Phǐlǐpǐ 3:16 - Kawyaw RC

¹⁶ Hî̌tètè̌ bǎbǎ, pa cû̌ plǒnû̌û dě alo̤mo̤ pwǐ pa sî̌yahtonu toǒ hò̌꤮.

Kawyaw New Testament

¹⁶ Pwî̌tètè̌ bǎbǎ, pa gǔ cû̌ wô̤̌wô̤̌ lû̌ dǒ alô̤mô̤̌ pô̤̌ pa sî̌ganǎ̤ hto nutokhlǒ tǎ.

Phǐlǐpǐ 3:16 Iomraidhean Croise

Rṳ̂̌me̤ 12:16

Ǒhtûpwa̤ plǒbò nû̌û ta sò̌phlǒ tamǎ꤮ pa akû nî̌꤮. Phî̌htò̌yî̤ lǒkho pûma̤ sî sò̌phlǒ ma̤ nî̌꤮. Mî̌tanu, bǒsû̌khǎkho lǒkho ta kòyò shuphǔshèwèphû̌nu toǒ nî̌꤮. Gènè̤dû̌ pûma̤ nana̤ ma̤ nî̌꤮.

Rṳ̂̌me̤ 15:5

He kwisaba ta Cǒmara htě a ǐ sî ta̤khòsò̌do htǒo ta ta̤khû̌ta̤ǎ htǒotapwa̤nu, a glè ma̤jè tû̌ sî ma̤pûhǐ sî tapwa̤ ta tapwa̤ ǒnî̤dû nû̌û ta sò̌phlǒ tamǎpa pwǐ sî kè̌mò̌mṳ Ye̤shǔkhrî̌stu a ta̤ǒhtûpwa̤nu toǒ nî̌꤮.

Galatǐ 5:7

Sî khlè̌ wǒdǎhtohǒ pwǎ̤ta mî̌ûpè tapwa̤ noǒkǔ sî dě sî glè gana̤de ma̤ ta̤te̤ta̤mǎ ma̤ htǒonu pè?

Galatǐ 6:16

Cǒmara a ta̤pè̤ta̤dû ta a ta̤sò̌yṳgwèbǎǐ ǒkû̌ tû̌ta kòyò htě a jûle̤phî̌yo̤ ta̤mǎlò̤ htǒonu toǒ alo̤ ta Cǒmara akòyò mè̤mè̤̌ tû̌nu toǒ alo̤ nî̌꤮.

Phǐlǐpǐ 1:27

A htûhtò̌ hî̌tè bǎbǎ, sî to ǒhtûpwa̤ lǒkho pwǐ Khrî̌stu a ta̤sò̌le̤sò̌lò̤ awi̤akè̌ pwe̤ǐ bǎ sînu nî̌꤮. Sî dè ma̤hǐnu hî̌dě he hèkè̌shǐ sî bǎbǎ, he ǒtepheyî̤ ta sî dě he gana̤de pwǎ sîwi̤sîkè̌ bǎbǎ, he glè sî̌ya tû̌ta sî sò̌phlǒ tǒhtu nû̌û dě sî ihtǒshěshǔ tònòplǒ nû̌û ta ta̤sò̌le̤sò̌lò̤ awi̤akè̌ a ta̤yṳta̤nǎ aya. Htohǒtò̤ sî ǐshape kòyò htě a sò̌khěkhû̌khwè sînu toǒ ala̤ tò̤ hǒ. Sî dè ma̤hǐnu hî̌dě sî khòlṳ bǎ asî ta Cǒmara ma̤pî̌kè asî pě, dě Cǒmara ma̤lû̌htò̌gelè̌tû̌ sî ta ana̤ pě.

Phǐlǐpǐ 2:2

Htodě, ǒ lǒkho ta ta̤gènè̤ tacǎ꤮ pa, ta̤mo̤ǐ nû̌û tacǎ꤮ pa, sò̌phlǒ tamapa ta ta̤yè̤lò̤nǎ tacǎ꤮ pa nî̌꤮. Sî dè ma̤mò̌hǐnumî̌ sî ma̤lǒma̤be bǎ he ta̤sò̌le̤sò̌lò̤ hǒ.

Phǐlǐpǐ 4:2

Yuǒdia ta Sutakhě sî꤮, sî pṳtawè̤ nû̌û dě Khrî̌stu akû akhû̌akhî, he kwigwèbǎǐ sî ta sî glè sò̌phlǒto kè̌khînû̌û tapwa̤ ta tapwa̤.

Kòlòtè̌ 2:6

Sî yṳǎhto Ye̤shǔkhrî̌stu pwǐ sî Běcǎ tapwa̤nu, ǒhtûpwa̤ sělě lǒkho pwǐ Běcǎ sò̌yṳ noǒhtûpwa̤ sînu.

Kòlòtè̌ 4:2

Kwisaba sapwa̤ lǒkho Cǒmara dě gènè̤ kwisabahtò̌ yǎ nî̌꤮. Ǒsòklò lǒkho, dě ǒ lǒkho ta ta̤hî̌bwǐhî̌sîrîhtò̌ a nî̌꤮.

Ta̤dǔlè̌nǎ 3:3

Ma̤hǐnudě gènè̤htò̌bǎ ge ta̤htě kò sû̌ǐhto nanu toǒ ta ta̤htě na gana̤dehto toǒnu. Jûle̤phî̌yo̤ ta̤htǒotoǒ dě shò̌lò̤ge nasò̌nu. Na dè hǎmoǒsadape kǎlè̌ he hè dě naǒ pwǐ pwa̤ǎhǔ tapwa̤nu pě. He hè bò̌khòtè pěnu na sî̌yatò̤.