Phǐlǐpǐ 3:18 - Kawyaw RC

¹⁸ Dě awǐkhanu mî̌, he pwe̤ǐ sala̤ bǎ sî hǒ. Khònò̤htǒo he hî̌po̤ gesǒ bǎ sî ta mi̤sǎshi. Kòyò htě a bè̌ lǒkho a sò̌phlǒsǔshi ta a sò̌khěkhû̌khwè Khrî̌stu ata̤si amûasǎ dě nò̌dòhtǔlo̤ toǒnu a ǒplṳ̂.

Kawyaw New Testament

¹⁸ Dǒ awǐkhanu mî̌, he pwe̤ǐ sayèyè̤̌ bǎ sî hǒ. Khònò̤̌ he hî̌ bǎ pô̤̌ sô̌ sî kû̌ mǐ̤sǎshi. Kòyò dǒ a bè̌ lô̌khô a sǎphlǒsǔshi kû̌ a sǎkhě Khrǐ ata̤si yô̤̌mûyô̤̌sǎ dǒ nò̌dò̌htǔlô̤ tokhlǒnu a ô̌ dû̌wî̤.

Phǐlǐpǐ 3:18 Iomraidhean Croise

Htû̌sò̌htò̌ 119:136

Kò gana̤de nata̤sû̌ta̤tòwò tò̤ akhû̌akhî, he hǎ mi̤sǎshilò̤ lò̤kèta shilo̤mo̤ dû̌hè.

Lǔka 19:41

Bǎ a hèphǔ ta Ye̤rǔshèlèwî̤ dě a kè̌shǐ wî̤htǒo akhanu, a mi̤sǎshilò̤.

Pwa̤nophû̌ 20:19

Bǎ he kè̌shǐbǎ ta ta̤pò̤ta̤sha dě Yṳ̌daphû̌ toǒ shokhû̌ye̤yo̤ ma̤phû̌mò̤shî̌hto he akha hǐnudě he ma̤ta̤ ta Cǒmara aya akhû̌akhî, he bǎ mi̤sǎshilò̤. Htohǒtò̤ he bǎ shò̌lò̤ mè̤mè̤̌ he sò̌phlǒ.

Rṳ̂̌me̤ 9:2

He sǎpla̤sǎyṳ jòjî̌꤮ tò̤. Asha he sò̌phlǒ htǒo, a hǎmǎpè̤pe tò̤ hǒ.

Kôritu awǐlǒ tôbǎ 1:18

Kòyò toǒǒ yṳǎ ta̤ tò̤ akhû̌akhî, Cǒmara cèrò asî pě. Kòyò hǐnu toǒnu, a gènè̤ lǒkho ta Khrî̌stu si nò̌dòhtǔlo̤ awi̤akè̌ htǒonumî̌ a ǒlû̌ǒkhlo pwǎ. Pwǎ̤ta pa nî̤bǎ ta̤ma̤lû̌htò̌ge htǒotoǒ ayanu, ta̤wi̤ta̤kè̌ htǒo a mî̌ Cǒmara a ta̤po̤ta̤phǎ shû̌sho ta paya hǒ.

Kôritu awǐlǒ tôbǎ 6:9

Kòyòkhu kòyòhî, kòyò phû̌mò̤shî̌hto toǒnu a htû kû̌kò Cǒmara a shiphû̌gaphû̌ dě ashiagakû tò̤ numî̌ sî sî̌ya tò̤ ya? Ma̤pûhǐ sî ma̤sǔ lǒkho pû tò̤nu, gènè̤ te̤mǎ lǒkho he hî̌ sî htǒonu. Kòyò htě a gûma̤ ta̤sò̌yṳ putupatǎ toǒ, kòyò htě a saba pwa̤yo̤ toǒ, kòyò htě a cû̌sǔnṳ kòphû̌kòma toǒ, makhû ta makhû cû̌sǔnṳ kè̌khînû̌ûnu toǒ,

Kôritu ginǐ̤bǎ tôbǎ 11:13

Asînu toǒ mî̌ pwa̤nophû̌ a mè̤mè̤̌ mè̤tò̤. Asî mî̌ pwa̤nophû̌ htě a lòho toǒ pwǎ. Asî cû̌ hî̌lòho kò ta ata̤ma̤ toǒ dě a jîma̤ lǒkho ana̤ pwǐ Khrî̌stu a pwa̤nophû̌ mè̤mè̤̌ toǒnu pwǎ.

