Phǐlǐpǐ 3:5 - Kawyaw RC

⁵ Bǎ he ǒphijaû̌lò̤ behtò̌ ni̤lǐ̤sǒ akhanu, kò dǔtṳ hephě. He htû Israelphû̌ dě he ǒphijaû̌lò̤ khanupe. Hekhlihelè gilò̤ ta Bejame tṳmṳtacǎ, he mî̌ Ebrephû̌ na̤cè̌ tapwa̤. He mî̌ Pharisè̌phû̌ dě a gana̤de gûma̤kû̌ Yṳ̌daphû̌ a ta̤sû̌ta̤tòwò tapwa̤.

Kawyaw New Testament

⁵ Bǎ he ô̌phijǎlò̤ behtò̌ hǒ ni̤lǐ̤sô̌ akhanu, kòyò dǔtṳ̌ bǎ hephě. He htû Isôrělaphû̌ dǒ he ô̌phijǎlò̤ akhanu pe. Hekhlihelè gelò̤ dǒ Khûbîyame̤ tômṳ̌tôcǒ, he mî̌ Hebrǔphû̌ mè̤̌mî̌ca tôpwa̤. He mî̌ Pharishè̌phû̌ dǒ a ganǎ̤de gû̌ma̤ Yǔdaphû̌ a ta̤sû̌ta̤tòwò tôpwa̤.

Phǐlǐpǐ 3:5 Iomraidhean Croise

Mǒhtûlû̌hǎhtûsa 14:13

Bǎnukha kòyò htě a hǎhtò̌khlè̌ lû̌htò̌nu tapwa̤ ge pweǐlṳ ta̤wi̤ta̤kè̌nu toǒ ta Ebrephû̌ khlilèphû̌ Abra. Abra la̤ǒgûla̤ mî̌ a ǒphǔ ta Amò̌rǐ khlilèphû̌ Mè̌mare asǒmṳdû̌cahtǐnu tò̤glò. Dě Mè̌mare mî̌ Ishako ta Ana apṳwè̤ asî lǒ̤꤮ bò htǒotoǒnu a sò̌phlǒ ǒ nû̌û dě ǎměhtobò nû̌ûyo̤ ta Abra.

Mǒhtûlû̌hǎhtûsa 17:12

Bò꤮ makhû htě sîkhlisîlè akla a hǎte̤gilò̤ tuhtu hto tuhtu toǒnu, a dè beni̤lǐ̤sǒ hî̌dě a bǎ dǔtṳphěkhi. Dě kòyò htě a ǒlò̤ bǎ sîhǐdǒkûnu toǒ bǎbǎ, sîkhlilè mè̤tò̤nu toǒ bǎbǎ, shigahǔwa̤khlophû̌ pwǎ pwǎ̤tadě sî pwî̤ge asî ta wû pwǐ jûnu toǒ bǎbǎ, asî bǎ dǔtṳbòphě pṳ̂̌꤮ tapwa̤.

Mǒhtûlû̌hǎhtûsa 40:15

Hî̌bòbò꤮ mî̌ he ǒ Ebrega dě kò pṳ̂hè tû̌ he bǎo. Bǎ he ǒ bǎo akhanu bǎbǎ he ma̤sǔma̤plě nǒ dǐcǎ꤮ tò̤ pwǎ̤tadě kò dǒlò̤te̤ he dě ta̤jîta̤jû agûla̤.”

Mǒhtûlû̌hǎhtûsa 41:12

Bǎnukha, pwa̤ǒpo̤ma̤kwaǐ Khwǐ ahǐkǒdû̌nu tapwa̤ ajû mî̌ Ebrekhlilèphû̌ pwa̤nějaphû̌ tapwa̤ ǒkû̌ dǒ ta pa bǎnu. Dě pa pwe̤ǐlṳ bǎ nû̌û pata̤hǎmoǒmi̤mò̤ dě a pwe̤ǐlṳ bǎ pa tapwa̤ ta tapwa̤ ta̤hǎmoǒmi̤mò̤ amûasǎ toǒ.

Lǔka 1:59

Asî la̤klo ǒta phijaû̌ dè be ani̤ lǐ̤sǒ hî̌nu, kò bǎ dǔtṳ bǎ nû̌phěkhi. Bǎ ato dǔtṳphěkhi akhanu, akhlialè toǒ hèkû̌ lǒkho nû̌dě asî sò̌yṳ htòsǒtû̌ lǒkho nû̌û mi̤ ta apha Sakharǐa ami̤.

