Phǐlǐpǐ 3:19 - Kawyaw RC

¹⁹ Asî klè̌ htǒonu a gutṳkè bǎ ta̤pî̌ta̤lṳ̂ ngariǒkûnu pě. Asî Běcǎ mî̌ ana̤klû a ta̤sò̌le̤sò̌lò̤ htǒonu toǒ hǒ. Ta̤htě asî to sòwò̤ǐnu toǒ dě a phî̌htò̌yî̤ lǒkhope ana̤. Htohǒtò̤ asî gènè̤ còcè̌pwǎ ta̤ htě kòyòhǎkhû̌phû̌ gènè̤tû̌nu toǒ pwǎ.

Kawyaw New Testament

¹⁹ Asî aklè̌ nunî̌ a gǔ gutṳ̌ bǎ ta̤pî̌ta̤lṳ̂̌ larakû nupě. Asî Běcǎ mî̌ anǎ̤glǒ a ta̤sǎyṳsǎbǎ nutokhlǒ hǒ. Ta̤dǒ asî tô sòwò̤̌ nutokhlǒ dě a phî̌htò̌lǒ lô̌khô pe anǎ̤. Htokhôtô̤̌ asî gènè̤ còcè̌ pwǎ ta̤ dǒ Kòyòhǎkhû̌phû̌ gènè̤dû̌nǎ̤ nutokhlǒ pwǎ.

Phǐlǐpǐ 3:19 Iomraidhean Croise

Htû̌sò̌htò̌ 17:14

Kǒ Cǒmara tûjûpwa̤, noǎ nacǔde htě ashû̌asho dě ma̤lû̌htò̌ge mò̌ he dě kòyòphû̌mò̤ sò̌le̤sò̌lò̤ ǐtû̌ ata̤dû̌yò̤htò̌sa toǒ acǔdekû htǒo. Na glè sû̌ǐbebò asîphukû ta nata̤wǒ ta nana̤ tû̌ nî̌. Aphû̌ali̤ ali̤alṳ̂ akhlialè hǎte̤gilò̤ sîtoǒ ǒplṳ̂ǒphǎ dě a bè̌ǒkè plṳ̂ bǎ mè̤mè̤̌ aphû̌ali̤ toǒ û̌cata̤bî̌.

Htû̌sò̌htò̌ 52:1

Kǒ kòmakhû shû̌sho, nacû̌ phî̌dû̌phî̌htû ǐtǒ̤ nana̤ ta ta̤yè̤lò̤nǎ phû̌mò̤shî̌htonu toǒ ma̤tè? Cǒmaradû̌ ata̤mo̤ǐ htě ahǎbòjò tò̤ htǒo a ma̤kwaǐ he ti̤nǐ̤ mṳhǎ.

Matěo 16:23

Běcǎ Ye̤shǔ kè̌tîkhî Petru dě a hî̌ nû̌û, “Kǒ꤮ khînǎmo̤pha hǐkǒdû̌, hǎhtò̌cû̌ tephekè ta he, na mî̌ alò̤ta lo̤ tama htě kò htò̌tukhu dutî̤plî̤ nû̌ûnu tama pwǎ. Na ta̤gènè̤ toǒnu alò̤ta kòyòhǎkhû̌phû̌ a ta̤gènè̤nu pwǎ, alò̤ta Cǒmara a ta̤gènè̤ toǒnu mè̤tò̤.”

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Lǔka 12:19

Htodě he glè hî̌lò̤ hena̤, “Phabwǐwǒ, na bè̌ǒplǒbò ta̤pṳ̂̌꤮ tacǎ dě na ǎoǐyî̤yǎ aněala pě. Hǎmoǒ ta ǎyǎ, ǎkǒobe, ǒgûjûkabǎ mò̌.” ’

Lǔka 16:19

“Taplǎnu, kòyò dû̌yò̤htò̌sa ǒtapwa̤. Akûasǒ còcè̌ hǐdopo̤to̤ htě apwî̤dû̌gutṳ̌ toǒ, dě a ǎwǐoshu, ma̤mo̤ ǐ ana̤ pṳ̂̌꤮ ti̤ni̤.

