Phǐlǐpǐ 3:7 - Kawyaw RC

⁷ Taplǎkha, ta̤ htě he bè̌ yǎta ale̤dû̌pwî̤htû mè̤mè̤̌ ta heya toǒnu, khònò̤dě he yṳǎ Khrî̌stu akhû̌akhî, ta̤ lǒ̤꤮ bò htǒotoǒnu he bè̌kè yǎ pwǐ ta̤ǒlû̌ǒkhlo ta heyanu pwǎ.

Kawyaw New Testament

⁷ Tôplǎnu, ta̤ dǒ he bè̌ yǎ kû̌ alě̤dû̌pwî̤htû dǒ heya tokhlǒnu, khònò̤̌dě dǒ he yṳ̌ǎ Khrǐ akhû̌akhî, lǒ̤bò ta̤ hǒtokhlǒnu he bè̌kè a pô̤̌ ta̤ô̌lǒô̌khlo dǒ heya nupwǎ.

Phǐlǐpǐ 3:7 Iomraidhean Croise

Mǒhtûlû̌hǎhtûsa 19:17

Tanaphû̌ toǒ kaǎhǎhtò̌to̤ asî wî̤khlo dě tanaphû̌nu sò̌gini̤ akla tapwa̤ hî̌ asî, “Khlè̌lû̌htò̌ tû̌mò̌ sîna̤, kè̌getîkhî ma̤ nî̌꤮. Cû̌ǒkǔ pû khodûkhû̌ ma̤ nî̌. Tṳ̂rû̌ khlè̌htò̌ kholokhû̌nu. Tò̤hî̌mî̌ sî si dǒbòkû̌ ta wî̤phû̌nu toǒ pě.”

Mǒhtûlû̌hǎhtûsa 19:26

Pwǎ̤tadě Lò̌tǎ ama kè̌tîkhî gesǒ akhû̌akhî, a htûkè îsǎhǐtṳ.

Matěo 16:26

Kòyò tapwa̤pwa̤ dè nî̤bǎbò hǎkhû̌tebě a ta̤dû̌yò̤htò̌sa toǒ pwǎ̤ta a dè lò̤jûkè a yolahtûpwa̤ tûjûpwa̤ htǒo hî̌nu abwǐǒ nû̌ûya hî̌tè? Kòyò htě a sò̌yṳ nî̤bǎ gesǒ a yolahtûpwa̤ tûjûpwa̤ htǒo tapwa̤pwa̤nu ta̤dû̌yò̤htò̌sa htě a glè pwî̤bò̌ nû̌ûta a yolahtûpwa̤ htǒonu a ǒ dǐcǎ꤮ tò̤.

Mǎ̤riko 10:50

Dě a plû̌htò̌ ahǐdokhlo dě a pa̤lò̤kè nû̌û. Htodě a pe̤ihtǒ dě a hè Ye̤shǔ ǒ.

Lǔka 14:26

“Kòyò htě a sò̌yṳ htû he khophijaû̌ tapwa̤pwa̤nu, amo̤apha bǎbǎ, aphû̌ama bǎbǎ, apṳawè̤ ta asana̤nu tû̌ bǎbǎ, a dè mo̤ǐkhlo nû̌ûta a mo̤ǐ he hî̌numî̌ a htûhtò̌jò he khophijaû̌ tò̤.

Lǔka 14:33

Hǐnu akhû̌akhî, ta̤ lǒ̤꤮ bò htě sî ǒǐ toǒnu, sî dè bè̌kè yǎtò̤ dèhî̌dě, sî htûhtò̌jò he khophijaû̌ dǐpwǎ̤꤮ tò̤.

Lǔka 16:8

“Pwa̤kè̌ǐkhwè̌ǐ ta̤kî̌ta̤kû̌ htě acǒatè̤tò̤ htǒotapwa̤nu, aběcǎ htû̌sò̌ǐ nû̌û, ma̤tè̤hî̌dě a ma̤lîmò ta̤. Kòyòhǎkhû̌phû̌ htǒotoǒnu a lîmò lòhǎlòho kè̌khîsǒtû̌ nû̌û, dě a lîmòkhlope ta kòyò htě agûkû̌ Cǒmara kònu toǒ.”

Pwa̤nophû̌ 27:38

Kò ǎkǒobe htobò shǎ pṳ̂̌꤮ tapwa̤ dě ma̤pûhǐ sǒkhlidû̌ phihè ayanu, asî wîlò̤te̤kèbò bǔkû̌lǎ toǒ dě shidû̌shite̤we̤ akû.

Hebrǔ 11:26

Mǒ̤jè bè̌lò̤ asò̌phlǒ ta, khòbǎ ta̤pi̤jishǐcǒ ta Khrî̌stu ayanu, ale̤dû̌pwî̤htû khlope ta Egyptga a ta̤dû̌yò̤htò̌sa toǒ, ma̤tè̤hî̌dě a ǒpo̤kè̌shuǐ ta Cǒmara ǐ nû̌û a ta̤ma̤nî̤khû̌kǎ htû̌꤮ anǒkòpě.