Phǐlǐpǐ 3:2 - Kawyaw RC

² Ǒsè̌rè̌ lǒkho sîna̤ ta kòyò ma̤ ta̤phû̌mò̤shî̌hto htě asǒsǒta Chyǐnu toǒ nî̌꤮. Kòyònu toǒ mî̌ sî bǎ dǔtṳphě a noshobò kò hǐnu.

Kawyaw New Testament

² Sè̌rè̌ lô̌khô sînǎ̤ kû̌ kòyò ma̤ ta̤phû̌mò̤̌shǐhtô dǒ asô̌sô̌kû̌ shǐ nutokhlǒ nî̌꤮. Kòyò nutokhlǒ mî̌ sî bǎ dǔtṳ̌aphě a noshû̌bò kòyò pô̤̌nu.

Phǐlǐpǐ 3:2 Iomraidhean Croise

Htû̌sò̌htò̌ 119:115

Kǒ kòyòphû̌mò̤ sî꤮, cû̌tepheyî̤kè ta he. He glè gana̤de hecǒmaradû̌ ata̤mǎlò̤.

Htû̌sò̌htò̌ 22:16

Kòyòphû̌mò̤ sîtoǒ ǒte̤we̤bò he lò̤kèta chyǐmi̤ ǒpo̤te̤we̤bò henu. Asî htǎnṳbò lǒkho hecǔde ta khò̌lopo̤.

Htû̌sò̌htò̌ 22:20

Ma̤lû̌htò̌ge he dě nò̌she akla. Ma̤lû̌htò̌gepo̤ heta̤ǒhtûpwa̤ dě chyǐnu toǒ acǔdekû.

Matěo 24:10

Bǎnukha pě kòyò wîplṳ̂kè a ta̤yṳta̤nǎ pě. A shaǎ nû̌ûmi̤ tapwa̤ ta tapwa̤ pě. A khû̌khwèbò nû̌û tapwa̤ ta tapwa̤ pě.

Matěo 7:15

“Ǒsè̌rè̌ lǒkho sîna̤ ta pwa̤sûlû lòho ana̤ pwǐ pwa̤po̤ sî toǒnu nî̌꤮. A sûlûhè lòho ana̤ pwǐ sophû̌ htě a sò̌dohobî̌nu pwǎ̤tadě asî sò̌phlǒkû numî̌ a phû̌mò̤shî̌hto lò̤kèta chyǐmi̤nu.

Matěo 7:6

“Ta̤cahtǐnu ǐpûma̤ yǎta Chyǐ toǒ ma̤, wîlò̤pû lo̤po̤lòsè̌ toǒ dě htǒ toǒ alo̤mo̤nu ma̤, sî dè wîlò̤ bǎ yǎ hî̌numî̌ a yî̤cǎpǎbòkè nû̌û pě, htopědě a ě gesǒ sî pě.”

Rṳ̂̌me̤ 2:28

Dè hî̌bò ta̤hî̌bǎ hî̌dě, pa gû ǒhtûpwa̤ kû̌ pwǐ Yṳ̌daphû̌ ala̤klonu toǒ akhû̌akhî, pa htûhtò̌bò̌jò Yṳ̌daphû̌ a na̤cè̌ dǐpwǎ̤꤮ tò̤, htohǒtò̤ Yṳ̌daphû̌ na̤cè̌ tapwa̤ numî̌ a dǔtṳ pwǎpǒ̤ na̤klûphěyî̌nu mè̤tò̤.

Kôritu ginǐ̤bǎ tôbǎ 11:13

Asînu toǒ mî̌ pwa̤nophû̌ a mè̤mè̤̌ mè̤tò̤. Asî mî̌ pwa̤nophû̌ htě a lòho toǒ pwǎ. Asî cû̌ hî̌lòho kò ta ata̤ma̤ toǒ dě a jîma̤ lǒkho ana̤ pwǐ Khrî̌stu a pwa̤nophû̌ mè̤mè̤̌ toǒnu pwǎ.