Lǔka 18:4

“A jûkû̌ mamǔǒkhwè̌ htǒotapwa̤ ata̤kwi pṳ̂̌plǎ tò̤ pwǎ̤ta anǒkònu a gènè̤lò̤ tû̌ ana̤, ‘He mî̌ kòyò htě a ǐsha kû̌kò Cǒmara tò̤, bè̌dubè̌na̤ kû̌ kòyò tò̤ pwǎ̤tadě,

Rṳ̂̌me̤ 16:18

Ma̤tè̤hî̌dě kòyò hǐnu toǒ mî̌ a ma̤ Běcǎ Khrî̌stu ata̤ma̤ mè̤tò̤. Mî̌tanu, a lṳ̂ma̤mo̤ ma̤sò̌phlǒmo̤ lǒkho ana̤klû a ta̤sò̌yṳ toǒ pwǎ. A hî̌bǎmo̤ hî̌bǎjò kò, htû̌sò̌ǐ kò htě asî lǒǎplò̤ǎ kòyò dě a jûle̤phî̌yo̤sǔ ta̤nu toǒ pě.

Rṳ̂̌me̤ 6:21

Bǎnukha na nî̤bǎ kû̌kò ta̤wî̤ta̤wǒ dǐcǎ꤮ tò̤. Dě na ma̤ hǐnu akhû̌akhî, khònò̤dě sî gènè̤ sòwò̤ǐ sîna̤ hǒ. Ta̤ma̤ hǐnutoǒ mî̌ a sûcû̌ kòyò ta ta̤si tûjûpwa̤ agûla̤ pwǎ.

Kôritu awǐlǒ tôbǎ 3:3

Ma̤tè̤hî̌dě sî ǒhtûpwa̤ sǒsǒ pepwǎ ta kòyòhǎkhû̌phû̌ htě a gûma̤ pepwǎ lǒkho pwǐ a ta̤sò̌yṳ ǒnu toǒ pwǎ. Sî sò̌khě kè̌khînû̌û tapwa̤ ta tapwa̤, sîgèsîgo kè̌khînû̌û numî̌, a dǔlṳhtò̌ ta sî sǒsǒ pepwǎ ta kòyòhǎkhû̌phû̌nu toǒ pwǎ mè̤tò̤ya? Sî ma̤ sǒsǒ pepwǎ ta kòyò htě a yṳǎ kû̌kò Khrî̌stu tò̤nu toǒ pwǎ.

Kôritu awǐlǒ tôbǎ 5:2

Dè ma̤hǐnudě, sî cû̌ phî̌htò̌yî̤jò sîna̤ hî̌tè? Wǐ꤮ ta sî phî̌htò̌yî̤ sîna̤nu, sî to sǎpla̤sǎyṳ sikè sîna̤. Kòyò htě a cû̌sǔnṳ pwǐhè̌o tapwa̤pwa̤nu, sî to wṳ̂hǎhtò̌kè yǎta sî aprṳ̂aho kla.

Kôritu awǐlǒ tôbǎ 5:6

Sî cû̌ hî̌bǎ htò̌yî̤ tǒ̤ sîta̤hî̌bǎ hǐnumî̌ amè̤ tò̤. Gènè̤htò̌ lǒkho ta̤hî̌bǎ tûmû dě a hî̌, “Ta̤bû tîkî̌phû̌ pwǎ dě a ma̤tophǒbò mû̌ to̤glo,” kò hî̌ numî̌ sî sî̌ya yahî̌. Hǐnudě kòyò htǒotapwa̤ a ta̤sǔnu, a dǔlṳhtò̌ to̤kû̌bò sî tṳ̂prṳ̂ ata̤sǔ hǒ.

Kôritu ginǐ̤bǎ tôbǎ 11:12

Ma̤pûhǐ kòyò htě a hî̌ ta asî ta̤ma̤ toǒ numî̌ asǒsǒta pa ta̤ma̤ pwǎnu toǒ, a hî̌bǎhtû̌sò̌ǐjòpe pû ana̤ hǐnu tò̤nu, he ma̤sělěpo̤ pwǐ he ma̤ khònò̤ htǒonu.