Kôritu ginǐ̤bǎ tôbǎ 11:29

Kòyò tapwa̤pwa̤ dè khû̌ǎyû̌lò̤ hî̌dě he gènè̤ gwèbǎǐ yǎ. Kòyò tapwa̤pwa̤ dè ma̤ta̤sǔ khanu he sò̌phlǒdû̌ mè̤mè̤̌ kòyò htě a lǒcû̌ nû̌û dě ta̤sǔ akûnu tapwa̤.

Kôritu ginǐ̤bǎ tôbǎ 2:4

Bǎ he khwè̌cû̌ sî lî̤ htǒo tabǎ akhanu, he sò̌phlǒmo̤ dî̌kî̌꤮ tò̤, aguagè na̤cè̌ he. Htohǒtò̤ he mi̤sǎshilò̤ betî̌pî̌꤮ kèpwǎ. Pwǎ̤tadě he sò̌yṳ ma̤sǎpla̤ sî hǐnu mè̤tò̤, he sò̌yṳ nosî̌ya sî ta he mo̤ǐ sî pwî̌꤮ tènu pwǎ.

Galatǐ 1:7

Dè hî̌mè̤mè̤̌ mî̌ ta̤sò̌le̤sò̌lò̤ awi̤akè̌ ahǔwa̤nu a ǒpe dǐcǎ꤮ tò̤, pwǎ̤tadě kòyò htě a ma̤dǐdò sî sò̌phlǒ dě a sò̌yṳ bû̌tèplè̌ khǒkè Khrî̌stu a ta̤sò̌le̤sò̌lò̤ awi̤akè̌nu aǒ toǒ.

Galatǐ 2:14

Bǎ he kè̌shǐ ta asî cû̌tope ta ta̤sò̌le̤sò̌lò̤ awi̤akè̌ a ta̤te̤ta̤mǎ aklè̌aklò tò̤ akhanu, he hî̌ Petru dě asî lo̤mo̤, “Na mî̌ Yṳ̌daphû̌ tapwa̤ pwǎ̤ta na ǒhtûpwa̤ pwǐ Yṳ̌daphû̌ mè̤tò̤ tapwa̤ numî̌ anî̤ hǒ. Pwǐ Yṳ̌daphû̌ tapwa̤ ala̤klo ma̤nu, na to lṳ̂kû̌ ma̤kû̌pe tò̤, ma̤tè̤hî̌dě khònò̤htǒo na yṳǎhto Khrî̌stu hǒ. Ma̤hǐnudě khònò̤htǒo na cû̌ noshû̌ Yṳ̌daphû̌ mè̤tò̤ dě a yṳǎ Khrî̌stu toǒ ta a glè gûma̤kû̌ pwǐ Yṳ̌daphû̌ ala̤klo numî̌ anî̤ ya?”

Galatǐ 2:21

He wîkè Cǒmara abwǐasîrî tò̤, ma̤tè̤hî̌dě kòyò tapwa̤pwa̤ dè htûhtò̌bò̌jò kòyòcǒkòyòtè̤ ta lṳ̂ma̤kû̌ ta̤sû̌ta̤tòwò akhû̌akhî pwǎ dèhî̌dě, Khrî̌stu khòsi asò̌ htǒonumî̌ a nòdû̌bò hǒ.”

Galatǐ 5:21

Ma̤ǎ kòkhû̌, ta̤ǎmṳopǒ, ma̤pwè dě a lòkhǔlòlo ta ta̤ma̤ ahǔwa̤ htě asǒsǒta htǒotoǒ. Pwǐ he ǐsè̌rè̌hto sî dě awǐkhanu hǒ, he ǐsè̌rè̌po̤sǒ sî khònò̤htǒo. Kòyò htě a ǒhtûpwa̤ hǐnu toǒnu, a nî̤bǎ kû̌kò Cǒmara shila̤gakû a ta̤howi̤homò̤ tò̤.

Galatǐ 6:12

Kòyò htě a noshû̌ sî ta bǎ dǔtṳphěnu toǒmî̌ a sò̌yṳ nohtû̌sò̌ǐpwǎ kò ta ana̤. Ma̤tè̤hî̌dě kòyònu toǒmî̌ a dè dǒhtû̌ǐ pwǎpǒ̤ Khrî̌stu ata̤si dě nò̌dòhtǔlo̤ pwǎ dèhî̌dě a ǐsha ta kò ma̤jîma̤jû yǎnu.

