Phǐlǐpǐ 3:20 - Kawyaw RC

²⁰ Pwǎ̤ta pahtǒo toǒ numî̌ mǒkhû̌ a shiphû̌gaphû̌ dě pa sò̌phlosho ǒpo̤kè̌shuǐ pa Běcǎ Ye̤shǔkhrî̌stu htě a ma̤lû̌htò̌ge pahtǒo ǒ mǒkhû̌ hèlò̤ pě htǒonu tapwa̤ hǒ.

Kawyaw New Testament

²⁰ Bǎbǎkǎlè pa tokhlǒ numî̌ mǒkhû̌ a shiphû̌gǎphû̌ dě pa sǎphlǒshû̌ ô̌pǒ̤kè̌shuǐ pa Běcǎ Yeshǔ Khrǐ dǒ a ma̤hǎplǎge panu ô̌ dǒ mǒkhû̌ hèlò̤ pěnu tôpwa̤ hǒ.

Phǐlǐpǐ 3:20 Iomraidhean Croise

Htû̌sò̌htò̌ 16:11

Na dǔlṳhto he klè̌ htě a sûcû̌ he dě ta̤htûpwa̤nu tobo hǒ. Na ǒkû̌ ta he akhû̌akhî, he sò̌le̤sò̌lò̤. He ǒ dě nacǔdemû tokho akhû̌akhî, he glè sò̌phlǒmo̤ tûjû꤮ pwa̤.

Htû̌sò̌htò̌ 17:15

Pwǎta hedě he ǒcǒǒtè̤ akhû̌akhî, he glè kè̌shǐ na mi̤sǎ. Lṳmṳlî he gènè̤htò̌ akha he sî̌ya ta na ǒkû̌ ta he dě hesò̌phlǒmo̤ mè̤mè̤̌.

Matěo 19:21

Dě Běcǎ Ye̤shǔ hî̌ yǎ, “Na dè sò̌yṳ htûhtò̌ ta kòyò lǒbe tapwa̤ dèhî̌mî̌ ge shaǎkèbò na ta̤kî̌ta̤kû̌nu toǒ dě ǐkè yǎta kòyò shuphǔshèwèphû̌ toǒnu. Na dè ma̤hǐnu hî̌dě na nî̤bǎ ta̤dû̌yò̤htò̌sa dě mǒkhû̌ pě. Gema̤hto hǐnu dě hè gûkû̌ hekò.”

Lǔka 12:21

Dě Ye̤shǔ hî̌, “Kòyò tapwa̤pwa̤ dě a bè̌plǒ tû̌ a ta̤dû̌yò̤htò̌sa aya, mî̌tadě Cǒmara a lo̤mo̤nu, a dè shuphǔshèwè hî̌nu a htûhtò̌ sǒsǒpwǐ htǒonu pě.”

Lǔka 14:14

Dě na dè kaǎ ǎ kòyò hǐnu toǒ hî̌nu, na nî̤bǎ ta̤howi̤ pě, ma̤tè̤hî̌dě asî kaǎ ǎ geshǔbò̌ na dǐcǎ꤮ tò̤. Bǎ kòyòcǒtè̤ toǒ htûpwa̤gesǒ ta ta̤si akha pěnu, Cǒmara ǐge na ta̤bwǐta̤sîrî pě.”

Pwa̤nophû̌ 1:11

Dě a hî̌ asî, “Galilî̌aphû̌ toǒ, sî cû̌ ihtǒ ò̌tò̤mò̤htò̌ lǒkho cǎdě mǒla̤ bǎo ma̤tè? Ye̤shǔ htě sî kè̌shǐ Cǒmara kaǎge kihtò̌kè yǎ dě mǒkhû̌ htǒotapwa̤nu a hèlò̤ gesǒ pwǐ sî kè̌shǐ a gekihtò̌ khònò̤htǒonu pě.”

