Phǐlǐpǐ 3:15 - Kawyaw RC

¹⁵ Bò꤮ pa htě a dû̌htò̌sî̌ya lǒkho sû̌sò̌ tokho htǒotoǒnu, pa to bè̌ sǒsǒ pa sò̌phlǒsǔshi pwǐ he hî̌bǎ sî htǒonu. Pwǎ̤ta sîkla toǒǒnu, a dè bè̌ kî̌yatû̌ a sò̌phlǒsǔshi dèhî̌dě, Cǒmara ǐ sî̌yaphlowǒtû̌ sî ta̤gènè̤ htě atonu toǒ pě.

Kawyaw New Testament

¹⁵ Lǒ̤꤮ bò pa dǒ a dû̌htò̌dû̌to̤yobǎ lô̌khô dǒsû̌dǒsò̌ tôkhô tokhlǒnu, pa tô bè̌ sô̌sô̌ lû̌ pa sǎphlǒ pô̤̌ he hǎbǎ sînu. Bǎbǎkǎlè dǒ sîkla tokhlǒkhlǒnu, a kè̌ bè̌ khô̌ a sǎphlǒsǔshi kè̌hî̌dě, Cǒmara gǔ ǐ sî̌yaphlôwô̌ tû̌ sî ta̤gènè̤ dǒ atô nutokhlǒ pě.

Phǐlǐpǐ 3:15 Iomraidhean Croise

Matěo 5:48

Ma̤hǐnudě, pwǐ sîpha dě mǒkhû̌ htǒotapwa̤ a lǒbewǒnu, lǒbewǒ sǒsǒta anu nî̌.”

Lǔka 11:13

Sî mî̌ kòyò htě aphû̌mò̤ toǒ hǐnudě sî sî̌ya ǐǎ sîphû̌sîli̤ toǒ ta ta̤htě awǒ toǒ dèhî̌dě, gènè̤kè̌mò̌ lǒkho sîpha dě mǒkhû̌ htǒotapwa̤nu, a ǐ te̤mǎ mè̤mè̤̌ kòyò htě a kwihtò̌ nû̌û Běcǎ sǎcahtǐ htǒonu pě.”

Jowǎ̤ni̤ 6:45

Pwa̤po̤ toǒ khwè̌nǎ ta, ‘Cǒmara sû̌ǐtòwòǐbò asî pě.’ Bò kòyò htě a gana̤de pha a ta̤sû̌ǐtòwòǐ dě a hè sû̌ǐtòwòǐ ta̤dě aǒ toǒnu, a hè heǒ pě.

Jowǎ̤ni̤ 7:17

Kòyò tapwa̤pwa̤ dè sò̌yṳ lṳ̂ma̤to Cǒmara asò̌phlǒ hî̌nu, ta̤sû̌ǐtòwòǐ htǒotoǒ numî̌ a ǒ dě Cǒmara a ǒhè ya? Mè̤tò̤mî̌ he hî̌bǎ tû̌ ta he ta̤sîrîshû̌sho ya, hǐnu sî̌ya lòtṳ̌pwǎ.

Rṳ̂̌me̤ 15:1

Pa ǒsho ta ta̤yṳta̤nǎ htǒotoǒnu, pa to khòsò̌do ma̤jèdǒ bǎ kòyò htě a ta̤yṳta̤nǎ pî̌tî̌pe dě asò̌phlǒ wò̌wè̌pe tû̌ayanu toǒ. Pa to lṳ̂ma̤mo̤lò̤ tû̌ pana̤ tò̤.

Kôritu awǐlǒ tôbǎ 14:20

He sû̌kho sî, gènè̤ lǒkho pûma̤ pwǐ phijaû̌phû̌ toǒ gènè̤nu ma̤. Pò̤̌ta abǎkhwè̌ ta ta̤phû̌mò̤shî̌hto tukǔnu, htûhtò̌ sǒsǒkû̌ta phijaû̌ ǒsa dě asî̌ya kû̌kò ta̤phû̌mò̤shî̌hto tò̤nu toǒ nî̌. Pwǎ̤tadě ta̤ htě he khwè̌ bǎ sî htǒotoǒnu, gènè̤ lǒkho pwǐ kòyòdû̌pwa̤ tapwa̤ a ta̤gènè̤nu.

Kôritu awǐlǒ tôbǎ 2:6

Kòyò htě a ta̤yṳsho toǒnu, he sû̌ǐ asî ta ta̤sî̌ta̤jò awi̤akè̌ toǒ. Ta̤sî̌ta̤jò htǒotoǒnu, a hè dě kòyòhǎkhû̌phû̌ a ǒ mè̤tò̤. A hè dě kòyòhǎkhû̌phû̌ htě a ǒ ta a ta̤shû̌ta̤shonu toǒ a ǒ mè̤tò̤tò̤. Ma̤tè̤hî̌dě ta̤htǒotoǒnu a pî̌kèbò pě.

