htǒotapwa̤ ta aphû̌khû Ye̤shǔkhrî̌stu htǒotapwa̤ akû hǒ. A mî̌ Cǒmara htě ato tapwa̤, htohǒtò̤ Cǒmara htě a ǐ kò yolahtûpwa̤ tûjûpwa̤ tapwa̤.