Galatǐ 5:13

He pṳwè̤ sî꤮, ma̤pûhǐ sî nî̤bǎ ta̤pelesesǎ ayanudě, Cǒmara kaǎ sî hǒ. Pò̤̌ta sî nî̤bǎ ta̤ǒpelehtǒo akhû̌akhî, nopǒǐ pûma̤ sîna̤ ta sî sǐshiphěyî̌ a ta̤sò̌yṳnu toǒ ma̤ nî̌꤮. Mî̌tanu, sî to mo̤ǐ kè̌khînû̌û tapwa̤ ta tapwa̤, sî to ma̤jè kè̌khînû̌û tapwa̤ ta tapwa̤.

Galatǐ 5:15

Pwǎ̤tadě sî dè jî sîna̤ pwǐ ta̤mi̤ta̤mò̤ dě sî dè ǎ kè̌khînû̌û tapwa̤ ta tapwa̤ hî̌numî̌ ǒsè̌rè̌ lǒkho sîna̤ nî̌꤮, ma̤tè̤hî̌dě pěmî̌ sî ma̤pî̌ma̤lṳ̂bòsǒ sîna̤ tapwa̤ ta tapwa̤ hè̌.

Galatǐ 5:6

Ma̤tè̤hî̌dě bǎ sî htûhtò̌ kû̌ta Ye̤shǔkhrî̌stu tacǎnǔ꤮ pa akhanu, ta̤dǔtṳphě bǎbǎ, ta̤dǔtṳphě tò̤ bǎbǎ, a htûbwǐhtûsîrî dǐcǎ꤮ tò̤. Ta̤ htě a htûbwǐhtûsîrî khlokò numî̌, ta̤yṳta̤nǎ htě a dǔlṳ ta̤mo̤ǐ Cǒmara ta kòhǔwa̤ htǒonu pwǎ.

Phǐlǐpǐ 3:19

Asî klè̌ htǒonu a gutṳkè bǎ ta̤pî̌ta̤lṳ̂ ngariǒkûnu pě. Asî Běcǎ mî̌ ana̤klû a ta̤sò̌le̤sò̌lò̤ htǒonu toǒ hǒ. Ta̤htě asî to sòwò̤ǐnu toǒ dě a phî̌htò̌yî̤ lǒkhope ana̤. Htohǒtò̤ asî gènè̤ còcè̌pwǎ ta̤ htě kòyòhǎkhû̌phû̌ gènè̤tû̌nu toǒ pwǎ.

Phǐlǐpǐ 3:3

Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Tîmôte awǐlǒ tôbǎ 1:19

Dě pṳ̂měǐ na ta̤yṳta̤nǎ ta na sò̌phlǒ a ta̤gènè̤ mṳ̂plînu toǒ nî̌꤮. Kòyò toǒǒnu, a plûkè lǒkho ata̤ htǒotoǒ akhû̌akhî, a ta̤yṳta̤nǎ pî̌kèbò pwǎ.

Tǐtǔ 1:16

Asî hî̌ ta a sî̌ya Cǒmara pwǎ̤ta ta̤ma̤ htě asî ma̤ toǒnu, a ǒlṳhtò̌ ta asî sî̌ya Cǒmara dî̌kî̌꤮ tò̤. Asînu toǒmî̌ la̤wi̤ja, htodě kòyò htě a gana̤de kû̌kò yo̤ tò̤ toǒ, asî glè ma̤ta̤ awǒ tacǎcǎnu a ma̤bò̌ kû̌kò tò̤.

Petru ginǐ̤bǎ tabǎ 2:22

Ta̤ htě asî ma̤htonu toǒ mî̌, ato mè̤mè̤̌ pwǐ yo̤sǎkhěkhǒ hî̌ tûmû ta, “Chyǐ mî̌ a ǎjò gesǒ apǒ,” Htodě “Kò ishò̌bòhto htǒ, dě a kloge hǎpèè̌” a hî̌ hǐnu.