Kôritu ginǐ̤bǎ tôbǎ 11:15

Hǐnudě, khînǎmo̤pha hǐkǒdû̌ apwa̤ma̤ta̤ toǒ sûlûlòhojò sǒsǒ ana̤ pwǐ Cǒmara apwa̤ma̤ta̤ htě acǒatè̤ toǒ numî̌ la̤sû̌pi̤sò̌pi̤ nǒ dǐcǎ꤮ tò̤. Dě gutṳ̌lò̤ pěnu, pwǐ asî ma̤sǔhtohǒnu, asî khòbǎ ta̤cèrò pwǐ a gwata asînu pě.

Galatǐ 6:13

Asî htě a dǔtṳ phěnu toǒ dě a jûle̤phî̌yo̤ kû̌kò ta̤sû̌ta̤tòwò tò̤. Pò̤̌ta ma̤pûhǐ asî bè̌htò̌yî̤ lǒkho asò̌phlǒ ta sî dǔtṳ bǎ yǎ phě htǒo akònu dě, asî sò̌yṳ nodǔtṳ tû̌pwǎ sîphě.

Phǐlǐpǐ 2:21

Kòyò ahǔwa̤ lǒ̤꤮ bò toǒ numî̌ a kè̌lǎ ma̤ lǒkho pwǎpǒ̤ ta̤ htě a htûbwǐhtûsîrî asî ayanu toǒ pwǎ. A kè̌lǎ ma̤ bǎ lǒkho Ye̤shǔkhrî̌stu aya tò̤.

Kòlòtè̌ 3:2

Gènè̤ lǒkho mǒkhû̌ a ta̤le̤dû̌pwî̤htû nî̌꤮. Hǎkhû̌ ata̤kî̌ta̤kû̌ toǒnu, gènè̤ lǒkho pûma̤.

Tîsalònǐ ginǐ̤bǎ tôbǎ 1:9

A sî khòbǎ ta̤pî̌ta̤lṳ̂ tûjûpwa̤ ata̤cèrò htǒonu pě. Htodě Běcǎ bè̌tephekè asî dě a lo̤mo̤ ta a ta̤sîrîdû̌htû htě apo̤aphǎ htǒotoǒ alo̤mo̤ pě.

Tîsalònǐ ginǐ̤bǎ tôbǎ 2:8

Htodě kòyò phû̌mò̤ htǒotapwa̤ ǒlṳhtò̌ pě pwǎ̤ta bǎ Běcǎ Ye̤shǔkhrî̌stu hè pě akhanu, a ma̤sikè nû̌û ta a ta̤sǎhtò̌ dě agokû htǒonu pě, dě a hè ma̤pî̌kè nû̌û ta a ta̤sîrîdû̌sîrîhtû htǒonu pě.

Tîmôte awǐlǒ tôbǎ 6:5

Htohǒtò̤, a noǒhtò̌ ta̤gègo kò pṳ̂̌꤮ taplǎ. Kòyò htě a gègo kò htǒotoǒ a ta̤gènè̤ numî̌ a phû̌mò̤shî̌hto dě ta̤te̤ta̤mǎ ǒpe asîkû tò̤. Ta̤subusaba numî̌ klè̌ htě kò glè dû̌yò̤htò̌sa aya tabo asî gènè̤ lǒkhopwǎ hǐnu.

Tîmôte ginǐ̤bǎ tôbǎ 3:4

Asî mî̌ kòyò htě a glè shaǎ kòmi̤, a shaǎ kòna̤ dě ma̤bǐma̤ǒ ana̤, jîdû̌ ana̤, sò̌yṳ ma̤mo̤ shope̤ còcè̌ ana̤ htǒonu adû̌khlo ta ta̤mo̤ǐ Cǒmara pě.

