Phǐlǐpǐ 3:6 - Kawyaw RC

⁶ Ma̤tè̤hî̌dě he sò̌phlosho bè̌dû̌bè̌htû mè̤mè̤̌ Cǒmara ata̤ma̤ akhû̌akhî, he ma̤jîma̤jû kòyò htě a yṳǎ Khrî̌stu toǒ. Dè hî̌lè̌ ta jûle̤phî̌yo̤ ta̤sû̌ta̤tòwò a ta̤mǎlò̤ toǒ dě htûhtò̌bò̌pwǎ kòyòcǒkòyòtè̤ dèhî̌dě, he htûhto kòyò tapwa̤ dě kò kè̌lǎ bè̌ he ta̤sǔnu, a ǒ dǐpwǎ̤ tò̤.

Kawyaw New Testament

⁶ Ma̤titèhî̌dě he sǎphlǒshû̌ bè̌dû̌bè̌htû mî̌ca Cǒmara ata̤ma̤ akhû̌akhî, he ma̤jî̌ma̤jû̌ kòyò dǒ a yṳ̌ǎ Khrǐ tokhlǒ. Kè̌ hî̌kûmṳ̂̌mò̌ kû̌ jûlě̤phî̌yô̤̌ ta̤sû̌ta̤tòwò a ta̤mǎlò̤nu tokhlǒ htodě htûhtò̌ bò̌pwǎ kòyòcǒkòyòtè̤ pwǎ kè̌hî̌dě, he htû hto kòyò tôpwa̤ dǒ kòyò kè̌lǎ bè̌ he ta̤sǔnu, a ô̌ tôpwǎ̤꤮ tô̤̌.

Phǐlǐpǐ 3:6 Iomraidhean Croise

Matěo 23:25

“Pwa̤sû̌ǐ ta̤sû̌ta̤tòwò asara ta Pharisè̌phû̌ sî꤮, Cǒmara cèrò sî pě. Sî mî̌ kòyò htě a jîcǒjîtè̤ ana̤ toǒ. Sî htǒotoǒ numî̌ a sǒsǒ ta kòyò htě a shǔbò dîbalo̤ dě akhlonu toǒ, dě sî sò̌phlǒkûnu a ǒ betî̌pî̌ ta ta̤phî̌sigwi we̤saphǎ kò ta lṳ̂ma̤mo̤ tû̌ sò̌phlǒ htǒonu toǒ.

Matěo 5:20

Hǐnudě he hî̌ mè̤mè̤̌ sî, sî gucǒgutè̤khlo ta pwa̤sû̌ǐ ta̤sû̌ta̤tòwò asara htǒotoǒ ta Pharisè̌phû̌ htǒotoǒ tò̤ hî̌numî̌, sî nṳbò̌jò dě mǒkhû̌ shila̤gakû dî̌kî̌꤮ tò̤.”

Lǔka 1:6

Asî sò̌gini̤ ǒhtûpwa̤ cǒtè̤wǒbò dě Cǒmara a lo̤mo̤ pwǐ Běcǎ Cǒmara a ta̤mǎlò̤ ta a ta̤sû̌ta̤tòwò toǒ hî̌nǎnu asî jûle̤phî̌yo̤ ma̤lǒma̤be lǒ̤bò.

Pwa̤nophû̌ 21:20

Asî gana̤dehto a ta̤hî̌bǎ dě, asî htû̌sò̌ǐ lǒkho Cǒmara pṳ̂̌꤮ tapwa̤. Htodě asî hî̌ Pò̌lu, “Pṳwè̤ Pò̌lu, Yṳ̌daphû̌ htě a yṳǎna̤ǎta̤ toǒnu a ǒ arî̌asò̌kû numî̌, na kè̌shǐ hǒ. Htodě asî htǒotoǒnu a bè̌dû̌bò Yṳ̌daphû̌ a ta̤sû̌ta̤tòwò toǒ.

Pwa̤nophû̌ 22:5

He hî̌bǎcǒhî̌bǎtè̤ pwǎ numî̌, pwa̤tòlûhtò̌ hǐkǒdû̌gutṳ̌ htǒonu ta Yṳ̌daphû̌ htě a htû hǐkǒdû̌ lǒ̤꤮ bò toǒ khòlṳbò̌ asò̌ ta heya pwǎ. Ma̤tè̤hî̌dě, ma̤pûhǐ he cû̌pṳ̂ kòyò htě a gûkû̌ Ye̤shǔkhrî̌stu akònu toǒ dě he coklo asî ta sǒpli̤te̤htò̌, htopědě he kaǎge cèrò asî Ye̤rǔshèlèwî̤ pěnu dě, asî htû hǐkǒdû̌nu toǒ khwè̌cû̌nṳ lî̤toǒ dě a ǐcû̌ nû̌ûta he. Lî̤ htǒotoǒnu, a khwè̌cû̌ bǎ apṳwè̤ Yṳ̌daphû̌ htě a htû hǐkǒdû̌ dě a ǒ lǒkho Damatè̌wî̤ htě he glè̌ cû̌ wî̤htǒo tî̤wî̤ akûnu toǒ a ǒ.”

