Phǐlǐpǐ 3:14 - Kawyaw RC

¹⁴ Dě Ye̤shǔkhrî̌stu ma̤hto bǎ heya akhû̌akhî, Cǒmara kaǎnṳ he mǒkhû̌ dě he jipwi̤ sělě to̤htû̌ he nî̤bǎ ta̤ma̤khû̌kǎ dě mǒkhû̌ htǒonu pě. He lò̤ta kòyò ta̤khlè̌ tapwa̤ dě a glè nî̤bǎ kû̌kò ta̤ma̤khû̌kǎ ta a khlè̌ sělě to̤htû̌ agutṳnu tapwa̤ hǒ.

Kawyaw New Testament

¹⁴ Dǒ Yeshǔ Khrǐ ma̤ bǎ hto dǒ heya akhû̌akhî, Cǒmara kaǎnṳ̌ he dǒ mǒkhû̌ dě he jî̌pwǐjî̌le hènô tǒ̤dǒ he gǔ nǐ̤bǎ ta̤ma̤nǐ̤khû̌kǎ dǒ mǒkhû̌nu pě. He lò̤kû̌ kòyò bèkhlè̌ tôpwa̤ dǒ a gǔ nǐ̤bǎ kû̌ kòyò ta̤ma̤nǐ̤khû̌kǎ dě a khlè̌ sělě tǒ̤dǒ agutṳ̌ nutôpwa̤ hǒ.

Phǐlǐpǐ 3:14 Iomraidhean Croise

Lǔka 16:16

“Mǒ̤jè ta̤sû̌ta̤tòwò ta pwa̤po̤ a ta̤khwè̌nǎ toǒnu, kò pwe̤ǐ to̤htû̌ yǎbǎ pwa̤ploshi Jowǎ̤ni̤ a htukhanu pwǎ. Děnǒkònu he pwe̤ǐ bǎ kò ta Cǒmara shila̤gakû ta̤sò̌le̤sò̌lò̤ awi̤akè̌ dě kò jipwi̤ nṳsigwibò nû̌û pṳ̂̌꤮ tapwa̤.

Rṳ̂̌me̤ 11:29

Ma̤tè̤hî̌dě Cǒmara ǐlò̤kohto sû htǒonu ta kòyò htě a wû̌lǎ nû̌û htǒotoǒnu, a hî̌bǎ tikhlǐgepe ayo̤ dî̌kî̌꤮ tò̤.

Kôritu awǐlǒ tôbǎ 9:24

Kò ta̤khlè̌ nû̌û tṳ̂prṳ̂taphǎ pwǎ̤tadě akhlè̌pè̤bò kò numî̌ a ǒpwǎ tapwǎ̤pa, dě kò ǐtû̌ a ta̤khlè̌ nî̤khû̌kǎ htǒo tapwǎ̤꤮ pa numî̌ sî sî̌yatû̌ hǒ! Hǐnudě ma̤pûhǐ sî nî̤bǎ kû̌kòyò ta̤khlè̌ nî̤khû̌kǎ ayanu, jipwi̤jili̤khlè̌ phî̌nṳ kû̌kòyò khû̌kǎ dě Cǒmara ǒ htǒonu.

Kôritu ginǐ̤bǎ tôbǎ 4:17

Ma̤tè̤hî̌dě ta̤pò̤ta̤sha htě pa khòbǎ hǎkhû̌bǎotoǒ numî̌ teděsǎphû̌ pwǎ. Pa dè dǒtûkè̌ ta̤wî̤ta̤wǒ htě pa nî̤bǎ yǎ htû̌꤮ nǒkòpě tuhtu pě toǒ numî̌, amè̤ ta dǐcǎ꤮ hǒtò̤. Bǎ hǎkhû̌nu pa khòbǎ ta̤pò̤ta̤sha htǒotoǒ pwǎ̤ta dě mǒkhû̌ pěnu ta̤sîrîdû̌sîrîhtû tûjûpwa̤ htě awî̤awǒkhlo, dě ahtǒkhlo ta ta̤pò̤ta̤sha htě pa khòbǎ hǎkhû̌ bǎonu, pa nî̤bǎ pě.

Phǐlǐpǐ 3:3

Pa mî̌ Cǒmara akòyò mè̤mè̤̌ toǒ, asînu toǒ mî̌ a mè̤mè̤̌ mè̤tò̤, ma̤tè̤hî̌dě Cǒmara a sǎcahtǐ akhû̌akhî, pa subusabahtò̌ Cǒmara dě pa hî̌bǎhtû̌sò̌ǐ ta̤htě Ye̤shǔkhrî̌stu ma̤hto bǎ pa htǒotoǒ hǒ. Ma̤pûhǐ pa nî̤bǎ ta̤ma̤lû̌htò̌ge ayanu, pa to nǎla̤ǐ ta̤htě pa ma̤ htǒotoǒ tò̤.