Galatǐ 5:10

Pwǎ̤ta pa htûhtò̌ kû̌ta Běcǎ tacǎnǔ꤮ pa akhû̌akhî, he yṳǎ ta sî ta̤kè̌shǐ htǒonumî̌ a nûcû̌khǒ ta he tò̤. Ûpè bǎbǎ a ma̤dǐdò sî tapwa̤pwa̤nu, Cǒmara cèròtû̌ yǎ pě.

Ěphěsu 1:17

He kwisaba sadape pa Běcǎ Ye̤shǔkhrî̌stu a Cǒmara, mî̌pwǎ papha htě asîrîdû̌sîrîhtû apo̤aphǎ htǒotapwa̤ ǒ. Ma̤pûhǐ sî sî̌yahè te̤mǎ wǒkhlopo̤ Cǒmara ayanu, he kwisaba ta Běcǎ sǎcahtǐ glè ǐ sî ta̤sî̌ta̤jò, dě a dǔlṳ bǎ sî ta Cǒmara pě.

Kòlòtè̌ 1:28

Ma̤pûhǐ pa sûnṳ kòyò pṳ̂̌꤮ tapwa̤ dě Cǒmara lo̤mo̤ pwǐ kòyò htě a htûhtò̌ Khrî̌stu ta̤tacǎ꤮ pa dě a dû̌pwa̤ te̤mǎ sû̌sò̌ tokho toǒ ayanu, pa dǒhtû̌ǐ bǎ kò pṳ̂̌꤮ tapwa̤ ta Khrî̌stu awi̤akè̌ hǒ. Htohǒtò̤ pa ǐsè̌rè̌ kò pṳ̂̌꤮ tapwa̤, dě pa sû̌ǐtòwòǐ kò pṳ̂̌꤮ tapwa̤ ta ta̤sî̌ta̤jò lǒ̤꤮ bò htǒotoǒ hǒ.

Kòlòtè̌ 4:12

Ěpaphra mî̌ sî dokûphû̌ tapwa̤pwa̤. A mî̌ a htû Khrî̌stu ajû tapwa̤. A hî̌mo̤hî̌wǒ hènṳ sî. A sò̌phlosho dě a kwisaba sala̤ bǎ sîya hǒ. Ma̤pûhǐ sî ǒměǒgle dě sî ta̤yṳta̤nǎ akû dě sî dû̌htò̌bò̌ lǒkho sû̌sò̌ tokho, htohǒtò̤ ma̤pûhǐ sî yṳǎ sî̌yahè te̤mǎpo̤ Cǒmara a ta̤sò̌yṳ pṳ̂̌꤮ tacǎ ayanudě, a kwisabadǒ sîya.

Tîsalònǐ awǐlǒ tôbǎ 4:9

Ta̤mo̤ǐ pṳwè̤ htě a yṳǎna̤ǎ ta̤ toǒ awi̤akè̌nu, pa lo̤bǎ khwè̌pe bǎ nǒ sî tò̤. Ma̤tè̤hî̌dě ta̤ htě bǎ mo̤ǐ nû̌û tapwa̤ ta tapwa̤ sî sana̤tû̌nu, Cǒmara sû̌ǐtòwòǐhtotû̌ sî hǒ.

Tîmôte ginǐ̤bǎ tôbǎ 3:17

Ma̤tè̤hî̌dě ma̤pûhǐ Cǒmara akòyò lǒhtò̌behtò̌ dě glè ma̤wǒ ana̤ ta a ma̤ta̤ awǒ꤮ pṳ̂̌ tacǎ ayanudě, a sû̌ǐ bǎ kò hǒ.

Hebrǔ 5:14

Pwǎ̤tadě, shǎǎ ashò̌ numî̌ kòyò dû̌pwa̤ htě a sû̌ǐ sî̌yahè bǎhto ana̤ dě a glè mèpa̤ sî̌yajò ta̤wǒ ta ta̤phû̌mò̤nu toǒ aya pwǎ.

Yṳ̂ha awǐlǒ tôbǎ 2:5

Pwǎ̤tadě ûpè tapwa̤ bǎbǎ, a dè jûle̤phî̌yo̤ nû̌ûyo̤ hî̌nu, ta̤mo̤ǐ Cǒmara lǒhtò̌behtò̌ mè̤mè̤̌ akû hǒ. Dě pa jûle̤phî̌yo̤ ayo̤ akhû̌akhî, pa sî̌ya te̤mǎ ta pa htûhtò̌ ta Cǒmara tacǎnǔ꤮ pa hǒ.