Kôritu awǐlǒ tôbǎ 1:7

Hǐnu akhû̌akhî, bǎ sî ǒyṳ̂kè̌shuǐ Běcǎ Ye̤shǔkhrî̌stu hèǒlṳhtò̌ pě htǒonu, sǎcahtǐ asû lǒ̤꤮ bò htě sî nî̤bǎko ta sî lo̤bǎ toǒnu Cǒmara ǐbò sî hǒ.

Kôritu awǐlǒ tôbǎ 15:48

Kòyòhǎkhû̌phû̌ lǒ̤꤮ bònu a ǒta ana̤klû dě asǒsǒta kòyòhǎkhû̌phû̌ awǐgutṳ̌ htě kò bǒlò̤ yǎta lo̤hǎnu tapwa̤ hǒ. Pwǎ̤ta kòyò htě a gû Ye̤shǔkhrî̌stu akò toǒnu, htû̌꤮ mǒkhû̌ pě, ana̤klû sǒsǒta kòyò ǒ dě mǒkhû̌ hèlò̤nu tapwa̤ pě.

Kôritu ginǐ̤bǎ tôbǎ 4:18

Hǐnudě, ta̤pò̤ta̤sha htě he kè̌shǐbǎ htǒotoǒnu, he bè̌duna̤nǒ yǎ dǐcǎ꤮ tò̤. Ta̤ htě a ǒ tǒhtumě dě he sò̌phlǒkû tacǎnumî̌ ta̤wî̤ta̤wǒ htě Cǒmara glè ǐ he pě htǒonu pwǎ. Ta̤ htě pa kè̌shǐjò toǒnu, a glè ǒlṳyî̤pwǎ teděsǎphû̌ pwǎ, pwǎ̤ta ta̤ htě pa kè̌shǐjòtò̤ toǒnu, a ǒyî̤ tûjûpwa̤ pě.

Kôritu ginǐ̤bǎ tôbǎ 5:8

He hî̌ ta, pa yṳǎ Běcǎ htǒonu ashû̌asho dě pa sò̌yṳ hǎhtò̌cû̌kè ta pana̤saklû htǒo dě pa sò̌yṳcû̌ ǒkû̌dǒ ta Běcǎ dě mǒkhû̌ hǒ.

Galatǐ 4:26

Pò̤̌ta jûmo̤ mè̤tò̤ Shǎra htǒonumî̌ alò̤ta Ye̤rǔshèlèwî̤ dě mǒkhû̌ akhû̌akhî, aphû̌ toǒnu a htû jû tò̤. A mî̌ pamo̤ hǒ.

Ěphěsu 2:19

Dè ma̤hǐnudě, sî Yṳ̌daphû̌ mè̤tò̤ htǒotoǒnu, sî htûpe shiphû̌gaphû̌ toǒ mè̤petò̤ hǒ, mè̤tò̤mî̌ sî htû shǐtè̤mè̤ toǒ mè̤petò̤ hǒ. Khònò̤htǒo sî htû sǒsǒ Cǒmara a shiphû̌gaphû̌ sǒsǒta akòyò htǒotoǒ. Htohǒtò̤ sî mî̌ Cǒmara a hǐphû̌phòphû̌ toǒ hǒhǒ.

Ěphěsu 2:6

Pa htû kû̌ta Khrî̌stu tacǎnǔ꤮ pa akhû̌akhî, Cǒmara ma̤htûpwa̤gekû̌ pa ta Khrî̌stu hǒ. Pa ta Khrî̌stu htûhtò̌ nû̌û tacǎnǔ꤮ pa akhû̌akhî, a ǐ pǒǐ kû̌dǒ pa ta Khrî̌stu dě mǒkhû̌ ashiaganu.

Phǐlǐpǐ 1:10

Ma̤pûhǐ sî sî̌yaphlo te̤mǎwǒ ta̤ htě awǒgutṳ̌ dě sî bǎ sò̌phlǒ mṳ̂plî, htohǒtò̤ to̤htû̌꤮ Khrî̌stu hè gesǒ amṳni̤ pě ti̤ni̤nu, kò glè bè̌jòpe pû ta̤sǔ dě sîlo̤ tò̤nu, he kwisabadǒ sîya.