Galatǐ 6:14

He dè hî̌bǎhtò̌yî̤tû̌ pwǐ asînu dèhî̌dě, he hî̌bǎhtò̌yî̤pwǎ ta he dǒhtû̌ǐ pa Běcǎ Ye̤shǔkhrî̌stu a nò̌dòhtǔ awi̤akè̌ htǒonu pwǎ. Ye̤shǔ si dě nò̌dòhtǔlo̤ akhû̌akhî, ta̤pṳ̂̌꤮ tacǎ htě a tǒhtu ta hǎkhû̌ htǒotoǒnu, a sikèbò heya. Hǐnuakho, he dě he sikèbò bǎ ta̤htě a tǒhtu ta hǎkhû̌ htǒotoǒ hǒhǒ.

Ěphěsu 4:17

Hǐnudě, Khrî̌stu ami̤akû he bǎ hî̌shû̌shû̌ nò sî ta ǒhtûpwa̤ lǒkho pûma̤ pwǐ kòyò htě a sî̌ya Cǒmara tò̤nu toǒ ǒhtûpwa̤nu ma̤. Asî ata̤gènè̤ toǒ numî̌ abwǐasîrî ǒ dǐcǎ꤮ tò̤.

Phǐlǐpǐ 1:4

He kwisabadǒ bǎ sîya bò̌khòtè꤮ bǎbǎnu, he sò̌le̤sò̌lò̤ pṳ̂̌꤮ taplǎ.

Tîsalònǐ awǐlǒ tôbǎ 4:6

Sî tobǎ ma̤sǔ sî pṳwè̤ Khrî̌stuphû̌ toǒ ta ta̤ hǐnu toǒ dǐpwǎ̤꤮ tò̤. Sî tobǎ lǒǎ tikhlǐkhû̌tikhlǐkò sî pṳwè̤ Khrî̌stuphû̌ toǒ akhû̌ dǐpwǎ̤꤮ tò̤. Kòyò htě a ma̤hǐnu toǒnu, Běcǎ cèrò asî pě. Pwǐhè̌o toǒnu pa dǒhtû̌ǐlṳhtobò bǎ sî, pa ǐsè̌rè̌htobò sî hǒ.

Tîsalònǐ ginǐ̤bǎ tôbǎ 3:11

Pa cû̌hî̌tǒ̤ pwǐhè̌o ma̤tè̤hî̌numî̌, pa gana̤de ta dě sîklanu kòyò cè̌klè dě aǎawè̤ kû̌kò dǐcǎ꤮ tò̤nu aǒ toǒ. Dě a cû̌nṳ ma̤shû̌shǎbò kòhǔwa̤ a ta̤wi̤ta̤kè̌nu aǒ toǒ, pa gana̤de hǐnu.

Petru ginǐ̤bǎ tabǎ 2:10

Kòyò lǒ̤꤮ bò htě a gûma̤kû̌ pwǐ asî sò̌phlǒ a ta̤sò̌yṳ patǎ phû̌mò̤ akhû̌akhî, a ma̤ tukutakǎshǔ Cǒmara a sîrîshû̌sho toǒnu, Cǒmara cèrò jîkhlo asî pě. Kòyò hǐnu toǒ mî̌ kòyò khu, kòyò bè̌htò̌yî̤ ana̤ toǒ. Mǒkhû̌phû̌ htě kò bè̌dû̌bè̌htû nû̌û toǒnu, asî pi̤jishǐcǒ lǒkho, a ǐsha kû̌kò dî̌kî̌꤮ tò̤.

Yṳ̌da 1:13

Asî toǒnu, alò̤ta shipěpǒshû̌ dě shidû̌shite̤we̤ akûnu toǒ pwǎ. Htohǒtò̤ asî ta̤ma̤ htě a htûhtò̌ ta̤sòwò̤ toǒnu a ǒlṳhtò̌ sǒsǒta shibǒbè̌nu pě. A sî mî̌ kòyò htě asûto kò klè̌ tò̤ alò̤ta shǎ htě acû̌htocû̌lò̤ aǒto agûla̤ tò̤nu toǒ. Cǒmara ma̤wǒnǎ bǎ asî gûla̤ dě ta̤khǐsuwukhlo kòyò tò̤glò dě a dǒnṳ asî bǎnu tûjûpwa̤ talakhǎ pě.