Lǔka 2:21

Bǎ phijaû̌ htǒotapwa̤ behtò̌ ani̤ lǐ̤sǒ dě a tobǎ dǔtṳ nû̌û phěkhi akhanu, asî kaǎ nû̌mi̤ ta Ye̤shǔ pwǐ mǒkhû̌tanaphû̌ htònǎ bǎ nû̌ûmi̤ bǎ amo̤ mo̤do hǒtò̤ akhanu.

Lǔka 5:38

Kò tobǎ yṳnṳpwǎ yǎ dě shiosa akû pwǎ꤮.

Pwa̤nophû̌ 22:3

“He mî̌ Yṳ̌daphû̌ tapwa̤, he ǒphû̌lò̤ dě Tashǔwî̤, dě Kǐlǐkǐaga a ta̤pǒala̤, pwǎ̤tadě he dû̌htò̌ dě Ye̤rǔshèlèwî̤. Gameliělè mî̌ he sara dě kò sû̌ǐ te̤mǎ mè̤mè̤̌ he ta ta̤sû̌ta̤tòwò htě mo̤phaphiphu dě꤮ wǐnu toǒ gûma̤kû̌htonu toǒ. He sò̌phlǒsho ma̤lǒ̤sû̌lǒ̤sò̌ mè̤mè̤̌ Cǒmara a ta̤phî̌ta̤ma̤ sǒsǒta sî ǒ bǎo toǒ pṳ̂̌pwa̤ sò̌phlǒsho mè̤mè̤̌ khònò̤ htǒonuhǒ.

Pwa̤nophû̌ 23:6

Bǎ Pò̌lu kè̌shǐ ta kòyò ǒbǎnu toǒ mî̌ toǒǒ dě Sadugè̌phû̌, toǒǒ dě Pharisè̌phû̌ akhû̌akhî, a yi̤kǒhtò̌lṳ bǎ Yṳ̌daphû̌ htě a htû hǐkǒdû̌ toǒ, “He pṳwè̤ toǒ꤮, he mî̌ Pharisè̌phû̌ tapwa̤. He mî̌ Pharisè̌phû̌ toǒ a phû̌makhû mî̌ amè̤mè̤. He kè̌shuǐ ta kòyò htě a si toǒnu, a glè htûpwa̤gesǒ pě akhû̌akhî, sî sèlè he.”

Pwa̤nophû̌ 6:1

Bǎnu akha, pwa̤yṳǎphû̌ toǒ sǔ ǒhtò̌dû̌ dě Yṳ̌daphû̌ htě a hî̌bǎ Greek yo̤ toǒ ta Yṳ̌daphû̌ htě a hî̌bǎ tû̌ ayo̤ toǒ htè̌kè̌khînû̌û. Yṳ̌daphû̌ htě a hî̌bǎ Greek ayo̤ toǒ hî̌ ta kòyò htě a yṳ̂ǎyṳ̂o shǎǎshǎo ti̤ni̤ ta ti̤ni̤ toǒnu a kè̌bò̌khû̌kè asî mamǔǒkhwè̌ toǒ, a hî̌ lǒkho hǐnu.

Rṳ̂̌me̤ 11:1

Hǐnudě he glè gwè lǒkho sî, mî̌ Cǒmara wîkè a khlilèphû̌ htǒo hǒ ya? A wîkè nǒ asî dî̌kî̌꤮ tò̤. Gènè̤kè̌ lǒkho hehtǒo, he mî̌ Israelphû̌ tapwa̤pwǎ kò̌kò̌. He mî̌ Abraham akhlialè, Bejame akhli gilò̤ pwǎ.

Kôritu ginǐ̤bǎ tôbǎ 11:22

Asî mî̌ Ebrephû̌ toǒ ya? He mî̌ Ebrephû̌ tapwa̤pwa̤ lè. Asî mî̌ Israelphû̌ toǒ ya? He mî̌ Israelphû̌ tapwa̤pwa̤ lè. Asî mî̌ Abraham akhlialè toǒ ya? He mî̌ Abraham akhlialè tapwa̤pwa̤ lè.