Jǎgomo̤ 4:16

Pwǎ̤tadě khònò̤htǒo sî bè̌htò̌yî̤ lǒkho sî sò̌phlǒ dě sî hî̌bǎ htò̌yî̤ lǒkho sîna̤. Bò ta̤bè̌htò̌yî̤ sò̌phlǒ hǐnu toǒmî̌ ta̤phû̌mò̤shî̌hto pwǎ.

Petru ginǐ̤bǎ tabǎ 2:1

Pwa̤po̤ sûlûlòho ana̤ toǒ ǒhtò̌lṳhto kòyò saprṳ̂ akla dě awǐkha hǒ. Sǒsǒta hǐnuakho, sara sûlûlòho ana̤ toǒ hè ǒhtò̌lṳdǒ sîkla pě. Asî phî̌hèǐhǔ ta̤sû̌ǐtòwòǐsǔ htě a ma̤pî̌ta̤ toǒ pě. A la̤lò̤kè Běcǎ htě a htè̌gehto asînu tapwa̤ pě. Asî ma̤hǐnu akhû̌akhî, Cǒmara ma̤pî̌phwèkè asî pě.

Petru ginǐ̤bǎ tabǎ 2:13

Dě asî ma̤jîma̤jû kò akhû̌akhî, Cǒmara ma̤geshǔsǒ asî ta li̤ hǐnu pě. Lṳmṳsha bǎbǎ asî sò̌le̤sò̌lò̤ lṳ̂ma̤mo̤ shope̤ lǒkho asǐshi a ta̤sò̌yṳ patǎphû̌mò̤nu toǒ. Bǎ sî ma̤lṳ̂ma̤pwè akhanu, asî hè ǎhtuohtu khǒbǐaǒkû̌ ta sî dě, asî ma̤ sadape lǒkho ta̤sǔ htě kò wi̤janu toǒ, a dè lòho sî hî̌nu amo̤shope̤ asî. Hǐnudě a ma̤mi̤pi̤sidǒ sî mi̤ toǒ, htohǒtò̤ a ma̤sòwò̤bò sî.

Petru ginǐ̤bǎ tabǎ 2:3

Sara sûlûlòho ana̤ htǒotoǒnu, dě a ta̤kè̌lǎ ǎtû̌ aya ta a dǒkènè lòhojò bǎ sî ta̤dǒnè htě kò sî̌jòdǒkènènu toǒ akhû̌akhî, a kè̌lǎ ma̤ǎshǎ dě sîkhû̌ pě. Pwa̤ htě a glè cèrò asînu a tîwî̌tòwònǎ yî̤ ana̤ hǒ, htodě a glè ma̤pî̌kè asî ayanu a hǎmoǒ shope̤ tò̤.

Yṳ̌da 1:10

Pwǎ̤ta kòyò htǒotoǒnu a pi̤jishǐcǒ ta̤ htě a sî̌ya phlǔtò̤nu toǒ. Asî sò̌phlǒ sǒsǒ lǒkho ta ta̤phû̌ta̤li̤ akhû̌akhî, a gûma̤kû̌ lǒkho pwǐ asò̌phlǒ noma̤ nû̌ûnu pwǎ. Dě asî ma̤hǐnu akhû̌akhî, a ma̤pî̌ma̤lṳ̂kè lǒkho ana̤ hǒ.

Yṳ̌da 1:16

Kòyò htǒotoǒ numî̌ kòyò htě a tṳ̂mṳ̂ta̤ma̤shû̌ ta a bè̌ tû̌ ta̤sǔ dě kòhǔwa̤ alo̤ pṳ̂̌꤮ taplǎ. Asî gûma̤ kû̌ta ana̤klû a ta̤sò̌yṳsò̌bǎ phû̌mò̤shî̌htonu toǒ akò pwǎ. Asî hî̌bǎ htû̌sò̌kò̌koǐ lǒkho ana̤, htohǒtò̤ ma̤pûhǐ asî nî̤bǎ ta̤ htě a sò̌yṳnu toǒ dě, a hî̌bǎ htû̌sò̌ǐ lǒkho kòyò.