Kòlòtè̌ 2:18

Kòyò htě a nosho sî ta sî bǎ shò̌lò̤ sî sò̌phlǒ dě a nosabahtò̌ sî ta mǒkhû̌tanaphû̌ toǒ pwǐ asî sabahtò̌ htǒo toǒnu, gûma̤kû̌ pûma̤ asî ma̤ nî̌꤮. Sî dè gûkû̌ asî ata̤sû̌ǐtòwòǐ toǒ hî̌numî̌, ta̤ma̤khû̌kǎ htě Cǒmara olò̤hto sî ta a ǐ sînu toǒ pěnu, sî nî̤bǎpe tò̤. Kòyò hǐnu toǒ mî̌ a hî̌ lǒkho ana̤ ta pa kè̌shǐ ta̤kè̌shǐlṳnǎ dě Cǒmara a ǒ akhû̌akhî, pa nî̤bǎ khǒtû̌ ta̤sî̌khû̌sî̌ya dě Cǒmara a ǒ, a hî̌ lǒkho hǐnu. Asî phî̌htò̌yî̤ mè̤mè̤̌ a ta̤gènè̤ htǒotoǒ ta a ta̤hî̌lǒhî̌khlo htǒotoǒ.

Tîsalònǐ awǐlǒ tôbǎ 2:12

Ma̤tè̤hî̌dě ma̤pûhǐ sî ǒhtûpwa̤tobǎ pwǐ Cǒmara asò̌phlǒnu dě pa ǐkhû̌ǐǎ sî, pa hî̌bǎmo̤hî̌bǎwǒ sî, pa tûsû sîkò pṳ̂̌꤮ tapwa̤. Cǒmara mî̌ pwa̤ htě a kaǎnṳ sî dě ashiagakû ta a sîrîdû̌sîrîhtû akû tapwa̤hǒ.

Tîmôte ginǐ̤bǎ tôbǎ 1:9

Ma̤pûhǐ pa htûhtò̌tû̌ Cǒmara a kòyòcahtǐphû̌ toǒ ayanudě, a ma̤lû̌htò̌ge pa hǒ, dě a kaǎ pa hǒ, pa ma̤hto ta̤phî̌ta̤ma̤nu toǒ akhû̌akhîdě, a kaǎ panu mè̤tò̤. Htǒomî̌ a ta̤yè̤lò̤nǎ ta abwǐasîrîtû̌ pwǎ. Bǎ a bǒlò̤ hǎkhû̌ hǒtò̤nu, a ǐlò̤ pa ta̤bwǐta̤sîrî htǒonu dě Ye̤shǔkhrî̌stu akû htǒonuhǒ.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 6:1

Hǐnudě pa bè̌ǒkèbò pa ta̤sû̌ǐtòwòǐ bǎ kò Khrî̌stu awi̤akè̌ a kòshî̌kòtṳnu toǒ dě pa cû̌ hè kû̌po̤ kò alo̤mo̤ dě sû̌ǐsî̌ya kû̌po̤ kò ta kòyò dû̌pwa̤aya a ta̤sû̌ǐ htǒotoǒ hò̌꤮. Kò sû̌ǐhèhè sû̌ǐgege bǎ pa ta ta̤sû̌ǐtòwòǐ a kòshî̌kòtṳ dě a hî̌, sî bǎ wîkè ta̤ma̤ htě abwǐ ǒtò̤nu toǒ, dě sî bǎ yṳǎ Cǒmara, ta̤sû̌ǐ pwǐhè̌o toǒnu, pa glè sî̌ya hèyî̤pesǒ alo̤mo̤ tò̤, pa cû̌ hè kû̌po̤ kò dě alo̤mo̤ hò̌꤮.

Petru awǐlǒ tabǎ 1:13

Ma̤hǐnudě ma̤wǒnǎ lǒkho sî ta̤gènè̤ toǒ ta sî la̤ma̤ta̤ ayanu. Jîsapwa̤ lǒkho sîna̤ dě bè̌htò̌ lǒkho sî ta̤kè̌shuǐ ta ta̤bwǐta̤sîrî htě Cǒmara ǐ sî htû̌꤮ Ye̤shǔkhrî̌stu hè gesǒ pě htǒo alo̤nu.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Petru ginǐ̤bǎ tabǎ 1:3

Ye̤shǔ a ta̤po̤ta̤phǎ htǒo akhû̌akhî, bǎ pa sî̌yahèto̤khlo nû̌û akhanu, ma̤pûhǐ pa ǒkû̌ ta ta̤htûpwa̤, htodě ma̤pûhǐ pa ma̤kû̌pwǐ ato nû̌ûsò̌phlǒ ayanu, a ǐlò̤bò pa lo̤bǎnu toǒ hǒ. Dě a ta̤po̤ta̤phǎ htě adû̌ayǒ ta ata̤wǒ mè̤mè̤̌ htǒotoǒ akhû̌akhî, a kaǎ pa hǒ.

Ta̤dǔlè̌nǎ 3:21

“He ma̤pè̤hto dě he hǎnòò̌ dǒkû̌ ta hepha dě gògohtahtò̌yî̤ akhû̌ hǒ. Hǐnudě kòyò htě a ma̤pè̤ta̤ toǒnu, he nohǎnòò̌ kû̌dǒ asî ta he dě he gògohtahtò̌yî̤ akhû̌ pě.