Pwa̤nophû̌ 26:5

He mî̌ he ǒpakû̌ Pharisè̌phû̌ aprṳ̂aho htě a pṳ̂měsho ta̤subusaba a ta̤sû̌ta̤tòwò toǒ tṳ̂prṳ̂ tapwa̤numî̌ asî sî̌yayî̤ he hǒ. Asî dè sò̌yṳ khòlṳ hewi̤hekè̌ hî̌numî̌ a sî̌yabò.

Pwa̤nophû̌ 8:3

Saulǔ htǒo tapwa̤nu a jipwi̤ kè̌lǎ ma̤pî̌ma̤lṳ̂ Khrî̌stu a pwa̤yṳǎta̤ aprṳ̂ahophû̌ toǒ. A cû̌htò̌nṳ hǐtama hto tama akû, dě a cû̌cǐ jûgrûhǎhtò̌ mamǔmǔ, makhûkhû htě a yṳǎna̤ǎta̤ toǒ dě dǒnṳ asî dě apo̤kû.

Rṳ̂̌me̤ 7:9

Dě awǐkhanu, he sî̌ya Cǒmara a ta̤sû̌ta̤tòwò tò̤ akhû̌akhî, he ǒhtûpwa̤ topwǎ Cǒmara asò̌phlǒ pwǎ, he gènè̤ sò̌phlǒ hǐnu. Pò̤̌ta bǎ ta̤mǎlò̤ hèto̤ akhanu, ta̤sǔ aklè̌ hènṳ he ta̤ǒhtûpwa̤ akû dě he sikè sû̌sò̌ tokho hǒ.

Kôritu awǐlǒ tôbǎ 10:32

Yṳ̌daphû̌ toǒ aya bǎbǎ, Yṳ̌daphû̌ mè̤tò̤ toǒ aya bǎbǎ, Cǒmara a pwa̤yṳǎta̤ aprṳ̂aho toǒ bǎbǎ, sî ma̤ ta̤ titètè̌꤮ nu nohtûhtò̌ pûma̤ ta̤lòkhǔlòpo̤ ta asî aya ma̤.

Kôritu awǐlǒ tôbǎ 15:9

Dě pwa̤nophû̌ lǒ̤꤮ bò aklanu, he mî̌ kòyò htě atoagwa kû̌kò pwǐ pwa̤nophû̌ ahǔwa̤nu toǒ dî̌kî̌꤮ tò̤ tapwa̤, ma̤tè̤ bǎ he yṳǎ Ye̤shǔkhrî̌stu hǒtò̤ akhanu, he ma̤jîma̤jû kòyò htě a yṳǎ Ye̤shǔkhrî̌stu toǒ akhû̌akhî, kò glè kaǎ he ta pwa̤nophû̌ tapwa̤pwǎnu a gwa dî̌kî̌꤮ tò̤.

Phǐlǐpǐ 3:9

He ta̤cǒta̤tè̤ htǒonu, he nǎla̤ǐpe ta he gana̤de gûma̤kû̌ ta̤sû̌ta̤tòwò akhû̌ htǒonu mè̤petò̤hǒ. Mî̌tanu, he yṳǎ Khrî̌stu akhû̌akhî, he nî̤bǎ ta̤cǒta̤tè̤. Ta̤cǒta̤tè̤ htě Cǒmara ǐ htǒonumî̌ a nǎla̤ǐpwǎ dě ta̤yṳta̤nǎ alo̤.

Tîmôte awǐlǒ tôbǎ 1:13

Dě꤮ awǐkha numî̌, he hî̌ phû̌mò̤shî̌hto Ye̤shǔkhrî̌stu, he ma̤jîma̤jû yǎ, he pi̤jishǐcǒ yǎ pwǎ̤tadě Běcǎ gwèbǎǐ he, ma̤tè̤hî̌dě he yṳǎna̤ǎkû̌ hǒtò̤, dě he ma̤ta̤ htǒotoǒnu, he sî̌ya hǒtò̤ akhû̌akhî, a gwèbǎǐ pwǎ he.