Yṳ̌da 1:4

Ma̤tè̤hî̌dě, kòyò htě a bè̌dubè̌na̤ Cǒmara tò̤ toǒnu, a hènṳhǔ dě sîkla hǒ. Ma̤pûhǐ asî hî̌bǎ lû̌htò̌nṳ ana̤ ta a ta̤ǒhtûpwa̤ aphû̌mò̤ toǒ ayanudě, a htû̌lè̌ tèplè̌ pî̌kè pa Běcǎ Cǒmara abwǐasîrî toǒ awi̤akè̌. Htohǒtò̤ asî htǒotoǒnu a yṳǎ kû̌ pa hǐkǒdû̌ Běcǎ Ye̤shǔkhrî̌stu htǒonu tò̤. Pwǐ lî̤cahtǐ hî̌nǎ ta̤cèrò toǒnu asî nî̤bǎbò pě.

Ta̤dǔlè̌nǎ 18:7

Pwî̌꤮ a htû̌sò̌ǐlò̤ tû̌ ana̤ dě a ma̤mo̤lò̤ tû̌ ana̤nu, nokhòbǎ geshǔlè̌ mò̌ atali̤ ta ta̤jîta̤jû ta ta̤nî̤bǎta̤sǎpla̤ htǒonu. A hî̌lò̤ ana̤ ta, ‘He hǎnòò̌ pwǐ Khwǐmo̤ tapwa̤, hewṳ̂ ǒ kû̌kò tò̤ akhû̌akhî, he ǒkhwè̌nǒ kû̌kò tò̤, khònò̤htǒo tǒ̤hè pěmî̌, he hǎkû̌nǒ kò tò̤.’

Ta̤dǔlè̌nǎ 19:20

Kò pṳ̂nṳkè ta̤mi̤ta̤mò̤nu tado dě kò pṳ̂nṳ kû̌dǒpo̤ pwa̤po̤ lòho htě a ma̤lṳ bǎ kò ta̤cǒklî̌kî̌ya dě ta̤mi̤ta̤mò̤nu tado alo̤mo̤nu tapwa̤. Dě a ma̤ cǒklî̌kî̌ya bǎ kò akhû̌akhî, a lǒplò̤bò kòyò htě a nî̤bǎ ta̤mi̤ta̤mò̤nu tado a ta̤ma̤dòǐ dě a saba nû̌ûnu toǒ. Ta̤mi̤ta̤mò̤nu tado ta pwa̤po̤ htě a lǒplò̤ kònu tapwa̤ sò̌gini̤bò kò wîlòte̤ samṳkè asî dě mî̌ htě kò shû̌gè nû̌ûta ya̤sû̌bònu toǒ akû.

Ta̤dǔlè̌nǎ 21:8

Pwǎ̤ta kòyò htě a ǐshajò toǒ, kòyò htě acǒatè̤ ta a ta̤yṳta̤nǎ tò̤ toǒ, kòyò htě asò̌phlǒ phû̌mò̤ toǒ, kòyò htě a ma̤si kòyò toǒ, kòyò htě a cû̌sǔnṳ mamǔmakhû toǒ, kòyò htě a htû khînǎkhîno sara ǎkòyòyo̤ toǒ, kòyò htě a saba pwa̤yo̤ toǒ, dě kòyò htě a lòho kò toǒnu agûla̤gûbò̌ mî̌ htě ta̤si ginǐ̤plǎtaplǎ dě kò shû̌gè yǎ ta ya̤sû̌bò htǒotoǒnu hǒ.”

Ta̤dǔlè̌nǎ 22:15

Kòyò lò̤ta akho tò̤ alò̤ta Chyǐ toǒ, khînǎkhîno sara toǒ, kòyò cû̌sǔnṳ mamǔmakhû toǒ, kòyò ma̤si kòyò toǒ, kòyò saba pwa̤yo̤pwa̤gî toǒ, kòyò lǒ̤꤮ bò htě a mo̤ǐ ta̤lòhǎlòho dě a ǒhtûpwa̤ gûma̤kû̌ hǐnu pṳ̂̌꤮ taplǎ toǒnu, a ǒ lǒkho wî̤khlo pě.