Phǐlǐpǐ 1:27

A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Kòlòtè̌ 1:5

Bǎ sî gana̤de sakhû̌lû̌ ta̤sò̌le̤sò̌lò̤ awi̤akè̌ htě atoamè̤ htǒo akhanu, sî gana̤dehto tû̌ ta̤kè̌shuǐ htě ta̤sò̌le̤sò̌lò̤ awi̤akè̌ ǐ sî htǒonu hǒ. Dě ta̤kè̌shuǐ htǒo akhû̌akhî, sî yṳǎ Cǒmara, htodě sî mo̤ǐ kòhǔwa̤. Cǒmara bè̌htubè̌plǒ bǎ sî ta̤kè̌shuǐ htǒonu dě mǒkhû̌ hǒ.

Tîsalònǐ awǐlǒ tôbǎ 1:10

Htodě Cǒmara aphû̌khû Ye̤shǔ htě apha ma̤ htûpwa̤gesǒ nû̌û ta ta̤si htǒotapwa̤ ǒ dě mǒkhû̌ hèlò̤ gesǒ pěnu, sî ǒpo̤kè̌shuǐ lǒkho hî̌tènu asî hî̌bò bǎ pa. Ye̤shǔ mî̌ pwa̤ ma̤lû̌htò̌ge pa ta Cǒmara a ta̤sò̌dû̌ dě a cèrò kò pě htǒonu tapwa̤ acǔdekû hǒ.

Tîsalònǐ awǐlǒ tôbǎ 4:16

Ma̤tè̤hî̌dě Běcǎ sana̤ ǒ dě mǒkhû̌ hèlò̤ pě, dě a kǎǎgulò̤ ayo̤ tûmû pě. Htodě mǒkhû̌tanaphû̌ a hǐkǒdû̌gutṳ̌ tapwa̤ yi̤kǒ hî̌bǎlò̤ pě. Htodě kò gana̤de Cǒmara ǔpo̤htò̌ Tǔ pě dě kòyò htě a yṳǎ Khrî̌stu dě a sihtokè toǒnu, a ihtǒ gewǐgutṳ̌ kò pě.

Tîmôte ginǐ̤bǎ tôbǎ 4:8

Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.

Tǐtǔ 2:13

Bǎ pa ǒpo̤kè̌shuǐ ta̤howi̤ amṳni̤ mî̌ htû̌꤮ papha Cǒmaradû̌ ta pwa̤ma̤lû̌htò̌ge pa Ye̤shǔkhrî̌stu a ta̤sîrîdû̌sîrîhtû hè ǒlṳhtò̌ pě akhanu, pa bǎ ǒhtûpwa̤ pwǐ a hî̌ pa htǒonu toǒ.

Hebrǔ 12:22

Pò̤̌ta, sî lè̌dě sî hèto̤ dě Sǐokholo hǒ. Kholo htǒotamanu mî̌ Cǒmara htě a htûpwa̤ htǒotapwa̤ awî̤ tî̤wî̤ dě kò kaǎ nû̌ûta Ye̤rǔshèlèwî̤ dě mǒkhû̌ htǒonu tî̤wî̤ hǒ. Cǒmara atanamǒkhû̌phû̌ htě a ǒ asě ta asěkû toǒ hèǒplǒ sò̌le̤sò̌lò̤plǒbò nû̌û bǎnu. Dě sî hè ǒkû̌dǒ ta atanamǒkhû̌phû̌ htǒotoǒ hǒ.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Ta̤dǔlè̌nǎ 1:7

Kè̌mò̌ lǒkho, a glè̌ hèkû̌ ta poǒlṳ hǒ. Kòyò pṳ̂̌꤮ tapwa̤ kè̌shǐbò a pě. Kòyò htě a shusi nû̌ûnu toǒ bǎbǎ, a kè̌shǐ nû̌û pě. Khlilèphû̌ pṳ̂̌꤮ tacǎ dě hǎkhû̌bǎo hǎwobò ta a akhû̌akhî pě. Ta̤ htûhtò̌ mè̤mè̤̌ pwǐhè̌onu pě, Amè̤.