Phǐlǐpǐ 3:17 - Kawyaw RC

¹⁷ He pṳwè̤ sî, kè̌mò̌mṳ lǒkho hehtǒo, gû kè̌nǎǐkû̌ kòyò htě a gû ǒhtûpwa̤ pwǐ pa ǒhtûpwa̤ lṳkè bǎ sî toǒnu.

Kawyaw New Testament

¹⁷ He pṳ̌wè̤̌ sî, kè̌lû̌mò̌mṳ lô̌khô he, gû̌ kè̌lû̌mò̌bu kòyò dǒ a gû̌ ô̌htûpwa̤ pô̤̌ pa ô̌htûpwa̤ lṳ̌bǎ sînu tokhlǒnu.

Phǐlǐpǐ 3:17 Iomraidhean Croise

Htû̌sò̌htò̌ 37:37

Gènè̤kè̌ lǒkho kòyò htě ta̤sǔ ǒtò̤ ta kòyòcǒkòyòtè̤nu. Asî mî̌ asò̌phlǒwǒ, a sò̌dohobî̌ dě alo̤mo̤ tokho pěnu a ǒmo̤ǒkwǐ pě.

Rṳ̂̌me̤ 16:17

Pṳwè̤ sî, he sò̌le̤tûsûbǎ sîkò ta, ǒsè̌rè̌ lǒkho sîna̤ ta kòyò htě a hènṳma̤ htò̌pò̌htò̌shî ta̤nu toǒ nî̌꤮. Asî ta̤sû̌ta̤tòwò toǒnu a htû̌sǒbǎ cû̌ tephekè kòyò dě sîkla toǒǒ ta Khrî̌stu pě. Asî ta̤sû̌ǐ toǒnu a nûkhǒtû̌ ta Khrî̌stu awi̤akè̌ htě kò sû̌ǐhto sînu toǒ. Ǒtephekè ta asî nî̌꤮.

Kôritu awǐlǒ tôbǎ 10:32

Yṳ̌daphû̌ toǒ aya bǎbǎ, Yṳ̌daphû̌ mè̤tò̤ toǒ aya bǎbǎ, Cǒmara a pwa̤yṳǎta̤ aprṳ̂aho toǒ bǎbǎ, sî ma̤ ta̤ titètè̌꤮ nu nohtûhtò̌ pûma̤ ta̤lòkhǔlòpo̤ ta asî aya ma̤.

Kôritu awǐlǒ tôbǎ 11:1

Hǐnudě, kè̌mò̌mṳ lǒkho he pwǐ he kè̌mò̌mṳ Khrî̌stunu.

Kôritu awǐlǒ tôbǎ 4:16

Hǐnudě he kwigwèbǎǐ sî ta sî gû kè̌mò̌mṳ he ta̤ǒhtûpwa̤ htǒo.

Phǐlǐpǐ 4:9

Sî sû̌ǐphî̌nṳhtobò dě sî kè̌shǐ gana̤dehto he ta̤hî̌bǎhî̌sho toǒ ta he ta̤phî̌ta̤ma̤ dě he ǒ toǒnu, ǒhtûpwa̤ gûma̤kû̌ lǒkho hǐnu dě ta̤gûjûkabǎ a Cǒmara ǒkû̌ tû̌ta sî pě.

Tîsalònǐ awǐlǒ tôbǎ 1:6

Sî kè̌mò̌mṳ pa ta Běcǎ dě kò ma̤jîma̤jû mè̤mè̤̌ sî, pò̤̌ta sî sò̌le̤sò̌lò̤ phî̌shǔpe ta̤sò̌le̤sò̌lò̤ awi̤akè̌. Bǎ sî phî̌shǔ ta̤sò̌le̤sò̌lò̤ awi̤akè̌ akhanu, Běcǎ sǎcahtǐ ma̤ sò̌le̤sò̌lò̤ bǎ sî hǒ.

Tîsalònǐ ginǐ̤bǎ tôbǎ 3:14

Kòyò tapwa̤pwa̤ dè jûle̤phî̌yo̤ kû̌kò lî̤ htě pa sûbǎ sî htǒotabǎ a ta̤sû̌ǐtòwòǐ tò̤ hî̌numî̌ kè̌nǎǐ yǎ nî̌꤮. Ma̤pûhǐ a sòwò̤lò̤tû̌ ana̤ pěnu dě, bǒsû̌ pûma̤ lǒkho yǎ ma̤ nî̌꤮.

Tîsalònǐ ginǐ̤bǎ tôbǎ 3:7

Sî sana̤ sî to gûkè̌mò̌mṳ ma̤kû̌ pa hî̌tènu sî sî̌ya te̤mǎhtotû̌ hǒ. Ma̤tè̤hî̌dě bǎ pa ǒplǒ ta sî akhanu, pa cè̌klèlèbǒ nǒtò̤.

Tîsalònǐ ginǐ̤bǎ tôbǎ 3:9

Pa dè kwima̤jè sî ta pa la̤ǎla̤o ta la̤ǒdo hî̌numî̌ a gwa pwǎ. Pwǎ̤tadě ma̤pûhǐ pa htûhtò̌ sî la̤kè̌mò̌mṳ dě sî gûma̤kû̌ pwǐ pa ma̤htǒo ayanu, pa bǎ goǎgowè̤ mè̤mè̤̌.

Tîmôte awǐlǒ tôbǎ 4:12

Na mî̌ kòyò nějape akhû̌akhî, nogènè̤ pî̌tî̌ pûma̤ kò ta nana̤ ma̤ nî̌꤮. Mî̌tanu, na ta̤hî̌bǎhî̌sho toǒ bǎbǎ, na ma̤ta̤ titètè̌ bǎbǎ, na ta̤mo̤ǐ bǎbǎ, na ta̤yṳta̤nǎ bǎbǎ, na sò̌phlǒ a ta̤mṳ̂plî toǒ bǎbǎ, htûhtò̌ bǎ kò la̤kè̌mò̌mṳ htě awǒ ta kòyò yṳǎta̤ toǒ aya nî̌꤮.

Hebrǔ 13:7

Gènè̤htò̌nṳ dǒ lǒkho kòyò htě a htûhto sî hǐkǒdû̌ dě a dǒhtû̌ǐhto bǎ sî ta Cǒmara ale̤ayo̤nu toǒ nî̌꤮. Gènè̤kè̌ lǒkho asî ta̤ǒhtûpwa̤ htě awǒnu toǒ, dě gûkè̌mò̌mṳ dǒ lǒkho asî ta̤yṳ htǒonu toǒ nî̌꤮.

Petru awǐlǒ tabǎ 5:3

Pwa̤yṳǎta̤ aprṳ̂ahophû̌ htě Cǒmara nokè̌ǐkhwè̌ǐ sî htǒotoǒnu, noǎ sî ta̤sîrîshû̌sho dě pǒǐshû̌pǒǐsho pûma̤ asî ma̤ nî̌꤮. Mî̌tanu, htûtû̌ bǎ sophû̌nu tṳmṳ ala̤kè̌mò̌mṳ sî nî̌꤮.