Yṳ̌da 1:4

Ma̤tè̤hî̌dě, kòyò htě a bè̌dubè̌na̤ Cǒmara tò̤ toǒnu, a hènṳhǔ dě sîkla hǒ. Ma̤pûhǐ asî hî̌bǎ lû̌htò̌nṳ ana̤ ta a ta̤ǒhtûpwa̤ aphû̌mò̤ toǒ ayanudě, a htû̌lè̌ tèplè̌ pî̌kè pa Běcǎ Cǒmara abwǐasîrî toǒ awi̤akè̌. Htohǒtò̤ asî htǒotoǒnu a yṳǎ kû̌ pa hǐkǒdû̌ Běcǎ Ye̤shǔkhrî̌stu htǒonu tò̤. Pwǐ lî̤cahtǐ hî̌nǎ ta̤cèrò toǒnu asî nî̤bǎbò pě.

Ta̤dǔlè̌nǎ 2:9

Napò̤nasha, na hǒwi̤shèwè numî̌ he sî̌ya. Pwǎ̤tadě sû̌sò̌ tokhonu, na dû̌yò̤htò̌sa. Kòyò htě a hî̌lò̤ tû̌ ana̤ ta pa mî̌ Yṳ̌daphû̌ toǒ mè̤na̤cè̌ pwǎ̤tadě a mè̤na̤cè̌ mè̤tò̤ htǒotoǒ dǒ sîyo̤ numî̌ he sî̌ya. Asînu toǒ mî̌ khînǎmo̤pha hǐkǒdû̌ a ta̤sabahǐ saprṳ̂phû̌ toǒ pwǎ.

Ta̤dǔlè̌nǎ 21:8

Pwǎ̤ta kòyò htě a ǐshajò toǒ, kòyò htě acǒatè̤ ta a ta̤yṳta̤nǎ tò̤ toǒ, kòyò htě asò̌phlǒ phû̌mò̤ toǒ, kòyò htě a ma̤si kòyò toǒ, kòyò htě a cû̌sǔnṳ mamǔmakhû toǒ, kòyò htě a htû khînǎkhîno sara ǎkòyòyo̤ toǒ, kòyò htě a saba pwa̤yo̤ toǒ, dě kòyò htě a lòho kò toǒnu agûla̤gûbò̌ mî̌ htě ta̤si ginǐ̤plǎtaplǎ dě kò shû̌gè yǎ ta ya̤sû̌bò htǒotoǒnu hǒ.”

Ta̤dǔlè̌nǎ 22:15

Kòyò lò̤ta akho tò̤ alò̤ta Chyǐ toǒ, khînǎkhîno sara toǒ, kòyò cû̌sǔnṳ mamǔmakhû toǒ, kòyò ma̤si kòyò toǒ, kòyò saba pwa̤yo̤pwa̤gî toǒ, kòyò lǒ̤꤮ bò htě a mo̤ǐ ta̤lòhǎlòho dě a ǒhtûpwa̤ gûma̤kû̌ hǐnu pṳ̂̌꤮ taplǎ toǒnu, a ǒ lǒkho wî̤khlo pě.

Ta̤dǔlè̌nǎ 3:9

Khînǎmo̤pha hǐkǒdû̌ a ta̤sabahǐphû̌ htǒotṳgumṳnu, a lòholò̤ tû̌ lǒkho ana̤ ta pa mî̌ Yṳ̌daphû̌ toǒ, pwǎ̤tadě asî mî̌ Yṳ̌daphû̌ mè̤tò̤. He nohè gene̤lò̤ asî dě sî khò̌lopo̤ kòshî̌ pě dě asî pṳ̂̌꤮ tapwa̤ sî̌ya ta he mo̤ǐ sînu pě.